ចូលចិត្តទំនើប

ចង់ដឹងពីវិធីប្រើប្រាស់ Nametag នៅលើ Instagram ទេ?

ដោយ: ដួងច័ន្ទ 4 PM, Friday, 30 Nov, 2018

នាពេលនេះ អ្នកកាន់តែមានភាពងាយស្រួលក្នុងការ Follow នរណាម្នាក់ដែលអ្នកបានឃើញនៅលើ Instagram។ អ្នកមិនចាំបាច់ធ្វើការសន្ទនា ឬប្រើប្រាស់តួអក្សរឡើយ។

ជាមួយមុខងារ Instagram Nametags អ្នកគ្រាន់តែធ្វើការស្កេនគណនេយ្យគ្នាទៅវិញទៅមក ដើម្បី Follow គ្នា។ នេះជាវិធីសាស្រ្តដ៏ងាយស្រួល និងឆាប់រហ័ស។ ខាងក្រោមនេះ គឺជាវិធីសាស្រ្តក្នុងការដំណើរការកម្មវិធី Nametags នៅលើ Instagram។
ស្វែងរក និងរៀបចំ Nametag របស់អ្នក
អ្នកមិនចាំបាច់បង្កើត Instagram Nametag ទេ ព្រោះអ្នកមានមួយរួចជាស្រេចហើយ។ ដើម្បីស្វែងរកវា អ្នកត្រូវចូលទៅកាន់ Profile Page របស់អ្នក បន្ទាប់មកចុចលើសញ្ញាដកបីជួរ នៅផ្នែកខាងលើបង្អស់ ជ្រុងខាងស្តាំ ហើយចុចលើពាក្យ Nametag។
នៅទីនោះអ្នកនឹងទទួលបានជម្រើសមួយចំនួន សម្រាប់រៀបចំតុបតែង Nametag របស់អ្នក។ នៅក្នុងនោះមាន Background Theme ចំនួនបី គឺ ពណ៌ Emoji និង Selfie។ ចុច ឬប៉ះអេក្រង់នៅផ្នែកខាងលើបង្អស់នៃទំព័រ Nametag របស់អ្នក ដើម្បីទស្សនាជម្រើសទាំងអស់នោះ។ សម្រាប់ Theme និមួយៗ អ្នកអាចចុចនៅលើទំព័រ ដើម្បីពិនិត្យមានជម្រើសខុសៗគ្នា ចំពោះពណ៌ Emoji និង Selfie Stickers។ សម្រាប់ជម្រើស Selfies អ្នកអាចថតរូប Selfie ដើម្បីបញ្ចប់ការរៀបចំ តុបតែង Nametag របស់អ្នក។

ស្កេន Nametag ដទៃទៀត
អ្នកត្រូវចុចនៅលើ Scan a Nametag នៅលើអេក្រង់ Nametag របស់អ្នកផ្ទាល់ ដើម្បីអនុវត្តដំណើរការស្កេន ដែលមានលក្ខណៈស្រដៀងគ្នានឹង QR Scan។ ការធ្វើបែបនេះអាចឱ្យអ្នកស្កេន Nametag នៅលើទូរសព្ទដទៃទៀតបានយ៉ាងងាយស្រួល។ វិធីសាស្រ្តមួយទៀតកាន់តែលឿន គឺគ្រាន់តែធ្វើការអូសទៅខាងស្តាំ ដើម្បីបើកកាមេរ៉ារបស់ Instagram។ បន្ទាប់មកធ្វើការចុច និងសង្កត់ឱ្យជាប់នៅលើអេក្រង់ ជាមួយនឹងការចង្អុលបង្ហាញទៅកាន់ Nametag ណាមួយ។

ចែករំលែក Nametag
អ្នកមិនចាំបាច់ឈរនៅជិតនរណាម្នាក់ ដើម្បីធ្វើការស្កេន Instagram Nametag របស់អ្នក ឡើយ។ អ្នកអាចធ្វើការវាយអត្ថបទ ចែករំលែកនៅលើ Twitter និងកម្មវិធីដទៃទៀត ឬបន្ថែមវានៅក្នុងគេហទំព័រ ដើម្បីទទួលបានអ្នក Follower កាន់តែច្រើន។ អ្នកអាចចុចនៅលើប៊ូតុង Share នៅផ្នែកខាងលើ ជ្រុងខាងស្តាំ នៃអេក្រង់ Nametag របស់អ្នក ដើម្បីពិនិត្យមើលគ្រប់ជម្រើសទាំងអស់។

អត្ថបទអ្នកចង់អាន

Samsung ចេញទូរសព្ទ Galaxy ម៉ូដែលថ្មីមួយទៀតហើយ

ដោយ: ដួងច័ន្ទ 1 PM, Friday, 29 Mar, 2019

ក្រុមហ៊ុន Samsung បានបញ្ចេញផលិតផលទូរសព្ទស៊េរី A ធំជាងគេបង្អស់ ហើយវាក៏មានប្រព័ន្ធកាមេរ៉ាដ៏ខ្លាំងមួយដែរ។ ម៉ូដែលថ្មីចុងក្រោយគេនេះគឺ Galaxy A70 ដែលមានប...

តោះ! នាំគ្នាមកមើលរថភ្លើង ប្រណិតជំនាន់ថ្មីរបស់ជប៉ុន ដែលមានតម្លៃសំបុត្ររហូតដល់ 10,000 ដុល្លារ !

ដោយ: ដួងច័ន្ទ 1 PM, Saturday, 06 May, 2017

នាពេលនេះអ្នកនឹងបានយល់ន័យ របស់ពាក្យថា Travel in Style។ បំពាក់ជាមួយភោជនីយដ្ឋានដ៏ធំមួយ មានពីរជាន់ និងមានអាងទឹកធ្វើពីឈើស្រល់ ធ្វើឱ្យរថភ្លើងរបស់ក្រុមហ៊ុ...

នាឡិកាដៃបុរស ៨គ្រឿងធ្វើពីមាសសុទ្ធ

ដោយ: ដួងច័ន្ទ 4 PM, Friday, 03 Feb, 2017

មាស ជានិមិត្តសញ្ញាបង្ហាញពីអំណាច។ វាមិនមែនជារឿងចម្លែកទេ ដែលមាសត្រូវបានយកមកច្នៃធ្វើ ជានាឡិកាដៃ ដែលធ្វើឱ្យវាកាន់តែមានតម្លៃ និងថ្លៃថ្នូរ។ មាស ជារូបធាតុ...

Samsung Galaxy S9 នឹងរួមបញ្ចូល Speaker ថ្មី និង 3D Emoji

ដោយ: ដួងច័ន្ទ 10 PM, Friday, 16 Mar, 2018

ម៉ូដែលទូរសព្ទ Samsung Galaxy S9 និង S9 Plus នឹងក្លាយជាទូរសព្ទដំបូង ដែលមានបំពាក់ 3D Emoji និង Stereo Speaker នេះដោយយោងតាមការបោះផ្សាយរបស់សារព័ត៌មាន E...

Tomnerb.Com - YouTube Channel