ចូលចិត្តទំនើប

តោះ! មកស្គាល់ 9 សញ្ញា ដែលបង្ហាញថាអ្នក គឺពិតជាមនុស្សរឹងមាំផ្នែកផ្លូវចិត្ត

ដោយ: ភារុន 8 AM, Tuesday, 11 Jun, 2019

អ្នកវិទ្យាសាស្រ្តជឿថា ប្រសិនបើមនុស្សមានចិត្តរឹងមាំ គឺអាចត្រូវបានគេព្យាករណ៍ខ្ពស់ទៅលើភាពជោគជ័យ ជាងភាពឆ្លាតវៃ។ ហើយបន្ទាប់ពីអ្នកបានឃើញសញ្ញាទាំង 9 ខាងក្រោមនេះ នោះអ្នកនឹងអាចយល់ថាហេតុអ្វី? ម្យ៉ាងទៀត ដើម្បីគ្រប់គ្រងទៅលើអារម្មណ៍ និងអំណាចនៃឆន្ទៈរបស់អ្នក នោះអ្នកត្រូវក្លាយជាបុគ្គលដ៏មានអំណាចម្នាក់ ដែលអាចសម្រេចបាននូវអ្វី ដែលខ្លួនឯងបានកំណត់រួចហើយ។ ចង់ដឹងថាតើសញ្ញាទាំងនេះមានអ្វីខ្លះ? សូមប្រិយមិត្តអ្នកអាន តាមដានជាមួយនឹងទំនើប ទាំងអស់គ្នា៖
1. អ្នកមិនព្រួយបារម្ភទៅលើបញ្ហា ដែលមិនស្ថិតនៅក្រោមការគ្រប់គ្រងរបស់អ្នក
ប្រសិនបើជាមនុស្ស ដែលមានបាវចនា «ប្រសិនបើអ្នកអាចដោះស្រាយបាន អ្នកមិនបារម្ភ ហើយប្រសិនបើអ្នកមិនអាចដោះស្រាយបាន ក៏អ្នកមិនបារម្ភ» គឺត្រូវបានចាត់ទុកថាជាមនុស្សមានផ្លូវចិត្តរឹងមាំ។ បើយោងទៅតាមចិត្តវិទូ Amy Morin បានពន្យល់ថា ប្រសិនបើអ្នកគឺជាមនុស្ស ដែលមានផ្លូវចិត្តរឹងមាំ គឺអ្នកមិនបារម្ភអំពីបញ្ហា ដែលមិនអាចគ្រប់គ្រងបាននោះទេ។

2. អ្នកទទួលយក និងហ៊ានប្រឈមនឹងបញ្ហា ដែលកើតឡើង
ជីវិតគឺតែងជួបនឹងក្តីលំបាក ដូច្នេះ អ្នកត្រូវតែទទួលស្គាល់នូវភាពបរាជ័យ ជម្ងឺ និងក្តីទុក្ខព្រួយ ដែលបានកើតឡើងនៅក្នុងជីវិតរស់នៅរបស់អ្នក។ ប៉ុន្តែ ជំនួសឱ្យការជ្រើសរើស ទៅលើការរំឭកឡើងវិញ នៅពេលវេលា ដែលមានអ្វីមួយ អកុសលកើតឡើង ហើយវាក៏នឹងរារាំងមិនឱ្យអ្នកសម្រេចគោលដៅរបស់អ្នកនៅក្នុងជីវិតខាងមុខ អ្នកគួរតែប្រឈមនឹងបញ្ហាទាំងអស់នោះ ដោយប្រើការគិតបែបសុទិដ្ឋិនិយម។

3. អ្នកអាចនិយាយពាក្យ «ទេ» ដោយគ្មានសោកស្តាយ
ប្រសិនបើចៅហ្វាយរបស់អ្នក ចង់ឱ្យអ្នកធ្វើការថែមម៉ោងនៅចុងសប្តាហ៍ តើអ្នកនឹងមានបញ្ហាអ្វីដែរឬទេ? ប្រសិនបើអ្នកនិយាយថា «ទេ» ខណៈពេលដែលអ្នកក៏រវស់ នឹងរឿងដ៏ចាំបាច់ដែលត្រូវធ្វើផងដែរនោះ នេះមិនមែនមានន័យថាអ្នកកំពុងប្រឆាំងនឹងចៅហ្វាយរបស់អ្នកនោះទេ ប៉ុន្តែនេះគ្រាន់តែជាវិធី ដែលអ្នកត្រូវការ ដើម្បីគ្រប់គ្រងខ្លួនឯង និងកសាងការគោរពខ្លួនឯង ដែលអនុញ្ញាតឱ្យអ្នកសម្រេចបាននូវគោលដៅ ព្រមជាមួយនឹងការទទួលខុសត្រូវ និងគុណតម្លៃរបស់អ្នកផងដែរ។

4. អ្នកជាមនុស្សពូកែអត់ធ្មត់ ហើយក៏ដឹងថាក្តីសុបិន្ត មិនអាចក្លាយជាការពិតនៅក្នុងរយៈពេលមួយវិនាទី
ការស្រាវជ្រាវមួយបានបង្ហាញថា មនុស្សដែលមានផ្លូវចិត្តរឹងមាំ គឺអនុញ្ញាតឱ្យពួកគេ មានការគិតពិចារណា និងវិភាគទៅលើស្ថានភាពបានយ៉ាងហ្មត់ចត់ ដើម្បីធ្វើឱ្យល្អបំផុតទៅលើស្ថានភាពនីមួយៗ។ នេះជាមូលហេតុ ដែលអ្នកមានភាពអត់ធ្មត់ខ្ពស់ ជាមួយនឹងអ្នកដទៃ ដើម្បីសម្រេចបានគោលដៅរបស់ខ្លួន។ លើសពីនេះ អ្នកក៏យល់ថាវាត្រូវការពេលវេលា និងការខិតខំប្រឹងប្រែងខ្ពស់ ដើម្បីសម្រេចក្តីសុបិន្តផងដែរ។

5. អ្នកអាចកំណត់ព្រំដែន ដ៏ចាំបាច់
ការកំណត់ព្រំដែន គឺជាមធ្យោបាយមួយ ដើម្បីធ្វើឱ្យមានសុខភាពផ្លូវចិត្តល្អ និងលូតលាស់ នោះហើយជាមូលហេតុ ដែលអ្នកគួរកំណត់វា។ ការសិក្សាបង្ហាញថា អ្នកអាចគ្រប់គ្រងទាំងរាងកាយ និងអារម្មណ៍បានល្អ គឺមកពីអ្នកបានកំណត់ព្រំដែនណាមួយដ៏ចាំបាច់ សម្រាប់ខ្លួនឯងបានល្អ។

6. អ្នកមិនត្អូញត្អែរ នូវរាល់សកម្មភាព ដែលអ្នកបានធ្វើ
អ្នកមិនមានអារម្មណ៍ថា ពិភពលោកនេះជំពាក់អ្នកអ្វីនោះទេ។ ពីព្រោះអ្នកយល់ថា អ្វីៗដែលល្អៗ គឺមានប្រយោជន៍សម្រាប់ការងាររបស់អ្នកជានិច្ច។ ដូច្នេះ ជំនួសឱ្យ ការមានអារម្មណ៍ថា មានសិទ្ធត្អូញត្អែរទៅលើភាពអយុត្តិធម៌របស់ពិភពលោក អ្នកគួរព្យាយាមផ្តោតទៅលើអ្វី ដែលអ្នកអាចធ្វើទៅបាន ហើយដើម្បីធ្វើឱ្យជីវិតរបស់អ្នក កាន់តែមានតម្លៃ និងមានភាពប្រសើរឡើង។

7. អ្នកកម្រនឹងកែលម្អ ដោយសារតែអ្នកចូលចិត្តរៀបចំផែនការ
អ្នកគឺជាមនុស្សចូលចិត្តរៀបចំផែនការ និងមិនខ្វាយខ្វល់អ្វីច្រើននោះទេ។ ម្យ៉ាងវិញទៀត ចិត្តវិទូជឿថា មនុស្សដែលមានចិត្តរឹងមាំ នឹងមានគោលដៅច្បាស់លាស់ហើយ ដូច្នេះ ពួកគេប្រាកដជាចូលចិត្តរៀបចំផែនការ និងគិតគូរពីហានីភ័យផ្សេងៗ ខណៈពេលកំពុងដំណើរការ ដើម្បីទទួលបានប្រសិទ្ធភាពខ្ពស់បំផុត ក្នុងការឆ្ពោះទៅរកអ្វីមួយ ដែលខ្លួនចង់បាន។

8. អ្នកជាមនុស្សមានទំនុកចិត្ត ប៉ុន្តែមិនមានច្រើនហួសហេតុពេក
ការជឿជាក់ទៅលើខ្លួនឯង គឺត្រូវបានសន្មតថា អ្នកមានបទពិសោធន៍គ្រប់គ្រាន់។ ហើយសម្រាប់អ្នក ដែលមានផ្លូវចិត្តរឹងមាំ ត្រូវបានគេរកឃើញថា មានការយល់ដឹងពីខ្លួនឯងផ្ទាល់យ៉ាងជ្រាលជ្រៅ ចំពោះភាពខ្លាំង និងភាពខ្សោយរបស់ខ្លួនបានច្បាស់លាស់។

9. អ្នកមិនធ្វើឱ្យខ្លួនឯង គេងមិនលក់
ការសម្រាកកាយ និងចិត្ត គឺនាំឱ្យមនុស្សមានផ្លូវចិត្តរឹងមាំ ដូចជា ការគេងគ្រប់គ្រាន់នៅពេលយប់…ជាដើម។ នោះហើយជាមូលហេតុ ដែលការស្រាវជ្រាវបានបង្ហាញថា មនុស្សដែលមានទម្លាប់គេងបានគ្រប់គ្រាន់ និងក្រោកពីគេងបានទៀងទាត់ នឹងក្លាយជាមនុស្ស ដែលមានផ្លូវចិត្តរឹងមាំ៕

ប្រភព: brightside ផ្នែក: បែបបទជីវិត, សុខភាព

អត្ថបទអ្នកចង់អាន

តើគួរតមអាហារបែបណាខ្លះ ពេលមានអាស៊ីតនៅក្នុងក្រពះខ្ពស់?

ដោយ: ស៊ីវងីម 8 AM, Friday, 24 Apr, 2015

​ជំងឺក្រពះឬអាការៈមានអាស៊ីតច្រើនក្នុង​ក្រពះ​បានក្លាយទៅជាជំងឺពេញនិយមសម្រាប់មនុស្សសម័យនេះ។អ្នកធ្វើការងារភាគច្រើនដែលកំពុងខំប្រឹងប្រែងទៅកាន់តំណែងការងារខ...

ការមើលថែទាំ សុខភាពសម្រាប់បុរស ផុតវ័យបន្តពូជ

ដោយ: ស៊ីវងីម 6 PM, Monday, 13 Jul, 2015

ការត្រួតពិនិត្យសុខភាពប្រចាំឆ្នាំ (មួយឆ្នាំម្តង) ជាពិសេសបុរសដែលផុតវ័យបន្តពូជ គួរតែបានទទួលការត្រួត​ពិនិត្យ​រក​មើល​ជំងឺមហារីក ដូចជា ការត្រួតវាស់កម្រិត...

វិធីបញ្ឈប់បញ្ហាជ្រុះសក់ តាមបែបធម្មជាតិ

ដោយ: រីកា 10 PM, Tuesday, 22 Mar, 2016

មនុស្ស​ភាគច្រើន ​គិត​ទៅដល់​ការការពារ​សក់​ជ្រុះ នៅពេលដែល​ពួកគេ ​បាន​ប្រឈម​នឹង​ការ​ជ្រុះ​សក់​រួចជាស្រេច​ទៅហើយ ប៉ុន្តែ​ប្រសិនបើ​អ្នក​ចាប់ផ្តើម​ថែរក្សា...

រូបសាក់ ប្រាប់ពីសុខភាព

ដោយ: ដួងច័ន្ទ 10 PM, Monday, 14 Aug, 2017

អ្នកស្រឡាញ់រូបសាក់ និងការថែរក្សាសុខភាព នាពេលនេះត្រូវបានរួមបញ្ចូលគ្នា លើបច្ចេកវិទ្យាថ្មី មួយ ទទួលបានពីគំនិតច្នៃប្រឌិតដ៏អស្ចារ្យ នៃអ្នកស្រាវជ្រាវនៅសា...

Tomnerb.Com - YouTube Channel