ចូលចិត្តទំនើប

3ដំណាក់កាលសំខាន់ៗ ដើម្បីគេចឱ្យផុតពីបញ្ហាធ្មេញ

ដោយ: ស៊ីវងីម 8 AM, Thursday, 27 Sep, 2018

ការថែរក្សាធ្មេញឱ្យបានល្អនឹងជួយឱ្យការរស់នៅរបស់អ្នកកាន់តែប្រសើរ សុខភាពល្អ និងអស់កង្វល់ពីរឿងឈឺធ្មេញ។ ដើម្បីរក្សាធ្មេញឱ្យមានសុខភាពល្អជាប់ជានិច្ច អ្នកត្រូវអភិវឌ្ឍទម្លាប់នៃការថែរក្សាធ្មេញឱ្យបានឆាប់បំផុតតាមដែលអាចធ្វើទៅបាន។ ការអភិវឌ្ឍទម្លាប់នៃការថែរក្សាធ្មេញត្រឹមត្រូវគឺត្រូវធ្វើទៅតាមដំណាក់កាលមួយចំនួនដូចជា៖
ដំណាក់កាលទី1 ថែរក្សាធ្មេញ
ការថែរក្សាធ្មេញសំដៅដល់សកម្មភាពមួយចំនួនដូចជា៖
– សម្អាតធ្មេញជារៀងរាល់ពេលព្រឹក និងពេលល្ងាច បន្ទាប់ពីទទួលទានអាហាររួច ដែលរាល់ពេលដុសធ្មេញម្តងៗត្រូវដុសឱ្យសព្វកន្លែង ហើយមានរយៈពេលយ៉ាងតិច2នាទី។
– ប្រើថ្នាំដុសធ្មេញដែលមានជាតិហ្វ័រអរ៉ៃដ៍ យ៉ាងហោចណាស់ក៏នៅក្នុងកម្រិត1350-1500ppm ព្រោះបើវាស្ថិតនៅក្នុងកម្រិតទាបជាងនេះ  
   វាអាចនឹងមិនមានប្រសិទ្ធភាពគ្រប់គ្រាន់ក្នុងការថែរក្សាធ្មេញនោះទេ។
– ទាក់ធ្មេញជាប្រចាំអាចជួយកម្ចាត់កាកសំណល់ដែលលាក់ខ្លួននៅចន្លោះកន្លៀតធ្មេញដែលច្រាសដុសធ្មេញមិនអាចទៅដល់។
– ទឹកខ្ពុរមាត់ សម្អាតអណ្តាត មិនជក់បារី… គឺជាចំណុចរួមផ្សំនៃការថែរក្សាធ្មេញ។

ដំណាក់កាលទី 2 ការពារធ្មេញជាមួយអាហារល្អ
ការការពារធ្មេញជាមួយអាហារល្អដែលត្រូវបានរួមបញ្ចូលមានដូចជា កំណត់ការដាក់បញ្ចូលជាតិស្ករ ទទួលទានអាហារប្រភេទស្អិតៗជាប់ធ្មេញឱ្យតិចជាងមុន កាត់បន្ថយបរិមាណនៃជាតិអាល់កុល ទទួលទានអាហារដែលមានប្រសិទ្ធភាពអាចជួយសម្អាតធ្មេញជាមួយបន្លែផ្លែឈើមួយចំនួនដូចជាត្របែក ប៉ោម ការ៉ុត ប្រូខូលី និងត្រសក់ជាដើម។
 
ដំណាក់កាលទី 3 ទទួលយកការថែរក្សាធ្មេញពីអ្នកជំនាញ
– ទៅជួបគ្រូពេទ្យ ប្រសិនបើអ្នកសង្កេតឃើញថា បញ្ហាធ្មេញរបស់អ្នកចេះតែរីករាលដាលទៅមុខ។
– ឱ្យពេទ្យធ្មេញ ដុសខាត់សម្អាតកាកសំណល់មេរោគទាំងឡាយចេញពីធ្មេញយ៉ាងតិចរៀងរាល់៦ខែម្តង។
   ប្រសិនបើអ្នកអាចធ្វើបានយ៉ាងត្រឹមត្រូវតាមការណែនាំខាងលើនោះ ក្តីបារម្ភនៃការឈឺធ្មេញពិតជាមិនកើតឡើងចំពោះអ្នកបានឡើយ៕

ប្រភព: health24 ផ្នែក: បែបបទជីវិត, សុខភាព

អត្ថបទអ្នកចង់អាន

អ្នករស់នៅក្នុងបរិយាកាសអាប់អួរ គួរបំប៉នរាងកាយ ដោយវីតាមីនប្រភេទណា?

ដោយ: ស៊ីវងីម 9 PM, Sunday, 12 Apr, 2015

អាកាសធាតុមិនល្អ ផ្សែងអាប់អួរ គឺជាបរិយាកាសពិសពុលមួយប្រភេទដែលមនុស្សរស់នៅតាមទីក្រុងធំៗមិនអាចចៀសវាងបាន។ ប្រសិនបើអ្នកបានដឹងថាខ្លួនកំពុងស្ថិតនោះក្នុងបរិយ...

ឈឺចាប់ដោយសារ ស្ងួតមាត់មែនទេ? ទីនេះមានវិធី 7 យ៉ាងនេះ អាចជួយអុ្នកបាន!

ដោយ: ភារុន 9 AM, Saturday, 16 Mar, 2019

គ្មាននរណាម្នាក់គិតថា ស្ងួតមាត់ គឺជាបញ្ហាទេ រហូតដល់អ្នកកត់សម្គាល់ឃើញថា អ្នកចាប់ផ្តើមមានការឈឺចាប់ និងកង្វះទឹកមាត់នៅក្នុងមាត់…ជាដើម។ ឈ្មោះនៃបញ្ហ...

ងាយៗ ដើមី្បមុខស្រស់ស្អាត បែបធម្មជាតិ

ដោយ: ចរិយា 10 PM, Wednesday, 28 Dec, 2016

១. ទឹកលាងអង្ករ ក្រោយលាងអង្កររួច សូមកុំទុកទឹកលាងនោះ រួចយកលុបលាងមុខរាល់ព្រឹក និងមុនចូលគេង។ រូបមន្តមួយនេះ ជួយឲ្យផ្ទៃមុខអ្នកសស្អាត ប៉ុន្តែអ្នកត្រូវមានច...

ចង់មានស្បែកស្អាត ត្រូវដឹងពីប្រយោជន៍ នៃការទទួលទាន

ដោយ: ស៊ីវងីម 10 AM, Friday, 24 Apr, 2015

តាមអ្នកជំនាញខាងស្បែក បានអះអាងថា អ្នកនឹងមិនអាចរក្សាសម្រស់ខាងក្រៅ ឲ្យនៅយូរអង្វែងបានទេ ប្រសិនបើអ្នកមិនគិតគូរដល់ចំណីអាហារ ដែលមានប្រយោជន៍ដល់ស្បែករបស់អ្ន...

Tomnerb.Com - YouTube Channel