ចូលចិត្តទំនើប

ការជួសជុលបញ្ហាលើផលិតផល Apple

ដោយ: ដួងច័ន្ទ 3 PM, Friday, 30 Nov, 2018

ក្រុមហ៊ុន Apple បានជ្រើសយកល្ងាចថ្ងៃសុក្រ ក្នុងការប្រកាសអំពីកម្មវិធី ដែលនឹងជំនួសសមាសភាពដែលមានបញ្ហា ដែលកើតមានឡើងនៅលើឧបករណ៍មួយចំនួនរបស់ក្រុមហ៊ុន។

ដំបូងបង្អស់គឺការជំនួសកម្មវិធីសម្រាប់បញ្ហា Display Module នៅលើទូរសព្ទ iPhone X។ ម្ចាស់របស់ទូរសព្ទទំនើបនេះមួយចំនួនបានរាយការណ៍ថា វាមានបញ្ហាក្នុងការប៉ះបញ្ជារ ចាប់តាំងពីទូរសព្ទនេះត្រូវបានដាក់លក់ដំបូង ហើយយោងតាមក្រុមហ៊ុន Apple ផ្នែកដែលរងបញ្ហានៅលើអេក្រង់ អាចបណ្តាលឱ្យកើតមានបញ្ហាមួយចំនួនដូចខាងក្រោម៖

– អេក្រង់ ឬផ្នែកណាមួយរបស់អេក្រង់ មិនមានការឆ្លើយតប ឬធ្វើការឆ្លើយតបយឺតនៅពេលប៉ះ
– អេក្រង់បញ្ចេញប្រតិកម្ម ទោះបីមិនត្រូវបានប៉ះ

បើសិនជាអេក្រង់ Touchscreen របស់អ្នកមានបញ្ហានេះកើតឡើង ដូច្នេះវានឹងត្រូវបានផ្លាស់ប្តូរជំនួសដោយឥតគិតថ្លៃ តែយ៉ាងណាក៏ត្រូវមានការគិតថ្លៃមួយចំនួន ដូចជាក្នុងករណីអេក្រង់ប្រេះស្រាំជាដើម។ កម្មវិធីផ្លាស់ប្តូរនេះ គ្របដណ្តប់លើទូរសព្ទ iPhone X សម្រាប់រយៈពេល 3 ឆ្នាំ គិតចាប់ពីថ្ងៃដែលវាត្រូវបានទិញដំបូង។

បញ្ហាមួយផ្សេងទៀត ត្រូវបានកំណត់នៅទីនេះ គឺផ្តោតលើ SSD ដែលបានបំពាក់នៅលើ MacBook Pro ទំហំ 13 inch ដែលមិនមាន Touchbar ដែលមានលក់ក្នុងចន្លោះពីខែមិថុនា ឆ្នាំ 2017 និងខែមិថុនា ឆ្នាំ 2018។

ឧបករណ៍ជាក់លាក់ ជាមួយ SSD មានទំហំ 128GB ឬ 256GB មានបញ្ហាមួយដែលអាចបណ្តាលឱ្យបាត់បង់ទិន្នន័យ និងបរាជ័យក្នុងដំណើរការ។ ដូច្នេះក្រុមហ៊ុន Apple រៀបរាប់ថាវានឹងត្រូវការ Update Firmware នៅលើ Drive។
ប៉ុន្តែ នៅក្នុងករណីនេះ ការធ្វើបែបនេះនឹងត្រូវ Reformat ឃ្លាំងផ្ទុកទិន្នន័យ ដូច្នេះជាគន្លឹះអ្នកត្រូវធ្វើការ Backup ទិន្នន័យរបស់អ្នក មុនពេលយកវាទៅកាន់កន្លែងជួសជុល។ អ្នកអាចស្វែងរកឃើញថាតើ Laptop របស់អ្នកស្ថិតនៅក្នុងចំណោមផលិតផលដែលរងផលប៉ះពាល់ឬទេ ដោយបញ្ចូលលេង Serial Number របស់វានៅលើគេហទំព័រ Apple។

សម្រាប់កម្មវិធីទាំងពីរនេះ បើសិនជាអ្នកធ្លាប់ជួបប្រទះនឹងបទពិសោធន៍ស្រដៀងគ្នានេះ ហើយធ្លាប់បានចំណាយថវិកាលើការជួសជុល អ្នកអាច និងគួរតែទំនាក់ទំនងទៅកាន់ក្រុមហ៊ុន Apple អំពីការសងថវិកាត្រឡប់៕

ប្រភព: engadget ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

សម្ភារៈស្វាគមន៍ បវេសនកាលថ្មី

ដោយ: ដួងច័ន្ទ 11 PM, Saturday, 28 Oct, 2017

សិស្សានុសិស្សសម័យថ្មី ត្រូវដើរឱ្យទាន់បច្ចេកវិទ្យាទំនើប ជាមួយការប្រើប្រាស់សម្ភារៈទាន់សម័យ។ សម្ភារៈទំនើបៗទាំងនោះនឹងជួយឱ្យការសិក្សារបស់អ្នក កាន់តែងាយស...

តើ Huawei MateBook X Pro ថ្មីមានអ្វីពិសេស?

ដោយ: ដួងច័ន្ទ 9 AM, Wednesday, 27 Feb, 2019

កាលពីឆ្នាំមុន ក្រុមហ៊ុន Huawei បានបញ្ចេញកុំព្យូទ័រយួរដៃម៉ូដែល MateBook X Pro ដែលជាផលិតផល Laptop ដ៏អស្ចារ្យមួយ មានសមត្ថភាពចម្រុះ ងាយស្រួលយកតាមខ្លួន ...

Dell ប្រកាសពី XPS 13 ជួសជុលថ្មី ដែលអ្នកគួរតែដឹង

ដោយ: ដួងច័ន្ទ 5 PM, Saturday, 03 Mar, 2018

កាលពីពេលថ្មីៗនេះ ក្រុមហ៊ុនផលិតកុំព្យូទ័រដ៏ធំមួយ គឺ Dell បានប្រកាសពី Version ថ្មីនៃម៉ូដែល Laptop XPS 13 ដែលក្រុមហ៊ុនបានអះអាងថា បានធ្វើការពង្រឹងគ្រប់...

ក្រុមហ៊ុន LG បង្ហាញទូរទស្សន៍ OLED 8K ដំបូងគេបង្អស់លើពិភពលោកព្រឹត្តិការណ៍ IFA

ដោយ: ទំនើប 8 AM, Thursday, 06 Sep, 2018

ក្រុមហ៊ុន LG ជាអ្នកឈានមុខគេស្រាប់ក្នុងការបង្កើតទូរទស្សន៍ OLED ដ៏ទំនើប ហើយឥឡូវនេះក៏បានបង្ហាញនូវទូរទស្សន៍ OLED 8K ទំហំ (7680 x 4320) ដំបូងគេបង្អស់នៅល...

Tomnerb.Com - YouTube Channel