ចូលចិត្តទំនើប

ទូរសព្ទបត់របស់ Samsung តម្លៃរាប់ពាន់ដុល្លារ

ដោយ: ដួងច័ន្ទ 4 PM, Friday, 30 Nov, 2018

រយៈពេលមិនដល់មួយអាទិត្យទេ ចាប់តាំងពីក្រុមហ៊ុន Samsung បានបញ្ចេញផលិតផលអេក្រង់ថ្មី មានឈ្មោះ Infinity Flex សម្រាប់ដាក់តំឡើងលើទូរសព្ទ Smartphone ជំនាន់ថ្មី នៅពេលនេះមានរបាយការណ៍ថ្មីមួយចេញពីប្រទេសកូរ៉េខាងត្បូង បានអះអាងថាពួកគេបានដឹងពីឈ្មោះ តម្លៃ និងកាលបរិច្ឆេទចេញលក់ផលិតផលថ្មីនេះ។

សារព័ត៌មាន Yonhap News Agency បានរាយការណ៍ថាទូរសព្ទជំនាន់ថ្មីនេះ នឹងចេញលក់ក្រោមឈ្មោះថា Galaxy F ជាឈ្មោះមួយដែលត្រូវបានគេនិយាយតៗគ្នាពីមួយទៅមួយក្នុងរយៈកាលកន្លងទៅនេះ ជាមួយនឹងឈ្មោះមួយទៀតគឺ Galaxy X។
ទូរសព្ទជំនាន់ថ្មីនេះ នឹងចេញលក់នៅអំឡុងខែមីនា មួយខែបន្ទាប់ពីប្រព័ន្ធ 5G-Enabled លើទូរសព្ទ S10។ ប៉ុន្តែទូរសព្ទថ្មីនេះ នឹងមានមិនតម្លៃទាបឡើយ។ សារព័ត៌មាន Yonhap ជឿជាក់ថាទូរសព្ទ Foldable នេះ នឹងក្លាយជាផលិតផលផ្តាច់មុខ ដែលអាចមានតម្លៃខ្ពស់រហូតដល់ $1,770 ទោះបីជានៅក្នុងរបាយការណ៍នេះបានបញ្ជាក់ថា ក្រុមហ៊ុន Samsung មិនទាន់កំណត់តម្លៃជាក់លាក់នៅឡើយ។
យ៉ាងណាមិញ ក្រុមហ៊ុន Samsung នៅតែបន្តភាពស្ងប់ស្ងាត់សម្រាប់ការបញ្ចេញលក់ទូរសព្ទថ្មីនេះ ដែលមានកាលបរិច្ឆេទនៅឆ្ងាយនៅឡើយ។ កាលពីសប្តាហ៍មុន លោក DJ Koh នាយកប្រតបត្តិផ្នែកទូរសព្ទចល័តរបស់ Samsung បានលើកឡើងថា ក្រុមហ៊ុនមានគម្រោងបញ្ចេញលក់ទូរសព្ទបត់រមូរបាន ចំនួនមួយលានគ្រឿង នៅក្នុងឆ្នាំ 2019។

មកទល់ពេលនេះ ក្រុមហ៊ុនគ្រាន់តែបញ្ចេញផលិតផលគំរូ ដែលមានរូបរាងដូចទៅនឹងទូរសព្ទ Smartphone ទូទៅ រហូតដល់វាបើករលារ ដូចសៀវភៅមួយក្បាល ប្រែក្លាយទៅជាអេក្រង់មានទំហំ 1.7 inch ដែលដើរតួដូចជា Tablet មួយគ្រឿង។

អេក្រង់ Infinity Flex ប្រើប្រាស់ផ្ទាំងអេក្រង់ដែលមានបំពាក់បច្ចេកវិទ្យាបត់កោង ព្រមជាមួយស្រទាប់ការពារថ្មី និងមាន Polymer ទំនើប ដែលអាចទាំងផ្តល់នូវភាពបត់បែន និងរឹងមាំ។ បើសិនជាផលិតផលនេះទទួលបានជោគជ័យ វាអាចជាកត្តាជំរុញផលិតផល Foldable ដទៃទៀត ពីក្រុមហ៊ុនដទៃ ដែលក្នុងនោះរួមមានពាក្យចចាមអារ៉ាមអំពីផលិតផល Folding Note Phone និង អេក្រង់ Flexi-Laptop រួចទៅហើយ៕

ប្រភព: engadget ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

Instagram នឹងដំណើរការវីដេអូផ្តេកនៅលើ IGTV

ដោយ: ដួងច័ន្ទ 8 AM, Thursday, 30 May, 2019

កម្មវិធី Instagram នឹងមិនដំណើរការតែវីដេអូបញ្ឈរ (Vertical Video) មួយមុខទៀតទេ។ នៅថ្ងៃនេះ ក្រុមហ៊ុនបានប្រកាសថា សេវាកម្ម Longform Video Offshoot របស់ I...

ហេតុផល ៤យ៉ាង ដែលអ្នកគួរជ្រើសរើសម៉ាស៊ីនបោក LG Smart Inverter

ដោយ: ទំនើប 9 PM, Wednesday, 20 Jun, 2018

សន្សំសំចៃអគ្គីសនី ម៉ាស៊ីនបោក Smart Inverter របស់ក្រុមហ៊ុន LG ដំណើរដោយម៉ាស៊ីនដ៏ឈ្លាសវៃ Smart Inverter ដែលផ្តល់នូវការសន្សំសំចៃអគ្គីសនីខ្ពស់។ Invert...

Huawei MediaPad X2 ធេប្លេតថ្មី អាចទូរស័ព្ទបាន

ដោយ: ដាលីស 9 PM, Monday, 07 Sep, 2015

Huawei MediaPad X2 ធេប្លេតស៊េរីថ្មីចុងក្រោយគេបំផុត ដែលមានតួគ្រឿងស្តើងត្រឹមតែ 7.18មីល្លីម៉ែត្រ ទម្ងន់​ស្រាល​ត្រឹមតែ 249ក្រាម ប្រើជាទូរស័ព្ទដៃបាន និង...

អ្នកណាក៏អាចមានទូរសព្ទប្រើបានដែរ គ្រាន់តែមកហាងទូរសព្ទពិសិដ្ឋ16 ថ្ងៃនេះ

ដោយ: ស៊ីវងីម 3 PM, Sunday, 27 Jan, 2019

សម័យនេះ ជាសម័យបចេ្ចកវិទ្យាដែលមានកិច្ចការខ្លះ អ្នកអាចពឹងតែលើទូរសព្ទឆ្លាតវៃមួយប៉ុណ្ណោះ ក៏អាចសម្រេចបានដោយមិនបាច់ធ្វើដំណើរទៅណាឆ្ងាយ។ មិនថាទាក់ទងសាច់ញាត...

Tomnerb.Com - YouTube Channel