ចូលចិត្តទំនើប

តិចនិចទាំង 7 ដើម្បីបញ្ឈប់ក្តីស្រឡាញ់របស់អ្នក ទៅនឹងមនុស្ស ដែលឈប់ស្រឡាញ់អ្នកហើយ!!!

ដោយ: ភារុន 11 AM, Tuesday, 04 Jun, 2019

ការធ្លាក់នៅក្នុងអន្លង់ស្នេហ៍ជាមួយនឹងនរណាម្នាក់ ដែលមិនអាចមានផលប៉ះពាល់ធ្ងន់ធ្ងរទៅដល់ ការគោរព និងទំនុកចិត្តខ្លួនឯង។ ជាទូទៅ ខណៈពេលមនុស្ស ដែលអ្នកស្រឡាញ់ មិនបានស្រឡាញ់អ្នកវិញ នោះនឹងធ្វើឱ្យអ្នកមានអារម្មណ៍មិនសប្បាយចិត្ត មិនពេញចិត្តនឹងខ្លួនឯង អាចឈានដល់ជម្ងឺធ្លាក់ទឹកចិត្ត ក៏មាន។ ប៉ុន្តែជារឿងធម្មតាទេ ដែលអ្នកច្បាស់ជាចង់កម្ចាត់អារម្មណ៍ទាំងនេះ ឱ្យបានឆាប់រហ័ស តាមដែលធ្វើបាន។ ដូច្នេះ ថ្ងៃនេះគេហទំព័រ ទំនើប ចង់ណែនាំពី អ្វីដែលអ្នកត្រូវធ្វើ ដើម្បីទទួលបានក្តីស្រឡាញ់ ដែលមិនចេះរីងស្ងួត និងចាប់ផ្តើមរស់នៅក្នុងជីវិតថ្មីរបស់អ្នក ហើយយើងក៏ចង់ណែនាំដំបូន្មានចំនួន 7 យ៉ាងពីអ្នកមានបទពិសោធន៍ ដែលនឹងជួយឱ្យអ្នកបំភ្លេចការឈឺចាប់របស់អ្នក បន្ទាប់ពីអ្នកបានបរាជ័យនៅក្នុងរឿងស្នេហា។
1. ទទួលការពិត ថាម្នាក់នោះមិនត្រូវការអ្នកទៀតទេ
ប្រសិនបើថ្ងៃណាមួយ អ្នកគិតថាមនុស្សជាទីស្រឡាញ់របស់អ្នក នៅតែស្រឡាញ់អ្នកនោះ អ្នកនឹងមានអារម្មណ៍ធូរចិត្ត ប៉ុន្តែថ្ងៃណាមួយផ្សេងទៀត ម្នាក់នោះស្រាប់តែបាត់ខ្លួនអស់រយៈពេលមួយសប្តាហ៍ នេះវាមានន័យថាក្តីស្រឡាញ់របស់គេ មកកាន់អ្នកកំពុងតែ សាបរលាបបន្តិចបន្តងៗហើយ។ ដូច្នេះ ប្រសិនបើអ្នកទទួលយកបាននូវក្តីស្រឡាញ់របស់មនុស្សជាទីស្រឡាញ់របស់អ្នកថា «គេឈប់ស្រឡាញ់អ្នកទៀតនោះ គឺអ្នកកំពុងស្ថិតនៅលើផ្លូវដ៏ត្រឹមត្រូវហើយ»។

2. បង្វែរការយកចិត្តទុកដាក់របស់អ្នក
ការចាកចេញពីការមើលឃើញគ្នារាល់ថ្ងៃ និងការចាកចេញពីគំនិតនឹកគេរាល់ថ្ងៃ ទាំងនេះគួរតែត្រូវបានបញ្ចូលទៅក្នុង បាវចនារបស់អ្នក ប្រសិនបើអ្នកចង់ទទួលអារម្មណ៍ធូរស្រាល ពីភាពតានតឹងទាំងអស់ដែលអ្នកប្រកាន់ខ្ជាប់។ ម្យ៉ាងទៀត ការចាកចេញឱ្យឆ្ងាយបំផុត តាមដែលអាចធ្វើបាន ពីមនុស្សជាទីស្រឡាញ់របស់អ្នក គឺជាជម្រើសដ៏ល្អបំផុត ក្នុងការបង្វែរចំណាប់អារម្មណ៍របស់អ្នក ទៅលើរឿងអ្វីផ្សេងៗទៀត។

3. ពិភាក្សាបញ្ហាជាមួយនឹង មនុស្សដែលមានបញ្ហាស្រដៀងនឹងអ្នក
អ្នកត្រូវយល់ថា អ្នកមិនមែនជាមនុស្សតែម្នាក់គត់ ដែលមានបញ្ហាបែបនេះទេ គឺមានមនុស្សជាច្រើនទៀត ដែលបានជួបប្រទះនូវការឈឺចាប់ចំពោះរឿងស្នេហាបរាជ័យ ហើយពួកគេក៏បានឆ្លងកាត់នៅរឿងរ៉ាវស្រដៀងគ្នានឹងអ្នកផងដែរ។ ដូច្នេះ ប្រសិនបើពួកគេជាមិត្តភក្តិរបស់អ្នក អ្នកគួរចែករំលែករឿងរបស់អ្នកជាមួយនឹងពួកគេ ដើម្បីធ្វើឱ្យអារម្មណ៍តានតឹងរបស់អ្នកមានភាពធូរស្រាលជាងមុន។

4. មើលថែខ្លួនឯង ឱ្យបានល្អបំផុត
ខណៈពេលអ្នកកំពុងធ្លាក់ចូលទៅក្នុងគំនិតដ៏ខ្មៅងងឹត ជាធម្មតា អ្នកចាប់ផ្តើមធ្វេសប្រហែសចំពោះខ្លួនឯង។ ការធ្វើបែបនេះគឺមិនល្អទេសម្រាប់សុខភាពរាងកាយរបស់អ្នក ដូច្នេះ អ្នកត្រូវយកចិត្តទុកដាក់លើខ្លួនឯង ឱ្យបានច្រើនឡើង ដើម្បីទទួលបាននូវជីវិតថ្មី ពោរពេញដោយភាពសប្បាយរីករាយ។ ម្យ៉ាងទៀត កុំជក់បារី កុំផឹកស្រា ដើម្បីបំបាត់ទុក្ខ ប្រសិនបើអ្នកស្ថិតនៅក្នុងស្ថានភាពឈឺចាប់ អ្នកគួរតែតុបតែងខ្លួនឱ្យស្អាតៗ ញុំាអាហារបំប៉នល្អៗ ដើម្បីថែរក្សាសម្រស់របស់អ្នក ឱ្យនៅតែក្មេងជាង វ័យ ដើម្បីមានជីវិតថ្មី ដ៏ល្អប្រសើរបំផុត។

5. ធ្វើលំហាត់ប្រាណ
មានវិធីសាស្រ្តជាច្រើន ដើម្បីរក្សាតុល្យភាពនៃអារម្មណ៍របស់អ្នក ហើយអ្វីដែលមានប្រសិទ្ធភាពបំផុត នោះគឺការហាត់ ប្រាណ។ ការធ្វើបែបនេះអាចជួយកម្ចាត់ ភាពអវិជ្ជមាននៅក្នុងគំនិតរបស់អ្នកបាន ដូចជា៖ រត់លេងនៅក្នុងសួនច្បារ ឬ ហែលទឹកលេង នៅតាមសួនទឹកកម្សាន្តនានា។ ប៉ុន្តែប្រសិនបើអ្នកចង់បញ្ចូលគ្នារវាងការហាត់ប្រាណ និងការកម្សាន្ត អ្នកអាចជ្រើសរើសការហាត់ប្រាណជាលក្ខណៈក្បាច់រាំផ្សេងៗ ឬការច្រៀងកាខារ៉ាអូខេ…ជាដើម។

6. រក្សាទុកសុបិន្តមួយ សម្រាប់ខ្លួនឯងផ្ទាល់
គ្មានអ្វីដែលបំផ្លាញអារម្មណ៍របស់មនុស្សយើង ច្រើនជាងការរង់ចាំនរណាម្នាក់ ដែលមិនស្រឡាញ់យើងនោះទេ។ ជាធម្មតា ប្រសិនបើមនុស្សម្នាក់មិនស្រឡាញ់អ្នកទេនោះ ពួកគេអាចរកលេសមួយពាន់ ដើម្បីគេចវេសពីអ្នក។ ម្យ៉ាងទៀត អ្នកអាចសាកស្រមៃមើលថា ប្រសិនបើអ្នកមិនចង់ ទៅពិធីជប់លៀងរបស់មិត្តភក្តិ តើជាធម្មតាអ្នកធ្វើដូចម្តេច? ដូច្នេះ អ្នកគួររក្សា សុបិន្តមួយសម្រាប់ខ្លួនឯង ដើម្បីមានផ្លូវមួយ ក្នុងការមានជីវិតថ្មីដ៏សប្បាយរីករាយ។

7. កុំខឹងច្រើនពេក
ភាពបរាជ័យនៃសេចក្តីស្រឡាញ់ គឺជាផ្នែកមួយនៃជីវិត។ ជាធម្មតា ប្រសិនបើមានអ្វីមួយផ្ទុយទៅនឹង ផែនការរបស់អ្នក គឺអ្នកតែងចាប់ផ្តើមស្អប់ខ្លួនឯង ឬក៏ខឹងទៅលើអ្នក ដែលមានភេទផ្ទុយគ្នានឹងអ្នកទាំងអស់តែម្តង។ ដូច្នេះ អ្នកគួរគិតខ្លួនឯងថា ប្រសិនអ្នកគឺជាមនុស្ស ដែលត្រូវគេខឹងស្អប់ ដោយមិនបានដឹងអ្វី នោះតើវានឹងមានអ្វីកើតឡើងនៅក្នុងអារម្មណ៍របស់ពួកគេ? ដូចនេះ ជាការប្រសើរ អ្នកគួរគិតអំពីអនុស្សាវរីយ៍ល្អៗទាំងអស់ ដែលអ្នកមានជាមួយនឹងគ្រួសារ ឬ មិត្តភក្តិ ដើម្បីបន្តស្នាម ញញឹមនៅលើផ្ទៃមុខរបស់អ្នក ជារៀងរហូត៕

ប្រភព: brightside ផ្នែក: បែបបទជីវិត, សុខភាព

អត្ថបទអ្នកចង់អាន

តិចនិចថែរក្សា ទារករបស់អ្នកជំនាញទាំង 10 ដែលឪពុកម្តាយជំនាន់ថ្មីគ្រប់រូបគួរអនុវត្តន៍តាម!

ដោយ: ភារុន 8 AM, Saturday, 29 Jun, 2019

ទារក ដែលទើបនឹងកើតមក គឺនាំមកនូវភាពរីករាយបំផុត មកកាន់ឪពុកម្តាយគ្រប់រូប ប៉ុន្តែក៏នាំមកនូវការទទួលខុសត្រូវដ៏ធំធេងផងដែរ។ ជាពិសេស ឪពុកម្តាយថ្មីថ្មោង គឺតែង...

លើកសម្រស់លើផ្ទៃមុខ ដោយចាប់ផ្តើមពីការសំអិតសំអាង ចិញ្ចើម

ដោយ: ស៊ីវងីម 11 PM, Sunday, 10 May, 2015

សម្រស់ផ្ទៃមុខ គឺជាកត្តាសំខាន់ ដែលនារីគ្រប់រូបត្រូវយកចិត្តទុកដាក់ ហើយការថែចិញ្ចើម គឺជាចំណុចដែលមិនគួរមើលរំលង ប្រសិនបើអ្នកចង់បន្ថែមភាពស្រស់ស្អាតរបស់អ្...

សំខាន់! ៩ ចំណុចបន្ថយជាតិស្ករ ក្នុងខ្លួន

ដោយ: ចរិយា 3 PM, Saturday, 17 Dec, 2016

ពាក្យចាស់ពោលថា៖ «ក្មេងសន្សំប្រាក់ ចាស់សន្សំជំងឺ» តែឥឡូវ «ចាស់សន្សំជំងឺ ក្មេងក៏សន្សំជំងឺដែរ»។ ជំងឺជាច្រើនបានកើតឡើង មិនថាលើក្មេង ឬចាស់។ ជំងឺប្រជាប្រិ...

អាហារដ៏ល្អបំផុត 5 យ៉ាងដែលគួរបរិភោគមុនពេលចូលគេង

ដោយ: ភារុន 8 AM, Wednesday, 17 Oct, 2018

ទំនៀមទម្លាប់តាំងតែពីបូរាណមកបាននិយាយថាមុនពេលចូលគេងមិនត្រូវបរិភោគអាហារនោះទេ ពីព្រោះគេមានជំនឿថាអាហារនឹងនៅក្នុងក្រពះពេញមួយយប់ដោយមិនបានរំលាយ ហើយព្រមទាំង...

Tomnerb.Com - YouTube Channel