ចូលចិត្តទំនើប

គ្រប់យ៉ាងដែលអ្នកគួរដឹងពី Sony Xperia XZ4

ដោយ: ដួងច័ន្ទ 11 AM, Monday, 03 Dec, 2018

ទូរសព្ទ Sony Xperia XZ2 បានក្លាយជាចំណុចផ្លាស់ប្តូរថ្មីសម្រាប់ក្រុមហ៊ុន Sony ដែលទូរសព្ទនេះត្រូវបានបញ្ចេញលក់ក្នុងទម្រង់ជារូបរាងទូរសព្ទចាស់ មិនទាន់សម័យ។ បន្ទាប់មកក្រុមហ៊ុន Sony បានបញ្ចេញម៉ូដែល Xperia XZ3 រយៈពេល 6 ខែបន្ទាប់។ នាពេលនេះ ទំនងជាដល់ពេលវេលាដែលក្រុមហ៊ុនបន្តជំហានរបស់ខ្លួន ជាមួយការបញ្ចេញម៉ូដែលបន្ទាប់ពី Xperia XZ3 ដែលអាចនឹងមានឈ្មោះថា Xperia XZ4។
មកទល់ពេលនេះ មានព័ត៌មានចចាមអារ៉ាមជាច្រើនពាក់ព័ន្ធនឹងទូរសព្ទ Xperia XZ4 ដែលបង្ហាញពីការរចនា Update ថ្មី ពីក្រុមហ៊ុន Sony ដែលយើងមិនធ្លាប់បានឃើញពីមុនមក។ បើសិនជាអ្នកមានចំណាប់អារម្មណ៍លើទូរសព្ទ Sony Xperia XZ4 អត្ថបទខាងក្រោមគឺជាប្រភពព័ត៌មានដែលអ្នកត្រូវការ។
ការរចនាម៉ូដ
គេហទំព័រ MySmartPrice និង Onleaks បានបញ្ចេញព័ត៌មាន ដែលអាចជារូបរាងដ៏ល្អជាងគេ ដែលយើងអាចស្វែងយល់ពីទូរសព្ទ Xperia XZ4 មុនពេលវាចេញលក់ជាផ្លូវការ។ យើងអាចសង្កេតឃើញផ្នែកខាងមុខរបស់ទូរសព្ទ ដែលមានអេក្រង់ដ៏ធំមួយ ដែលមិនមែនជាប្រភេទអេក្រង់ Edge-to-Edge ទេ ប៉ុន្តែវាប្រាកដជាទំហំដ៏ធំជាងម៉ូដែលទូរសព្ទ Sony មុនៗ។ ទូរសព្ទនេះទំនងជាមានទំហំ Ratio 21:9 ហើយគេហទំព័រ MySmartPrice បានកត់សម្គាល់ថាវាអាចនឹងមានបរិមាត្រ 166.9 x 72.4 x 8.2 mm។
ប្រហែលជាចំណុចទាក់ទាញបំផុតមិនស្ថិតនៅផ្នែកខាងមុខរបស់ទូរសព្ទទេ ប៉ុន្តែវាស្ថិតនៅផ្នែកខាងក្រោយ ដែលបង្ហាញពីកាមេរ៉ា Tri-Lens។ ទូរសព្ទ Xperia XZ4 អាចក្លាយជាទូរសព្ទដំបូងរបស់ Sony ដែលមានបំពាក់កាមេរ៉ា Tri-Len ដែលសង្ឃឹមថាវាអាចជាចំណុចបើកចំហរទៅកាន់បច្ចេកវិទ្យារូបថតមានគុណភាពខ្ពស់។ ម៉ូដែលទូរសព្ទ Sony មុនៗ មិនអាចប្រកួតប្រជែងជាមួយម៉ូដែលទូរសព្ទរបស់ Google និង Apple បានទេ បើសិនជាសម្តៅលើបច្ចេកវិទ្យាកាមេរ៉ា។
ទូរសព្ទនេះ ទំនងដូចជាមិនមាន Finger Print Sensor នៅផ្នែកខាងក្រោយទេ។ MySmartPrice ប៉ាន់ប្រមាណថា Sensor នេះអាចនឹងត្រូវបានបង្កប់នៅក្នុងប៊ូតុង Power ប៉ុន្តែវាអាចថដែលថាទូរសព្ទនេះមាន Finger-Print Sensor នៅក្នុងអេក្រង់ផ្ទាល់តែម្តង ដែលបច្ចេកវិទ្យានេះកំពុងមានប្រជាប្រិយភាពនៅក្នុងទូរសព្ទ Smartphone នាពេលបច្ចុប្បន្ន។

លក្ខណៈពិសេស
ជាអកុសល មិនមានព័ត៌មានបែកធ្លាយណាមួយទាក់ទងនឹងលក្ខណៈពិសេសរបស់ទូរសព្ទ Sony Xperia XZ4 នៅឡើយទេ ដូច្នេះអ្វីដែលយើងមាននៅទីនេះគឺការប៉ាន់ស្មាន។ យ៉ាងណា មិញ នៅតែមានចំណុចមួយចំនួន ដែលមានភាពច្បាស់លាស់។ ជាឧទាហរណ៍ ទូរសព្ទជំនាន់ថ្មីនឹងមានបំពាក់ប្រព័ន្ធប្រតិបត្តិការ Qualcomm ជំនាន់ចុងក្រោយ ដែលជាក់ស្តែងទូរសព្ទ XZ3 មានបំពាក់ Snapdragon 845។ យើងអាចសន្មត់ថាទូរសព្ទនេះអាចនឹងមានយ៉ាងហោចណាស់ RAM ទំហំ 4GB ឬក្រុមហ៊ុន Sony អាចនឹងបង្កើនទំហំរហូតដល់ 6GB ក៏ថាបាន។

តម្លៃ និងកាលបរិច្ឆេទចេញលក់
ក្រុមហ៊ុន Sony នៅតែអនុវត្តទម្លាប់បញ្ចេញលក់ផលិតផលថ្មីតាមកាលបរិច្ឆេទ 2 ដងក្នុងមួយឆ្នាំ សម្រាប់ស៊េរីទូរសព្ទ Xperia នៅក្នុងអំឡុងពេលមួយរយៈចុងក្រោយនេះ។ ដោយទូរសព្ទ Xperia XZ3 បានចេញលក់កាលពីខែតុលា យើងរំពឹងថានឹងបានឃើញទូរសព្ទ Xperia XZ4 នៅអំឡុងខែមេសា ឆ្នាំក្រោយ។ នៅពេលចេញលក់ទូរសព្ទ Xperia XZ3 មានតម្លៃ $900 ដូច្នេះយើងរំពឹងថាទូរសព្ទ Xperia XZ4 នឹងចេញលក់ក្នុងតម្លៃប្រហាក់ប្រហែលគ្នានេះដែរ។

ទំនើប នឹងធ្វើបច្ចុប្បន្នភាពព័ត៌មានថ្មីៗបន្ថែមទៀតអំពីទូរសព្ទ Sony Xperia XZ4 នេះ៕

ប្រភព: digitaltrends ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

កញ្ចក់ការពារ Galaxy Note 8 ល្អៗ

ដោយ: ដួងច័ន្ទ 7 PM, Tuesday, 16 Jan, 2018

ទូរសព្ទ Samsung Galaxy Note 8 គឺជាទូរសព្ទដ៏អស្ចារ្យ ដែលមានចំណុចពិសេសនៅត្រង់អេក្រង់ Infinity ដ៏ធំ និង Dual-Camera តំឡើងនៅផ្នែកខាងក្រោយ។ ទូរសព្ទមួយនេ...

Google ចេញលក់ទូរសព្ទម៉ូដែលថ្មី Pixel 3A និង 3A XL

ដោយ: ដួងច័ន្ទ 9 AM, Friday, 10 May, 2019

នៅក្នុងព្រឹត្តិការណ៍ Google I/O នៅថ្ងៃនេះ ក្រុមហ៊ុន Google បានប្រកាសពីផលិតផលទូរសព្ទដៃជំនាន់ថ្មី គឺ Google Pixel 3A និង Pixel 3A XL។ ទាំងពីរម៉ូដែលនេ...

វិធីប្រើប្រាស់ HomePod សម្រាប់និយាយទូរស័ព្ទ

ដោយ: ដួងច័ន្ទ 9 AM, Thursday, 20 Sep, 2018

ក្រុមហ៊ុន Apple បានបញ្ចេញលក់ផលិតផល និងកម្មវិធី Software ជំនាន់ថ្មី កាលពីសប្តាហ៍មុន រួមទាំងការបង្ហាញមុខងារ Siri សម្រាប់ប្រើប្រាស់ជាមួយ HomePod ដែលមុ...

លេចរូបរាង GoPro Hero 7 ហើយ

ដោយ: ដួងច័ន្ទ 9 AM, Saturday, 08 Sep, 2018

រដូវកាលថ្មីនេះពោរពេញដោយព័ត៌មានបែកធ្លាយ ជាពិសេសសម្រាប់ម៉ូដែលផលិតផលធំៗ កំពុងពេញនិយម។ ថ្មីៗ ទំនើប ទទួលបានរូបភាពផុសនៅលើបណ្តាញទំនាក់ទំនងសង្គម ដែលបានបង្ហ...

Tomnerb.Com - YouTube Channel