ចូលចិត្តទំនើប

អាហារ 5 យ៉ាង ដែលមានរសជាតិឆ្ងាញ់ នឹងអាចជួយសម្រកទម្ងន់បានថែមទៀត!

ដោយ: ភារុន 8 AM, Friday, 31 May, 2019

អាហារដែលមានរសជាតិឆ្ងាញ់ និងអាចជួយអ្នកសម្រកទម្ងន់បានទៀត? ស្តាប់ទៅគឺល្អខ្លាំងណាស់។ ការស្រកទម្ងន់ ឱ្យមកនៅត្រឹមគីឡូ ដែលយើងចង់បាន គឺជាការគណនាដ៏សាមញ្ញមួយ។ ដូច្នេះ អាហារទាំង 5 ខាងក្រោមនេះ គឺអាចជួយឱ្យអ្នកសម្រកទម្ងន់ មានអារម្មណ៍ថាពេញចិត្តខ្លាំង ព្រមទាំងជួយកាត់បន្ថយការឃ្លានបានថែមទៀត៖
1. គ្រាប់ធញ្ញជាតិ ប្រភេទសណ្តែក
តម្លៃថោក មានរសជាតិឆ្ងាញ់ និងជួយដល់សុខភាពសរីរាង្គឱ្យបានល្អប្រសើរ នោះគឺជាសណ្តែក ដែលជាប្រភពប្រូតេអ៊ីនដ៏ អស្ចារ្យបំផុត ហើយលើសពីនេះ សណ្តែកក៏មានផ្ទុកជាតិសរសៃខ្ពស់ និងជួយពន្យឺតការរំលាយអាហារ នៅក្នុងក្រពះរបស់អ្នកផងដែរ នោះមានន័យថាអ្នកមានអារម្មណ៍ឆ្អែតបានយូរ ហើយក៏ធ្វើឱ្យអ្នកបញ្ឈប់ការញុំាអាហារដ៏ច្រើន ដែលអ្នកធ្លាប់បានញុំាដូចសព្វមួយដង។

2. ប្រភេទស្រូវសាឡីចាស់
ប្រភេទស្រូវសាឡីចាស់ សម្បូរទៅដោយជាតិសរសៃ ដោយអាចបំពេញក្រពះ ឱ្យឆាប់ឆ្អែត និងធ្វើឱ្យសុខភាពបេះដូងល្អផងដែរ។ ខណៈពេលអ្នកកំពុងឡើងទម្ងន់ ប្រាកដណាស់អ្នកមិនគួរញុំាអាហារណា ដែលធ្វើពីស្រូវសាឡីកែច្នៃ ដូចជានំកញ្ចប់ ឬក៏ នំបុ័ងដែលបន្ថែមស្ករច្រើននោះទេ។ អ្នកអាចជំនួសអាហារទាំងនេះ ដោយជ្រើសរើសផលិតផលអាហារ ដែលមិនដាក់ស្ករ។

3. ដំឡូងគ្រប់ប្រភេទ
យ៉ាងណាមិញ ដំឡូវបារាំងគឺជាបន្លែមួយប្រភេទ ជាមធ្យមមានផ្ទុក 168 កាឡូរី ជាមួយនឹងប្រូតេអ៊ីន 5ក្រាម និងជាតិសរសៃ 3ក្រាម។ ហើយដំឡូវក៏មានរសជាតិឆ្ងាញ់ ដោយសារតែវាជាប្រភេទអាហារម៉្សៅ ព្រមទាំងត្រូវចំណាយពេលយូរក្នុងការរំលាយ ដូច្នេះធ្វើឱ្យអ្នកឆ្អែតបានយូរ មិនឆាប់ឃ្លាន។

4. បន្លែបៃតង
បន្លែពណ៌បៃតង មានទាំងជាតិកាឡូរី និងកាបូអ៊ីដ្រាត ប៉ុន្តែពួកវាផ្ទុកទៅដោយជាតិសរសៃខ្ពស់។ ស្លឹកពណ៌បៃតងរបស់បន្លែក៏សម្បូរជីវជាតិ រួមមាន៖ សារជាតិវីតាមីន សារធាតុរ៉ែ និងសារធាតុប្រឆាំងនឹងអុកស៊ីតកម្មជាច្រើន ហើយរួមបញ្ចូលទាំងជាតិកាល់ស្យូម ដែលត្រូវបានគេបង្ហាញថាវាអាចដុតបំផ្លាញជាតិខ្លាញ់ ដោយយោងទៅតាមការសិក្សាថ្មីៗមួយចំនួន។

5. គ្រាប់អាល់ម៉ង់
ប្រសិនបើអ្នកកំពុងតែស្វែងរកអាហារសម្រន់ដ៏ឆ្ងាញ់ពិសារ នោះគឺគ្មានអ្វីក្រៅគ្រាប់អាល់ម៉ង់ទេ។ ការញុំាអាហារសម្រន់ដ៏ត្រឹមត្រូវ គឺល្អចំពោះក្រពះរបស់អ្នក និងធ្វើឱ្យអ្នកឆ្អែតពេញមួយថ្ងៃ ព្រមទាំងនឹងធ្វើឱ្យអ្នកញុំាអាហារកាន់តែ តិចទៅៗ។ លើសពីនេះ ការញុំាគ្រាប់អាល់ម៉ង់ អាចជួយឱ្យស្បែករបស់អ្នកមានសម្រស់ស្អាតផងដែរ ពីព្រោះវាមានផ្ទុកវីតាមីន E ដែលចាំបាច់សម្រាប់ស្បែក និងក្រចក៕

ប្រភព: answermind ផ្នែក: បែបបទជីវិត, សុខភាព

អត្ថបទអ្នកចង់អាន

ព្រោះតែ ៣ ចំណុចនេះ ទើបត្រូវបោកខោអាវថ្មី

ដោយ: ស. លីង 9 PM, Tuesday, 14 Feb, 2017

សម្លៀកបំពាក់ ដែលទើបទិញមកពីផ្សារ មិនថាសម្រាប់កូនតូច មនុស្សធំ ឬមនុស្សចាស់ស្លៀកពាក់ក៏ដោយ ក៏ត្រូវតែបោកសម្អាតមុនពេលប្រើប្រាស់ដែរ។ មនុស្សភាគច្រើនយល់ថា បើ...

គន្លឹះ និងល្បិច 8យ៉ាង ធ្វើឱ្យរោមភ្នែកក្រាស់វែង

ដោយ: រីកា 10 PM, Saturday, 05 Sep, 2015

ប្រសិនបើមាន​មនុស្សពីរនាក់ មកឈរឱ្យអ្នកជ្រើសរើស ហើយពួកគេសុទ្ធសឹងជាមនុស្ស ដែលមានសមត្ថភាព​និងមាន​គុណ​សម្បត្តិដូចគ្នា ខុសគ្នាត្រង់ថាម្នាក់ស្អាត និងម្នាក...

ជំងឺរលាកពោះវៀន ចំពោះទារក វ័យ 4-5ខែ

ដោយ: វិរីយា៉ 8 PM, Monday, 03 Aug, 2015

ជំងឺរលាកពោះវៀន នៅលើទារកជាសភាវឆ្លងមេរោគ ក្នុងប្រព័ន្ធរំលាយអាហារ មានឱកាសអាចកើត ចំពោះកូន​តូចវ័យទារក ជាពិសេសក្នុងវ័យ 4-5ខែ។ សភាវរលាកពោះវៀននេះ អាចធ្ងន់ធ...

កំពូលផ្លែឈើ ដែលស្ត្រីមានគភ៌ មិនគួរខកខាន

ដោយ: រីកា 3 PM, Monday, 09 May, 2016

ក្នុងអំឡុងពេល​មានគភ៌ អ្នក​ម្តាយ​ត្រូវ​ថែបំប៉ន​រាងកាយ ​ឱ្យបាន​ច្រើនជាង​ប្រក្រតី ព្រោះ​សារធាតុ​អាហារផ្សេងៗ ដែល​ស្ត្រី​មានគភ៌​បានទទួល​នោះ​នឹង​ហុច​ផល​ទ...

Tomnerb.Com - YouTube Channel