ចូលចិត្តទំនើប

តោះ! មកដឹង ទម្លាប់នៃការញុំាកាហ្វេទាំង 6 ដែលអាចធ្វើឱ្យរាងកាយរបស់អ្នករឹងមាំ

ដោយ: ចរិយា 9 AM, Saturday, 31 Aug, 2019

ការសិក្សាជាច្រើនបានចង្អុលបង្ហាញ ពីអត្ថប្រយោជន៍មួយចំនួននៃការញុំាកាហ្វេ ទៅតាមកម្រិតបរិមាណដ៏ត្រឹមត្រូវ នឹងធ្វើឱ្យសុខភាពរាងកាយរបស់មនុស្សរឹងមាំល្អ ប៉ុន្តែការញុំាកាហ្វេលើសកម្រិត ក៏នឹងអាចធ្វើឱ្យមនុស្សញៀនផងដែរ។ ដូច្នេះថ្ងៃនេះ ទំនើប ចង់ចែករំលែកនូវទម្លាប់ដ៏ត្រឹមត្រូវបំផុតនៃការញុំាកាហ្វេចំនួន 6 ដើម្បីទទួលបានអត្ថប្រយោជន៍សុខភាពដ៏ល្អ ដែលមានដូចជា៖
1. ព្យាយាមកុំបន្ថែមស្ករ-ស ឬ សារធាតុផ្អែមផ្សេងៗ
អ្នកប្រហែលមានទម្លាប់បន្ថែមស្ករ-ស ឬ ទឹកដោះគោគ្រប់ប្រភេទទៅក្នុងកាហ្វេ ដើម្បីធ្វើឱ្យរសជាតិកាហ្វេកាន់តែឆ្ងាញ់ហើយមែនទេ ប៉ុន្តែអ្នកមានដឹងទេថា ស្ករ-សមានផ្ទុកសារធាតុបង្កគ្រោះថ្នាក់ធ្ងន់ធ្ងរដល់សុខភាព នៅក្នុងរបបអាហារសម័យថ្មីនេះ។ ដូច្នេះ ប្រសិនបើអ្នកចង់បន្ថែមរសជាតិផ្អែមដល់កាហ្វេ អ្នកគួរតែជ្រើសរើសបន្ថែមជាតិផ្អែមធម្មជាតិដូចជា វ៉ានីឡា ឬ ប្រភេទស្ករ Stevia ទើបជាការប្រសើរ។

2. ជៀសវាងញុំាកាហ្វេ នៅក្រោយម៉ោង 2ល្ងាច
កាហ្វេ គឺជាប្រភេទភេសជ្ជៈម្យ៉ាង ដែលរំញោចដល់រាងកាយរបស់មនុស្ស មិនឱ្យងងុយគេង ទើបធ្វើឱ្យកាហ្វេមានភាពពេញនិយម សម្រាប់ញុំានៅពេលព្រឹក ប៉ុន្តែគុណវិបត្តិ នោះគឺវារំខានដល់វដ្តនៃការគេងរបស់មនុស្ស។ ដូច្នេះ អ្នកអាចផឹកកាហ្វេ 2-3ពែងនៅពេលព្រឹក ប៉ុន្តែជៀសវាងញុំាកាហ្វេបន្ទាប់ពីម៉ោង2ល្ងាច។

3. បន្ថែមម៉្សៅឈើអែម ឬ ម៉្សៅកាកាវ
ការបន្ថែមកាកាវទៅក្នុងកាហ្វេ មិនត្រឹមតែជួយជម្រុញសារធាតុប្រឆាំងអុកស៊ីតកម្មនៅក្នុងកាហ្វេប៉ុណ្ណោះទេ ប៉ុន្តែវាក៏មានប្រយោជន៍ផងដែរ ក្នុងការកាត់បន្ថយបរិមាណជាតិស្ករ ដែលអ្នកបានដាក់នៅក្នុងកាហ្វេ។ ដូចគ្នាផងដែរ ការបន្ថែមម៉្សៅឈើអែម ក៏ផ្តល់អត្ថប្រយោជន៍ដ៏អស្ចារ្យដល់សុខភាពរាងកាយរបស់អ្នក ព្រមទាំងអាចបន្ថែមក្លិនឈ្ងុយដល់កាហ្វេរបស់អ្នកផងដែរ។

4. កុំញុំាត្រឹមតែកាហ្វេ សម្រាប់អាហារពេលព្រឹក
ការញុំាកាហ្វេ នៅពេលអ្នកកំពុងពោះទទេ គឺជាគំនិតមិនល្អទេ ពីព្រោះវាអាចបំផ្លាញស្រទាប់ក្រពះ និងបង្កផលប៉ះពាល់ដូចជាក្រហាយក្រពះ ព្រមទាំងរំខានដល់ប្រព័ន្ធរំលាយអាហាររបស់អ្នកផងដែរ។ លើសពីនេះ វាក៏អាចជះឥទ្ធិពលអវិជ្ជមានដល់ប្រព័ន្ធសរសៃប្រសាទថែមទៀត។ ដូច្នេះប្រសិនបើអ្នកចង់ទទួលបានសុខភាពល្អ អ្នកគួរញុំាកាហ្វេ ជាមួយនឹងអាហារសុខភាពផ្សេងទៀត។

5. កំណត់បរិមាណនៃការទទួលជាតិកាហ្វេអ៊ីន
ការញុំាកាហ្វេ អាចធ្វើឱ្យអ្នកញៀនបាន ដូច្នេះ អ្នកគួរជៀសវាងញុំាកាហ្វេច្រើនពែងពេកក្នុងមួយថ្ងៃ។ ហើយអ្នកក៏មិនទទួលរងផលប៉ះពាល់អវិជ្ជមានពីជាតិកាហ្វេអ៊ីន ដែលមាននៅក្នុងកាហ្វេផងដែរ។

6. កុំញុំាកាហ្វេកែច្នៃ
ជាការពិត ផលិតផលកាហ្វេកែច្នៃ អាចត្រូវបានផ្សំគ្រឿងជាមួយនឹងសារធាតុគីមី ដែលអាចប៉ះពាល់ដល់សុខភាពរបស់អ្នក។ ដូច្នេះ អ្នកគួរប្រកាន់ខ្ជាប់នូវការញុំាកាហ្វេសុទ្ធៗពីធម្មជាតិ ដើម្បីធ្វើឱ្យរាងកាយរបស់អ្នករឹងមាំល្អ៕

ប្រភព: brightside ផ្នែក: បែបបទជីវិត, សុខភាព

អត្ថបទអ្នកចង់អាន

រូបមន្ត សម្រាប់សម្រស់ក្មេង ជាងវ័យ

ដោយ: ស៊ីវងីម 8 PM, Monday, 08 Jun, 2015

តើអ្នកធ្លាប់មានចាប់អារម្មណ៍ ចំពោះមនុស្សមួយចំនួន ឬអត់ដែលមានសម្រស់ ស្រស់ស្អាតហើយថេរ មិនរេតាមវ័យ ដែលយើងទម្លាប់និយាយថា «សម្រស់ចាំ» នោះ? ប្រាកដជាមាន មែន...

អត្ថប្រយោជន៍ នៃការម៉ាស្សាប្រេង

ដោយ: ស៊ីវងីម 6 PM, Wednesday, 26 Aug, 2015

គោលសំខាន់នៃការម៉ាស្សា គឺការកាត់បន្ថយភាពនឿយហត់ ដែលអ្នកមាន ប៉ុន្តែមានអ្នកមួយចំនួនមានអារម្មណ៍រារែក ដោយសារតែយល់ថាការម៉ាស្សា គឺជាការយករាងកាយទៅបន្ថែមការឈ...

ពេលខ្វះជាតិទឹក គួរទទួលទានអាហារ បែបណា?

ដោយ: ស៊ីវងីម 12 AM, Monday, 11 May, 2015

ជាតិ​ទឹក មាន​សារៈសំខាន់ខ្លាំង​ណាស់ ​ដល់​សុខភាព និងសម្រស់របស់​យើង​។ កោសិកា​ទាំងអស់​នៅក្នុង​រាងកាយ​ត្រូវការ​ទឹក ដើម្បី​ដំណើរការ​បាន​ត្រឹមត្រូវ​។ ប្រស...

តោះ សាកមើលភាពស្រស់ស្អាត កម្ររកបានរបស់សម្ភារផាត់មុខ

ដោយ: ស. លីង 9 PM, Wednesday, 15 Feb, 2017

ប្រសិនបើអ្នកប្រើកែវភ្នែកទាំងគូ មើលសម្ភារផាត់មុខរបស់អ្នកមានដូចជា ផាត់ម្សៅ ផាត់ថ្ពាល់ ផាត់ភ្នែក ក្រែមជាដើម អ្នកនឹងគិតថា សម្ភារទាំងនោះស្អាត អ្នកជឿជាក់...

Tomnerb.Com - YouTube Channel