ចូលចិត្តទំនើប

កម្មវិធីថ្មីរបស់ Google ជួយឱ្យរូបភាពកាន់តែស្អាត

ដោយ: ដួងច័ន្ទ 4 PM, Friday, 30 Nov, 2018

ក្រៅពីការរឹតបណ្តឹងសុវត្ថិភាពនៅលើគេហទំព័រក្លែងបន្លំនានា ក្រុមហ៊ុន Google ក៏បាននឹងកំពុងសម្លឹងរកមើលឱកាសធ្វើឱ្យគេហទំព័រដំណើរការកាន់តែលឿន ដោយធ្វើការប្រយុទ្ធជាមួយរូបភាពដែលមានភាពទើសទែង។ ជំហានថ្មីនេះទទួលបានការសាទរជាច្រើនពីអ្នកប្រើប្រាស់បណ្តាញអ៊ីនធឺណេតពីគ្រប់ទីកន្លែង។
Google Chrome Labs បានរចនាឧបករណ៍នៅលើគេហទំព័រថ្មី ដែលមានឈ្មោះថា Squoosh ដែលអនុញ្ញាតឱ្យ Developer អាច Compress និង Reformat រូបភាពបាន។ កម្មវិធីនេះចុចនៅលើ WebAssembly ដើម្បីធ្វើការកែលម្អរូបភាពបានយ៉ាងលឿន ដោយប្រើប្រាស់ Codecs ជាច្រើនប្រភេទ ហើយនឹងមាននៅលើគ្រប់ Browser ទាំងអស់។

អ្នកអាចចូលទៅប្រើប្រាស់ Squoosh Online តាមរយៈគេហទំព័រកម្រិតស្រាលរបស់វា ហើយនៅពេលវាបញ្ចប់ វាក៏អាចដំណើរការ Offline នៅក្នុង Browser បានដែរ។ ចំពោះកម្មវិធី Web-Based គឺជាការប្រើប្រាស់កម្មវិធីដោយផ្ទាល់។ វាគាំទ្រជាមួយ Web Format ជាច្រើន រួមមាន JPG, MozJPED, WebP និង PNG។

វាក៏បង្ហាញប្រាប់អ្នកនូវ Visual ប្រភេទ 1:1 ធៀបទៅនឹងរូបភាពដើម និងរូបភាព Compressed រួច ដើម្បីជួយបង្ហាញអ្នកអំពីភាពខុសគ្នានៃរូបភាពទាំងពីរ។ នៅពេលអ្នកបញ្ចប់ការកែរូប អ្នកគ្រាន់តែចុចលើ Download ដើម្បី Save រូបភាពនោះ។ Squoosh គឺជាឧបករណ៍ប្រភេទ Open-Source ដូច្នេះបើសិនជាអ្នកមានចំណាប់អារម្មណ៍នៅក្នុងកម្មវិធីនេះ អ្នកអាចទទួលបាន Code របស់វានៅលើ GitHub។
អ្នកប្រើប្រាស់ Google មួយរូបមានឈ្មោះថា Jake Archibald បានរៀបរាប់ប្រាប់គេហទំព័រ Engadget ថាកម្មវិធីថ្មីនេះមានមុខងារមួយចំនួនដែលដំណើរការតែនៅលើ Firefox និង Safari ប៉ុណ្ណោះ។ គាត់បានបញ្ជាក់ថា «យើងបានបង្ហាញនូវគ្រប់ Encoder ទាំងអ្នកដែល Browser មាន ហើយ Firefox ដំណើរការ Encoding ទៅជា BMP ចំណែក Safari ប្រែក្លាយ Encoding ទៅជា OS ដូច្នេះវាអាច Encode រូបភាពប្រភេទ JPEG2000, TIFF, BMP, PDF, GIF។ ប៉ុន្តែ Chrome មិនមានមុខងារទាំងនេះទេ»។

ទោះបី Google មានបញ្ហាលើពេលវេលានៃការដំណើរការគេហទំព័រនានា ក៏ក្រុមហ៊ុននឹងមិនបាត់បង់ចំនួនអ្នកប្រើប្រាស់ច្រើនពេកដែរ។ ព្រមជាមួយគ្នានេះ ក្រុមហ៊ុន Google ក៏មានគម្រោងដាក់ដំណើរការកម្មវិធី Fast-Loading សម្រាប់គេហទំព័រនៅលើទូរសព្ទដៃ ឱ្យប្រែក្លាយជាគេហទំព័រស្តង់ដា។ គម្រោងនេះត្រូវបានរំពឹងថាក្រុមហ៊ុនអាចពង្រីកសក្តានុភាពកាន់តែធំទៅលើគេហទំព័ររបស់ខ្លួន និងនាំយកគេហទំព័រទាំងស្រុងទៅក្នុងការពាររបស់ក្រុមហ៊ុន។ ការលុបបំបាត់បញ្ហាលើរូបភាពធំៗ ក៏ជាផ្នែកនៃគម្រោងដ៏ធំនេះដែរ៕

អត្ថបទអ្នកចង់អាន

UE Wonderboom ពណ៌ចម្រុះថ្មី ស្អាតខ្លាំង!!

ដោយ: Belle 9 PM, Saturday, 02 Jun, 2018

ក្រុមហ៊ុន Ultimate Ears (UE) ជាក្រុមហ៊ុនផលិតបាសប៊្លូធូសល្បីឈ្មោះ ព្រោះសមត្ថភាពមិនជ្រៀបទឹក ជាពិសេសបំពងសំឡេងច្បាស់ដល់ទៅ360ដឺក្រេ បានបញ្ចេញ UE Wonderb...

របៀបប្រើប្រាស់ Screenshot នៅលើ Galaxy S8

ដោយ: ដួងច័ន្ទ 8 PM, Monday, 01 May, 2017

នាពេលនេះទូរសព្ទ Galaxy S8 មិនមានប៊ូតុង Home ទៀតទេ ដូច្នេះវិធីសាស្រ្តក្នុងការប្រើប្រាស់មុខ ងារ Screenshot ត្រូវបានផ្លាស់ប្តូរ។ មុនពេលមានវត្តមាន Gala...

ស្វែងយល់ពី eSIM របស់ក្រុមហ៊ុន Smart

ដោយ: ដួងច័ន្ទ 9 AM, Monday, 11 Mar, 2019

តើអ្នកមានដឹងទេថា បច្ចេកវិទ្យា eSIM អាចដំណើរការបានហើយនៅក្នុងប្រទេសកម្ពុជាយើង? ក្រុមហ៊ុនបណ្តាញទូរសព្ទចល័ត Smart ជាក្រុមហ៊ុនទូរគមនាគមន៍ដំបូងគេនៅកម្ពុជ...

Game Online ល្បីៗទាំង ១០ សម្រាប់ថ្ងៃបុណ្យ Christmas

ដោយ: ដួងច័ន្ទ 8 PM, Friday, 02 Dec, 2016

Christmas កំពុងឈានចូលមកដល់ហើយ។ ពេលវេលាដ៏រីករាយបំផុតប្រចាំឆ្នាំ មកដល់ឆាប់ៗនេះហើយ មកជាមួយនឹងក្លិនផ្លែប៉ោម ក្លិនដើមឈើអែម និងដើមស្រល់ ជាមួយនឹងកិច្ចសន្យ...

Tomnerb.Com - YouTube Channel