ចូលចិត្តទំនើប

ក្រុមហ៊ុន KSLM បានចូលរួម ការតាំងពិព័រណ៍ Camfood 2018 នៅមជ្ឈមណ្ឌលពិព័រណ៍កោះពេជ្រថ្ងៃទី 19-21 ខែ កញ្ញា ឆ្នាំ 2018

ដោយ: ទំនើប 4 PM, Friday, 30 Nov, 2018

កម្មវិធីតាំងពិព័រណ៍ អាហារ និងភេសជ្ជៈអន្ដរជាតិដ៏ធំបំផុត នៅឯមជ្ឈមណ្ឌលពិព័រណ៍កោះពេជ្រ រាជធានីភ្នំពេញ ដែលត្រូវបានហៅថាពិព័រណ៍ Camfood 2018 ដែលបានធ្វើឡើងរយៈពេល 3 ថ្ងៃ គឺចាប់ពីថ្ងៃទី 19 ដល់ 21 ខែ កញ្ញា ឆ្នាំ 2018 កន្លងទៅនេះ ហើយជាកម្មវិធីមួយដែលប្រមូលផ្តុំដ៏ធំបំផុតនៃអ្នកជំនាញនៅក្នុងឧស្សាហកម្មម្ហូបអាហារ និងភេសជ្ជៈ និង ឧស្សាហកម្មបដិសណ្ឋារកិច្ច នៅក្នុងព្រះរាជាណាចក្រកម្ពុជា។ ម្យ៉ាងទៀតនៅក្នុងព្រឹត្តិការណ៍ដ៏ធំនេះមានចំនួនជាង 300 ពិព័រណ៍ និងម៉ាកយីហោល្បីៗ 26 ប្រទេសដូចជា៖ ចិន បារាំង អ៊ីតាលី ម៉ាឡេស៊ី តៃវ៉ាន់ សឹង្ហបូរី ថៃ និង វៀតណាម… ព្រមទាំងមានការចូលរួមពីសហរដ្ឋអាមេរិកផងដែរ។ ពិព័រណ៍ Camfood 2018 ជាវេទិកាដែលអ្នកចូលរួមអាចទទួលបានព័ត៌មានអំពីគំនិតច្នៃប្រឌិតថ្មីៗ នៃការផ្តល់សេវាកម្មម្ហូបអាហារ ការផ្តល់សេវាកម្ម បដិសណ្ឋារកិច្ច និងដំណោះស្រាយផ្សេងៗសម្រាប់មុខជំនួញម្ហូបអាហារ និងភេសជ្ជៈជាច្រើនប្រភេទ នៅក្នុងប្រទេសកម្ពុជា ក៏ដូចជាការកសាងឱកាសអាជីវកម្មផងដែរ។ ជាពិសេសគឺមានការគាំទ្រពី ឧស្សាហកម្មអភិវឌ្ឍន៍ម្ហូបអាហារ និងភេសជ្ជៈ។ ព្រមទាំងបានធ្វើការណែនាំផលិតផលថ្មីៗ គំនិត និងដំណោះស្រាយ ដើម្បីធ្វើឱ្យប្រសើរឡើងទាំងគុណភាព និងវិជ្ជាជីវៈ នៅក្នុងឧស្សាហកម្មម្ហូបអាហារ និងភេសជ្ជៈ និងឧស្សាហកម្មបដិសណ្ឋារកិច្ច។

នៅក្នុងព្រឹត្តិការណ៏ដ៏ធំនេះ ក៏មានការចូលរួមពីខាងក្រុមហ៊ុន KSLM ដែលជាក្រុមហ៊ុនមួយ ឈានមុខគេសម្រាប់ការផ្គត់ផ្គង់ និងចែកចាយសម្ភារប្រើប្រាស់ក្នុងផ្ទះបាយសម្រាប់ធ្វើអាជីវកម្ម និង សម្ភារបរិក្ខាសម្រាប់ប្រើប្រាស់នៅតាមភោជនីយដ្ឋាន សណ្ឋាគារ ហាងនំ និងហាងកាហ្វេនានា នៅក្នុងប្រទេសកម្ពុជា។ ក្រុមហ៊ុន KSLM ត្រូវបានបង្កើតឡើងតាំងពីឆ្នាំ 2005 មកម្ល៉េះ ហើយដោយសារក្រុមហ៊ុនមានបទពិសោធន៍ជាច្រើនឆ្នាំ នៅក្នុងឧស្សាហកម្មបដិសណ្ឋារកិច្ច ទើបធ្វើឱ្យកេរ្តិ៍ឈ្មោះរបស់ក្រុមហ៊ុនកំពុងកើនឡើង។

សម្រាប់គោលបំណងចម្បងរបស់ក្រុមហ៊ុន នោះគឺដើម្បីអនុញ្ញាតឱ្យអតិថិជនអាចទទួលបានអត្ថប្រយោជន៍ក្នុងការទិញផលិតផលរបស់ក្រុមហ៊ុនផ្ទាល់ ហើយក្រុមហ៊ុនក៏បានប្តេជ្ញាក្នុងការដោះស្រាយបញ្ហាដែលកើតមាន។ លើសពីនេះនៅក្នុងឱកាសនេះ ក្រុមហ៊ុន KSLM ក៏ប្តេជ្ញាផ្តល់ជូននូវការណែនាំអំពីផលិតផល និងសេវាកម្មដ៏ល្អបំផុតដែលក្រុមហ៊ុនមានសម្រាប់អតិថិជនទាំងអស់ផងដែរ។

ខណៈពេលដែលសេដ្ឋកិច្ចរបស់ប្រទេសកម្ពុជានៅតែបន្តកើនឡើងជាង 7% នឹងការមកដល់នៃអ្នកទេសចរណ៍កាន់តែមានការកើនឡើងក្នុងកម្រិតប្រហាក់ប្រហែលគ្នាដែរនោះ ដូច្នេះគឺមានតម្រូវការនៃគ្រឹះស្ថានម្ហូបអាហារជាច្រើនប្រភេទ នឹងកើន ឡើងផងដែរ។ នេះក៏ជាមូលហេតុ ដែលចំនួននៃម៉ាកយីហោល្បីៗ សម្រាប់ផ្គត់ផ្គង់លក្នុងការប្រើប្រាស់ ដើម្បីចម្អិនម្ហូបអាហារ និងធ្វើភេសជ្ជៈកំពុងតែកើនឡើងផងដែរ។ ម្យ៉ាងទៀតដោយសារតែឥឡូវនេះប្រាក់ចំណូលរបស់ប្រជាជនកម្ពុជាមានការកើនឡើង ពួកគាត់ក៏ចង់បានផលិផលដែលមានទាំងគុណភាពល្អ និងប្រសិទ្ធភាពខ្ពស់ ដូច្នេះផលិតផល និង សេវាកម្មរបស់ក្រុមហ៊ុន KSLM គឺសក្តិសមបំផុតសម្រាប់ជម្រើសនាសម័យបច្ចេកវិទ្យាថ្មីនេះ។

ប្រភព: kslm-investment ផ្នែក: បច្ចេកវិទ្យា, Appliances

អត្ថបទអ្នកចង់អាន

Apple បង្ហាញជាផ្លូវការនៅ iPhone ថ្មី​របស់​ខ្លួន រួមមាន iPhone XS, XS Max និង XR

ដោយ: ទំនើប 10 AM, Thursday, 13 Sep, 2018

ព្រឹត្តិការណ៍ iPhone ប្រចាំឆ្នាំ 2018 របស់ក្រុមហ៊ុន Apple បានចេញមកហើយ ពិតណាស់ក្រុមហ៊ុនបានប្រកាសអំពីទូរស័ព្ទ iPhone ស៊េរីថ្មីៗដែលមានដូចជា iPhone Xs ...

សូមណែនាំទូរសព្ទហ្គេមថ្មី Red Magic 3

ដោយ: ដួងច័ន្ទ 8 AM, Thursday, 02 May, 2019

យើងធ្លាប់បានឃើញក្រុមហ៊ុន Asus និង Black Shark ផ្តល់ជូននូវកង្ហារបញ្ចុះកម្តៅខាងក្រៅ សម្រាប់ប្រើប្រាស់ជាមួយទូរសព្ទ Gaming Smartphone របស់ពួកគេ ប៉ុន្តែ...

Router សម្រាប់ហ្គេមលឿនបំផុត

ដោយ: ដួងច័ន្ទ 8 AM, Wednesday, 17 Oct, 2018

វាពិតជាមិនមែនជារឿងងាយស្រួលទេ សម្រាប់ការភ្ជាប់ម៉ាស៊ីនហ្គេម ឬកុំព្យូទ័រជាមួយនឹងបណ្តាញអ៊ីនធឺណេតប្រើប្រាស់ខ្សែ ដើម្បីធានាថាការលេងហ្គេម Online របស់អ្នកអ...

Moodo ឧបករណ៍បាញ់ក្លិនក្រអូប ដ៏ឆ្លាតវៃ

ដោយ: ដួងច័ន្ទ 7 PM, Friday, 07 Apr, 2017

ក្លិន គឺជាជម្រើសផ្ទាល់ខ្លួនរបស់បុគ្គលម្នាក់ៗ។ ដូច្នេះហើយទើបម៉ាស៊ីន Moodo ត្រូវបានបង្កើត ឡើង។ វាជាឧបករណ៍បាញ់ក្លិនក្រអូបក្នុងបន្ទប់ ដែលផ្តល់នូវជម្រើស...

Tomnerb.Com - YouTube Channel