ចូលចិត្តទំនើប

តើទឹកអំបិល ពិតជាមានប្រសិទ្ធភាព ក្នុងការលាងសម្អាតមាត់ធ្មេញ?

ដោយ: ភារុន 8 AM, Wednesday, 19 Jun, 2019

ជាធម្មតា ម្តាយរបស់អ្នកតែងប្រាប់អ្នកឱ្យខ្ពុះមាត់ជាមួយទឹកអំបិល នៅពេលអ្នកឈឺធ្មេញ ដើម្បីកាត់បន្ថយការឈឺចាប់។ ហើយគ្រូពេទ្យធ្មេញ ក៏បានណែនាំឱ្យអ្នកខ្ពុះមាត់ជាមួយទឹកអំបិលក្តៅឧណ្ហៗ ខណៈពេលដែលអ្នកដកធ្មេញរួចផងដែរ។ អ្នកប្រហែលជាសាកល្បង ធ្វើតាមអ្វីដែលម្តាយរបស់អ្នកបានណែនាំ ហើយគ្រូពេទ្យធ្មេញក៏បានណែនាំប្រាប់អ្នកផងដែរ។ តើវាពិតជា មានប្រសិទ្ធភាពសម្រាប់បញ្ហាមាត់ធ្មេញឬ? ឬក៏តើទឹកអំបិលអាចព្យាបាលបញ្ហាអ្វីបានផ្សេងទៀត?
យោងទៅតាម ការសិក្សាស្រាវជ្រាវមួយ នៅប្រទេសឥណ្ឌាក្នុងឆ្នាំ 2010 ជាមួយនឹងអ្នកចូលរួម 45 នាក់ បានរកឃើញថាទឹកអំបិលនៅតែ ជាវិធីដ៏មានប្រសិទ្ធភាពក្នុងការសម្លាប់បាក់តេរីនៅក្នុងមាត់។ ដោយសារតែ ទឹកអំបិលមានជាតិអាល់កុលកម្រិតស្រាល ឧទាហរណ៍៖ អំបិល 9 ស្លាបព្រាកាហ្វេដាក់ក្នុងទឹកមួយពែង នឹងទទួលបានជាតិអាល់កុល 2/3 នៃទឹកអំបិលមួយពែងនោះ ដូច្នេះ វាអាចសម្លាប់បាក់តេរី នៅក្នុងមាត់បាននៅពេលខ្ពុះមាត់ជាមួយនឹងទឹកអំបិល ជារៀងរាល់ថ្ងៃ។ អ្វីផ្សេងទៀតដែលអំបិលអាចព្យាបាលបាននោះគឺ ជំងឺរលាកទងសួត ជម្ងឺមាត់ធ្មេញ, និងក្លិនមាត់មិនល្អ…ជាដើម។


គ្រូពេទ្យធ្មេញតែងតែណែនាំ ឱ្យប្រើទឹកអំបិលដើម្បីបំបាត់ការឈឺចាប់ ខណៈពេលអ្នកកំពុងឈឺធ្មេញ ឬមានជម្ងឺនៅក្នុងមាត់ដូចជា ពងបែកនៅក្នុងមាត់ ឬនៅលើបបូរមាត់ និងអញ្ចាញធ្មេញ…ជាដើម។ ម្យ៉ាងទៀតគ្រូពេទ្យធ្មេញជនជាតិអូស្ត្រាលីម្នាក់ក៏បាននិយាយថា ការលាងសម្អាតមាត់ធ្មេញជាមួយទឹកអំបិល គឺជាវិធីដ៏ល្អនៅពេល ដែលអ្នកឈឺធ្មេញ ព្រោះវាជួយកាត់បន្ថយឈឺចាប់បានភ្លាមៗ។ ប៉ុន្តែទោះជាយ៉ាងនេះក្តី គាត់ក៏មិនឱ្យយោបល់ថាត្រូវតែលាងសម្អាតជាមួយទឹកអំបិល ជារៀងរាល់ថ្ងៃនោះទេ ដោយគាត់បានបន្ថែមថា ទឹកអំបិលក៏មានជាតិអាស៊ីតបន្តិចបន្តួចដែរ ហើយវាអាចធ្វើឱ្យបណ្តូលធ្មេញរបស់អ្នកខូច និងធ្វើឱ្យធ្មេញពុក…ផងដែរ។


សម្រាប់សមាគមន៍គ្រូពេទ្យព្យាបាលធ្មេញអាមេរិក (ADA) ក៏បាននិយាយថា ទឹកអំបិលអាចបំបាត់ បណ្តោះអាសន្ននូវក្លិនមាត់មិនល្អ។ ប៉ុន្តែ ADA មិនបាននិយាយថា ទឹកអំបិលអាចព្យាបាលជម្ងឺមាត់ធ្មេញបាននោះទេ។ ម្យ៉ាងទៀត ក្លិនមាត់មិនល្អ គឺបណ្តាលមកពីកត្តាមួយចំនួនដូចជា ជម្ងឺអញ្ចាញធ្មេញ និងបាក់តេរីនៅលើអណ្តាត។ ដូច្នេះ អ្នកគួរតែទៅជួបគ្រូពេទ្យធ្មេញ ប្រសិនបើអ្នកឈឺធ្មេញ ឬ យល់ថាការដុសធ្មេញ និងការខ្ពុះមាត់ជាប្រចាំរបស់អ្នក ធ្វើមិនបានត្រឹមត្រូវទៅតាមស្តង់ដា៕

ប្រភព: howstuffworks ផ្នែក: បែបបទជីវិត, សុខភាព

អត្ថបទអ្នកចង់អាន

យល់ដឹង ពីជំងឺមមើដើរ

ដោយ: ស. លីង 9 AM, Friday, 27 Jan, 2017

ជំងឺមមើដើរ ច្រើនកើតលើក្មេងអាយុពី ៤ ទៅ ៨ឆ្នាំ ប៉ុន្តែមនុស្សធំ ក៏អាចកើតជំងឺនេះដែរ។ នេះជាជំងឺម៉្យាងដែលធ្វើឲ្យអ្នកគេង ក្រោកឡើងពីគ្រែ ហើយដើរ អ្នកខ្លះរត់...

តិចនិក ជួយឲ្យកែវភ្នែក ស្រស់ថ្លា

ដោយ: ស៊ីវងីម 10 PM, Tuesday, 14 Jul, 2015

ការថែរក្សាកែវភ្នែក ឲ្យមានសម្រស់ស្រស់ថ្លា មិនមែនជាការពិបាកនោះទេ បញ្ហាសំខាន់គឺអ្នកត្រូវដឹងពីវិធី ហើយរួមផ្សំជាមួយនឹងភាពឧស្សាហ៍ព្យាយាម យកចិត្តទុកដាក់។ ...

គុណប្រយោជន៍ របស់យ៉ាអួ មានអ្វីខ្លះ?

ដោយ: ស៊ីវងីម 8 PM, Monday, 08 Jun, 2015

ប្រសិនបើនិយាយពី យ៉ាអួ មិត្តនារីយើងភាគច្រើន សុទ្ធតែបានដឹងពីប្រយោជន៍របស់វា ប៉ុន្តែសម្រាប់អ្នកដែលមិនទាន់ចាប់អារម្មណ៍ ចំពោះ យ៉ាអួ គួរតែមកអានពីគុណប្រយោជ...

វិធីបញ្ឈប់បញ្ហាជ្រុះសក់ តាមបែបធម្មជាតិ

ដោយ: រីកា 10 PM, Tuesday, 22 Mar, 2016

មនុស្ស​ភាគច្រើន ​គិត​ទៅដល់​ការការពារ​សក់​ជ្រុះ នៅពេលដែល​ពួកគេ ​បាន​ប្រឈម​នឹង​ការ​ជ្រុះ​សក់​រួចជាស្រេច​ទៅហើយ ប៉ុន្តែ​ប្រសិនបើ​អ្នក​ចាប់ផ្តើម​ថែរក្សា...

Tomnerb.Com - YouTube Channel