ចូលចិត្តទំនើប

ភេសជ្ជៈវេនមន្ត ផ្សំពីផ្លែចេក ជួយសម្រកទម្ងន់ ដែលអ្នកមិនគួរមើលរំលង

ដោយ: ភារុន 8 AM, Wednesday, 27 Feb, 2019

ចេក គឺជាផ្លែឈើមួយប្រភេទ ដែលជួយសម្រកទម្ងន់ដ៏មានប្រសិទ្ធភាព ពីព្រោះចេកមានសារធាតុចិញ្ចឹមជាច្រើនខុសៗគ្នា និងមានសារធាតុរ៉ែដ៏ល្អបំផុតជាច្រើនផងដែរ។ នេះមានន័យថានៅពេលដែលអ្នកញុំាចេក នឹងធ្វើឱ្យរាងកាយរបស់អ្នក អាចទទួលបាននូវសារធាតុចិញ្ចឹម និងសារធាតុរ៉ែបានគ្រប់គ្រាន់ លើសពីនេះការញុំាចេក នឹងមិនធ្វើឱ្យអ្នកលើសទម្ងន់ថែម ទៀត។ និយាយរួមមក អ្នកណាមិនចង់បានរាងស្អាត ស្លីម ចង្កេះតូចនោះ ព្រោះរាងបែបនេះស្លៀកអីក៏ស្អាត មើលយ៉ាងម៉េចក៏ស្អាត។ សម្រាប់អ្នកដែលចង់សម្រកទម្ងន់ ដោយមិនប៉ះពាល់ដល់សុខភាពនោះ ទំនើប សូមណែនាំភេសជ្ជៈវេនមន្តផ្សំពី ផ្លែចេក ដើម្បីសម្រកទម្ងន់ ប្រកបដោយសុខភាពល្អ។ ប៉ុន្តែតើអ្នកចង់ដឹងអត់ថាភេសជ្ជៈវេនមន្ត នេះមានសារធាតុចិញ្ចឹមអ្វីខ្លះ? សូមតាមដានជាមួយនឹងយើងទាំងអស់គ្នា៖
1. ប៉ូតាស្យូម
សារធាតុប៉ូតាស្យូម គឺជាសារធាតុដែលធ្វើការជាដៃគូ ជាមួយនឹងសារធាតុសូដ្យូម ដើម្បីគ្រប់គ្រងកម្រិតសារធាតុរាវនៅក្នុងរាងកាយរបស់មនុស្ស។ នេះអាចមានសារៈសំខាន់ក្នុងការសម្រកទម្ងន់ ដោយសារតែទម្ងន់សារធាតុរាវ នៃរាងកាយមានច្រើនហួសប្រមាណ នោះនឹងធ្វើឱ្យអ្នកមានអារម្មណ៍ថា មើលទៅដូចហើមៗ។ លើសពីនេះសារធាតុប៉ូតាស្យូម ក៏ផ្តល់ អត្ថប្រយោជន៍ជាច្រើនទៀតដូចជា៖ កាត់បន្ថយការរមួលក្រពើ កាត់បន្ថយហានីភ័យនៃជម្ងឺបេះដូង និងផ្តល់ថាមពលនៅពេលអ្នកហាត់ប្រាណ។

2. ម៉ាញ៉េស្យូម
ម៉ាញ៉េស្យូម ត្រូវបានគេបង្ហាញថា អាចជួយគ្រប់គ្រងកម្រិតជាតិស្ករនៅក្នុងឈាម ក៏ដូចជាកាត់បន្ថយទម្ងន់ និងហើមពោះផងដែរ។ ជាទូទៅសារធាតុម៉ាញ៉េស្យូម ត្រូវបានប្រព័ន្ធរាងកាយរបស់មនុស្សប្រើប្រាស់ ដើម្បីធ្វើឱ្យចលនាសរសៃប្រាសាទ និងសាច់ដុំដំណើរការបានស្រួល ហើយវាក៏ជួយសម្រួលដល់ចង្វាក់បេះដូង ឱ្យដំណើរការធម្មតា ដោយសារការដឹកជញ្ជូនជាតិកាល់ស្យូម និងប៉ូតាស្យូមបានរលូន។

3. ផូស្វ័រ
កម្រិតផូស្វ័រទាប ត្រូវបានផ្សារភ្ជាប់ជាមួយនឹងសារធាតុ BMI ខ្ពស់។ ការសិក្សាថ្មីមួយ បានរកឃើញថាការបន្ថែម ផូស្វ័រ បានជួយឱ្យមនុស្សធាត់ អាចកាត់បន្ថយសារធាតុ BMI ខ្ពស់ឱ្យធ្លាក់មកទាបបំផុតបាន។ លើសពីនេះតួនាទីរបស់ផូស្វ័រ គឺជួយសម្រួលដល់ការរំលាយអាហារ ដែលមានជាតិកាបូអ៊ីដ្រាត ដូចនេះការបន្ថែមចេក ចូលទៅក្នុងអាហារទទួលទាន គឺជាជម្រើសដ៏ឆ្លាតវៃ។

4. សារធាតុ Tryptophan
សារធាតុនេះគឺល្អសម្រាប់រាងកាយរបស់មនុស្ស ជាពិសេសវាក៏ជាថ្នាំសម្រាប់ប្រឆាំងនឹងជម្ងឺធ្លាក់ទឹកចិត្ត បែបធម្មជាតិ។ ម្យ៉ាងទៀតសារធាតុនេះក៏ជួយគ្រប់គ្រងចំណង់អាហាររបស់អ្នកផងដែរ។

5. សារធាតុ Phytoalexin
Phytoalexin គឺជាសារធាតុមួយផ្សេងទៀត ដែលត្រូវបានគេរកឃើញមាននៅក្នុងផ្លែចេក ដែលវាអាចដើរតួនាទីជា អង់ទីប៊ីយ៉ូទិកធម្មជាតិ។ ដូច្នេះវាអាចការពារប្រឆាំងនឹងជម្ងឺ ដែលបង្កឡើងដោយអាហារមិនត្រឹមត្រូវ។ វាក៏មានសារធាតុប្រឆាំងនឹង ការរលាក និងមានសារធាតុប្រឆាំងអុកស៊ីតកម្ម និងអាចជួយបង្ការភាពចាស់ជរារបស់មនុស្សផងដែរ។
បន្ថែមពីនេះក៏នៅមានសារធាតុចិញ្ចឹម និងសារធាតុរ៉ែផ្សេងៗទៀតជាច្រើន ដែល ទំនើប មិនទាន់បានរៀបរាប់អស់នៅ ឡើយ។
+ របៀបធ្វើភេសជ្ជៈវេនមន្ត ធ្វើពីផ្លែចេក៖
+ គ្រឿងផ្សំ
• ចេក មួយផ្លែ
• ទឹកដោះគោជូរស្រស់ មិនមានជាតិខ្លាញ់មួយកែវ
• ក្រូចឆ្មាពីរផ្លែ
• គ្រាប់ធុញ្ញជាតិ Flax មួយស្លាបព្រា
• ប្រេងដូងមួយស្លាបព្រា
• ម៉្សៅឈើអែមមួយស្លាបព្រា
• ម៉្សៅខ្ញី កន្លះស្លាបព្រា

វិធីធ្វើ៖ បញ្ចូលគ្រឿងផ្សំទាំងអស់ទៅក្នុងម៉ាស៊ីក្រឡុក បន្ទាប់មកក្រឡុកវារហូតដល់ម៉ត់ល្អ។ ដូច្នេះ អ្នកអាចទទួលទាន ភេសជ្ជៈវេនមន្តនេះមួយកែវ ជារៀងរាល់ពេលដែលពោះអ្នកទទេ ដើម្បីទទួលបានប្រសិទ្ធភាពខ្ពស់។

ចំណាំ៖ ប្រសិនបើអ្នកមានជម្ងឺលើសឈាម អ្នកគួរជៀសវាងដាក់ម៉្សៅឈើអែម និងម៉្សៅខ្ញីចូលទៅក្នុងភេសជ្ជៈវេនមន្តនេះ។ គ្រឿងផ្សំទាំងអស់ អាចកែសម្រួលបាន ទៅតាមសុខភាពរាងកាយរបស់អ្នកផ្ទាល់។

ប្រភព: foodprevent ផ្នែក: បែបបទជីវិត, សុខភាព

អត្ថបទអ្នកចង់អាន

វិធីកម្ចាត់អង្គែ តាមបែបធម្មជាតិ

ដោយ: ស៊ីវងីម 10 PM, Friday, 05 Jun, 2015

ការមានអង្គែលើក្បាល មិនត្រឹមតែធ្វើឲ្យអ្នកបាត់បង់សម្រស់នោះទេ តែក៏អាចធ្វើឲ្យអ្នកបាត់បង់ជំនឿចិត្តលើខ្លួនឯងផងដែរ។ វាជារឿងគួរឲ្យអៀនខ្មាស់ណាស់ ប្រសិនបើកំទ...

កំពុងស្វែងរកទឹកអប់ សក្តិសមនឹងអ្នកមែនទេ? សូមអានអត្ថបទមួយនេះ មុនពេលអ្នកទិញ

ដោយ: ដួងច័ន្ទ 10 PM, Tuesday, 28 Feb, 2017

ការជ្រើសរើសទឹកអប់ឱ្យបានត្រឹមត្រូវ ជាបញ្ហាចោទមួយ។ តើអ្នកធ្លាប់បាញ់ទឹកអប់ ដែលអ្នកមិនចូល ចិត្តពីដំបូង ប៉ុន្តែបន្ទាប់ពីបានប្រើហើយអ្នក ក៏ជាប់ចិត្តនឹងវាទ...

បង្រៀនកូន ឱ្យចេះតស៊ូ

ដោយ: ដាលីស 10 PM, Thursday, 24 Mar, 2016

តស៊ូ… មិនមែនជា​ការធ្វើ​បាប​គ្នា ​ខាង​រាងកាយ មិនមែនជា​ការកែ​បញ្ហា​ដោយ​ប្រើ​កម្លាំងកាយ​នោះទេ តែ​ជាការ​បង្រៀន​ឱ្យ​កូន​វ័យ​ម​តេ្ត​យ្យ​ចេះ​គិត កែប...

អាថ៌កំបាំង នៃការតុបតែងខ្លួន របស់ស្រ្តីស្រស់ស្អាត

ដោយ: ដួងច័ន្ទ 9 PM, Monday, 25 Dec, 2017

ការតុបតែងខ្លួនពិតជាសំខាន់ សម្រាប់ស្រ្តីគ្រប់រូប ប៉ុន្តែដើម្បីឱ្យសម្រស់របស់អ្នកកាន់តែលេចធ្លោ ពោរពេញដោយភាពទាក់ទាញ និងថ្លៃថ្នូរ ស្រ្តីទាំងអស់គួរស្វែងយ...

Tomnerb.Com - YouTube Channel