ចូលចិត្តទំនើប

ភេសជ្ជៈធម្មជាតិទាំង 7 នេះ មានអត្ថប្រយោជន៍ដ៏អស្ចារ្យ ក្នុងការសម្អាតថ្លើម

ដោយ: ភារុន 9 AM, Thursday, 21 Mar, 2019

ថ្លើម គឺជាអវយវៈខាងក្នុង ដ៏ធំបំផុតរបស់មនុស្ស ហើយថ្លើម ក៏ជាអ្នកធ្វើការគ្រប់ពេល ដើម្បីទ្រទ្រង់ជីវិតរស់នៅរបស់មនុស្សយើងម្នាក់ៗផងដែរ។ ដូច្នេះអ្នកទាំងអស់គ្នាត្រូវតែចេះថែរក្សាថ្លើម ឱ្យនៅតែមានសុខភាពល្អជានិច្ច។ ដើម្បីជាជំនួយដល់ការថែរក្សាសុខភាពថ្លើម ទំនើប សូមណែនាំភេសជ្ជៈធម្មជាតិចំនួន 7 ដែលមានអត្ថប្រយោជន៍ដ៏អស្ចារ្យ ក្នុងការសម្អាតថ្លើម ៖
1. ភេសជ្ជៈធ្វើពី ការ៉ុត
ការ៉ុត មានវីតាមីន A ខ្ពស់ ដែលវាត្រូវបានគេបង្ហាញថា អាចការពារពីជម្ងឺ ថ្លើម។ ជាពិសេស ការ៉ុតសម្បូរទៅដោយសារធាតុ Flavonoids និង Beta-Carotenes ដែលជាសារធាតុប្រឆាំងនឹងអុកស៊ីតកម្មដ៏ល្អបំផុត។ លើសពីនេះការ៉ុត គឺល្អសម្រាប់គ្រប់ផ្នែកនៃរាងកាយរបស់មនុស្ស ដូច្នេះអ្នកគួររីករាយជាមួយនឹង ការទទួលទានទឹកការ៉ុត ជារៀងរាល់ថ្ងៃ។

2. ភេសជ្ជៈធ្វើពី ស្លឹកបន្លែបៃតង

ភេសជ្ជៈនេះ ពិតជាផ្តល់សុខភាពដ៏ល្អបំផុត សម្រាប់រាងកាយរបស់មនុស្ស។ ជាពិសេសវាជួយឱ្យរាងកាយរបស់អ្នក ងាយនឹងទទួលបានសារធាតុចិញ្ចឹមភ្លាមៗ ដោយសារអ្នកមិនពិបាកអ្វីទេ ក្នុងការរំលាយស្លឹកបន្លែបៃតងនេះ។ លើសពីនេះ ភេសជ្ជៈបន្លែបៃតង ក៏បានជួយរំញោចថ្លើម និងជួយសម្អាតថ្លើមដ៏ល្អបំផុតផងដែរ។ សូមបញ្ជាក់ ប្រសិនបើអ្នកពិបាកទទួលទានភេសជ្ជៈនេះ អ្នកអាចបន្ថែមស្ករបន្តិចបន្តួចក៏បាន។

3. តែបៃតង

ប្រសិនបើអ្នកកំពុងស្វែងរកភេសជ្ជៈធម្មជាតិ សម្រាប់ជួយសម្អាតថ្លើម នោះសូមកុំមើលរំលងតែបៃតងឱ្យសោះ។ ពីព្រោះតែបៃតង គឺពោរពេញទៅដោយសារធាតុប្រឆាំងនឹងអុកស៊ីតកម្ម ដែលអាចដកនូវរ៉ាឌីកាល់សេរីមិនល្អចេញ ពីផ្នែកខាងក្នុងនៃរាងកាយរបស់មនុស្ស ជាពិសេសគឺនៅក្នុងថ្លើមតែម្តង។

4. តែ រមៀត

រមៀត គឺជាគ្រឿងទេសមួយ ដែលសម្បូរណាស់នៅក្នុងម្ហូបខ្មែរយើង។ ហើយវាក៏ជាគ្រឿងទេសដ៏មានឥទ្ធិពលបំផុត ដើម្បីទ្រទ្រង់ថ្លើម ឱ្យមានសុខភាពល្អ។ អ្នកអាចធ្វើ តែរមៀត ទៅតាមជំហាន៖ ដំបូងដាំទឹកឱ្យពុះ ដាក់ម៉្សៅរមៀតមួយស្លាបព្រាចូល ហើយរង់ចាំប្រហែល 10នាទី បន្ទាប់មកបន្ថែមទឹកក្រូចឆ្មារបន្តិច និងរោយម្រេចខ្មៅបន្តិច ជាការស្រេច។

5. ភេសជ្ជៈធ្វើពី ផ្លែក្រូចថ្លុង

វីតាមីន C និងសារធាតុប្រឆាំងនឹងអុកស៊ីតកម្ម នៅក្នុងផ្លែក្រូចថ្លុង គឺជាសារធាតុដ៏ល្អបំផុត សម្រាប់ការសម្អាតថ្លើម។ ប្រសិនបើធ្វើអ្នកចម្រាញ់ពីផ្លែក្រូចថ្លុងស្រស់ៗ ដើម្បីធ្វើជាភេសជ្ជៈ សម្រាប់ទទួលទានជារៀងរាល់ថ្ងៃ គឺកាន់តែល្អប្រសើរ។

6. ភេសជ្ជៈធ្វើពី មើម Beet

មើម Beet ទំនងជាបន្លែ ដែលអ្នកមិនចូលចិត្តនោះទេ ប៉ុន្តែអ្នកគួរទទួលទានវា ដើម្បីទទួលបានសុខភាពរាងកាយល្អ ជាពិសេស ជាមួយនឹងការសម្អាតថ្លើមដ៏ល្អបំផុត ដោយសារតែមើម Beet អាចបង្កើនបរិមាណអុកស៊ីសែននៅក្នុងឈាម និងជួយជំរុញដល់ការផលិតប្រូតេអ៊ីន ព្រមទាំងជួយដល់សកម្មភាពអង់ហ្ស៊ីមថែមទៀត។ លើសពីនេះមើមនេះ ក៏សម្បូរទៅដោយជាតិសរសៃ និងវីតាមីន C ផងដែរ។

7. ភេសជ្ជៈធ្វើពី បន្លែ ផ្លែឈើ ដែលសម្បូរជាតិសរសៃ
បន្លែ ផ្លែឈើ ដែលសម្បូរជាតិសរសៃ គឺជួយដកជាតិពុល ចេញពីថ្លើមដ៏មានប្រសិទ្ធភាព ព្រមទាំងជួយបង្កើនចលនាពោះវៀន ឱ្យដំណើរការបានល្អថែមទៀត។

• សេចក្តីបន្ថែម៖
បន្ថែមពីលើភេសជ្ជៈធម្មជាតិទាំង 7 នេះ ក៏នៅមានមធ្យោបាយផ្សេងៗទៀតជាច្រើន ដែលជួយទ្រទ្រង់ថ្លើមរបស់អ្នក នោះគឺការកំណត់កម្រិតជាតិអាល់កុល និងកុំប្រើប្រាស់ថ្នាំបំបាត់ការឈឺចាប់ ដែលប៉ះពាល់ដល់ថ្លើម រួមនឹងកុំប្រើប្រាស់ថ្នាំញៀន ដែលនាំឱ្យមានការរលាកថ្លើម…ជាដើម ទោះបីជាទទួលទានភេសជ្ជៈធម្មជាតិទាំង 7 នេះក្តី ក៏វានៅតែមិនអាចសម្អាតថ្លើមរបស់អ្នកបានដែរ ប្រសិនបើអ្នកនៅតែមិនបញ្ឈប់ទម្លាប់ ដែលបានរៀបរាប់ខាងមុខនេះ។

ប្រភព: hhdresearch ផ្នែក: បែបបទជីវិត, សុខភាព

អត្ថបទអ្នកចង់អាន

ការមើលថែទាំ សុខភាពសម្រាប់បុរស ផុតវ័យបន្តពូជ

ដោយ: ស៊ីវងីម 6 PM, Monday, 13 Jul, 2015

ការត្រួតពិនិត្យសុខភាពប្រចាំឆ្នាំ (មួយឆ្នាំម្តង) ជាពិសេសបុរសដែលផុតវ័យបន្តពូជ គួរតែបានទទួលការត្រួត​ពិនិត្យ​រក​មើល​ជំងឺមហារីក ដូចជា ការត្រួតវាស់កម្រិត...

តោះ! មកស្គាល់ 7 រោគសញ្ញា ដែលអ្នកមានវ័យលើសពី 40 ឆ្នាំ មិនគួរមើលរំលង

ដោយ: ភារុន 8 AM, Friday, 12 Apr, 2019

ខណៈពេលដែលអ្នកមានវ័យកាន់តែចាស់ ការប្រឈមនឹងគ្រោះថ្នាក់នៃជម្ងឺមហារីក ក៏កាន់តែខ្ពស់ឡើង ជាពិសេសមនុស្សដែលឈានដល់វ័យលើសពី 40 ឆ្នាំឡើងទៅតែម្តង។ ការពិនិត្យសុ...

6 វិធី ទទួលទានកាហ្វេ ឱ្យទទួលបានសុខភាពល្អ

ដោយ: ដាលីស 10 PM, Tuesday, 05 Apr, 2016

អ្នកណាដែលនិយមទទួលទានកាហ្វេ លើកដៃឡើង! កាហ្វេមានជាតិកាហ្វេអុីន ដែលជួយឱ្យយើងស្វាង​ពីភាពងងុយ​ក្នុង​អំឡុង​ពេលថ្ងៃ អ្នកណាមិនពឹងកាហ្វេ ដែលជាជំនួយការសំខាន់...

រឿងដែលបុរសៗគួរដឹង! ប្រព័ន្ធ WiFi ធ្វើឱ្យទឹកមេជីវិតចុះខ្សោយ

ដោយ: រីកា 9 PM, Friday, 25 Mar, 2016

ប្រព័ន្ធ WiFi ហុច​ផលប៉ះពាល់​ដល់​សក្តានុពល ​របស់​ទឹក​មេជី​វិត​របស់​បុរស ដែល​ច្រើនតែ​ដាក់​កុំព្យូទ័រ​លែ​ប​ថប់ ​លេង​នៅលើ​ភ្លៅ នឹង​អាច​នឹង​ធ្វើឱ្យ​ពិបា...

Tomnerb.Com - YouTube Channel