ចូលចិត្តទំនើប

តឹងច្រមុះមែនទេ? តិចនិចទាំងនេះអាចជួយអ្នក ឱ្យធូរស្រាលបានយ៉ាងមានប្រសិទ្ធភាព !

ដោយ: ភារុន 9 AM, Thursday, 14 Feb, 2019

អាការៈតឹងច្រមុះ ភាគច្រើនកើតឡើង នៅពេលដែលអ្នកមានជម្ងឺផ្តាសាយ ដែលវាពិតជាធ្វើឱ្យអ្នកពិបាកក្នុងការដក ដង្ហើចេញ/ចូលម្តងៗ ក្នុងពេលបំពេញការងារ ពេលកំពុងសិក្សា ពិសេសជាងគេ គឺពេលអ្នកកំពុងទទួលទានដំណេកតែម្តង។ អាការៈបែបនេះបង្កមក ពីការរលាកនៃជាលិការន្ធខាងក្នុងច្រមុះ និងបង្កើតជា ជាតិរំអិល (សំបោរ) ក្នុងច្រមុះច្រើនពេក។ ដូចនេះថ្ងៃនេះយើងនឹងបង្ហាញប្រិយមិត្ត ក៏ដូចជាមិត្តៗអ្នកអានទាំងពីតិចនិចសាមញ្ញ ដែលអាចជួយអ្នកបំបាត់អាការៈតឹងច្រមុះនេះបាន ដោយមិនចាំបាច់ប្រើថ្នាំព្យាបាល។ តោះ! កុំឱ្យខាតពេលយូរ ទៅតាមដានទស្សនាជាមួយ នឹងគេហទំព័ររបស់យើងទាំងអស់គ្នា ៖
1. ទទួលទានអាហារដែលមានជាតិហិរៗ
ការទទួលទានអាហារដែលមានជាតិហិរ ដូចជា ខ្ញី ម្ទេស ខ្ទឹមស ជាដើម អាចជួយឱ្យអាការៈតឹងច្រមុះរបស់ អ្នកមានភាព ធូរស្រាលជាងមុន ដោយវាបានបណ្តេញជាតិរំអិល (សំបោរ) ចេញពីក្នុងច្រមុះរបស់អ្នកចេញមកក្រៅបាន។

2. ទទួលទាន តែជីអង្កាម
អ្នកគ្រាន់តែយកស្លឹកជីអង្កាម ក្រៀម ឱ្យបានទឹកមួយស្លាបព្រាកាហ្វេ ឆុងជាមួយនឹងទឹកតែក្តៅ មួយពែង ទុករយៈពេល10នាទីជាការស្រេច។ បន្ទាប់មកទទួលទានទឹកជីអង្កាមនេះ នៅពេលអ្នកកំពុងតឹងច្រមុះ។

3. ប្រើកន្សែងក្តៅឧណ្ហៗ
អ្នកគ្រាន់តែយកកូនកន្សែងតូចល្មមទៅត្រាំក្នុងទឹកក្តៅឧណ្ហៗ រួចពូតចេញឱ្យនៅសល់ទឹកបន្តិច (ជៀសវាងរលាកស្បែក) រួចយកមកគ្រប លើច្រមុះនិងមាត់ ហើយដកដង្ហើមឱ្យបានវែងៗ ជាច្រើនលើកច្រើនសារ។ វិធីបែបនេះ អាចធ្វើឱ្យអ្នកដកដង្ហើមបានស្រួល ព្រោះដោយសារតែចម្ហាយទឹកក្តៅ ដែលភាយចេញពីកូនកន្សែង។

4. រក្សាជាតិទឹកក្នុងរាងកាយ ឱ្យបានគ្រប់គ្រាន់
ជាតិទឹក គឺមានសារៈសំខាន់ខ្លាំងណាស់ នៅក្នុងដំណើរប្រតិកម្ម នៅក្នុងសារពាង្គកាយយើង។ ជាធម្មតាមនុស្សប្រុសយ៉ាងហោចណាស់ក្នុងមួយថ្ងៃឱ្យបាន 2 លីត្រ និងចំពោះមនុស្សស្រីគួរតែទទួលទានទឹក មួយថ្ងៃឱ្យបាន 3 លីត្រ។ ប៉ុន្តែប្រសិនបើអ្នកមានអាការៈតឹងច្រមុះ នោះអ្នកគួរតែទទួលទានទឹកឱ្យបានច្រើនជាងធម្មតាទើបជាការល្អប្រសើរ។

5. ស្ទីម ដោយប្រើចំហាយទឹក
វិធីនេះគឺ ពិតជាងាយស្រួលណាស់ ដោយគ្រាន់តែដាំទឹកឱ្យពុះ រួចចាក់ទៅក្នុងធុងធំល្មម ហើយកុំបិទគម្រប បន្ទាប់មកយកភួយមកគ្របដូចជា រូបភាពខាងក្រោម ហើយចាប់ផ្តើមដកដង្ហើមយឺតៗ វែងៗ (បញ្ជាក់ៈ ទឹកមិនត្រូវក្តៅពេកនោះទេ)។

6. ប្រើទឹកអំបិល
អ្នកគ្រាន់តែយកអំបិលហ្មត់ ពីរស្លាបព្រាកាហ្វេ លាយជាមួយនឹងទឹកក្តៅពីរពែង រួចកូរឱ្យសព្វ។ បន្ទាប់មកយកទឹកអំបិលនោះចាក់ចូលក្នុងដបរួចបាញ់តិចៗ ចូលក្នុងច្រមុះរបស់អ្នកជាការស្រេច៕

ប្រភព: digitalkh ផ្នែក: បែបបទជីវិត, សុខភាព

អត្ថបទអ្នកចង់អាន

ចំណុចឆ្លាតវៃ ១១ ចំណុចត្រូវធ្វើ នៅពេលងូតទឹក

ដោយ: ដួងច័ន្ទ 9 PM, Friday, 24 Feb, 2017

  នៅពេលងូតទឹក ក្រៅពីសម្អាតខ្លួន តើអ្នកធ្លាប់ធ្វើអ្វីផ្សេងទេ? ខាងក្រោមនេះជាសកម្មភាពទាំង១១ ដែលអ្នកអាចមិនដែលធ្លាប់ធ្វើ ក្នុងពេលកំពុងងូតទឹក។ សាកល្...

តើគួរជ្រើសរើសកង់ បែបណា ដើម្បីហាត់ប្រាណ?

ដោយ: ដាលីស 7 PM, Wednesday, 08 Jul, 2015

កង់ មិនត្រឹមតែជាយានជំនិះ ដែលធ្វើឲ្យអ្នកមានភាពរីករាយប៉ុណ្ណោះទេ តែថែមទាំងល្អដល់បរិស្ថានថែមទៀត។ ប្រសិនបើអ្នកមានបំណងរក្សាសុខភាពរបស់អ្នក ដោយការជិះកង់ ​(...

ងាយៗ! គ្រាន់តែទទួលទានភេសជ្ជៈនេះ មុនគេង នឹងធ្វើឱ្យស្រកក្បាលពោះ យ៉ាងមានប្រសិទ្ធភាព

ដោយ: ភារុន 9 AM, Monday, 18 Feb, 2019

មនុស្សជាច្រើនខំប្រឹងប្រែងខ្លាំងណាស់ ដើម្បីអាចទទួលបានក្បាលពោះរាបស្មើរ និងស្រស់ស្អាត។ អ្នកខ្លះ ព្យាយាមហាត់ប្រាណយ៉ាងទៀងទាត់ ហើយតមអាហារជាច្រើន ដើម្បីអា...

៩ ខែ នៃការប្រែប្រួល របស់អ្នកម្តាយមានគភ៌

ដោយ: វិរីយា៉ 8 PM, Monday, 03 Aug, 2015

នៅពេលអ្នកម្តាយ ចាប់ផ្តើមមានគភ៌ នឹងចាប់ផ្តើមមើលឃើញការប្រែប្រួល តាំងពីសប្តាហ៍ដំបូង រាងកាយរបស់​អ្នក​​ម្តាយនឹងបញ្ជូនសញ្ញាប្រាប់ ពីអាការផ្សេងៗឱ្យបានដឹង ...

Tomnerb.Com - YouTube Channel