ចូលចិត្តទំនើប

តោះ! មកស្គាល់ អាហារប្រឆាំងនឹងភាពចាស់ទាំង 5 ដែលជួយធ្វើឱ្យស្បែកភ្លឺរលោង និងក្មេងជាងវ័យ

ដោយ: ភារុន 8 AM, Monday, 08 Apr, 2019

ភាពចាស់ គឺជាដំណើរធម្មជាតិមួយ របស់ជីវិតមនុស្ស ប៉ុន្តែទោះបីជាយ៉ាងណានេះក្តី ក៏មនុស្សម្នាក់ៗនៅតែ ចង់មានសុខភាពល្អ ស្រស់ស្អាតក្មេងខ្ចី និងគ្មាននរណាម្នាក់ចង់មានរូបរាងកាយចាស់ទៅតាមវ័យនោះដែរ។ តើធ្វើយ៉ាងណា ទើបអាចប្រឆាំងនឹងវ័យ ដែលកាន់តែវិវឌ្ឍន៍នោះបាន? ដោយសារតែភាពចាស់ គង់តែនឹងមកដល់គ្រាន់តែមុន និងក្រោយប៉ុណ្ណោះ ។ នេះហើយជាហេតុដែល មនុស្សភាគច្រើន ព្យាយាមខិតខំថែទាំសុខភាពរូបរាងកាយ និងសម្រស់ស្បែក ដើម្បីឱ្យនៅតែមានសម្រស់ក្មេងខ្ចីបានយូរអង្វែង។ ដូច្នេះឥឡូវនេះ ទំនើប សូមណែនាំអ្នកឱ្យញុំាអាហារ ប្រឆាំងនឹងភាពចាស់មួយចំនួន ដូចខាងក្រោមនេះ នោះនឹងអាចជួយអ្នកប្រឆាំងនឹងភាពចាស់ផង ហើយថែមទាំងធ្វើឱ្យស្បែកភ្លឺរលោង និងមានសុខភាពរាងកាយល្អប្រសើរផងដែរ។ ចង់ដឹងថា មានអាហារអ្វីខ្លះ? តោះ! មកអានជាមួយនឹងយើងទាំងអស់គ្នា៖
1. ផ្លែ ក្រូច គ្រប់ប្រភេទ
ភាគច្រើននៃផ្លែក្រូច សុទ្ធតែមានវីតាមីន C ជាច្រើន ហើយនៅក្នុងទឹកក្រូចមួយកែវ មានកម្រិតវីតាមីន C រហូតដល់ 85%។ វីតាមីន C ត្រូវបានគេដឹងច្បាស់ថា អាចប្រយុទ្ធប្រឆាំងនឹងជម្ងឺផ្តាសាយ។ ប៉ុន្តែវីតាមីន C មិនត្រឹមតែជាវីតាមីនប៉ុណ្ណោះទេ ហើយវាក៏មានមុខងារប្រឆាំងនឹងអុកស៊ីតកម្ម ដែលប្រយុទ្ធប្រឆាំងនឹង ជម្ងឺផ្សេងៗ និងរ៉ាឌីកាល់សេរីមិនល្អ ដែលប៉ះពាល់ដល់សុខភាពរាងកាយ និងសម្រស់ស្បែក។ យោងទៅតាមការសិក្សាមួយ បានរកឃើញថា វីតាមីន C ជួយបង្កើន Collagen ឱ្យមានច្រើននៅក្នុងស្បែក ដូច្នេះ អ្នកគួរតែបន្ថែមផ្លែ ក្រូច នៅក្នុងរបបអាហារប្រចាំថ្ងៃរបស់អ្នក ដើម្បីទទួលបានស្បែកភ្លឺរលោង និងក្មេងជាងវ័យផងដែរ។

2. គ្រាប់ ផ្កាឈូករ័ត្ន

គ្រាប់ផ្កាឈូករ័ត្ន មានផ្ទុកសារធាតុរ៉ែជាច្រើន ដូចជា ទង់ដែង, ម៉ង់ហ្គាណែស, សេលីញ៉ូម, ម៉ាញ៉េស្យូម, និងផូស័រ ព្រមទាំងមានផ្ទុកវីតាមីន B1, B6, Folate និង Niacin ប៉ុន្តែសមាសធាតុដ៏សំខាន់សម្រាប់ស្បែក នោះគឺវីតាមីន E ។ យោងទៅតាមការស្រាវជ្រាវមួយ បានគាំទ្រដល់ ការញុំាអាហារសម្បូរវីតាមីន E ដូចជាគ្រាប់ ផ្កាឈូករ័ត្ន ដើម្បីផ្តល់សម្រស់ស្បែកកាន់តែមានភាពភ្លឺរលោង និងក្មេងជាងវ័យ។

3. មើម ការ៉ុត

ការ៉ុត មានវីតាមីនចម្រុះជាច្រើន រួមទាំងសារធាតុ Beta Carotene ដ៏សំខាន់។ យោងទៅតាមការស្រាវជ្រាវមួយ ក៏បានរកឃើញថាសារធាតុ Beta Carotene ត្រូវបានដំណើរការនៅក្នុងសរីរាង្គជាច្រើន នៅក្នុងនោះរួមទាំងស្បែក ដែលវាទទួលបានអត្ថប្រយោជន៍ដ៏ធំសម្បើមពីមើម ការ៉ុត ដើម្បីធ្វើឱ្យសុខភាពស្បែកល្អប្រសើរ។

4. ស៊ុត

ស៊ុត គឺសម្បូរដោយវីតាមីន D ដែលស្បែករបស់មនុស្សត្រូវការជាចាំបាច់ ដើម្បីទប់ស្កាត់នូវភាពចាស់ទៅតាមវ័យ។ ប៉ុន្តែប្រសិនបើស្បែកខ្វះវីតាមីន D គឺនឹងអាចធ្វើឱ្យស្បែកមានជម្ងឺផ្សេងៗរួមមាន មហារីកស្បែក ជម្ងឺស្បែក Psoriasis និង Ichthyosis ក៏ដូចជាមានបញ្ហាស្បែកដូចជា រលាកស្បែក បាត់បង់ពណ៌ ឬ កើតមុន…ជាដើម។

5. ផ្លែ ប៊ឺរីពណ៌ខ្មៅ
ផ្លែ ប៊ឺរីខ្មៅ សម្បូរទៅដោយវីតាមីន C, ជាតិសរសៃ, វីតាមីន K, វីតាមីន A និងសារធាតុប្រឆាំងនឹងអុកស៊ីតកម្មជាច្រើន ហើយក្នុងនោះ មានសារធាតុប្រឆាំងនឹងអុកស៊ីតកម្មម្យ៉ាង ឈ្មោះថា «Polyphenols» ដែលជាសារធាតុប្រឆាំងនឹងការរលាក បណ្តាលមកពីកាំរស្មី UV របស់ព្រះអាទិត្យ ហើយអត្ថប្រយោជន៍ជាច្រើនទៀត ដូចជាធ្វើឱ្យស្បែករបស់អ្នក ភ្លឺរលោង និងមិនចាស់ទៅតាមវ័យ លើសពីនេះ ប៊ឺរីខ្មៅ ក៏អាចលាយបញ្ចូលដ៏ល្អ ក្នុងការធ្វើជាភេសជ្ជៈ Smoothie សម្រាប់ទទួលទានជាប្រចាំផងដែរ។

ប្រភព: foodprevent ផ្នែក: បែបបទជីវិត, សុខភាព

អត្ថបទអ្នកចង់អាន

ដឹងអត់ ក្រុមឈាម អ្នកគួរបរិភោគអ្វីទើបល្អ?

ដោយ: ចរិយា 10 PM, Saturday, 03 Dec, 2016

ក្រុមឈាម របស់មនុស្សយើងមាន ៤ គឺ ឈាម O ឈាម A ឈាម B និង ឈាម AB។ មនុស្សមានក្រុមឈាមផ្សេងគ្នា អាហារដែលត្រូវញ៉ាំក៏ខុសគ្នាដែរ។ ហេតុអី្វ ចាំបាច់ញ៉ាំអាហារខុស...

អ្នកស្រាវជ្រាវកំពុងផលិត Contact Lenses ដែលអាចរកឃើញជម្ងឺ

ដោយ: ដួងច័ន្ទ 7 PM, Sunday, 23 Apr, 2017

ដោយគ្រាន់តែប្រើប្រាស់ Bio-Sensing Contact Lenses នាពេលឆាប់ៗខាងមុខនេះ អាចឱ្យអ្នក មើលឃើញពីសុខភាពផ្ទាល់ខ្លួនរបស់អ្នក យោងតាមការសិក្សាដ៏ភ្ញាក់ផ្អើលថ្មីម...

ងាយៗ! គ្រាន់តែទទួលទានភេសជ្ជៈនេះ មុនគេង នឹងធ្វើឱ្យស្រកក្បាលពោះ យ៉ាងមានប្រសិទ្ធភាព

ដោយ: ភារុន 9 AM, Monday, 18 Feb, 2019

មនុស្សជាច្រើនខំប្រឹងប្រែងខ្លាំងណាស់ ដើម្បីអាចទទួលបានក្បាលពោះរាបស្មើរ និងស្រស់ស្អាត។ អ្នកខ្លះ ព្យាយាមហាត់ប្រាណយ៉ាងទៀងទាត់ ហើយតមអាហារជាច្រើន ដើម្បីអា...

8 វិធីសាស្រ្ត ដែលបានណែនាំដោយអ្នកចិត្តសាស្រ្ត ដើម្បីកម្ចាត់ភាពតានតឹង

ដោយ: ភារុន 7 AM, Monday, 10 Jun, 2019

អ្នកចិត្តសាស្រ្តជាអ្នកជំនាញ ដែលជួយឱ្យយើងដោះស្រាយបញ្ហាជំនះការភ័យខ្លាច និងធ្វើឱ្យយើងចេះដោះស្រាយអារម្មណ៍តានតឹងរបស់ខ្លួន ឱ្យទៅជាអារម្មណ៍ស្ងប់ និងធ្វើឱ្...

Tomnerb.Com - YouTube Channel