ចូលចិត្តទំនើប

ភ្លើងសញ្ញារថយន្ត ២ ដែលអ្នកត្រូវតែខ្វល់

ដោយ: ស. លីង 11 PM, Friday, 17 Feb, 2017

ការបើកបររថយន្ត មិនត្រឹមតែយកចិត្តទុកដាក់នឹងដងផ្លូវនោះទេ អ្នកបើកបរត្រូវចាប់អារម្មណ៍ខ្លាំង នឹងភ្លើងសញ្ញាដែលលោតបង្ហាញ ក្នុងប្រអប់ចង្កូតផងដែរ។ ភ្លើងសញ្ញា ២ ដែលអ្នកត្រូវធ្វើសកម្មភាពភ្លាមៗ ពេលវាបង្ហាញខ្លួន គឺ៖

Two-Warning-Light-Car-02

១. សញ្ញាប្រេងម៉ាស៊ីន

ភ្លើងសញ្ញានេះ លោតបង្ហាញនៅពេលម៉ាស៊ីនរថយន្តអស់ប្រេង ឬប្រេងនៅសល់តិច។ ក្នុងករណីឃើញលេចភ្លើងសញ្ញាមួយ ប្រសិនបើអ្នកកំពុងបើកបរ អ្នកគួរចតរថយន្តទៅម្ខាងនៃថ្នល់ ហើយពិនិត្យ មើលកម្រិតប្រេង។

ការអស់ប្រេងអាចបណ្តាលមកពី៖

  • ការប្រើអស់
  • ធុងប្រេងលិច
  • ប្រេងមានកករ ឬ
  • បញ្ហារបស់ផ្នែកបញ្ជូនប្រេង។

ប្រសិនបើម៉ាស៊ីនរថយន្តអ្នកឮសូរតឹកៗ ក្រោកក្រាក ឬកញ្ឆក់ពេលអ្នកបើកបរ នេះបណ្តាលមកពីប្រេង ក្នុងម៉ាស៊ីនមិនគ្រប់គ្រាន់។ អ្នកគួរបន្ថែមប្រេងទើបជាការល្អ។ បើអ្នករឹងទទឹងនៅតែចង់បើកបរបន្តទៀត វានឹងធ្វើឲ្យខូចម៉ាស៊ីន។

Two-Warning-Light-Car-03

២. សញ្ញាហ្វ្រាំងដៃ

ភ្លើងសញ្ញាហ្វ្រាំងដៃលោតបង្ហាញមានពីរករណី។ ទីមួយ អ្នកមិនបានដោះហ្វ្រាំងដៃ។ ទីពីរ ចំនួនប្រេងហ្វ្រាំងមិនគ្រប់។

ប្រសិនបើអ្នកឃើញសញ្ញាបង្ហាញខ្លួន អ្នកគួរកុំបន្តការបើកបរ អ្នកគួររកកន្លែងចត ហើយពិនិត្យមើលប្រេងហ្វ្រាំង។ ប្រសិនបើពិនិត្យឃើញខ្វះ អ្នកត្រូវចាក់បំពេញ។ ក្នុងករណីអ្នកបំពេញហើយ នៅតែខ្វះទៀត មានន័យថា មានកន្លែងលិចប្រេងហើយ ដូច្នេះអ្នកត្រូវនាំរថយន្តអ្នកទៅរកជាងជាបន្ទាន់។

ការខ្វះប្រេងហ្វ្រាំងប៉ះពាល់ ដល់សុវត្ថិភាពបើកបរ។ កង្វះប្រេងហ្វ្រាំងនាំឲ្យអ្នកមិនអាចបញ្ឈប់រថយន្ត។ ក្នុងពេលអ្នកចតរថយន្ត នៅកន្លែងចំណោត រថយន្តរបស់អ្នកនឹងរំកិល។ ដោយហេតុនេះ ពេលឃើញភ្លើងសញ្ញាហ្វ្រាំងដៃបង្ហាញខ្លួន អ្នកបើកបរគួរត្រួតពិនិត្យរថយន្តជាបន្ទាន់។

នៅមានភ្លើងសញ្ញារថយន្តជាច្រើនទៀត ដែលអ្នកបើកបរទាំងឡាយត្រូវយកចិត្តទុកដាក់ ប៉ុន្តែទំនើបសូមបង្ហាញតែពីរចំណុចសិន។ នៅអត្ថបទក្រោយៗ ទំនើបនឹងលើកយកភ្លើងសញ្ញារថយន្តផ្សេងៗទៀត មកជម្រាបជូនមិត្តអ្នកអាន៕

អត្ថបទអ្នកចង់អាន

LG Headphones ទៅដល់ស្ទុក Amazon ថ្ងៃទី២៧ នេះ

ដោយ: ស. លីង 2 PM, Sunday, 26 Feb, 2017

កាសត្រចៀក LG ដែលមាននាមថា TONE Platinum HBS-1100 Bluetooth Wireless Stereo Headphones នឹងធ្វើដំណើរទៅកាន់ស្ទុករបស់គេហទំព័រពិភពលោក ដ៏ល្បីល្បាញ Amazon ...

Acer Swift 7 Ultrabook ថ្មី កុំព្យូទ័រស្តើងជាងគេ ក្នុងលោក

ដោយ: ដួងច័ន្ទ 9 PM, Monday, 15 Jan, 2018

ជាទូទៅកុំព្យូទ័រ Laptop ដែលបង្ហាញវត្តមាន នៅក្នុងព្រឹត្តិការណ៍ប្រចាំឆ្នាំ CES ភាគច្រើនជាប្រភេទ កុំព្យូទ័រលំដាប់មធ្យម ដែលភាគច្រើននៃក្រុមហ៊ុនផលិតកុំព្...

Oppo មានបញ្ហាជាមួយ Benchmark Test

ដោយ: ដួងច័ន្ទ 9 AM, Wednesday, 24 Oct, 2018

កាលពីខែមុន ក្រុមហ៊ុន Huawei ត្រូវបានគេចាប់បានថា កំពុងប្រើប្រាស់ល្បិចនៅក្នុងការធ្វើតេស្ត Benchmark សម្រាប់ទូរសព្ទមួយចំនួនរបស់ក្រុមហ៊ុន ដែលក្នុងនោះរួ...

ប្រទេសជប៉ុន គ្រោងនឹងបង្កើតលេខទូរស័ព្ទ 14ខ្ទង់ ចំនួន10ពាន់លានលេខ ខណៈពេលដែលទូរស័ព្ទ 5G ជិតមកដល់!

ដោយ: ភារុន 9 AM, Tuesday, 28 May, 2019

ក្រសួងទូរគមនាគមន៍របស់ជប៉ុន មានគម្រោងបង្កើតលេខទូរស័ព្ទ 14ខ្ទង់ ចំនួន 10ពាន់លានលេខ ដែលនឹងចាប់ផ្តើមជាមួយនឹងលេខកូដ «020» ។ ព្រមជាមួយនឹងការផ្សព្វផ្សាយពា...

Tomnerb.Com - YouTube Channel