ចូលចិត្តទំនើប

ការសិក្សាមួយ បានរកឃើញថា កុមារកាន់តែឆ្លាតវៃ ប្រសិនបើអ្នកម្តាយមានរូបគេ ក្រោយអាយុ 30ឆ្នាំ!

ដោយ: ចរិយា 8 AM, Friday, 16 Aug, 2019

យោងទៅតាមការស្រាវជ្រាវ និងអត្ថបទជាច្រើន បានបង្ហាញថាអាយុដ៏ល្អបំផុតក្នុងការផ្តល់កំណើតកូន នៅក្នុងចន្លោះពីវ័យ 20ឆ្នាំទៅ29ឆ្នាំ ហើយប្រសិនបើអ្នកម្តាយមានកូន នៅអាយុយឺតជាងនេះ ទំនងជាម្តាយ និងកូន នឹងត្រូវប្រឈមជាមួយនឹងបញ្ហាសុខភាពមួយចំនួន។ ប៉ុន្តែផ្ទុយទៅវិញ នៅក្នុងការសិក្សាមួយបានបង្ហាញថា ការមានកូនក្រោយអាយុ 30ឆ្នាំ អាចធ្វើឱ្យកូនកាន់តែមានភាពវៃឆ្លាតជាងមុន។ នេះអាចជាដំណឹងដ៏ល្អមួយ សម្រាប់អ្នកម្តាយមានអាយុច្រើន។ តោះ! មកអានអត្ថបទខាងក្រោមនេះ ដើម្បីស្វែងយល់ទាំងអស់គ្នា៖

• ម្តាយ មានអាយុ30ឆ្នាំ បង្កើតកូនមកឆ្លាត
ការសិក្សាមួយ ដែលបានធ្វើឡើងនៅចក្រភពអង់គ្លេស បានសិក្សាទៅលើកុមារប្រហែល18,000នាក់ ដើម្បីមើលថាតើវាមានទំនាក់ទំនងគ្នាដែរឬទេ រវាងអាយុរបស់ម្តាយ និងការលូតលាស់បញ្ញារបស់កូន? ការសិក្សានេះបានរកឃើញថា ម្តាយដែលមានកូនដំបូង មានអាយុចន្លោះពី 30ឆ្នាំទៅ39ឆ្នាំ ទំនងជាអាចប្រសូតបានកូនមានបញ្ញាឆ្លាតវៃ ជាងម្តាយមានអាយុចន្លោះពី 20ឆ្នាំទៅ29ឆ្នាំ។ ទារកដែលកើតពី ម្តាយមានអាយុក្រោយ30ឆ្នាំ ជាទូទៅ ទទួលបានពិន្ទុខ្ពស់ ទៅលើការធ្វើតេស្តសមត្ថភាពយល់ដឹង (IQ) របស់ក្មេងអាយុ 5ឆ្នាំ បើប្រៀបធៀបជាមួយនឹង ក្មេងអាយុ5ឆ្នាំដូចគ្នា ប៉ុន្តែកើតពីម្តាយវ័យក្មេង។ នេះ គឺវាមានភាពស្របគ្នាជាមួយនឹង ការសិក្សាមួយនៅក្នុងប្រទេសស៊ុយអែតផងដែរ ដែលសិក្សាទៅលើក្មេងមានអាយុ 16 ឆ្នាំដែលរៀននៅក្នុងសាលារៀនមួយ ហើយបានរកឃើញកម្រិតពិន្ទុមធ្យម (GPA) ខ្ពស់បំផុតលំដាប់ទីមួយ គឺជាក្មេងដែលកើតពីម្តាយមានអាយុចាប់ពី 35ឆ្នាំទៅ39ឆ្នាំ ហើយ (GPA) ខ្ពស់លំដាប់ទីពីរ គឺជាក្មេងដែលកើតពីម្តាយមានអាយុពី 30ឆ្នាំទៅ34ឆ្នាំ។

• ពួកគេមានធនធាន ច្រើនជាងម្តាយវ័យក្មេង
យោងទៅតាមអ្នកស្រី Alice Goisis អ្នកស្រាវជ្រាវនៅក្នុងសាលាសេដ្ឋកិច្ចទីក្រុងឡុងដ៏ ដែលជាអ្នកស្រាវជ្រាវម្នាក់គត់ របស់ចក្រភពអង់គ្លេសបានសិក្សា នឹងរកឃើញថា «ម្តាយមានវ័យ30ឆ្នាំ ទំនងជាទទួលបានការអប់រំខ្ពស់ និងមានប្រាក់ចំណូលច្រើន ហើយនេះ វាពិតជាមានទំនាក់ទំនងទៅនឹងស្ថេរភាពក្នុងការរស់នៅ ដែលមានសុខភាពល្អ និងទទួលបានការថែទាំបានល្អមុនពេលមានផ្ទៃពោះ ហើយក៏អាចរៀបចំផែនការច្បាស់លាស់ នៅពេលមានផ្ទៃពោះផងដែរ»។


• ម្តាយវ័យចាស់ពេក ទំនងជាមិនទទួលបានអត្ថប្រយោជន៍នេះទេ
ការស្រាវជ្រាវដដែល បានរកឃើញថាការពន្យាពេលនៃការមានគភ៌ ក្រោយពីម្តាយឈានចូលវ័យ40ឆ្នាំ អាចមិននាំឱ្យកូនមានបញ្ញាឆ្លាតវៃនោះទេ។ ទោះបីជាយ៉ាងណាក៏ដោយ ដោយសារតែ នៅក្នុងទិន្នន័យក៏មានម្តាយប្រមាណ 50នាក់ដែលមានអាយុលើសពី 40ឆ្នាំ ក៏ជាផ្នែកមួយនៃការសិក្សាផងដែរ។ ចំណែកឯនៅក្នុងប្រទេសស៊ុយអែត ក្មេងអាយុ16ឆ្នាំ កើតពីម្តាយមានអាយុពី 40ឆ្នាំទៅ44ឆ្នាំ ក៏នៅតែធ្វើបានល្អជាងក្មេងដែលកើតពីម្តាយវ័យ20ឆ្នាំដែរ។ ប៉ុន្តែ កូនដែលកើតពីម្តាយចាប់ពីអាយុ 45ឆ្នាំឡើងទៅ ទំនងជាសុខភាពមិនល្អទេ បើធៀបនឹងកូនដែលកើតម្តាយវ័យ 25ឆ្នាំទៅ29ឆ្នាំ ប៉ុន្តែ វាក៏នៅតែមានភាពប្រសើរជាង កូនដែលកើតពីម្តាយមានអាយុតិចជាងនេះផងដែរ៕


តើយល់ស្របជាមួយនឹងការរកឃើញនេះដែរឬទេ? តើអ្នកនឹងរង់ចាំមានកូន រហូតដល់អ្នកមានអាយុ30ឆ្នាំ ឬក៏ អ្នកចង់ចាប់ផ្តើមធ្វើជាម្តាយតាំងពីក្មេងទៅ?

ប្រភព: brightside ផ្នែក: បែបបទជីវិត, សុខភាព

អត្ថបទអ្នកចង់អាន

6 ចំណុច ដែលឪពុកម្តាយត្រូវបង្រៀនឱ្យដឹង មុននឹងនាំកូនតូចចូលរោងភាពយន្ត

ដោយ: រីកា 4 PM, Monday, 09 May, 2016

ឪពុកម្តាយ​ជាច្រើន​ចង់​នាំ​កូនតូច​ជាទី​ស្រឡាញ់​ ទៅ​មើល​កុន​ជាមួយ​ដែរ តែ​ក៏​បារម្ភ​ថា​នឹង​កើត​ហេតុដែល​មិន​នឹកស្មាន​ដល់​កណ្តាល​រោងភាពយន្ត ក្លាយ​ជាការ​...

មិននឹកស្មាន! ផ្លែទំពាំងបាយជូរ អាចជួយពង្រឹងសុខភាព បានច្រើនដល់ម្ល៉ឹង!

ដោយ: ភារុន 8 AM, Saturday, 16 Mar, 2019

ជាទូទៅ ផ្លែទំពាំងបាយជូរតែងមានពណ៌ ក្រហម ស្វាយ និងពណ៌បៃតង… លើសពីនេះផ្លែទំពាំងបាយជូរ មានទាំងរសជាតិឆ្ងាញ់ និងជាអាហារបំប៉នដ៏ល្អបំផុត ដែលអ្នកអាចបន្...

តោះ! មកស្គាល់ 7 មូលហេតុ ដែលការលែងលះ មិនអាក្រក់ ដូចជាការរស់នៅក្នុងចំណងអាពាហ៍ពិពាហ៍ដែលមិនល្អ

ដោយ: ភារុន 10 AM, Monday, 01 Jul, 2019

ខណៈពេលយើងរៀបការ យើងតែងមានអារម្មណ៍ថា នឹងអាចស្វែងរកសុភមង្គលដ៏ពិតប្រាកដមួយ។ ប៉ុន្តែ ជាក់ស្តែងស្ថិតិដែលបានបង្ហាញពីលទ្ធផលខុសគ្នាច្រើន ទាក់ទងទៅនឹងអាពាហ៍ព...

អស់បារម្ភ រឿងក្លិនមាត់ សាកវិធីទាំង 4 នេះនឹងទទួលបាន លទ្ធផលជាទីគាប់ចិត្ត!

ដោយ: ភារុន 9 AM, Friday, 01 Mar, 2019

តាមស្ថិតិ មនុស្សទូទាំងពិភពលោកប្រមាណពី 5% ទៅ 60% កំពុងជួបប្រទះនឹងបញ្ហាក្លិនមាត់ បើទោះបីជាបានតមអាហារដែលមិនល្អដល់ក្លិនមាត់ក្តី។ ពេលខ្លះមនុស្សបានប្រើវិ...

Tomnerb.Com - YouTube Channel