ចូលចិត្តទំនើប

ដឹងអត់! មានផ្ទៃពោះ មិនស្រួលខ្លួនក្នុងពេលធ្វើការ គួរដោះស្រាយបែបណា?

ដោយ: ភារុន 9 AM, Friday, 04 Jan, 2019

មានផ្ទៃពោះមិនមែនជារឿងងាយស្រួល ជាពិសេសស្រ្តីដែលកំពុងធ្វើការ កាន់តែមិនងាយស្រួលថែមទៀត។ ពួកគេតែងតែមានអារម្មណ៍មិនស្រណុកក្នុងខ្លួន ចេះតែចង់ក្អួតចង្អោរ ឈឺក្បាល និងឈឺនេះតិចឈឺនោះតិច មិនដឹងច្បាស់ថាឈឺអ្វី? ពិតណាស់នេះជាសញ្ញានៃការចាញ់កូនរបស់ស្រ្តីមានផ្ទៃពោះ។ ដូច្នេះថ្ងៃនេះ ទំនើប សូមលើកយកវិធីមួយចំនួនក្នុងការ ដោះស្រាយបញ្ហាមិនស្រួលខ្លួនរបស់ស្រ្តីមានផ្ទៃពោះ ពេលកំពុងធ្វើការ ដែលមាននៅក្នុងអត្ថបទដូចខាងក្រោមនេះ៖
1. ពេលមិនស្រួលខ្លួនកុំលាក់
ភាគច្រើននៃស្រ្តីមានផ្ទៃពោះមិនសូវជាចង់ប្រាប់ក្រុមហ៊ុន ឬ មិត្តភក្តិ ពេលមានផ្ទៃពោះភ្លាមៗប៉ុន្មានទេ ព្រោះចង់ពិនិត្យឱ្យដឹងច្បាស់លាស់សិន និងចៀសវាងការរើសអើងនៅកន្លែងធ្វើការ។ យ៉ាងណាមិញ ទោះជាអ្នកចង់លាក់ដំណឹងនេះជាមួយមិត្តរួមការងារក៏ដោយ ប៉ុន្តែក៏ត្រូវជូនដំណឹងមានផ្ទៃពោះនេះទៅឱ្យអ្នកគ្រប់គ្រងការិយាល័យ ឬ ប្រធានក្រុមហ៊ុនឱ្យបានដឹងមុនផងដែរ ព្រោះប្រសិនបើអ្នកបានប្រាប់មនុស្សនៅជុំវិញខ្លួនឱ្យបានដឹងឆាប់ អ្នកនឹងទទួលការគាំទ្រ លើកទឹកចិត្ត និងយកចិត្តទុកដាក់ ទាំងនេះនាំឲ្យអារម្មណ៍អំឡុងពេលមានផ្ទៃពោះកាន់តែល្អ មិនមានស្ត្រេសច្រើន ដែលបង្កភាពងាយស្រួលក្នុងការធ្វើការងារឱ្យបានកាន់តែល្អ ឬ ទទួលជំនួយផ្សេងៗ ដូចជាការលើកធ្ងន់ ឬ ឈោងយកវត្ថុនៅទីខ្ពស់ ដែលអាចមានផលប៉ះពាល់មិនល្អដល់កូនក្នុងផ្ទៃរបស់អ្នកជាដើម។

2. កាត់បន្ថយក្អួត និងចង្អោរ
ការប្រែប្រួលអ័រម៉ូនក្នុងរាងកាយស្រ្តីមានផ្ទៃពោះ នាំឲ្យភាគច្រើនជួបប្រទះរឿងចាញ់កូន ពិសេសនៅដំណាក់កាលត្រីមាសទីមួយ ឬ ទីពីរ។ ដូច្នេះអ្នកគួរជៀសវាងអាហារណាមានក្លិន ឬញ៉ាំទៅធ្វើឲ្យចង់ក្អួតចង្អោរ គួរញ៉ាំអាហារសាប អាហារមានខ្ញីវានឹងអាចជួយកាត់បន្ថយការចាញ់កូន។ ប៉ុន្តែបើអ្នកនៅតែមិនអន់ថយក្នុងការក្អួត និងចង្អោរទេ អ្នកគួរទៅជួបពេទ្យ ដើម្បីពិគ្រោះ ដើម្បីរកវិធីកាត់បន្ថយការចាញ់កូនរបស់អ្នក។
3. ចេះតែអស់កម្លាំង
ស្រ្តីកំពុងពពោះ គួរគួប្បី ក្រោកឈរ ពត់ដៃពត់ជើងស្រាលៗ ក្រោយអង្គុយចាប់ពី 1-2 ម៉ោង ដើម្បីធ្វើឲ្យអារម្មណ៍ស្រស់ថ្លា ធ្វើឲ្យប្រព័ន្ធរបត់ឈាមរត់បានល្អ។ ជាពិសេសត្រូវ ញ៉ាំទឹកឲ្យបានគ្រប់គ្រាន់ រក្សារបបអាហារឲ្យមានតុល្យភាព ហាត់ប្រាណទៀងទាត់ គេងគ្រប់គ្រាន់។ អស់កម្លាំងញឹកញាប់ ជារោគសញ្ញាបណ្ដាលឲ្យមានជំងឺខ្វះឈាម ដូច្នេះអ្នកគួរព្យាយាមញ៉ាំអាហារមានជាតិដែក និងលេបគ្រាប់ថ្នាំជាតិដែកតាមការណែនាំរបស់គ្រូពេទ្យ។ ចៀសវាងការពាក់ខោអាវរឹប និងស្បែកជើងកែងខ្ពស់ៗជាដើម។
4. ផ្លាស់ប្ដូររបៀបធ្វើដំណើរទៅធ្វើការ
ធ្វើដំណើរតាមផ្លូវកកស្ទះច្បាស់ជាគ្មានផាសុកភាពឡើយ ហើយប្រឈមនឹងគ្រោះថ្នាក់ចំពោះសុខភាពកូនក្នុងផ្ទៃថែមទៀត ពី ព្រោះបរិយាកាសតាមដងផ្លូវសម្បូរផ្សែងពុល។ ហេតុនេះព្យាយាមសុំការយោគយល់ពីក្រុមហ៊ុន តាមរយៈហេតុផលសមរម្យដោយផ្លាស់ប្ដូរកាលវិភាគធ្វើការដូចជា៖ ធ្វើការឲ្យលឿនជាងអ្នកផ្សេង ឬ ថែមម៉ោងឲ្យយូរជាងគេ ដើម្បីចៀសវាងធ្វើដំណើរតាមផ្លូវកកស្ទះរួមជាមួយនឹងអ្នកដទៃ។

5. គ្រប់គ្រងអារម្មណ៍តានតឹង
អារម្មណ៍តានតឹង អាចបណ្ដាលឲ្យមានផលប៉ះពាល់ចំពោះការលូតលាស់របស់កូនក្នុងផ្ទៃ នៅពេលកូនកើតមក អាចបង្កឲ្យមានជំងឺរលាកស្រោមខួរក្បាល និងខួរក្បាលលូតលាស់យឺតយ៉ាវ។ ហេតុនេះ ត្រូវកាត់បន្ថយសម្ពាធការងារ រៀបចំតារាងពេលវេលាឱ្យបានត្រឹមត្រូវ ធ្វើការងារសំខាន់ពេលអ្នកមានអារម្មណ៍ល្អ កុំទទួលការងារបន្ថែមច្រើនពេក។
ចំណាំ៖ អ្នកអាចសាកល្បងហាត់ យូហ្គា ដោយការមើលតាមអ៊ីនធឺណែត នេះជាវិធីសាស្ត្រមួយ ដែលអាចកាត់បន្ថយអារម្មណ៍តានតឹងនៅកន្លែងធ្វើការបានមួយចំនួនផងដែរ។

ប្រភព: tomnerb ផ្នែក: បែបបទជីវិត, សុខភាព

អត្ថបទអ្នកចង់អាន

សំខាន់! ៩ ចំណុចបន្ថយជាតិស្ករ ក្នុងខ្លួន

ដោយ: ចរិយា 3 PM, Saturday, 17 Dec, 2016

ពាក្យចាស់ពោលថា៖ «ក្មេងសន្សំប្រាក់ ចាស់សន្សំជំងឺ» តែឥឡូវ «ចាស់សន្សំជំងឺ ក្មេងក៏សន្សំជំងឺដែរ»។ ជំងឺជាច្រើនបានកើតឡើង មិនថាលើក្មេង ឬចាស់។ ជំងឺប្រជាប្រិ...

ពេលមានរបួស តើត្រូវធ្វើដូចម្តេច កុំឱ្យមានស្លាកស្នាម?

ដោយ: រីកា 9 PM, Monday, 21 Mar, 2016

មិន​ថា ​អ្នកជា​មនុស្ស​ដែលមាន​ការយកចិត្តទុកដាក់​ ពី​ស្នាម​ដែល​អាច​នឹង​កើតមាន​នៅលើ​ស្បែក​ បន្ទាប់ពី​មាន​របួស មុត មុន ឬ​ការវះកាត់​តិចតួច ឬ​អត់​ក្តី ក៏...

ផលវិបាក នៃថ្នាំងងុយគេង និងការព្យាបាល

ដោយ: ចរិយា 12 AM, Monday, 19 Dec, 2016

មនុស្សចាស់ និងអ្នកដែលចូលវ័យ ៤០ឆ្នាំ ដែលពិបាករឿងគេង តែងប្រើថ្នាំងងុយគេង។ ជារឿងធម្មជាតិរបស់មនុស្ស ដែលឈានចូលវ័យចំណាស់ តែងប្រែប្រួលម៉ោងគេង ប៉ុន្តែមានអ្...

តំហែទាំ សក់រួញ

ដោយ: ដួងច័ន្ទ 8 PM, Friday, 25 Aug, 2017

ការថែរក្សាសរសៃសក់ ពិតជាសំខាន់ណាស់ សម្រាប់សុភាពនារីទាំងអស់។ នារីដែលមានសក់រួញអង្គារដី ឬអ៊ុតសក់រួញ ទាមទារឱ្យមានការថែរក្សាយ៉ាងខ្ជាប់ខ្ជួន និងការកក់សក់ដ...

Tomnerb.Com - YouTube Channel