ចូលចិត្តទំនើប

គួរដឹង! វិធី 4 យ៉ាង ដើម្បីបំបាត់ការទល់លាមក ក្នុងរយៈពេលដ៏ខ្លី

ដោយ: ចរិយា 9 AM, Friday, 20 Sep, 2019

ការទល់លាមក ទោះបីជាវាមិនជាជំងឺធ្ងន់ធ្ងរ ប៉ុន្តែប្រសិនបើអ្នកទល់លាមក អ្នកច្បាស់ជាមានអារម្មណ៍ធុញថប់ខ្លាំង។ ហើយវាតែងកើតឡើង ដោយសារតែអ្នកមិនសូវញុំាអាហារ ដែលមានជាតិសរសៃច្រើន ឬ ខ្វះជាតិទឹកនៅក្នុងខ្លួន។ ដូច្នេះថ្ងៃនេះ ទំនើប ចង់ណែនាំប្រាប់នូវវិធី 4 យ៉ាង ដើម្បីបំបាត់ការទល់លាមក ក្នុងរយៈពេលដ៏ខ្លីជូនប្រិយមិត្តអ្នកអាន បានស្វែងយល់ និងអនុវត្តន៍តាម ដើម្បីកុំឱ្យទទួលរងការឈឺចាប់ពីការទល់លាមក ខណៈពេលអ្នកកំពុងនៅក្នុងបង្គន់។ តោះ! មកអានអត្ថបទខាងក្រោមនេះជាមួយនឹងយើងទាំងអស់គ្នា៖
1. ផឹកតែ លាយជាមួយទឹកឃ្មុំ និងទឹកក្រូចឆ្មារ
ទឹកឃ្មុំ ជួយសម្រួលលាមកឱ្យធ្លាក់ចុះក្រោម បានយ៉ាងរលូន លើសពីនេះទឹកឃ្មុំក៏ជួយកាត់បន្ថយរសជាតិជូររបស់ទឹកក្រូចឆ្មារ ខណៈពេលអ្នកឆុងតែ ដោយបន្ថែមទឹកឃ្មុំ និងទឹកក្រូចឆ្មារច្រើន។ សម្រាប់ទឹកក្រូចឆ្មារ ដើរតួជាភ្នាក់ងាររំញោចធម្មជាតិនៅក្នុងប្រព័ន្ធរំលាយអាហារ និងជួយក្នុងការបញ្ចេញជាតិពុលចេញពីរាងកាយ។

2. ផឹកទឹក ឱ្យច្រើន
ជាទូទៅ បុរសពេញវ័យគួរផឹកទឹកយ៉ាងហោចណាស់ 3,7លីត្រ ហើយស្រ្តីគួរផឹកទឹកយ៉ាងហោចណាស់ 2,7លីត្រ ក្នុងមួយថ្ងៃ ការផឹកទឹកច្រើនបែបនេះក៏ព្រោះកុំឱ្យលាមករឹង និងស្ងួត ដែលវាគឺជាមូលហេតុចម្បងនៃការទល់លាមក។ ការផឹកទឹកគ្រប់គ្រាន់នឹងធ្វើឱ្យរាងកាយសម្បូរជាតិទឹក ដែលផ្តល់ភាពងាយស្រួលដល់ការបន្ទោរបង់របស់អ្នក។ ម្យ៉ាងទៀត ការញុំាភេសជ្ជៈធ្វើពីផ្លែប៉ោមស្រស់ ក៏ជាជម្រើសដ៏បំផុត ពីព្រោះផ្លែប៉ោមគឺជាថ្នាំបញ្ចុះលាមកធម្មជាតិដ៏សក្តិសិទ្ធ។

3. ញុំាអាហារ ដែលមានជាតិសរសៃច្រើន
អាហារដែលមានជាតិសរសៃច្រើន ដើរតួជាថ្នាំបញ្ចុះលាមកធម្មជាតិ។ ពីព្រោះវាជួយឱ្យលាមករបស់អ្នក រក្សាជាតិទឹកច្រើន ដូច្នេះការបន្ទោរបង់របស់អ្នកវាក៏ស្រួលផងដែរ។ ដូច្នេះ អ្នកគួរតែបញ្ចូលជាតិសរសៃយ៉ាងហោចណាស់ 20-35ក្រាម នៅក្នុងរបបអាហារប្រចាំថ្ងៃរបស់អ្នក។ ប្រភពអាហារដែលសម្បូរជាតិសរសៃរួមមានៈ ក្តិបស្ពែក្តោម, មើមការ៉ុត, ផ្លែប៉ោម, ក្រូចពោធិ៍សាត់, ល្ហុង, គ្រាប់ល្ង, គ្រាប់ល្ពៅ, គ្រាប់ផ្កាឈូករ័ត្ន និងសណ្តែកខ្មៅ…ជាដើម។

4. ញុំាទឹកដោះគោយ៉ាអួរ
ខណៈពេលកំពុងទល់លាមក ជាធម្មតាត្រូវបានណែនាំមិនឱ្យញុំាផលិតផលធ្វើពីទឹកដោះគោ ប៉ុន្តែគួរញុំាទឹកដោះគោយ៉ាអួរ ដោយសារតែ ទឹកដោះគោយ៉ាអួរមានផ្ទុកសារធាតុ Probiotic ដូចជា Bifidobacterium Longum ឬ Bifidobacterium Animalis ដែលសារធាតុទាំងនេះត្រូវបានគេសិក្សារកឃើញថា វាជំនួយដល់លាមកអាចឆ្លងកាត់ពោះវៀនធំ បានយ៉ាងរលូន៕

ប្រភព: brightside ផ្នែក: បែបបទជីវិត, សុខភាព

អត្ថបទអ្នកចង់អាន

អ្នកស្រាវជ្រាវកំពុងផលិត Contact Lenses ដែលអាចរកឃើញជម្ងឺ

ដោយ: ដួងច័ន្ទ 7 PM, Sunday, 23 Apr, 2017

ដោយគ្រាន់តែប្រើប្រាស់ Bio-Sensing Contact Lenses នាពេលឆាប់ៗខាងមុខនេះ អាចឱ្យអ្នក មើលឃើញពីសុខភាពផ្ទាល់ខ្លួនរបស់អ្នក យោងតាមការសិក្សាដ៏ភ្ញាក់ផ្អើលថ្មីម...

រូបសាក់ ប្រាប់ពីសុខភាព

ដោយ: ដួងច័ន្ទ 10 PM, Monday, 14 Aug, 2017

អ្នកស្រឡាញ់រូបសាក់ និងការថែរក្សាសុខភាព នាពេលនេះត្រូវបានរួមបញ្ចូលគ្នា លើបច្ចេកវិទ្យាថ្មី មួយ ទទួលបានពីគំនិតច្នៃប្រឌិតដ៏អស្ចារ្យ នៃអ្នកស្រាវជ្រាវនៅសា...

វិធីកម្ចាត់កំណកកំបោរ នៅតាមជើងធ្មេញ ដ៏មានប្រសិទ្ធភាព

ដោយ: ដាលីស 8 PM, Monday, 28 Mar, 2016

ដល់ពេល​ហើយ​ដែល​អ្នក​គួរតែ​យល់ដឹង និង​បាន​ចូលរួមចំណែក ​ក្នុងការ​ថែរក្សា​មាត់​ធ្មេញ​ ប្រកបដោយ​អនាម័យ និង​មាន​សុខភាព​ល្អ។ ខាងក្រោម​នេះ ​គឺជា​វិធីសាស្ត...

តើអ្នកដឹងអ្វីខ្លះ អំពីការម៉ាស្សា?

ដោយ: ស៊ីវងីម 6 PM, Wednesday, 26 Aug, 2015

ការម៉ាស្សា គឺជាការបន្ធូរអារម្មណ៍ និងបន្ថយភាពតានតឹងដ៏ប្រសើរមួយ សម្រាប់មនុស្សសម័យថ្មី។ សម្ពាធការងារ និងការប្រកួតប្រជែងក្នុងសហសម័យ បានធ្វើឲ្យមនុស្សជាច...

Tomnerb.Com - YouTube Channel