ចូលចិត្តទំនើប

តើអាហារត្រូវការរយៈពេលខុសគ្នាប៉ុន្មាន ដើម្បីរំលាយនៅក្នុងក្រពះ? នេះគឺជាអ្វីដែលអ្នកចាំបាច់ត្រូវដឹង!

ដោយ: ចរិយា 9 AM, Friday, 13 Sep, 2019

ផលប៉ះពាល់នៃការរំលាយអាហារ សម្រាប់អ្នកសម្រកទម្ងន់ គឺជារឿងសំខាន់ណាស់។ ជាការពិតណាស់ ពេលវេលារំលាយអាហារ គឺអាស្រ័យទៅលើ សុខភាពរាងកាយរបស់មនុស្សម្នាក់ៗ, ប្រព័ន្ធរំលាយអាហារ, អាយុ និងភេទ។ ជាទូទៅ អាហារមួយចំនួនតូច អាចមិនចាំបាច់ត្រូវការពេលវេលារំលាយយូរ ខណៈពេលអាហារមួយចំនួនធំផ្សេងទៀត នឹងត្រូវការពេលវេលារំលាយយូរ នៅក្នុងប្រព័ន្ធរំលាយរបស់អ្នក។ ដូច្នេះថ្ងៃនេះ ទំនើប នឹងរៀបចំអត្ថបទមួយនេះ ដើម្បីជួយអ្នកឱ្យប្រកាន់ខ្ជាប់នូវរបបអាហារមានតុល្យភាពខ្ពស់។ ការរំលាយអាហារ គឺជានីតិវិធីនៅក្នុងដំណើរការមួយ ខណៈពេលអាហារដែលអ្នកបានញុំា បំបែកទៅជាបំណែកតូចៗ ហើយត្រូវបានផ្ទេរទៅក្នុងប្រព័ន្ធរំលាយអាហារដូចជា ក្រពះ និងពោះវៀន ហើយក៏បានជ្រាបចូលទៅក្នុងចរន្តឈាម ពេញរាងកាយរបស់មនុស្ស។ ដូច្នេះ វាចាំបាច់ក្នុងការស្វែងយល់ពីពេលវេលារំលាយអាហារ ដើម្បីផ្តល់ភាពងាយស្រួលសម្រាប់អ្នកដែលចង់បញ្ចុះទម្ងន់ ឬ ថែរក្សាទម្ងន់ឱ្យស្ថិតស្ថេរ។
• អាហាររំលាយលឿន
អាហារមួយចំនួន ត្រូវការពេលវេលារំលាយលឿនខ្លាំង ដូច្នេះវាអាចបណ្តាលឱ្យអ្នកត្រូវញុំាម្តងហើយម្តងទៀត។ អាហារប្រភេទនេះ ផ្តល់ឱ្យអ្នកនូវការជម្រុញថាមពលបានយ៉ាងរហ័ស ហើយក៏អាចនិយាយបានថា វាមានការកើនឡើងនូវកម្រិតជាតិគ្លុយកូស។ ប្រសិនបើរាងកាយរបស់អ្នក មានកម្រិតជាតិគ្លុយកូសខ្ពស់ពេក ហើយអ្នកប្រើប្រាស់ថាមពលឱ្យអស់ នោះវានឹងបន្សល់ទុកនូវជាតិខ្លាញ់នៅក្នុងរាងកាយរបស់អ្នក។

• អាហាររំលាយយឺត
អាហាររំលាយយឺត បង្កើនកម្រិតជាតិស្ករក្នុងឈាមរបស់អ្នកយឺតៗ នឹងផ្តល់ថាមពលថេរ និងមានតុល្យភាព។ ប៉ុន្តែ ប្រសិនបើអ្នកញុំាត្រឹមតែអាហាររំលាយយឺត វានឹងធ្វើឱ្យប្រព័ន្ធរំលាយរបស់អ្នកដំណើរការបានល្អបំផុត។ អ្នកឯកទេសណែនាំថា កុំលាយអាហាររំលាយយឺត និងអាហាររំលាយលឿនចូលគ្នាទៅជាអាហារតែមួយ ហើយក៏ជៀសវាងការញុំាអាហារប្រភេទ Fast Food បន្ទាប់ពីញុំាអាហាររំលាយយឺតផងដែរ ពីព្រោះការរំលាយអាហារយឺត មិនទាន់ត្រូវបានបញ្ចប់នៅឡើយផង ដូច្នេះក្រពះរបស់អ្នកនឹងត្រូវផ្ទុកអាហារលើស។ ពេលវេលាដ៏ល្អបំផុត សម្រាប់ដំណើរការរំលាយអាហារ ដែលមានសមាសធាតុផ្សំជាមួយនឹងពេលវេលារំលាយខុសគ្នា នោះគឺនៅពេលថ្ងៃត្រង់ ពីព្រោះវាគឺជាពេលវេលាដែលប្រព័ន្ធរំលាយអាហាររបស់អ្នកកំពុងធ្វើការយ៉ាងសកម្មបំផុត។ ហើយសម្រាប់អាហារពេលព្រឹក និងអាហារពេលល្ងាច គួរតែមានលក្ខណៈសាមញ្ញ និងជាប្រភេទអាហាររំលាយលលឿន ដូច្នេះអ្នកនឹងទទួលបានថាមពលភ្លាមៗ បន្ទាប់ពីអាហារពេលព្រឹក ហើយក៏អាចរក្សាក្រពះរបស់អ្នក ឱ្យសម្រាកបាននៅពេលយប់ផងដែរ។

1. ទឹក (ចូលក្នុងក្រពះភ្លាម ជ្រាបទៅក្នុងចរន្តឈាមភ្លាម)

2. ទឹកផ្លែឈើស្រស់ ឬ ទឹកបន្លែស្រស់ (រយៈពេលរំលាយពី 15នាទីទៅ20នាទី)

3. បន្លែឆៅ (រយៈពេលរំលាយពី 30នាទីទៅ40នាទី)

4. បន្លែឆ្អិន (រយៈពេលរំលាយពី 40នាទី)

5. សាច់ត្រី (រយៈពេលរំលាយពី 45នាទីទៅ60នាទី)

6. សាឡាដជាមួយនឹងប្រេង (រយៈពេលរំលាយពី មួយម៉ោង)

7. បន្លែប្រភេទម៉្សៅ (រយៈពេលរំលាយពី 1:30នាទីទៅ2ម៉ោង)

8. គ្រាប់ធញ្ញជាតិ៖ អង្ករខ្សាយ, អង្ករដំណើប, អង្ករសំឡី… (រយៈពេលរំលាយពី 2ម៉ោង)

9. អាហារប្រភេទ ផលិតផលទឹកដោះគោ (រយៈពេលរំលាយពី 2ម៉ោង)

10. អាហារប្រភេទគ្រាប់៖ គ្រាប់អាល់ម៉ុង, គ្រាប់ស្វាយចន្ទី… (រយៈពេលរំលាយពី 3ម៉ោង)

11. សាច់មាន់ (រយៈពេលរំលាយពី 1:30នាទីទៅ2ម៉ោង)

12. សាច់គោ (រយៈពេលរំលាយពី 3ម៉ោង)

13. សាច់ចៀម (រយៈពេលរំលាយពី 4ម៉ោង)

14. សាច់ជ្រូក (រយៈពេលរំលាយពី 5ម៉ោង)

ប្រភព: brightside ផ្នែក: បែបបទជីវិត, សុខភាព

អត្ថបទអ្នកចង់អាន

អ្នកចូលចិត្តម៉ាស្សា ត្រូវប្រយ័ត្នអ្វីខ្លះ?

ដោយ: ស៊ីវងីម 11 PM, Friday, 05 Jun, 2015

បច្ចុប្បន្ននេះ ការម៉ាស្សាខ្លួន ត្រូវបានប្រជាជនយើងពេញនិយមខ្លាំងឡើងពីមួយថ្ងៃ ទៅមួយថ្ងៃ ប៉ុន្តែអ្នកដែលចូលចិត្តទៅម៉ាស្សា មានដឹងជាមុន ឬអត់ ថាការម៉ាស្សា ...

តើត្រូវឱ្យកូន បៅទឹកដោះ នៅពេលណាខ្លះ?

ដោយ: វិរីយា៉ 7 PM, Wednesday, 30 Mar, 2016

សម្រាប់​អ្នក​ម្តាយ​ថ្មោងថ្មី​ ដែល​ទើប​តែមាន​កូនតូច​ជា​លើកដំបូង ការ​បំបៅ​ទឹកដោះ​កូន ​គឺជា​រឿង​ថ្មី​មួយ​ដែល​ត្រូវ​ដឹង។ ខាងក្រោម​នេះ​ គឺជា​ចំណេះដឹង​ក្...

កូនតូច គួរទទួលបានការថែទាំធ្មេញ យ៉ាងដូចម្តេច?

ដោយ: ដាលីស 7 PM, Monday, 13 Jul, 2015

អ្នកម្តាយ គ្រប់រូបបានដឹង និងបានអនុវត្តយ៉ាងត្រឹមត្រូវ ក្នុងការថែរក្សាធ្មេញកូន ឱ្យបានល្អហើយ ឬនៅ? ហើយអ្នកធ្លាប់​ចាប់​អារម្មណ៍ដែរទេថា អ្នកបានចាប់ផ្តើមថ...

អ្នកវិទ្យាសាស្រ្តបានពន្យល់ថា «ការធ្វើឱ្យក្មេងរសើប អាចបង្កគ្រោះថ្នាក់» ដែលប្រហែលជាអ្នកមិនធ្លាប់ដឹង!

ដោយ: ភារុន 8 AM, Saturday, 22 Jun, 2019

ការធ្វើឱ្យក្មេងតូចៗរសើប អាចបង្កគ្រោះថ្នាក់ជាជាងផ្តល់ផលល្អ។ ការសិក្សាស្រាវជ្រាវមួយបានបង្ហាញថាមានតែ 32% បានឆ្លើយតបថាពេញចិត្ត និងរីករាយ ហើយជាមួយនឹង 32...

Tomnerb.Com - YouTube Channel