ចូលចិត្តទំនើប

អ្នកវិទ្យាសាស្រ្តបានពន្យល់ថា «ការធ្វើឱ្យក្មេងរសើប អាចបង្កគ្រោះថ្នាក់» ដែលប្រហែលជាអ្នកមិនធ្លាប់ដឹង!

ដោយ: ភារុន 8 AM, Saturday, 22 Jun, 2019

ការធ្វើឱ្យក្មេងតូចៗរសើប អាចបង្កគ្រោះថ្នាក់ជាជាងផ្តល់ផលល្អ។ ការសិក្សាស្រាវជ្រាវមួយបានបង្ហាញថាមានតែ 32% បានឆ្លើយតបថាពេញចិត្ត និងរីករាយ ហើយជាមួយនឹង 32% បានឆ្លើយតបអព្យាក្រិត្យ និង 36% បានឆ្លើយតបថា មិនពេញចិត្ត។ លើសពីនេះ មនុស្សភាគច្រើនយល់ថា ការធ្វើបែបនេះទៅលើក្មេងតូចៗគឺជារឿងធម្មតាដូចទៅនឹងការមិនដាក់ខ្សែ ក្រវ៉ាត់ឱ្យក្មេងតូចៗដែរ។ ប៉ុន្តែ វាមិនមែនជារឿងធម្មតានោះទេ យោងទៅតាមការវិភាគរបស់ក្រុមសិក្សាស្រាវជ្រាវ បានធ្វើទៅលើប្រធានបទនេះ បង្ហាញថា៖
1. ក្មេងសើច មិនមែនមានន័យថា ពួកគេរីករាយជាមួយនឹង ការចាក់ក្រឡេករបស់អ្នកនោះទេ
ជាធម្មតា ក្មេងតូចៗមិនអាចបញ្ឈប់ការសើចបាន ខណៈពេលអ្នកកំពុងចាក់ក្រឡេក ដែលធ្វើឱ្យពួកគេរសើប។ ម្យ៉ាងទៀត ការសើចសប្បាយរបស់ក្មេងៗ បានធ្វើឱ្យឪពុកម្តាយយល់ច្រឡំថាកូនៗពិតជាសប្បាយរីករាយពិតមែន ខណៈពេលដែលពួកគេមិនមាន។ នៅក្នុងការសិក្សាមួយ បានធ្វើឡើងនៅឯសកលវិទ្យាល័យមួយ នៅក្នុងរដ្ឋកាលីហ្វរញ៉ានៅឆ្នាំ 1997 បានរកឃើញថាភាពរសើប មិនបង្កើតអារម្មណ៍រីករាយ ដូចគ្នានឹងអារម្មណ៍សប្បាយរីករាយដ៏ពិតប្រាកដនោះទេ ដូចជាខណៈពេលមើលរឿងកំប្លែង…ជាដើម ហើយវាគ្រាន់តែបង្កើតឱ្យមានការភាន់ច្រឡំផ្នែកខាងក្រៅប៉ុណ្ណោះ។

2. ភាពរសើប គ្រាន់តែជាមធ្យោបាយមួយ ដើម្បីធ្វើឱ្យក្មេងសើចតែប៉ុណ្ណោះ
មនុស្សម្នាក់ ដែលរសើប រមែងបាត់បង់ការគ្រប់គ្រងលើខ្លួនឯង។ ការតស៊ូនឹងភាពរសើប ជាមួយនឹងការបញ្ឈប់ទៅនឹងមនុស្សដែលធ្វើឱ្យគេរសើប នោះគឺអាចធ្វើឱ្យមានភាពអាម៉ាស់កើតឡើងនៅក្នុងអារម្មណ៍របស់ក្មេងៗ។ ហើយក៏អាចរក្សាទុកជាវិប្បដិសារីសម្រាប់ជីវិតរបស់ពួកគេផងដែរ។

3. ភាពរសើប ត្រូវបានប្រើ ដើម្បីធ្វើទារុណកម្មទៅលើមនុស្សគ្រប់វ័យ
ការធ្វើឱ្យរសើប ត្រូវបានប្រើជាយូរណាស់មកហើយ ដែលជាមធ្យោបាយមួយ ដើម្បីធ្វើទារុណកម្មទៅលើមនុស្ស។ នៅអំឡុងរជ្ជកាលហាននៅក្នុងប្រទេសចិន «ការធ្វើឱ្យរសើប» គឺជាវិធីមួយនៃការធ្វើទារុណកម្ម សូម្បីនៅក្នុងប្រទេសជប៉ុនក៏មានការធ្វើទារុណកម្មបែបនេះ ដែលជនជាតិជប៉ុនហៅថា «Kusuguri-Zeme» ដែលមានន័យថា «ការធ្វើឱ្យរសើប»។

4. ក្មេងតូចៗ មិនអាចប្រាប់អ្នកឱ្យឈប់
ភាពរសើប គឺអាចបណ្តាលឱ្យក្មេងតូចសើចមិនឈប់ នឹងពិបាកក្នុងការគ្រប់គ្រងលើវាផងដែរ។ ដូច្នេះ វាអាចបង្កផលវិបាកផ្នែកវេជ្ជសាស្រ្តធ្ងន់ធ្ងរដល់ក្មេងតូច។

5. ភាពរសើប អាចបណ្តាលឱ្យក្មេងមានបញ្ហាទៅលើទំនុកចិត្តលើខ្លួនឯងពេញមួយជីវិត
យោងទៅតាម លោកវេជ្ជបណ្ឌិត Alexander បាននិយាយថា ការធ្វើឱ្យរសើប គឺប្រឆាំងនឹងឆន្ទៈរបស់មនុស្ស អាចបង្កឱ្យមានការឈឺចាប់ផ្នែកផ្លូវចិត្តដ៏ធ្ងន់ធ្ងរ។ ពេលខ្លះ ការឈឺចាប់នេះអាចអូសបន្លាយយូររហូតអស់មួយជីវិតក៏មានផងដែរ។

6. ចង់ធ្វើឱ្យក្មេងរីករាយ គឺគ្រាន់តែនិយាយថា «ម៉ាក់ស្រឡាញ់កូន» នោះគឺជាវិធីសាស្រ្តដ៏ប្រសើរបំផុត
ជាទូទៅ ឪពុកម្តាយគិតថាខ្លួនឯងដឹងពី អ្វីដែលល្អបំផុតសម្រាប់កូនៗ បូករួមជាមួយនឹងបទពិសោធន៍ដែលពួកគេមាន ដូច្នេះក៏បានធ្វើឱ្យពួកគេគិតថា ធ្វើឲ្យក្មេងរសើបខ្លាំង និងសើចខ្លាំង គឺជារឿងធម្មតា។ ប៉ុន្តែ ពេលខ្លះពួកគេមិនបានដឹងថាវាមានគ្រោះថ្នាក់ ដោយសារតែភាពរសើប អាចបណ្តាលឱ្យក្មេងគាំងបេះដូងបាន។ ដូច្នេះ ប្រសិនបើអ្នកចង់ធ្វើឱ្យកូនៗសប្បាយរីករាយអ្នកគ្រាន់តែនិយាយថា «ម៉ាក់ស្រឡាញ់កូន» ប៉ុណ្ណឹងគឺគ្រប់គ្រាន់សម្រាប់ធ្វើឱ្យកូនមានអារម្មណ៍សប្បាយរីករាយ ហើយ។ ប៉ុន្តែ ប្រសិនបើអ្នកចង់ធ្វើឲ្យក្មេងរសើប អ្នកគួរតែសុំការអនុញ្ញាតពីក្មេងសិន ឬក៏ ធ្វើឲ្យពួកគេរសើបក្នុងរយៈពេលខ្លីបំផុតបានហើយ។ ឪពុកម្តាយគួរសួរទៅពួកគេជានិច្ច មុនពេលប៉ះខ្លួនរបស់ពួកគេ ឬ ធ្វើឱ្យពួកគេរសើប…ជាដើម៕

ប្រភព: brightside ផ្នែក: បែបបទជីវិត, សុខភាព

អត្ថបទអ្នកចង់អាន

គន្លឹះទាំង 8 ដើម្បីជៀសវាងការមានជម្ងឺ

ដោយ: ភារុន 8 AM, Tuesday, 15 Jan, 2019

ឥឡូវនេះចូលដល់ខែធ្លាក់ខ្យល់ហើយ ដូច្នេះវាងាយនឹងធ្វើឱ្យកើតមានជម្ងឺផ្តាសាយ និង ជម្ងឺផ្សេងទៀតជាច្រើនកើតមាននៅលើខ្លួនអ្នកទាំងអស់គ្នា។ ដូច្នេះអ្នកត្រូវចេះថ...

សម ជំនួយការ ក្នុងការផាត់មុខ

ដោយ: ចរិយា 6 PM, Thursday, 19 Jan, 2017

មនុស្សទូទៅយល់ថា សម មានតួនាទី នៅក្នុងការបរិភោគអាហារប៉ុណ្ណោះ។ ប៉ុន្តែសម្រាប់អ្នកធ្វើការខាងការផាត់មុខ សមគឺជាវត្ថុជំនួយយ៉ាងពិសេស។ អ្នកជំនាញសិល្បៈផាត់ម...

អាហារ 11 យ៉ាងដ៏គ្រោះថ្នាក់ ដែលអ្នកគៀបធ្មេញទាំងឡាយ មិនគួរញុំា!

ដោយ: ភារុន 8 AM, Tuesday, 26 Mar, 2019

ការគៀបធ្មេញ គឺជាជំហានដំបូង ដើម្បីទទួលបានស្នាមញញឹមដ៏ស្រស់ស្អាត ដែលនរណាៗក៏ប្រាថ្នាចង់បាន។ សម្រាប់មនុស្សមួយចំនួន វាក៏ជារបស់តែមួយគត់ ដែលពួកគេត្រូវការសម...

អាហារ 10 ប្រភេទ គួរជៀសវាងញុំា នៅពេលអ្នកពោះទទេ ប្រសិនបើអ្នកចង់រក្សាបាននូវសុខភាពល្អ!

ដោយ: ភារុន 9 AM, Friday, 12 Apr, 2019

នៅពេលដែលអ្នកឃ្លាន ឬពោះទទេ រឿងដំបូងដែលអ្នកត្រូវធ្វើគឺ ស្វែងរកអាហារអ្វីមួយមកញុំា ដើម្បីបំពេញក្រពះ។ ប៉ុន្តែគ្រប់អាហារទាំងអស់មិនសុទ្ធតែ អ្នកអាចញុំាបានទ...

Tomnerb.Com - YouTube Channel