ចូលចិត្តទំនើប

ណែនាំកាសស្តាប់គ្មានខ្សែពី Grado

ដោយ: ដួងច័ន្ទ 8 AM, Monday, 22 Oct, 2018

បច្ចុប្បន្ននេះពុំទាន់វាអ្វីល្អជាងឧបករណ៍ស្តាប់តន្រ្តីមានខ្សែនៅឡើយទេ ប៉ុន្តែក្រុមហ៊ុនផលិតកាសស្តាប់ទំនើបៗ បាននឹងកំពុងអនុវត្តអស់ពីសមត្ថភាព ដើម្បីទាញយកផលប្រយោជន៍ពីបច្ចេកវិទ្យា Bluetooth។

ជាមួយគ្នានេះ ក្រុមហ៊ុន Grado បានបញ្ចេញកាសស្តាប់ម៉ូដែល GW100 ក្នុងតម្លៃ $249។ ទាំងនេះគឺជាផលិតផលកាសស្តាប់គ្មានខ្សែដំបូងរបស់ក្រុមហ៊ុន Grado។ ដូចគ្នានឹងផលិតផលដទៃទៀតរបស់ក្រុមហ៊ុន Grado ដែរ កាសស្តាប់ថ្មីៗទាំងនេះជាប្រភេទកាសស្តាប់ Open-Back ដូច្នេះអ្នកប្រហែលជាមិនចង់ប្រើប្រាស់វាសម្រាប់ការធ្វើដំណើរនៅតាមដងផ្លូវ ឬកន្លែងដែលមានសម្លេងរំខានខ្លាំងឡើយ។

ក្រុមហ៊ុន Grado បានរៀបរាប់ថា ផលិតផលទាំងនេះគឺជាប្រភេទកាសស្តាប់ Open-Back Bluetooth ដំបូងនៅលើទីផ្សារ។ វាជាការរួមបញ្ចូល ដែលទំនងជាមិនសក្តិសមសម្រាប់ការស្តាប់នៅគ្រប់ស្ថានភាពនេះទេ ប៉ុន្តែការរចនាម៉ូដបែប Open-Back ផ្តល់នូវសម្លេងបែប Wide Soundstage និងសម្លេងកាន់តែលម្អិត កាន់តែច្បាស់។ គេហទំព័ររបស់ក្រុមហ៊ុន Grado បានសរសេររៀបរាប់ថា «មនុស្សមួយចំនួនប្រហែលជាគិតថាផលិតផលកាសគ្មានខ្សែ និង Open-Back ជាការផ្គូផ្គងដ៏ចម្លែកមួយ ប៉ុន្តែនាពេលនេះអ្នកអាចរីករាយនឹងគុណភាពសម្លេងបែប Audiophile Untethered។ មិនថាអ្នកទៅស្ទូចត្រី ឬកំពុងបោសសម្អាតគេហដ្ឋាន អ្នកពិតជាមិនចង់ប្រើប្រាស់កាសស្តាប់មានខ្សែដ៏រញ៉េរញ៉ៃឡើយ ប៉ុន្តែអ្នកពិតជាចង់បានសម្លេងតន្រ្តីដ៏ពិរោះចេញពីកាសស្តាប់របស់ Grado។»

ក្រុមហ៊ុន Grado បានបញ្ជាក់ថា កាសស្តាប់ទាំងនេះត្រូវបានផលិតឡើង ដើម្បីកាត់បន្ថយសម្លេងរំខានបាន 60%។ ដូច្នេះសម្លេងរំខានពីខាងក្រៅនៅតែអាចជ្រៀតចូល ប៉ុន្តែសម្លេងតន្រ្តីរបស់អ្នកនៅតែពិរោះ ហើយវាក៏នឹងមិនរំខានដល់មនុស្សនៅជុំវិញខ្លួនអ្នកដែរ។
នៅខាងក្នុងកាស GW100 មានបំពាក់ Driver របស់ Grado។ ឧបករណ៍បំពងសម្លេងបំពាក់នៅក្នុងផលិតផលថ្មីនេះ ដូចគ្នានឹងឧបករណ៍ដែលប្រើប្រាស់នៅលើកាសស្តាប់មានខ្សែ ដែលផ្តល់នូវសម្លេងតន្រ្តីពិរោះដូចដើម។

កាសស្តាប់ GW100 មានបំពាក់បច្ចេកវិទ្យា Bluetooth 4.2 ហើយវាដំណើរការជាមួយកូដ apt-X និង AAC។ ថាមពលរបស់វាអាចប្រើប្រាស់បានរហូតដល់ 15 ម៉ោង។ នៅលើកាសមានប៊ូតុង Power ប៊ូតុងសម្លេង រន្ធដោតទំហំ 3.5 មីលីម៉ែត្រ បើសិនជាអ្នកចង់ប្រើប្រាស់ខ្សែ និងរន្ធដោត Micro USB សម្រាប់ការបញ្ចូលថាមពល។ អ្នកក៏អាចទិញជើងទម្រ ឬស្រោមការពារ សម្រាប់កាសស្តាប់ថ្មីនេះផងដែរ។

ខាងក្រោមនេះគឺជាលក្ខណៈពិសេសរបស់កាសម៉ូដែល GW100:
– Bluetooth Version: 4.2 with apt-X
– ទំហំថ្ម: 320mAh
– រយៈចម្ងាយ: 10 ម៉ែត្រ
– រយៈពេលប្រើប្រាស់: 15 ម៉ោង
– Frequency Response: 20Hz-20KHz
– Mic Sensitivity: 42bB +/- 3dB
– Transducer Type: Dynamic
– Operating Principle: Open Air
– SPL 1mW: 99.8 dB
– Nominal Impedance: 32 ohms
– Driver Matched dB: .05 dB

ប្រភព: theverge ផ្នែក: បច្ចេកវិទ្យា, Accessories

អត្ថបទអ្នកចង់អាន

ទូរទស្សន៍ LG ស៊េរីឆ្នាំ 2019 កាន់តែទំនើប

ដោយ: ដួងច័ន្ទ 9 AM, Monday, 28 Jan, 2019

ព្រឹត្តិការណ៍ CES ឆ្នាំ 2019 មិនទាន់ចាប់ផ្តើមនៅឡើយទេ ប៉ុន្តែក្រុមហ៊ុន LG បានត្រៀមខ្លួនរួចរាល់ សម្រាប់បង្ហាញជូនព័ត៌មានទាំងឡាយណាទាក់ទងនឹងផលិតផលទូរទស្...

ភ្ញាក់តិចអី! Google បិទកម្មវិធី Google Allo តែគ្មាននរណាភ្ញាក់ផ្អើលសោះ!

ដោយ: ភារុន 8 AM, Thursday, 20 Dec, 2018

នាពេលថ្មីៗនេះក្រុមហ៊ុន Google បានផ្អាកការអភិវឌ្ឍន៍ Google Allo ដែលជាកម្មវិធីផ្ញើសាររបស់ Google អស់រយៈពេល 8 ខែកន្លងមកហើយ ដោយកត់សម្គាល់ឃើញថា វាមិនទទួ...

តើអ្នកគួរលាងសម្អាតសម្ភារៈទាំងនេះ ញឹកញាប់ប៉ុណ្ណា?

ដោយ: ដួងច័ន្ទ 8 AM, Monday, 29 Oct, 2018

តើអ្នកមានធ្លាប់ឆ្ងល់ទេថា តើអ្នកគួរលាងសម្អាតសម្ភារៈប្រើប្រាស់ក្នុងគេហដ្ឋានញឹកញាប់ប៉ុណ្ណា? តើគួររងចាំរហូតដល់វាលែងដំណើរការ ឬមានក្លិនអាក្រក់មែនទេ? ចម្ល...

អ្នកស្រាវជ្រាវព្រមានពីបញ្ហាកំពុងវាយប្រហារលើកុំព្យូទ័រ

ដោយ: ដួងច័ន្ទ 8 AM, Tuesday, 25 Sep, 2018

អ្នកស្រាវជ្រាវអំពីសុវត្ថិភាពប្រព័ន្ធបច្ចេកវិទ្យា ទើបនឹងបានស្រាវជ្រាវរកឃើញពីបញ្ហាដែលកើតមាននៅលើគ្រប់កុំព្យូទ័រទំនើបៗ ដែលអនុញ្ញាតឱ្យអ្នកលួចចូលគណនេយ្យ ...

Tomnerb.Com - YouTube Channel