ចូលចិត្តទំនើប

អ្វីនឹងកើតឡើង? ប្រសិនបើអ្នកញុំាសាច់ត្រី ជារៀងរាល់ថ្ងៃ

ដោយ: ភារុន 11 AM, Wednesday, 10 Apr, 2019

បច្ចុប្បន្ននេះ គ្រូពេទ្រតែងណែនាំឱ្យយើងម្នាក់ៗញុំាសាច់ត្រីប្រហែល 2-3ថ្ងៃក្នុងមួយសប្តាហ៍ ដើម្បីទទួលបានអត្ថប្រយោជន៍សុខភាពល្អបំផុតដល់រាងកាយរបស់យើងគ្រប់គ្នា។ ការញុំាសាច់ត្រីជារៀងរាល់ថ្ងៃ វាអាចផ្តល់ឱ្យអ្នកនូវការចាប់ផ្តើមដ៏សំខាន់ ទៅលើរបបអាហារ ដែលមានជីវជាតិដ៏ជាក់លាក់មួយ ដើម្បីរក្សាសុខភាពល្អបំផុត ដល់រាងកាយរបស់អ្នកជារៀងរាល់ថ្ងៃ ដោយរួមបញ្ចូលទាំង អាហារូបត្ថម្ភសំខាន់ៗជាច្រើន និងអាហារមានជាតិប្រូតេអ៊ីន ព្រមទាំងអាហារមានជាតិខ្លាញ់សុខភាពផងដែរ។ ម្យ៉ាងវិញទៀត ការញុំាសាច់ត្រីជាប្រចាំ ក៏ជួយធ្វើឱ្យការរំលាយអាហារ កាន់តែប្រសើរ និងធ្វើឱ្យស្បែកមានភាពស្រស់ស្អាត…ថែមទៀត។ ចង់ដឹងថាតើសាច់ត្រីមានអត្ថប្រយោជន៍អ្វីខ្លះ និងហេតុផលអ្វី ដែលអ្នកគួរញុំាសាច់ត្រីច្រើន? សូមអានអត្ថបទខាងក្រោមនេះ៖
1. ទទួលបានជាតិខ្លាញ់ល្អ
ជាតិខ្លាញ់នៅក្នុងសាច់ត្រី គឺមានផ្ទុកអាស៊ីតខ្លាញ់អូមេហ្គា 3 ឬក៏អាចហៅថា ជាតិខ្លាញ់សុខភាព។ អូមេហ្គា 3 នេះគឺបានរួមចំណែកជួយដល់មុខងារខួរក្បាលដ៏ល្អបំផុត និងដើរតួនាទីសំខាន់នៅក្នុងសុខភាពសរសៃឈាមបេះដូងផងដែរ។ ការទទួលបានអាស៊ីតខ្លាញ់អូមេហ្គា 3 ពីសាច់ត្រី ឱ្យបានទៀងទាត់ អាចជួយកាត់បន្ថយហានីភ័យនៃជម្ងឺបេះដូង ឬ ជម្ងឺដាច់សរសៃឈាមខួរក្បាល និងបន្ថយល្បឿននៃការកកើតកំណកខ្លាញ់នៅក្នុងសរសៃឈាមផងដែរ។

2. ជួយថែរក្សាបេះដូង ឱ្យមានសុខភាពល្អ
ការសិក្សាថ្មីៗនេះ បានបង្ហាញថា សាច់ត្រីមានផ្ទុកជាតិខ្លាញ់អូមេហ្គា 3 និងសារធាតុចិញ្ចឹមសំខាន់ៗផ្សេងទៀត ដែលជួយធ្វើឱ្យមានការថយចុះនៃការគាំងបេះដូង ឬស្លាប់ដោយសារជម្ងឺបេះដូងជាដើម ខណៈពេលអ្នកញុំាសាច់ត្រីច្រើនជាងសាច់សត្វផ្សេងៗទៀត។ លើសពីនេះ សាច់ត្រីក៏ជាប្រភពនៃវីតាមីន D, B2 បូករួមជាមួយនឹងជាតិកាល់ស្យូម, ផូស្វ័រ, ដែក, ស័ង្កសី, អ៊ីយ៉ូត, ម៉ាញេស្យូម និងប៉ូតាស្យូមផងដែរ។

3. ទទួលបានវីតាមីន D គ្រប់គ្រាន់

ត្រី គឺជាប្រភពធម្មជាតិនៃវីតាមីន D ដែលត្រូវបានសំយោគពី ការប៉ះនឹងពន្លឺព្រះអាទិត្យ។ ដោយសារវីតាមីន D នេះដើរតួនាទីដ៏សំខាន់ក្នុងការ ធ្វើឱ្យរាងកាយរបស់អ្នក ងាយនឹងស្រូបយកសារធាតុចិញ្ចឹមផ្សេងៗពីក្នុងអាហារដែលអ្នកញុំារាល់ថ្ងៃ។ ដូច្នេះជម្រើសដ៏ល្អក្នុងការទទួលបានវីតាមីន D គ្រប់គ្រាន់នោះ គឺការញុំាសាច់ត្រីជារៀងរាល់ថ្ងៃ។

4. ប្រយុទ្ធប្រឆាំងនឹងជម្ងឺធ្លាក់ទឹកចិត្ត

ក្រុមអ្នកវិទ្យាសាស្រ្តកំពុងព្យាយាមកំណត់ពីមូលហេតុ ដែលអ្នកញុំាសាច់ត្រីច្រើនមានអត្រានៃជម្ងឺធ្លាក់ទឹកចិត្តទាប ជាងអ្នកមិនសូវញុំាសាច់ត្រី។ ហើយវាក៏ត្រូវបានគេសន្និដ្ឋានថា សាច់ត្រីអាចជារបបអាហារដ៏មានសុខភាពល្អ ដែលជាទូទៅត្រូវបានផ្សារភ្ជាប់ជាមួយនឹងអារម្មណ៍ល្អប្រសើរ ដោយសារតែវាអាចលើកកម្ពស់មុខងារខួរក្បាល ក្នុងការគ្រប់គ្រងការផ្លាស់ប្តូរ អារម្មណ៍របស់មនុស្សបានល្អប្រសើរ។

5. បន្ថយហានីភ័យនៃជម្ងឺ Autoimmune (ប្រព័ន្ធភាពសុំាទៅវាយប្រហាររាងកាយ ដោយខុសឆ្គង)

ជម្ងឺនេះគឺជាជម្ងឺដែលប្រព័ន្ធភាពសុំារបស់អ្នក ទៅវាយប្រហារ និងបំផ្លាញជាលិកានៅក្នុងរាងកាយរបស់អ្នក ដោយភាន់ ច្រឡំ។ ឧទាហរណ៍៖ ជម្ងឺទឹកនោមផ្អែមដំណាក់កាលទីមួយ កើតមានឡើងដោយប្រព័ន្ធភាពសុំា ទៅវាយប្រហារលើ កោសិកាផលិតអាំងស៊ុយលីននៅក្នុងលំពែង។ ហើយក៏មានការស្រាវជ្រាវជាច្រើនបានអះអាងថា អត្រាថយចុះនៃជម្ងឺទឹកនោមផ្អែមដំណាក់កាលទីមួយ ចំពោះអ្នក ដោយសារតែការញុំាសាច់ត្រី ដែលសម្បូរជាតិខ្លាញ់អូមេហ្គា 3 ទៀងទាត់។ លើសពីនេះ ការស្រាវជ្រាវក៏បង្ហាញថា សាច់ត្រីក៏ជួយក្នុងការកាត់បន្ថយហានីភ័យនៃជម្ងឺ Autoimmune ដទៃទៀត ដូចជា ជម្ងឺរលាកសន្លាក់រុំារ៉ៃ និងជម្ងឺទាក់ទងនឹងខួរឆ្អឹងខ្នង…ជាដើម។

6. ថែរក្សាសុខភាពផ្លូវចិត្ត បានល្អ

នៅពេលដែលអ្នកមានអាយុកាន់តែច្រើន មុខងារផ្លូវចិត្តរបស់អ្នក នឹងថមថយជាលំដាប់ ហើយក៏ត្រូវបានផ្សារភ្ជាប់ទៅនឹងការថមថយនៃការយល់ដឹងរបស់ខួរក្បាលរបស់មនុស្សផងដែរ។ ពេលខ្លះ វាអាចស្ថិតក្នុងករណីធ្ងន់ធ្ងរ ដោយវាអាចវិវត្តទៅជា ជម្ងឺវង្វេង (Alzheimer) ផងដែរ។ សម្រាប់ហេតុផលមួយចំនួន ក៏យើងមិនទាន់កំណត់បានច្បាស់នៅឡើយដែរ ថាតើការញុំាសាច់ត្រីច្រើន ពិតជាអាចជួយបន្ថយថមថយនៃការយល់ដឹងរបស់មនុស្ស? ប៉ុន្តែទំនងជាវាទាក់ទងនឹងផ្នែកពណ៌ប្រផេះ (Grey Matter) ដែលត្រូវបានរកឃើញនៅក្នុងខួរក្បាលរបស់មនុស្សហើយមើលទៅ។ ផ្នែកពណ៌ប្រផេះនេះ គឺជាជាលិកា ដែលមានមុខងារដ៏សំខាន់ ក្នុងការផ្ទុកនូវសរសៃប្រសាទ ដើម្បីដំណើរការប្រព័ន្ធព័ត៌មាន និងរក្សាទុកការចងចាំរបស់ខួរក្បាលរបស់មនុស្ស។ ដូច្នេះអ្នកដែលញុំាសាច់ត្រីរាល់ថ្ងៃ ទំនងជាអាចបង្កើនផ្នែកពណ៌ប្រផេះច្រើន នៅក្នុងតំបន់ខួរក្បាល នឹងធ្វើឱ្យការគ្រប់គ្រងការចងចាំ និងអារម្មណ៍បានកាន់តែប្រសើរឡើង។

ប្រភព: foodprevent ផ្នែក: បែបបទជីវិត, សុខភាព

អត្ថបទអ្នកចង់អាន

សុខភាពផ្លូវចិត្ត ពេលមានរដូវ

ដោយ: ចរិយា 7 PM, Friday, 02 Sep, 2016

មនុស្សស្រី ពេលកំពុងមានរដូវ តែងតែមានអារម្មណ៍ឆេវឆាវ។ ក្នុងអំឡុងនោះអ្នកត្រូវការអ្នកផ្ទះ និងអ្នកនៅជុំវិញថ្នាក់ថ្នមអារម្មណ៍ តែភាគច្រើន គឺគេមិនដឹង ហើយពេល...

អ្នកចូលចិត្តម៉ាស្សា ត្រូវប្រយ័ត្នអ្វីខ្លះ?

ដោយ: ស៊ីវងីម 11 PM, Friday, 05 Jun, 2015

បច្ចុប្បន្ននេះ ការម៉ាស្សាខ្លួន ត្រូវបានប្រជាជនយើងពេញនិយមខ្លាំងឡើងពីមួយថ្ងៃ ទៅមួយថ្ងៃ ប៉ុន្តែអ្នកដែលចូលចិត្តទៅម៉ាស្សា មានដឹងជាមុន ឬអត់ ថាការម៉ាស្សា ...

តើសមាធិ ជួយធ្វើឲ្យស្បែកមុខ កាន់តែស្អាតដែរ ឬទេ?

ដោយ: ស៊ីវងីម 10 PM, Wednesday, 08 Jul, 2015

តើសមាធិ ជួយធ្វើឲ្យស្បែកមុខ កាន់តែស្អាតដែរ ឬទេ? សមាធិ គឺជាការតម្កល់ចិត្ត ឬអារម្មណ៍ឲ្យនៅនឹងលើអ្វីមួយ រហូតដល់កើតមានភាពស្ងប់សុខ នៅក្នុងអារម្មណ៍។ មនុស្ស...

តើគួរបំបាត់ សក់ឡើងខ្លាញ់ ដោយរបៀបណា?

ដោយ: ស៊ីវងីម 8 PM, Wednesday, 27 May, 2015

សក់ ដែលរស់រវើកទន់រលាស់ ពិតជាមើលទៅគួរឲ្យ ចង់ស្ទាបអង្អែល ប៉ុន្តែបើសក់ របស់អ្នក ពេលណាក៏មើលទៅរលើបរលោង ដោយប្រេងវិញនោះ តើគួរធ្វើយ៉ាងណា? កុំព្រួយអី អ្នកអា...

Tomnerb.Com - YouTube Channel