ចូលចិត្តទំនើប

តោះ! គួរយល់ដឹង វិធី 7 យ៉ាង ក្នុងការសម្អាតពោះវៀនធំ ប្រកបដោយសុវត្ថិភាព

ដោយ: ចរិយា 9 AM, Saturday, 17 Aug, 2019

សរីរាង្គពោះវៀនធំរបស់មនុស្សពេញវ័យ មានប្រវែងប្រហែល មួយម៉ែត្រកន្លះ ហើយប្រសិនបើវាមានទំហំធំ ទំនងជាយើងអាចយកចិត្តទុកដាក់តិចតួចប៉ុណ្ណោះ រហូតដល់វាមានបញ្ហា។ ពោះវៀនធំ ដើរតួនាទីយ៉ាងសំខាន់នៅក្នុងជីវិតប្រចាំថ្ងៃរបស់យើង ប៉ុន្តែប្រសិនបើវាមានបញ្ហា យើងមិនគួរមិនព្រងើយកន្តើយនឹងវាឡើយ។ ថ្ងៃនេះ ទំនើប ចង់ណែនាំវិធី 7 យ៉ាងក្នុងការសម្អាតពោះវៀនធំបែបធម្មជាតិ ប្រកបដោយសុវត្ថិភាព ជូនមិត្តៗអ្នកអានបានដឹង ដើម្បីថែរក្សាពោះវៀនធំរបស់អ្នក ឱ្យមានសុខភាពល្អយូរអង្វែង។
1. បន្ថែមវីតាមីន C នៅក្នុងរបបអាហារប្រចាំថ្ងៃ
យោងទៅតាមការសិក្សាមួយ នៅក្នុងឆ្នាំ 2015 បានរកឃើញថា វីតាមីនសេ ដែលមាននៅក្នុងផ្លែឈើ និងបន្លែ អាចជួយសម្អាតពោះវៀនធំបានល្អប្រសើរ។

2. សារធាតុ Probiotic ជួយបង្កើនបាក់តេរីល្អនៅក្នុងពោះវៀន ដែលងាយស្រួលការពារពោះវៀនធំ
យោងទៅតាមការស្រាវជ្រាវបានបង្ហាញថា Probiotic អាចជួយការពារ និងជួយព្យាបាលជំងឺមហារីកពោះវៀនធំបាន ហើយ «បាក់តេរីល្អនៅក្នុងពោះវៀន» ក៏ជួយបញ្ឈប់ការរលាកផ្សេងៗ និងនាំឱ្យពោះវៀនធំមានចលនាល្អប្រសើរ ទាំង 2 ផ្នែកនៃប្រព័ន្ធរំលាយអាហារ ដែលទាក់ទងនឹងពោះវៀនធំ។ កម្រិតខ្ពស់នៃ Probiotic ត្រូវបានរកឃើញនៅក្នុងអាហារ ដែលមានជាតិជូរ ដូចជា ទឹកដោះគោជូរ, ទឹកខ្មេះផ្លែប៉ោម, គីមឈី…ជាដើម។

3. បន្ថែមអាហារប្រភេទ Resistant Starche នៅក្នុងរបបអាហារប្រចាំថ្ងៃ
អាហារប្រភេទនេះ រួមមាន ដំឡូងបារាំង, បាយ, ចេកខ្ចី, គ្រាប់ធញ្ញជាតិ… ដែលជាអាហារជួយលើកកម្ពស់សុខភាពពោះវៀនធំ។ ម្យ៉ាងទៀត ការស្រាវជ្រាវនៅក្នុងឆ្នាំ 2013 បានរកឃើញថាអាហារប្រភេទនេះ អាចជួយកាត់បន្ថយហានីភ័យនៃជំងឺមហារីកពោះវៀនធំ។

4. ផឹកទឹកឱ្យបានច្រើន ដើម្បីគ្រប់គ្រងការរំលាយអាហារ

5. ត្រូវប្រាកដថា អ្នកញុំាអាហារដែលមានជាតិសរសៃច្រើន
យោងទៅតាមការស្រាវជ្រាវ បានរកឃើញថា ញុំាអាហារដែលមានជាតិសរសៃច្រើនផ្សារភ្ជាប់នឹងការកាត់បន្ថយហានីភ័យនៃជំងឺមហារីកពោះវៀនធំ។ ក្រៅពីនេះ អាហារដែលមានជាតិសរសៃច្រើន ក៏ជួយចិញ្ចឹមបាក់តេរីល្អនៅក្នុងពោះវៀន ដែលវាជួយកាត់បន្ថយការរលាកពោះវៀន និងធ្វើឱ្យរោគសញ្ញានៃជំងឺប្រព័ន្ធរំលាយអាហារថយចុះ។

6. តែរុក្ខជាតិ អាចជួយដល់សុខភាពពោះវៀនធំ កាន់តែល្អប្រសើរ
តែរុក្ខជាតិ ត្រូវបានគេនិយាយថាមានប្រយោជន៍ដ៏ល្អបំផុត សម្រាប់ពោះវៀនរបស់អ្នក។ យោងតាមការស្រាវជ្រាវមួយ ដែលធ្វើឡើងដោយក្រុមអ្នកស្រាវជ្រាវរបស់ប្រទេសអូស្ត្រាលី បានលើកឡើងថា ទំនាក់ទំនងរវាងការញុំាតែរុក្ខជាតិ ទៅនិងការថយចុះហានីភ័យនៃជំងឺមហារីកពោះវៀនធំ។

7. សាកល្បង ប្រើទឹកអំបិល ដើម្បីសម្អាតពោះវៀនធំ
យោងទៅតាមការស្រាវជ្រាវនៅក្នុងឆ្នាំ 2010 បានបង្ហាញថាទឹកអំបិល អាចជួយសម្អាតពោះវៀនធំបាន ខណៈពេលអ្នកហាត់យូហ្គា។ សាកល្បងហាត់យូហ្គា ជារៀងរាល់ព្រឹក និងលាយទឹកអំបិល 2ស្លាបព្រា ជាមួយនឹងទឹកក្តៅឧណ្ហៗមួយកូនពែង ហើយផឹកវាឱ្យរហ័ស ហើយអ្នកអាចអនុវត្តន៍វិធីនេះបានទាំងនៅពេលព្រឹក និងពេលល្ងាចផងដែរ៕

ប្រភព: brightside ផ្នែក: បែបបទជីវិត, សុខភាព

អត្ថបទអ្នកចង់អាន

អាហាររូបរាងចម្លែក ៦ យ៉ាង តែជាកំពូលអាហារ

ដោយ: ដួងច័ន្ទ 12 AM, Saturday, 04 Feb, 2017

អាហារ ជារបស់សម្រាប់ចិញ្ចឹម និងទ្រទ្រង់រាងកាយ។ អាហារដែលមានជីវជាតិ និងវីតាមីនជួយសុខភាពរបស់អ្នក និងធ្វើឲ្យអ្នករស់នៅបានល្អ។ អាហារប្រភេទនោះ ទំនើបឲ្យឈ្មោ...

ទម្លាប់ 10 យ៉ាងដ៏សាមញ្ញ តែអាចបំផ្លាញក្រលៀនរបស់អ្នកបាន ដោយមិនដឹងខ្លួន!

ដោយ: ចរិយា 10 AM, Saturday, 21 Sep, 2019

ក្រលៀន ដើរតួនាទីយ៉ាងសំខាន់ ក្នុងការធ្វើឱ្យរាងកាយរបស់អ្នកមានសុខភាពល្អបំផុត ហើយវាជួយផលិតកោសិកាឈាមក្រហម គ្រប់គ្រងសម្ពាធឈាម បន្សាបជាតិពុល នៅក្នុងសរីរាង...

តើអ្នកដឹង ឬអត់ថា ខ្ញីអាចជួយបង្ការជំងឺអ្វីខ្លះ?

ដោយ: ស៊ីវងីម 2 PM, Thursday, 23 Apr, 2015

​ខ្ញី​​ក្រៅពីជាគ្រឿងផ្សំដ៏សម្បូរបែបនៃអាហារវាក៏ត្រូវបាន​គេ​​យកមក​ប្រើប្រាស់​សម្រាប់​ការព្យាបាល​ជំងឺជាច្រើនមុខផងដែរ។តើខ្ញីមានអត្ថប្រយោជន៍ចំពោះសុខភាពដ...

គន្លឹះ និងល្បិច 8យ៉ាង ធ្វើឱ្យរោមភ្នែកក្រាស់វែង

ដោយ: រីកា 10 PM, Saturday, 05 Sep, 2015

ប្រសិនបើមាន​មនុស្សពីរនាក់ មកឈរឱ្យអ្នកជ្រើសរើស ហើយពួកគេសុទ្ធសឹងជាមនុស្ស ដែលមានសមត្ថភាព​និងមាន​គុណ​សម្បត្តិដូចគ្នា ខុសគ្នាត្រង់ថាម្នាក់ស្អាត និងម្នាក...

Tomnerb.Com - YouTube Channel