ចូលចិត្តទំនើប

តើគួរយកកុមារតូចៗ ទៅជួបគ្រូពេទ្រធ្មេញ នៅពេលណាល្អ?

ដោយ: ភារុន 5 PM, Wednesday, 10 Apr, 2019

តើកុមារតូចៗ គួរតែជួបជាមួយគ្រូពេទ្រធ្មេញជាលើកដំបូង នៅពេលណាល្អ? សំណួរនេះតែងកើតមាននៅក្នុងចិត្តរបស់ឪពុកម្តាយគ្រប់រូបជានិច្ច។ ជាធម្មតា ឪពុកម្តាយគ្រប់រូប តែងសប្បាយរីករាយខណៈពេលកូនរបស់ខ្លួន ចាប់ផ្តើមដុះធ្មេញជាលើកដំបូង ប៉ុន្តែខណៈពេលនោះ ពួកគេក៏ចាប់ផ្តើមមានការព្រួយបារម្ភ ថាធ្មេញរបស់កូនខ្លួនដុះមកមិនសូវល្អ និងមិនសូវរឹងមាំ…ជាដើម។ បើយោងទៅតាមវេជ្ជបណ្ឌិត ដែលឆ្លើយតបទៅនឹងសំណួរនេះ នៅក្នុងវិបសាយសុខភាពរបស់បរទេសមួយ ដែលបានលើកឡើងថា «កុមារតូចៗអាចមកជួបជាមួយនឹងពេទ្រធ្មេញ នៅថ្ងៃកំណើតលើកដំបូងរបស់ពួកគេ ឬក៏ 6ខែ បន្ទាប់ពីធ្មេញរបស់ពួកគេបានដុះមកជាលើកដំបូង»។

ការមកជួបជាមួយនឹងគ្រូពេទ្រធ្មេញជាលើកដំបូង គឺមិនមែនគ្រាន់តែជាការពិនិត្យមើលធ្មេញ សម្អាតធ្មេញ និងណែនាំពីរបៀបថែរក្សាសុខភាពមាត់ធ្មេញប៉ុណ្ណោះទេ ប៉ុន្តែវាក៏ជាឱកាសមួយសម្រាប់គ្រូពេទ្រធ្មេញ ផ្តល់ដំបូន្មាននូវអ្វីដែលឪពុកម្តាយត្រូវធ្វើ ដើម្បីការពារកុំឱ្យធ្មេញរបស់កូនៗរបស់ពួកគេ ពុក ដូចជា៖ ដុសធ្មេញកូនឱ្យបានត្រឹមត្រូវ ទៀតទាត់ និងជ្រើសរើសប្រើថ្នាំដុសធ្មេញណាដែលសក្តិសមសម្រាប់អាយុរបស់កូនៗជាដើម។ បន្ថែមលើនេះ នៅក្នុងអំឡុងពេលនៃការពិគ្រោះយោបល់ជាមួយនឹងគ្រូពេទ្រធ្មេញ ឪពុកម្តាយក៏ទទួលបានព័ត៌មានដ៏សំខាន់ ស្តីអំពីរបបអាហារ (ជាតិស្ករទាប) ដ៏ត្រឹមត្រូវបំផុត ដើម្បីបង្ការកុំឱ្យកូនរបស់ពួកគេ មានធ្មេញពុក។ ម្យ៉ាងទៀត គ្រូពេទ្រក៏ផ្តល់អនុសាសន៍ ទៅលើទម្លាប់បៀម (ជញ្ជក់) មេដៃ និងការប្រើប្រាស់ក្បាលដោះជ័រ ដើម្បីឱ្យកូនជញ្ជក់ ព្រមទាំងរបៀបការពារ កុំឱ្យកូនមានរបួសធ្មេញផងដែរ។

សព្វថ្ងៃនេះ ប្រទេសយើង មានកុមារតូចៗជាច្រើន កំពុងទទួលរងការឈឺចាប់ ដោយសារតែធ្មេញពុក ដូច្នេះឪពុកម្តាយគួរយកចិត្តទុកដាក់ឱ្យមែនទែន ទៅលើសុខភាពមាត់ធ្មេញរបស់កូនៗ ដោយឆាប់ទៅជួបពិភាក្សាជាមួយនឹង គ្រូពេទ្រធ្មេញ ជំនាញៗ ដើម្បីទទួលបានដំបូន្មានល្អៗ ក្នុងការថែរក្សាសុខភាពមាត់ធ្មេញរបស់កូនៗចាប់ផ្តើមតាំងពីការដុះធ្មេញជាលើក ដំបូងរបស់ពួកគេ។

ប្រភព: clevelandclinic ផ្នែក: បែបបទជីវិត, សុខភាព

អត្ថបទអ្នកចង់អាន

គន្លឹះទាំង 8 ដ៏មានប្រសិទ្ធភាព ក្នុងការសម្រកទម្ងន់ នៅពេលអ្នកមានអាយុលើសពី 40ឆ្នាំ

ដោយ: ភារុន 8 AM, Wednesday, 08 May, 2019

យោងទៅតាម WebMD បង្ហាញថា ប្រព័ន្ធរំលាយអាហាររបស់មនុស្ស គឺនឹងត្រូវថមថយកម្លាំងជាលំដាប់ប្រហែល 5% ជារៀងរាល់10ឆ្នាំ រហូតដល់យើងឈានចូលអាយុ 40ឆ្នាំ។ ម្យ៉ាងទៀ...

បុរសណាមាន សក់ខ្មៅលាយស អ្នកនោះមានជំងឺបេះដូង

ដោយ: ស. លីង 6 PM, Tuesday, 18 Apr, 2017

នៅក្នុងសន្និសីទរបស់អឺរ៉ុប ស្តីពីជំងឺបេះដូង បានលើកពីការស្រាវជ្រាវថ្មីមួយ ដែលបង្ហាញថា មនុស្សប្រុស ដែលមានសក់ពណ៌ខ្មៅលាយពណ៌ស គឺជាអ្នកកើតជំងឺបេះដូង មិនថា...

វិធីធ្វើឱ្យសក់ឆាប់វែង ដោយវិធីធម្មជាតិ

ដោយ: រីកា 11 PM, Friday, 11 Sep, 2015

ជាធម្មតាសរសៃសក់របស់មនុស្សយើង នឹងវែងឡើងបន្តិចម្តងៗ ជារៀងរាល់ថ្ងៃ តែសម្រាប់អ្នកណា ដែលចង់​ដឹង​ពីវិធីធ្វើឱ្យសក់ឆាប់វែងជាងមុន តាមធម្មជាតិនោះ សូមតាមដានអត...

វេជ្ជបណ្ឌិតជំនាញ ពន្យល់ពីកាយវិការគេង បណ្តាលឱ្យមានស្នាមជ្រួញ

ដោយ: ដួងច័ន្ទ 9 PM, Sunday, 19 Feb, 2017

លោកវេជ្ជបណ្ឌិត Michael Breus គឺជាវេជ្ជបណ្ឌិតមានជំនាញខាងដំណេក បានជួបប្រទះនឹង បញ្ហាផ្សេងៗគ្នា ជាច្រើនទាក់ទងនឹងការគេង។ គាត់បានពន្យល់ពីកាយវិការ នៃការគេ...

Tomnerb.Com - YouTube Channel