ចូលចិត្តទំនើប

អាហារផ្តល់សុខភាពដ៏ល្អទាំង 7 ដែលសក្តិសមបំផុត សម្រាប់ញុំានៅរដូវក្តៅ

ដោយ: ភារុន 8 AM, Saturday, 06 Apr, 2019

រដូវក្តៅ គឺជារដូវកាល ដែលមនុស្សគ្រប់គ្នា គួរតែកាត់បន្ថយអាហារ មានជាតិកាឡូរីខ្ពស់ ហើយនឹងត្រូវបរិភោគបន្លែ-ផ្លែឈើ ណាដែលសម្បូរទៅដោយជាតិទឹក ដើម្បីបង្រ្គប់ជាតិទឹកនៅក្នុងរាងកាយរបស់យើងម្នាក់ៗ ខណៈពេលរដូវក្តៅ ជារដូវកាលដែលធ្វើឱ្យមនុស្សយើងបែកញើសច្រើន ហើយនេះជាហេតុផលដែលធ្វើឱ្យរាងកាយរបស់យើងត្រូវខ្សោះជាតិទឹក។ ថ្ងៃនេះ ទំនើប សូមណែនាំអាហារដ៏ល្អបំផុតចំនួន 7 យ៉ាងដែលសក្តិសមបំផុតសម្រាប់ញុំានៅរដូវក្តៅ និងថែមទាំងផ្តល់សុខភាពដ៏ល្អបំផុត ដែលអ្នកមិនគួរមើលរំលង!
1. ផ្លែ ឪឡឹក
ឪឡឹក មានជាតិទឹក រហូតដល់ 92% ដែលអាចរក្សារាងកាយរបស់អ្នក ឱ្យមានជាតិទឹក ត្រជាក់ខ្លួន និងការពារស្បែក ប្រឆាំងនឹងកាំរស្មី UV របស់ព្រះអាទិត្យ ដែលបង្កគ្រោះថ្នាក់ធ្ងន់ធ្ងរ ដល់ស្បែករបស់មនុស្សផងដែរ។

2. កាហ្វេត្រជាក់
កាហ្វេត្រជាក់ គឺជាភេសជ្ជៈដ៏ល្អបំផុត ដែលសក្តិសមទទួលទាននៅរដូវក្តៅ។ ការទទួលទានកាហ្វេត្រជាក់ មួយកែវក្នុងមួយថ្ងៃ អាចធ្វើឱ្យមានការថយចុះនូវហានីភ័យនៃជម្ងឺមហារីកស្បែក។

3. ផ្លែ ពោត
ពោត មានផ្ទុកសារធាតុប្រឆាំងនឹងអុកស៊ីតកម្មម្យ៉ាង ដែលការពារស្បែកមិនឱ្យទទួលរងផលប៉ះពាល់ ពីកាំរស្មី UV របស់ព្រះអាទិត្យ ហើយវាក៏ជួយកាត់បន្ថយហានីភ័យនៃជម្ងឺស្បែកផ្សេងៗ ដែលទាក់ទងទៅនឹងអាយុកាលរបស់មនុស្សផងដែរ។

4. ផ្លែ ត្រសក់
ផ្លែ ត្រសក់ស្រស់ៗ សម្បូរទៅដោយជាតិទឹក និងមានរសជាតិឆ្លាញ់ ទោះបីជាអ្នកបរិភោគទាំងឆៅ និងចម្អិនជាម្ហូបក្តី ក៏វានៅតែមានប្រសិទ្ធភាពខ្ពស់ ក្នុងការផ្តល់ជាតិទឹក ព្រមទាំងជួយបំបាត់ជាតិពុលនៅក្នុងរាងកាយរបស់អ្នកផងដែរ។

5. តែ ទឹកកក
ការទទួលទាន តែ ទឹកកក មួយកែវក្នុងមួយថ្ងៃ ក៏ជួយឱ្យសុខភាពល្អ ក្នុងអំឡុងពេលរដូវក្តៅផងដែរ។ លើសពីនេះ វាក៏ជួយកាត់បន្ថយហានីភ័យនៃជម្ងឺ Alzheimer និងជម្ងឺទឹកនោមផ្អែមផងដែរ។

6. ទឹកដោះគោយាអ៊ួរ
ទឹកដោះគោយាអ៊ួរ មានសារធាតុរ៉ែ ដូចជា ប៉ូតាស្យូម កាល់ស្យូម និងមានផ្ទុកប្រូតេអ៊ីន និងវីតាមីនល្អៗ សម្រាប់បំប៉នរាងកាយ ដើម្បីឱ្យមានសុខភាពល្អ នៅអំឡុងរដូវក្តៅ។ លើសពីនេះ វាក៏ផ្ទុកបាក់តេរីល្អៗ សម្រាប់ពោះវៀន ដែលជួយស្រូបយកសារធាតុចិញ្ចឹមទៅឱ្យរាងកាយបានល្អ និងជួយធ្វើឱ្យប្រព័ន្ធភាពសុំាមានលំនឹងល្អថែមទៀត។

7. ផ្លែ ស្វាយ
ផ្លែ ស្វាយ គឺជាប្រភពនៃសារជាតិប៉ូតាស្យូមដ៏ប្រសើរ និងជួយដល់ការគ្រប់គ្រងចង្វាក់បេះដូង និងសម្ពាធឈាមបានត្រឹមត្រូវ ។ ដូច្នេះអ្នករាល់គ្នាគួរបន្ថែម ផ្លែ ស្វាយ ទៅក្នុងរបបអាហាររបស់អ្នក នៅអំឡុងរដូវក្តៅនេះ។

ប្រភព: zeenews ផ្នែក: បែបបទជីវិត, សុខភាព

អត្ថបទអ្នកចង់អាន

តើនឹងមានអ្វីកើតឡើង បើអ្នកមិនបានទទួលទានទឹក គ្រប់គ្រាន់

ដោយ: ដួងច័ន្ទ 9 PM, Saturday, 14 Jan, 2017

ទឹក គឺជារូបធាតុដ៏សំខាន់ នៅគ្រប់ទីកន្លែងនៅលើសកលលោក ហើយក៏មានក្នុងកោសិការបស់មនុស្សធម្មតាផងដែរ ដែលជាទូទៅផ្សំឡើង ក្នុងបរិមាណប្រមាណពី ៥៥ ទៅ ៦០ភាគរយ នៃសារ...

សុខភាពផ្លូវចិត្ត ពេលមានរដូវ

ដោយ: ចរិយា 7 PM, Friday, 02 Sep, 2016

មនុស្សស្រី ពេលកំពុងមានរដូវ តែងតែមានអារម្មណ៍ឆេវឆាវ។ ក្នុងអំឡុងនោះអ្នកត្រូវការអ្នកផ្ទះ និងអ្នកនៅជុំវិញថ្នាក់ថ្នមអារម្មណ៍ តែភាគច្រើន គឺគេមិនដឹង ហើយពេល...

ចំណុចឆ្លាតវៃ ១១ ចំណុចត្រូវធ្វើ នៅពេលងូតទឹក

ដោយ: ដួងច័ន្ទ 9 PM, Friday, 24 Feb, 2017

  នៅពេលងូតទឹក ក្រៅពីសម្អាតខ្លួន តើអ្នកធ្លាប់ធ្វើអ្វីផ្សេងទេ? ខាងក្រោមនេះជាសកម្មភាពទាំង១១ ដែលអ្នកអាចមិនដែលធ្លាប់ធ្វើ ក្នុងពេលកំពុងងូតទឹក។ សាកល្...

ទិចនិក សម្រាប់អ្នកខ្លាចកូន មានវិវឌ្ឍនាការយឺត

ដោយ: រីកា 11 PM, Sunday, 16 Aug, 2015

ខាងក្រោមនេះ គឺជាកំណត់ហេតុរបស់អ្នកម្តាយម្នាក់ ដែលចង់ចែករំលែកបទពិសោធ ក្នុងការតាមដានវិវឌ្ឍនាការ (ការរីកចម្រើនខាងរាងកាយ) របស់កូនតូចរបស់គាត់ ដោយយើងមើលឃើ...

Tomnerb.Com - YouTube Channel