ចូលចិត្តទំនើប

CQ… ភាពឆ្លាតវៃមួយទៀត ដែលក្មេងសម័យនេះ គួរតែមាន

ដោយ: ស៊ីវងីម 6 PM, Wednesday, 15 Jul, 2015

បើនិយាយពីភាពឆ្លាតវាងវៃ នៅក្នុងផ្នែកផ្សេងៗនោះ ជឿថាមនុស្សជាច្រើន ប្រហែលជាធ្លាប់ស្គាល់ IQ (Intelligence Quotient), EQ (Emotional Quotient) ឬ MQ (Moral Quotient) ខ្លះៗមកហើយ តែនៅមាន CQ មួយ​ទៀត ដែលចាំបាច់​សម្រាប់កុមារ ក្នុងយុគសម័យនេះ និងនៅមិនទាន់ត្រូវបាន គេស្គាល់ច្បាស់នៅឡើយទេ។ CQ (Creative Quotient) គឺជាភាពឆ្លាតវាងវៃ ដែលលោកឪពុកអ្នកម្តាយអាចជួយបង្កើន ដល់កូនៗបានតាំងពីក្មេងមក។

លោកវេជ្ជបណ្ឌិតជំនាញផ្នែកវិវឌ្ឍនាការ និងទង្វើរបស់កុមារនៃមន្ទីរពេទ្យ BNH បានអធិប្បាយ​អំពីភាពឆ្លាត ​ក្នុងផ្នែ​ក​នេះ​ឱ្យដឹងថា គឺជាភាពឆ្លាតក្នុងការរិះគិត និងចាប់ផ្តើមបង្កើតនូវអ្វីដែលថ្មីៗ ដែលជាជំនាញចាំ​បាច់មួយទៀត សម្រាប់​កុមារ​នៅ​ក្នុង​សតវត្សទី21 ដែលកើតឡើងក្នុងយុគសម័យឌីជីថលនេះ ដូច្នេះលោកឪពុកអ្នកម្តាយត្រូវត្រៀមខ្លួនជាស្រេច ដើម្បីជួយ​បណ្តុះ​​បណ្តាលឱ្យកូនតូច​ចេះគិត និងសម្តែងចេញបានយ៉ាងស័ក្តិសម។

“ក្រៅពីកុមារត្រូវតែមានភាពឆ្លាតវៃខាងប្រាជ្ញា ការយល់ពីអារម្មណ៍ខ្លួនឯង និងអ្នកដទៃហើយនោះ កុមារគួរតែមាន CQ​ (Creative Quotient) ឬគំនិតចាប់ផ្តើមច្នៃបង្កើត និងផ្នត់គំនិតថ្មីៗ ពីចំណេះដឹងគ្រឹះដែលមានពីមុនស្រាប់ មិនថាតែ​គណិត​សាស្រ្ត វិទ្យាសាស្រ្ត ឬសិល្បៈនោះឡើយ គឺអាចបណ្តុះបណ្តាលបានតាំងពីនៅវ័យតេះតះ ព្រោះក្មេងតូចនឹងចាប់ផ្តើម​ចេះអង្គុយ​លេង និងចេះច្នៃប្រឌិត​​ការលេងដោយខ្លួនឯង ដូច្នេះអ្វីដែលឪពុកម្តាយអាចធ្វើបាននោះគឺ កុំយកគំនិតរបស់ខ្លួនឯងទៅ​បាំង​ឃាំង​​គំនិតច្នៃប្រឌិតរបស់​​​​កូន តែបើជារឿងរបស់វិន័យវិញ គឺជារឿងមួយផ្សេង ដែលឪពុកម្តាយគួររៀបចំឱ្យ​គេស្ថិត នៅ​ក្នុង​ក្រម​វិន័យ​​ដែលគួរតែធ្វើបានផងដែរ”។

សម្រាប់លោកឪពុកអ្នកម្តាយណា ដែលត្រូវការបង្កើន CQ ឱ្យកូនតូចមានការនឹកស្រមៃ និងមានគំនិតចាប់ផ្តើមច្នៃ​បង្កើត​​ថ្មី​នោះ យើងមានវិធីងាយៗ មកជម្រាបជូនដូចតទៅ៖

  • ជំរុញឱ្យកូនបានគិត ដោយការបើកឱកាសឱ្យសួរ ស្វែងរកចំណុចសង្ស័យ និងសម្តែងគំនិតយោបល់។
  • បង្កើនការនឹកស្រមៃតាម ដែលកូនថ្នឹក ដូចជា ការស្តាប់ចម្រៀង គូររូប និងការសម្តែង នៅលើវេទិកាផ្សេងៗ។
  • ផ្តល់ឱកាសឱ្យកូន បានធ្វើវត្ថុអ្វីមួយដោយខ្លួនឯង ព្រមទាំងផ្តល់នូវការសរសើរ ចំពោះក្តីព្យាយាមរបស់កូន និងមិន​គួរ​ពិចារណាស្នាដៃរបស់កូន ដោយការប្រៀបធៀប ឬសម្រេចសេចក្តីត្រឹមតែថា ស្អាត ឬមិនស្អាត ព្រោះក្រៅពីធ្វើឱ្យ​កូនអស់​ទឹក​ចិត្ត និងអស់ភាពជឿជាក់ក្នុងចិត្តហើយនោះ វាថែមទាំងទៅបិទឃាំងគំនិត ច្នៃបង្កើតថ្មីរបស់កូនទៀតផង។
  • នាំកូនចេញទៅកាន់ពិភពលោក ដ៏ធំទូលាយតាមទីកន្លែងរៀនយល់ដឹងផ្សេងៗ ដែលត្រូវបានបំពេញបន្ថែម​ដោយ​គំនិត​ច្នៃបង្កើតថ្មី របស់បណ្តាអ្នកគិត និងអ្នកច្នៃបង្កើត ដូចជា សារមន្ទីរ ឬពិព័រណ៍ចំណេះដឹងផ្សេងៗជាដើម។

នៅពេលពិភពលោកផ្លាស់ប្តូរ មនុស្សចាប់ផ្តើមផ្លាស់ប្តូរ ប្រព័ន្ធសង្គមក៏ត្រូវតែកែសម្រួល ទៅតាមពិភពលោក​ដែល​​កំពុងត្រូវបានរុញច្រាន ឆ្ពោះទៅរកប្រព័ន្ធសង្គមថ្មីដែលហៅថា Creative City ផងដែរ។ គ្រប់ចម្លើយរបស់​សង្គម និងពិភព​លោក​នឹងប្រកួតប្រជែងគ្នា ដោយគំនិតច្នៃបង្កើតថ្មីជាមូលដ្ឋានគ្រឹះ ដូច្នេះហើយទើប CQ គឺជាភាពឆ្លាតវាងវៃមួយ​ទៀត ដែល​ឪពុក​ម្តាយ​សម័យថ្មីនេះ គួរតែជួយជំរុញឱ្យកូនកើត មានទៅដំណាលៗគ្នានឹង Q ផ្សេងៗទៀតដែរ ព្រោះមិនដូច្នោះទេ កូននឹង​ធំ​ធាត់ឡើង​ក្លាយជាមនុស្សធំ ដែលខ្វះការត​​ភ្ជាប់ និងការច្នៃបង្កើតអ្វីថ្មីៗ ចេញមកនៅក្នុងសង្គមជាមិនខាន៕

SmartKidCQ-02

អត្ថបទអ្នកចង់អាន

អាហារទូទៅតែមានប្រយោជន៍ សម្រាប់ការសម្រករាង

ដោយ: ស. លីង 10 PM, Monday, 20 Feb, 2017

មិនពិបាកទេ ប្រសិនបើអ្នកចង់សម្រករាងឲ្យស្វែលស្អាត ដោយគ្រាន់តែបរិភោគអាហារ ទូទៅប្រចាំថ្ងៃមួយចំនួន ដែលមានគុណសម្បត្តិ ក្នុងការដុតបំផ្លាញជាតិខ្លាញ់ធាតុក្ន...

គុណសម្បត្តិទាំង 9 នៃអាល់កុលដែលអ្នកមិនគួរមើលរំលង

ដោយ: ភារុន 9 AM, Monday, 03 Dec, 2018

អាល់កុលគឺជាអ្វីមួយដែលមានប្រយោជន៍បំផុតដែលអ្នកអាចរក្សានៅជុំវិញផ្ទះរបស់អ្នកបាន។ អាល់កុលមានតម្លៃថោក និង ងាយស្វែងរកនៅតាមទីផ្សារ។ ថ្ងៃនេះ ទំនើប នឹងចែករំល...

6 ចំណុច ដែលឪពុកម្តាយត្រូវបង្រៀនឱ្យដឹង មុននឹងនាំកូនតូចចូលរោងភាពយន្ត

ដោយ: រីកា 4 PM, Monday, 09 May, 2016

ឪពុកម្តាយ​ជាច្រើន​ចង់​នាំ​កូនតូច​ជាទី​ស្រឡាញ់​ ទៅ​មើល​កុន​ជាមួយ​ដែរ តែ​ក៏​បារម្ភ​ថា​នឹង​កើត​ហេតុដែល​មិន​នឹកស្មាន​ដល់​កណ្តាល​រោងភាពយន្ត ក្លាយ​ជាការ​...

ទទួលទានភេសជ្ជៈ និងបន្លែទាំងនេះ មុនចូលគេង ស្រកទាំងក្បាលពោះ និងមិនអស់លុយច្រើនថែមទៀត!!

ដោយ: ភារុន 9 AM, Wednesday, 06 Feb, 2019

ប្រសិនបើអ្នកមាន ខ្លាញ់ត្រង់ក្បាលពោះ ពិតជាមានការពិបាកណាស់ ព្រោះថាវាជាតំបន់ដែល ពិបាកកម្ចាត់ខ្លាំងបំផុតនៅក្នុងរាងកាយរបស់មនុស្សយើងគ្រប់គ្នា។ ការកើនឡើងន...

Tomnerb.Com - YouTube Channel