ចូលចិត្តទំនើប

គន្លឹះ ៥ ជួសជុលរថយន្ត ត្រូវនឹងថវិកា

ដោយ: ស. លីង 11 PM, Friday, 17 Feb, 2017

ម្ចាស់រថយន្តទាំងឡាយ ព្រួយចិត្តខ្លាំងមិនមែនរឿងទិញ ឬចាក់សាំងទេ គឺព្រួយរឿងជួសជុល។ រថយន្តខូចជារឿងធម្មតា ប៉ុន្តែតម្លៃជួសជុលជារឿង ឈឺក្បាលណាស់។

តើធ្វើយ៉ាងណា ទើបអាចជួសជុលហើយល្មមនឹងថវិកា ដែលអ្នកបម្រុងទុក?

ប្រសិនបើនេះជាចំណុចបារម្ភខ្លាំងរបស់អ្នក ទំនើបសូមជូននូវគន្លឹះចំនួន ៥ សម្រាប់ឲ្យអ្នកជួសជុលរថយន្តរបស់អ្នក ល្មមនឹងថវិកា មិនលើស ហើយក៏មិនចំណាយច្រើន។

១. រៀនជួសជុល ដោយខ្លួនឯង

ពេលដែលអ្នកយករថយន្តទៅជួសជុល អ្នកគួរលួចចំណេះពីជាង។ អ្នកគួរសួរពីមូលហេតុនៃការខូច និងវិធីសាស្ត្រការពារពីជាង។

មួយទៀត អ្នកអាចរៀនពីអ៊ិនធើណេត។ សម័យនេះ អ៊ិនធើណេតជាបណ្តុំសាលា និងចំណេះដឹងយ៉ាងទូលំទូលាយ។

២. រក្សាលេខទូរស័ព្ទរបស់ជាង

ប្រសិនបើអ្នកមានទំនាក់ទំនងល្អ និងជាអតិថិជនប្រចាំ របស់ហាងជួសជុលរថយន្តណាមួយ វាមិនមែនជារឿងលំបាកទេ ក្នុងការសុំលេខទូរស័ព្ទមេជាង នៅហាងនោះ។ លេខទូរស័ព្ទនេះគឺសំខាន់ ក្នុងករណីអ្នកខូចរថយន្តនៅតាមផ្លូវ អ្នកអាចទាក់ទងសាកសួរ ក្រែងលោមានដំណោះស្រាយ ដែលអ្នកអាចធ្វើដោយខ្លួនឯង ដោយមិនចាំបាច់រកជាង ឬរថយន្តសណ្តោង។

Tip-Repair-Car-on-Budget-02

៣. ទិញសេវាកម្មជួសជុលកញ្ចប់

នៅកម្ពុជា មានតែក្រុមហ៊ុនធំៗ ឬស្ថាប័នររដ្ឋទើបមានកញ្ចប់សេវាកម្មជួសជុលរថយន្ត។ ប៉ុន្តែអ្នកអាចសាកល្បងនិយាយជាមួយនឹង ម្ចាស់ហាងជួសជុល ប្រសិនបើអ្នកប្រាកដថា រថយន្តអ្នក (និងរថយន្តសមាជិកគ្រួសារ) ត្រូវការជួសជុលច្រើន។ ការទិញកញ្ចប់សេវាកម្មជួសជុលធូរថ្លៃច្រើន ប៉ុន្តែអាស្រ័យលើការចរចាគ្នាដែរ។

៤. ទិញរថយន្ត ដែលមានការធានាជួសជុល

ចំណុចនេះក៏សំខាន់ណាស់ដែរ។ វាមានប្រយោជន៍ក្នុងការការពារថវិការបស់អ្នក។ ប្រសិនបើហាង ដែលលក់រថយន្តឲ្យអ្នកមានការធានាជួសជុល អ្នកគួរពិចារណាចរចាជាម្ចាស់ហាង ក្នុងការបន្តកិច្ចសន្យា ដូចជា គេធានាជួសជុលឲ្យមួយឆ្នាំ អ្នកស្នើធានាជួសជុលពីរឬបីឆ្នាំ ដោយបង់ប្រាក់ប្រចាំឆ្នាំ (ទៅតាមចំនួនចំណាយ ដែលអ្នកគិតថាសមរម្យ)។

៥. កុំភ្លេចប្រៀបធៀប តម្លៃជួសជុល

ហាងជួសជុលខ្លះមានសេវាកម្មល្អ ប៉ុន្តែតម្លៃថ្លៃ។ អ្នកអាចដើរសួររកហាង ដែលមានតម្លៃសេវាកម្មធូរថ្លៃ ហើយការជួសជុលល្អគួរសម អ្នកដើរស៊ើបសួរឲ្យច្រើន រួចយកមកពិចារណា និងប្រៀបធៀបពីតម្លៃ និងគុណភាពនៃការជួសជុល។ បន្ទាប់មក អ្នកអាចសម្រេចជ្រើសរើសយកហាងចាស់ ឬថ្មីណាមួយ ដែលអ្នកអាចជឿទុកចិត្តបញ្ជូនរថយន្តរបស់អ្នកទៅជួសជុល។

ទាំងនេះជាគន្លឹះ ក្នុងការគ្រប់គ្រងលើការចំណាយថវិកាជួសជុលរថយន្ត។ ទំនើប សង្ឃឹមថា គន្លឹះទាំង ៥ ខាងលើនឹងជួយសម្រាលបន្ទុក និងបញ្ហារបស់ម្ចាស់រថយន្តទាំងឡាយ៕

អត្ថបទអ្នកចង់អាន

ទូរទស្សន៍ 8K របស់ Sony បង្ហាញវត្តមានហើយ

ដោយ: ដួងច័ន្ទ 9 AM, Wednesday, 16 Jan, 2019

ឆ្នាំថ្មីនេះ នៅក្នុងព្រឹត្តិការណ៍ CES ក្រុមហ៊ុន Sony គឺជាក្រុមហ៊ុនមួយ ក្នុងចំណោមក្រុមហ៊ុន ផលិតទូរទស្សន៍ ដែលបានប្រឡូកចូលក្នុងការផលិតទូរទស្សន៍ 8K ជាម...

Razer Lancehead: Mouse គ្មានខ្សែល្អបំផុត

ដោយ: ដួងច័ន្ទ 9 PM, Monday, 26 Feb, 2018

ក្រុមហ៊ុន Razer បានផលិត និងលក់ផលិតផល Mouse យ៉ាងជោគជ័យនៅក្នុងទីផ្សារ Hardware របស់កុំព្យូទ័រអស់រយៈពេលជាច្រើនឆ្នាំមកហើយ។ រហូតមកទល់ពេលនេះ ក្រុមហ៊ុនបាន...

Mercedes បានបង្កើតរថយន្តក្រុង សម្រាប់អនាគតកាល

ដោយ: ដួងច័ន្ទ 8 PM, Monday, 19 Jun, 2017

ក្រុមហ៊ុន Mercedes-Benz ចង់នាំយកប្រព័ន្ធដឹកជញ្ជូន ស្វយ័តមកជូនមហាជនទាំងអស់។ កាលពីឆ្នាំមុន ក្រុមហ៊ុនបានបង្កើតរថយន្តក្រុង ពាក់កណ្តាលស្វយ័ត មានឈ្មោះថា ...

មកដឹង គន្លឹះទាំង 7 ដើម្បីជួយបង្កើនល្បឿននៅក្នុងស្មាតហ្វូនស៊េរីចាស់

ដោយ: ភារុន 8 AM, Monday, 28 Jan, 2019

ប្រសិនបើអ្នករកឃើញថាស្មាតហ្វូនរបស់អ្នកដំណើរការជាមួយនឹង Layer Software, App, និង File ឯកសារ មានការយឺតយ៉ាវជាងមុន ដោយសារតែអ្នកបានប្រើប្រាស់ទូរស័ព្ទនេះអ...

Tomnerb.Com - YouTube Channel