ចូលចិត្តទំនើប

ដឹងពីពេលវេលា ត្រូវទិញទូរទឹកកកថ្មី

ដោយ: ដួងច័ន្ទ 10 PM, Friday, 24 Mar, 2017

វាប្រហែលជាដល់ពេលវេលា ដែលអ្នកត្រូវផ្លាស់ប្តូរទូរទឹកកកហើយ បើសិនជាអ្នកបានឃើញសញ្ញាអាសន្នទាំងនេះ។

ទូរទឹកកកជាសម្ភារៈដ៏សំខាន់មួយ នៅក្នុងគេហដ្ឋាន។ វាជួយរក្សាភាពស្រស់ នៃម្ហូបអាហារ រហូតដល់ ពេលអ្នកទទួលទាន។ ការដំណើរការខុសប្រក្រតីរបស់ទូរទឹកកក អាចជាគ្រោះថ្នាក់ដល់ម្ហូបអាហាររបស់អ្នកនៅក្នុងនោះទាំងអស់។ ទោះបីជាអ្នកបានធ្វើការជួសជុលច្រើនដងក៏ដោយ ទូរទឹកកកល្អខ្លាំងបែបណាក៏ត្រូវតែផ្លាស់ប្តូរថ្មីដែរ។ ទំនើប សូមបង្ហាញនូវសញ្ញាមួយចំនួន ដែលបញ្ជាក់ថាអ្នកដល់ ពេលត្រូវបោះចោលទូរទឹកកកចាស់របស់អ្នកហើយ។

ទឹកដោះគោ ប្រែរសជាតិ

បើសិនជាទឹកដោះគោ ឬអាហារផ្សេងទៀត នៅតែបន្តខូចគុណភាព មុនកាលបរិច្ឆេទ វាអាចជាសញ្ញា ប្រាប់ថាកម្រិតសីតុណ្ហភាពទូរទឹកកករបស់អ្នក មានកម្រតិខ្ពស់ពេក ឬជាសញ្ញាប្រាប់ថាទូរទឹកកករបស់អ្នកបានខូចហើយ។

ទូរទឹកកកមានភាពមិនប្រក្រតី

នៅពេលដែលទូរទឹកកករបស់អ្នក ចាប់ផ្តើមដំណើរការខុសប្រក្រតី វាដល់ពេលដែលអ្នកត្រូវធ្វើការសម្រេចចិត្តហើយ។ ភាពមិនប្រក្រតីទាំងនោះមានដូចជា៖

  • កង្ហាររបស់វាវិលមិនឈប់ឈរ
  • ទូរទឹកកកបញ្ចេញសម្លេងលឺខ្លាំង
  • ផ្នែកខាងក្រោយ នៃទូរទឹកកកមានកម្តៅក្តៅខ្លាំង
  • ផ្នែកខាងក្នុងនៃទូរទឹកកកប្រែជាកក ទោះបីជាអ្នកតម្លើងកម្រិតសីតុណ្ហភាពក្តី

ទូរទឹកកកប្រេះស្រាំ

ចំណុចដែលបានរៀបរាប់ខាងលើ អាចជួសជុលបាន ដោយអ្នកជំនាញជួសជុលទូរទឹកកក ប៉ុន្តែបើសិនជាទូរទឹកកករបស់អ្នក មានភាពប្រេះស្រាំនៅផ្នែកខាងក្នុង ដែលបណ្តាលឱ្យវាលេចធ្លាយចំហាយ ត្រជាក់មកខាងក្រៅ ធ្វើឱ្យទូរទឹកកកបាត់បង់សមត្ថភាពធ្វើការហើយនោះ វាដល់ពេលត្រូវទិញទូរទឹកកកថ្មីជំនួសហើយ។

smart-fridge-family-02

ប្រភព: Cnet ផ្នែក: បច្ចេកវិទ្យា, Accessories, Appliances

អត្ថបទអ្នកចង់អាន

តោះ! មកមើលប៉ាតង់ទូរសព្ទថ្មីរបស់ Samsung

ដោយ: ដួងច័ន្ទ 7 AM, Thursday, 20 Jun, 2019

ក្រុមហ៊ុន Samsung នៅតែកំពុងបន្តស្វែងរកវិធីសាស្រ្តក្នុងការបញ្ចេញលក់ទូរសព្ទអនាគតកាលរបស់ខ្លួន គឺ Galaxy Fold ដែលកំពុងជួបបញ្ហាជាមួយភាពធន់រឹងមាំ និងមិនទ...

LG បង្ហាញទូរទស្សន៍ 8K OLED ទំហំ 88 inch ដំបូងបង្អស់

ដោយ: ដួងច័ន្ទ 8 PM, Thursday, 04 Jan, 2018

ស្របពេលដែលកម្មវិធីចាក់ផ្សាយ ដំណើរការជាមួយវីដេអូប្រភេទ 4K និង HDR ក្រុមអ្នកផលិតអេក្រង់ទូរទស្សន៍ ដ៏មានមហិច្ឆតាខ្ពស់របស់ក្រុមហ៊ុន LG ក៏បាននឹងកំពុងមមាញ...

Xiaomi ពន្យល់ពីបច្ចេកវិទ្យាកាមេរ៉ាថ្មី

ដោយ: ដួងច័ន្ទ 8 AM, Tuesday, 11 Jun, 2019

ការប្រកួតប្រជែងនៅក្នុងសង្គ្រាមការរចនា Notch នៅលើទូរសព្ទ Smartphone បានក្លាយជារឿងរ៉ាវអតីតកាលយ៉ាងឆាប់រហ័ស ដោយក្នុងនោះមានក្រុមហ៊ុនជាច្រើន ដូចជា Oppo ន...

ក្រុមហ៊ុន Nokia ប្រហែលជាបោះបង់ចោល ឧបករណ៍ពាក់ជាប់ខ្លួន

ដោយ: ដួងច័ន្ទ 9 AM, Monday, 21 May, 2018

អស់រយៈពេលតិចជាងពីរឆ្នាំ បន្ទាប់ពីការចំណាយអស់រាប់លានដុល្លារ ក្នុងការស្វែងរកទីតាំងឈរ ជើងនៅក្នុងទីផ្សារផលិតផលសុខភាពសម្រាប់អតិថិជន ក្រុមហ៊ុន Nokia បានប...

Tomnerb.Com - YouTube Channel