ចូលចិត្តទំនើប

តោះមកដឹង! ទម្លាប់ 5 យ៉ាង ដែលគួរជៀសវាង ដើម្បីកុំឱ្យស្បែកខូច

ដោយ: ភារុន 8 AM, Friday, 21 Jun, 2019

មនុស្សគឺជាអ្នកបង្កើតទម្លាប់ នៅពេលដែលយើងធ្វើរឿងអ្វីមួយ រឿយៗជាប្រចាំ វាក៏ក្លាយជាទម្លាប់។ នេះអាចជារឿងដ៏ល្អបំផុត បើអ្នកមានទម្លាប់ល្អ ក្នុងការថែរក្សាស្បែក។ ដូចជាផងដែរ បើអ្នកមានទម្លាប់លាងសម្អាតស្បែក ថែរក្សាស្បែក និងធ្វើឱ្យស្បែកមានសំណើម ជារៀងរាល់ថ្ងៃ ទាំងអស់នេះ គឺជាមូលដ្ឋាននៃទម្លាប់ថែរក្សាស្បែកដ៏មានសុខភាពល្អ ព្រមទាំងធ្វើឱ្យស្បែករបស់អ្នកក្មេងជាងវ័យផងដែរ។ ក៏ប៉ុន្តែជួនកាលទម្លាប់ក៏មានការប្រឆាំងនឹងអ្នកផងដែរ ខណៈពេលដែលអ្នកចាប់ផ្តើមចង់កែប្រែទម្លាប់មិនល្អរបស់អ្នក ដោយសារតែភាពមមាញឹកនឹងការងារ និងការរៀនសូត្រ គឺធ្វើឱ្យអ្នកបាត់បង់ឆន្ទះក្នុងការផ្លាស់ប្តូរទម្លាប់មិនល្អទាំងនេះ។ ទោះបីជាយ៉ាងណានេះក្តី ទម្រង់នៃការថែរក្សាស្បែកដ៏ល្អបំផុត គឺជាការផ្លាស់ប្តូរដ៏ឈប់ឈរ ពីរដូវកាលមួយទៅរដូវកាលមួយទៀត។ ជាពិសេស នៅពលសារពាង្គកាយរបស់អ្នក កំពុងមានការលូតលាស់ ដូច្នេះវានឹងធ្វើឱ្យស្បែករបស់អ្នក មានការផ្លាស់ប្តូរផងដែរ។ ហើយពេលខ្លះស្បែករបស់អ្នក ក៏ត្រូវបានរងផលប៉ះពាល់ដោយសារតែ ទម្លាប់មិនល្អរបស់អ្នកនេះឯង។ តើអ្នកនៅតែរក្សាទម្លាប់មិនល្អទាំងនេះតទៅទៀតឬ? ខាងក្រោមនេះគឺជាទម្លាប់អាក្រក់ចំនួន 5 ដែលអ្នកគួរជៀសវាង ដើម្បីមិនចង់ធ្វើឱ្យស្បែករបស់អ្នក ឆាប់ខូច ឬចាស់ជាងវ័យ៖
1. ការប្រើផលិតផល ថែរក្សាស្បែកជាច្រើនប្រភេទ ក្នុងពេលតែមួយ
នាពេលបច្ចុប្បន្ននេះ ការបង្ហាញរូបភាពផលិតផលថែក្សាសម្រស់ជាច្រើន នៅលើប្រព័ន្ធផ្សព្វផ្សាយ ដែលទាំងនេះជាអ្នកបញ្ចុះបញ្ចូលឱ្យអ្នកធ្វើខុសឆ្គង ក្នុងការថែរក្សាស្បែករបស់អ្នក។ ដូច្នេះការប្រើផលិតផលថែរក្សាស្បែកជាច្រើនប្រភេទ ក្នុងពេលតែមួយ គឺជាកំហុសដ៏ធំបំផុត ដែលអ្នកគួរជៀសវាងដាច់ខាត។

2. ការប្រើផលិតផល ដែលមានសារធាតុ Exfoliate ច្រើនហួសហេតុពេក
សម្រាប់សារធាតុ Exfoliate អាចជួយថែរក្សាស្បែក ឱ្យមានជាតិសំណើម ស្រស់ថ្លា និងស។ ប៉ុន្តែការប្រើសារធាតុនេះច្រើនហួសហេតុពេក ក៏នឹងធ្វើឱ្យស្បែករបស់អ្នកឡើង ជាតិខ្លាញ់ច្រើន និងធ្វើឱ្យរន្ធញើសរីកធំជាងមុនផងដែរ។

3. ការលាបផលិតផល ខុសលំដាប់លំដោយ
ជាធម្មតាផលិតផលថែរក្សាស្បែកនីមួយៗ តែងតែមានភ្ជាប់ជាមួយនឹងក្រដាសណែនាំ សម្រាប់ការប្រើប្រាស់ ដូច្នេះមុនពេលអ្នកប្រើប្រាស់ អ្នកត្រូវអានឱ្យយល់នូវសេចក្តីណែនាំរបស់ផលិតផលទំាងអស់ ឱ្យបានច្បាស់លាស់ជាមុនសិន ដើម្បីជៀសវាងការប្រើខុសពេលវេលា និងលំដាប់លំដោយនៃផលិតផលទាំងនោះផងដែរ។

4. ការប្រើប្រាស់ផលិតផលខុស
នៅពេលអ្នកមានវ័យកាន់តែចាស់ ស្បែករបស់អ្នកក៏មានភាពប្រែប្រួល ការប្រើប្រាស់ផលិតផលខុស ពីស្បែក គឺធ្វើឱ្យស្បែក រងការប៉ះពាល់ដ៏ធ្ងន់ធ្ងរ។ ហេតុនេះអ្នកត្រូវស្វែងយល់អំពី ស្បែករបស់ខ្លួនឱ្យច្បាស់លាស់ មុននឹងទិញផលិតផលថែរក្សាស្បែកមកប្រើប្រាស់។

5. ការតុបតែងមុខ ដោយប្រើជក់កខ្វក់
ជក់ផាត់មុខ គឺជារបស់សំខាន់បំផុតក្នុងការផាត់មុខ។ ប្រសិនបើជក់ផាត់មុខរបស់អ្នកកខ្វក់ហើយ វានឹងក្លាយជាកន្លែងដ៏ល្អបំផុតសម្រាប់ការលូតលាស់នៃបាក់តេរីផ្សេងៗ ដែលអាចធ្វើឱ្យស្បែកមុខរបស់អ្នក ខូច បាន។ ដូច្នេះ អ្នកត្រូវឧស្សាហ៍លាងសម្អាតជក់ផាត់មុខ ឱ្យបានញឹកញាប់ ដើម្បីជៀសវាងបញ្ហាស្បែកទាំងអស់៕

ប្រភព: foodmatters ផ្នែក: បែបបទជីវិត, សម្រស់

អត្ថបទអ្នកចង់អាន

អាថ៌កំបាំងទាំង 7 សម្រាប់សុខភាពដ៏ល្អឥតខ្ជោះ

ដោយ: ភារុន 11 AM, Monday, 03 Dec, 2018

បរិយាកាសការងារនាពេលបច្ចុប្បន្ននេះគឺជាហេតុផលចម្បងមួយដែលមនុស្សកាន់តែច្រើនឡើងៗ កំពុងតែដឹកនាំជីវិតមិនមានសុខភាពល្អនា។ ដូច្នេះដើម្បីជួយទប់ស្កាត់នូវបញ្ហាស...

ដល់ខែធ្លាក់ខ្យល់ហើយ! នាំគ្នាប្រយ័ត្ន កើតជម្ងឺ ពងបែកក្នុងមាត់

ដោយ: ភារុន 9 AM, Thursday, 03 Jan, 2019

ជម្ងឺពងបែកក្នុងមាត់ ជាជម្ងឺមួយដែលមិនអាចធ្វើការសន្និដ្ឋានបាន ពីមូលហេតុពិតប្រាកដ ថាតើជម្ងឺនេះ កើតឡើងដោយសារមូលហេតុអ្វីខ្លះនោះទេ។ ជម្ងឺនេះ កើតឡើងជាញឹកញ...

យកចិត្តទុកដាក់តែបន្តិច ដើម្បីបបូរមាត់ទន់ និងពណ៌ផ្កាឈូក

ដោយ: ស៊ីវងីម 8 AM, Wednesday, 03 Oct, 2018

បបូរមាត់ពណ៌ផ្កាឈូក ប្រកបដោយសុខភាពល្អគឺជាក្តីសុបិនរបស់ស្ត្រីគ្រប់រូប។ ពណ៌នៃបបូរមាត់អាចបញ្ជាក់ឱ្យដឹងពីសុខភាព និងបែបបទនៃការរស់នៅរបស់អ្នក។ សម្រាប់អ្នកដ...

រូបមន្តថែរក្សាសម្រស់ ជាមួយ រមៀត

ដោយ: ដួងច័ន្ទ 9 PM, Monday, 10 Jul, 2017

រមៀត មានសមាសភាពប្រឆាំងផ្សិត សារធាតុសម្លាប់មេរោគ និងសមត្ថភាពប្រឆាំងនឹងបាក់តេរី ក៏ដូចជា សមាសភាពប្រឆាំងនឹងការរលាករោលពីធម្មជាតិ ដូច្នេះរមៀត គឺជារូបមន្ត...

Tomnerb.Com - YouTube Channel