ចូលចិត្តទំនើប

គ្រូពេទ្រធ្មេញដ៏ជំនាញ បានណែនាំវិធីសាស្រ្ត 10 យ៉ាងដ៏សាមញ្ញ ដើម្បីការពារកុំឱ្យមានធ្មេញពុក

ដោយ: ភារុន 8 AM, Monday, 18 Mar, 2019

ធម្មជាតិបង្កើតមនុស្សមក មានត្រឹមតែធ្មេញ ពីរជួរប៉ុណ្ណោះ ដូច្នេះយើងម្នាក់ៗត្រូវចេះថែរក្សាពួកវាឱ្យបានល្អ ប្រសិនបើយើងមិនចង់បាត់បង់ពួកវា។ គ្រូពេទ្រធ្មេញដ៏ជំនាញ បានណែនាំនូវវិធីសាស្រ្តដ៏សាមញ្ញចំនួន 10 ដើម្បីធ្វើឱ្យធ្មេញរបស់យើងមានភាពប្រសើរឡើង ថែមទាំងជួយការពារធ្មេញពុកផងដែរ។ ដូចនេះកុំឱ្យទន្ទឹមរង់ចាំយូរ សូមមកតាមដានជាមួយនឹង ទំនើប ទាំងអស់គ្នា៖
1. សាកល្បងលាបប្រេង លើធ្មេញពុក
ការលាបប្រេង លើធ្មេញពុក គឺជាបច្ចេកទេសសម្អាតមួយ ដែលរារាំងការរីករាលដាលនៃប្រហោង ឬ ការដកចេញនៃការឈឺចាប់នៅក្នុងធ្មេញប្រហោងនោះ។ ការជ្រើសរើសប្រេងលាប ដែលមានគុណប្រយោជន៍ក្នុងការកម្ចាត់បាក់តេរី ដែលធ្វើឱ្យពុកធ្មេញ មានដូចជាប្រេងល្ង ឬ ប្រេងដូង…ជាដើម ហើយអ្នកគ្រាន់តែលាបប្រេងពួកវានេះ ប្រហែលជា 20នាទី ហើយខ្ពុលមាត់ជាមួយនឹងទឹកធម្មតាជាការស្រេច។

2. កុំញុំាអាហារ មានជាតិស្ករច្រើនពេក

ការញុំាអាហារមានជាតិស្ករច្រើនពក អាចបំផ្លាញដល់ធ្មេញយ៉ាងធ្ងន់ធ្ងរ។ ជាតិស្ករទាំងនេះ មិនមែនសំដៅតែនៅលើស្ករ ដែលមាននៅក្នុងនំខេក ឬ ស្ករគ្រាប់ប៉ុណ្ណោះទេ ហើយក៏រួមបញ្ចូលទាំងជាតិស្ករ ដែលរកឃើញនៅក្នុងនំបុ័ង, សណ្តែកសៀង, ផ្លែឈើ និងដំឡូងផងដែរ។

3. ដុសធ្មេញ 2ដង ក្នុងមួយថ្ងៃជាប្រចាំ

ជាទូទៅ មនុស្សគ្រប់គ្នាតែងតែដុសធ្មេញជារៀងរាល់ព្រឹក នេះគឺជាទម្លាប់មួយដ៏ល្អបំផុត ប៉ុន្តែវាប្រហែលជាមិនទាន់គ្រប់គ្រាន់ទេ។ ការដុសធ្មេញ នៅពេលយប់មុនពេលចូលគេង ក៏មានសារៈសំខាន់ផងដែរ ដោយសារការដុសធ្មេញនៅពេលនោះគឺអាចជួយសម្អាតកំណកអាហារជាប់ធ្មេញ ដែលកំណកទាំនេះអាចធ្វើឱ្យធ្មេញរបស់អ្នកពុក និងមានជម្ងឺអញ្ចាញធ្មេញផងដែរ ។

4. សម្អាតអណ្តាត

ធ្មេញ និងអញ្ចាញធ្មេញ មិនមែនជាកន្លែងតែមួយគត់ ដែលអាចផ្ទុកបាក់តេរីទេ អណ្តាតក៏ជាកន្លែង ដែលផ្ទុកបាក់តេរីមួយទៀតផងដែរ។ វាគឺសំខាន់ណាស់ ដូច្នេះអ្នកគួរសម្អាតអណ្តាត នៅរាល់ពេលដែលអ្នកដុសធ្មេញម្តងៗ ទើបជាការប្រសើរ។

5. យកចិត្តទុកដាក់បន្ថែម ទៅលើជម្ងឺមាត់ធ្មេញ

ការយកចិត្តទុកដាក់បន្ថែម ទៅលើជម្ងឺមាត់ធ្មេញគឺពិតជាល្អ ដូចជា ប្រសិនបើអ្នកកត់សម្គាល់ឃើញថា អញ្ចាញធ្មេញរបស់អ្នកឡើងពណ៌ក្រហម ឬ ប្រសិនបើមានការឈឺចាប់តិចៗនៅក្នុងមាត់របស់អ្នក…ជាដើម ដូច្នេះអ្នកគួរតែទូរស័ព្ទទៅគ្រូពេទ្រជំនាញរបស់អ្នក ដើម្បីពិគ្រោះយោបល់ពីរោគសញ្ញានៃបញ្ហាមាត់ធ្មេញ ដែលកើតមាននៅលើអ្នក។

6. ព្យាយាមទទួលទានតែបៃតង ឬ តែខ្មៅ
តែបៃតង ឬ តែខ្មៅ អាចជួយអញ្ចាញធ្មេញរបស់អ្នក ពីព្រោះសារជាតិ Cameilla sinensis ដែលត្រូវបានរកឃើញនៅក្នុងស្លឹកតែ ហើយត្រូវបានគេកត់សម្គាល់ឃើញថា វាអាចជួយការពារកុំឱ្យមានប្រហោងធ្មេញ ឬ ធ្មេញពុក។ គន្លឹះនេះត្រូវបានណែនាំឱ្យទទួលទានតែទាំងនេះ នៅពេលទទួលបង្អែម ឬ នំផ្អែម…ជាដើម។

7. កុំដុសធ្មេញច្រើនដងពេក

ការដុសធ្មេញច្រើន ជាងពីរដងក្នុងមួយថ្ងៃ គឺមិនល្អទេ ចំពោះធ្មេញរបស់អ្នក ដោយសារតែវាអាចបណ្តាល ឱ្យធ្មេញឆាប់សឹក ខ្លាំង និងបណ្តាលឱ្យមានស្នាមប្រេះនៅលើធ្មេញរបស់អ្នកផងដែរ។

8. ញុំាអាហារ ដែលពង្រឹងសុខភាពធ្មេញ

អាហារដែលអាចជួយពង្រឹង ដល់សុខភាពមាត់ធ្មេញ រួមមាន ផលិតផលធ្វើទឹកដោះគោ ឈីស ឬ ផ្លែប៉ោម…ជាដើម។ អាហារទាំងនេះ ត្រូវបានគេរកឃើញថា អាចកាត់បន្ថយកំណកផ្សេងៗជាប់នឹងធ្មេញ ហើយព្រមទាំង បង្កើនការផលិតទឹកមាត់ ដែលជួយកាត់បន្ថយកម្រិតបាក់តេរីនៅក្នុងមាត់របស់អ្នកផងដែរ។

9. ត្រូវរក្សាការសម្អាតចន្លោះធ្មេញ ឱ្យបានញឹកញាប់

ការដុសធ្មេញ គឺមិនទាន់គ្រប់គ្រាន់ទេ បាក់តេរី ឬ កំណកអាហារតូចៗ អាចស្ថិតនៅចន្លោះធ្មេញ ដែលអ្នកពិបាកនឹងយកវាចេញ ដូច្នេះអ្នកគួរប្រើ អំបោះសម្រាប់រូសធ្មេញ មករូសសម្អាតចុះឡើងត្រង់ចន្លោះធ្មេញរបស់អ្នកឱ្យបានញឹកញាប់។ ម្យ៉ាងទៀតការធ្វើបែបនេះ អាចជួយរារាំងការលូតលាស់នៃបាក់តេរីនៅក្នុងមាត់ ជម្ងឺអញ្ចាញធ្មេញ និងក្លិនមាត់អាក្រក់ ដ៏មានប្រសិទ្ធភាព ច្រើនជាងការដុសធ្មេញតែឯង។

10. ទៅជួបគ្រូពេទ្រធ្មេញ យ៉ាងហោចណាស់ឱ្យបាន 2 ដងក្នុងមួយឆ្នាំ

គ្រូពេទ្រធ្មេញដ៏ជំនាញ អាចជួយព្យាបាលធ្មេញរបស់អ្នក ហើយពួកគេក៏អាចកត់សម្គាល់ឃើញថា មានអ្វីខ្លះខុសនៅលើធ្មេញរបស់អ្នក មុនពេលធ្មេញរបស់អ្នក ខូចខាតខ្លាំង រហូតដល់ថ្នាក់ដកវាចេញតែម្តង។ ម្យ៉ាងទៀត ខណៈពេលគ្រូពេទ្រកំពុងសម្អាតធ្មេញ គឺកំពុងតែរារាំង មិនឱ្យមានការកើនឡើងនៃបាក់តេរីគ្រប់ប្រភេទ ដូច្នេះអ្នកគួរតែទៅជួបគ្រូពេទ្រធ្មេញ យ៉ាងហោចណាស់ឱ្យបាន 2 ដងក្នុងមួយឆ្នាំ។

ប្រភព: brightside ផ្នែក: បែបបទជីវិត, សុខភាព

អត្ថបទអ្នកចង់អាន

អត្ថប្រយោជន៍ នៃការម៉ាស្សាប្រេង

ដោយ: ស៊ីវងីម 6 PM, Wednesday, 26 Aug, 2015

គោលសំខាន់នៃការម៉ាស្សា គឺការកាត់បន្ថយភាពនឿយហត់ ដែលអ្នកមាន ប៉ុន្តែមានអ្នកមួយចំនួនមានអារម្មណ៍រារែក ដោយសារតែយល់ថាការម៉ាស្សា គឺជាការយករាងកាយទៅបន្ថែមការឈ...

បញ្ហាស្បែកតូចតាច ៦ ជារោគសញ្ញា នៃជំងឺសើស្បែក និងមហារីក

ដោយ: ដួងច័ន្ទ 7 PM, Thursday, 02 Feb, 2017

គ្រាន់តែប្រេះបបូរមាត់ កើតស្នាមអុជៗលើមុខ ជារឿងធ្ងន់ធ្ងរដែរ? ពិតជាធ្ងន់ធ្ងរ ប្រសិនបើអ្នកព្យាយាមព្យាបាលអស់លទ្ធភាព ហើយវានៅតែមិនជាសះស្បើយ។ ព្រោះនេះមិនមែ...

រោគសញ្ញាព្រមានទាំង 6 ដែលបង្ហាញថា ជម្ងឺដាច់សរសៃឈាមខួរក្បាល ឬ (Stroke) កំពុងតែកើតមាននៅលើខ្លួនអ្នក ដែលអ្នកមិនគួរមើលរំលង

ដោយ: ភារុន 8 AM, Friday, 17 May, 2019

ជម្ងឺដាច់សរសៃឈាមខួរក្បាល ឬហៅថា Stroke គឺជាមូលហេតុនៃភាពពិការ ឈានមុខគេ នៅក្នុងសហរដ្ឋអារមេរិក ក៏ដូចជានៅតាមបណ្តាប្រទេសនានាទូទាំងពិភពលោកផងដែរ។ ជារៀងរាល់...

មុនពេលគេងត្រូវរៀបរយ ដើម្បីភាពស្អាត និងស្រស់ស្រាយនាពេលព្រឹក

ដោយ: រីកា 10 PM, Thursday, 07 Apr, 2016

ចង់បាន​ភាពស្រស់​ស្រាយ ស្បែក​ភ្លឺ​ថ្លា​នាពេល​ព្រឹក​ព្រលឹម ​បន្ទាប់ពី​ភ្ញាក់​ពី​ដំណេក​ដែរ ឬទេ​មិត្ត​អ្នកអាន​ទាំងឡាយ? បើ​ចម្លើយ​របស់​អ្នក គឺ​ចង់បាន​នោ...

Tomnerb.Com - YouTube Channel