ចូលចិត្តទំនើប

អាហារ 11 យ៉ាងដ៏គ្រោះថ្នាក់ ដែលអ្នកគៀបធ្មេញទាំងឡាយ មិនគួរញុំា!

ដោយ: ភារុន 8 AM, Tuesday, 26 Mar, 2019

ការគៀបធ្មេញ គឺជាជំហានដំបូង ដើម្បីទទួលបានស្នាមញញឹមដ៏ស្រស់ស្អាត ដែលនរណាៗក៏ប្រាថ្នាចង់បាន។ សម្រាប់មនុស្សមួយចំនួន វាក៏ជារបស់តែមួយគត់ ដែលពួកគេត្រូវការសម្រាប់ធ្មេញ ដើម្បីប្រែក្លាយធ្មេញ ឱ្យត្រង់ជួរល្អ ហើយនៅពេលញញឹមម្តងៗ គឺគួរឱ្យស្រឡាញ់។ ប៉ុន្តែបើអ្នកមិនចេះថែរក្សា ក្នុងអំឡុងពេលគៀបធ្មេញទេ ដោយសារតែការញុំាអាហារ ដែលផ្តល់ផលប៉ះពាល់ដ៏អាក្រក់ ទៅលើធ្មេញគៀបនោះ អ្វីៗដែលអ្នកបានខិតខំប្រឹងប្រែងកន្លងមក នឹងក្លាយជាអសារបង់។ ថ្ងៃនេះ ទំនើប សូមណែនាំអាហារ 11 យ៉ាងដ៏គ្រោះថ្នាក់ ចំពោះធ្មេញគៀប ដែលអ្នកមិនគួរញុំា ដែលមានដូចជា៖
1. ស្ករ ស្អិតៗ និងរឹង
ហេតុផលពីរយ៉ាង ដែលស្ករ ស្អិតៗ និងរឹង ផ្តល់ផលប៉ះពាល់មិនល្អដល់អ្នកគៀបធ្មេញទាំងឡាយ នោះគឺទីមួយ ស្ករប្រភេទនេះ អាចទៅហ៊ុំព័ទ្ធតង្កៀបធ្មេញ នឹងធ្វើឱ្យខូចខាតដល់តង្កៀបនេះផងដែរ។ ទីពីរ ទំនងជាសំខាន់ ព្រោះស្ករ អាចស្អិតជាប់នឹងធ្មេញ ហើយធ្វើឱ្យអ្នកពិបាកក្នុងសម្អាតធ្មេញ និងទំពារអាហារ…ជាដើម។

2. គ្រាប់ធញ្ញជាតិរឹងៗ
អ្វីដែលគ្រាប់ធញ្ញជាតិរឹងៗ បំផ្លាញមុនគេ នោះគឺតង្កៀបធ្មេញ ដូចនេះអ្នកទំនងជាត្រូវពិបាក ទៅជួបគ្រូពេទ្រធ្មេញ ញឹកញាប់ហើយ ប្រសិនបើនៅតែបន្តញុំាគ្រាប់ធញ្ញជាតិរឹងទំាងនេះ។

3. ពោតផ្ទុះ
ពោតផ្ទុះ ក៏ផ្តល់ផលអាក្រក់ជាច្រើនដល់ធ្មេញគៀបរបស់អ្នកដែរ ជាពិសេសប្រសិនបើកំណករបស់វា ទៅជាប់នឹងអញ្ចាញធ្មេញ នឹងធ្វើឱ្យការសម្អាតរបស់អ្នក មានភាពស្មុគ្រស្មាញខ្លាំង។

4. នំបុ័ងរឹង
នំបុ័ងរឹង អាចប៉ះពាល់ទ្វេរដង ដល់ធ្មេញគៀបរបស់អ្នក កំឡុងពេលអ្នកកំពុងទំពារនំបុ័ងរឹងនេះ វាអាចបំផ្លាញដល់តង្កៀបធ្មេញរបស់អ្នកបាន។ ជាការពិត អាហារ ប្រភេទរឹងទាំងអស់ គឺជាសត្រូវលេខមួយ របស់អ្នកគៀបធ្មេញទាំងឡាយ។

5. ស្ករកៅស៊ូ
ការទំពារស្ករកៅស៊ូ ទំនងជាមានផលអាក្រក់ជាងញុំាពោតផ្ទុះទៅទៀត ពីព្រោះជាតិកៅស៊ូ នៅក្នុងស្ករ អាចទៅបំផ្លាញខ្សែដែលតភ្ជាប់រវាងធ្មេញមួយ ទៅធ្មេញមួយទៀតបាន ដូច្នេះវាមានន័យថា ធ្មេញរបស់អ្នក នឹងត្រូវបានរុញច្រាន ក្នុងទិសដៅមួយខុស ដែលនាំឱ្យធ្មេញ លែងត្រង់ជួរ ដូចដែលអ្នកចង់បាន។

6. ទឹកកក
ទឹកកក ផ្តល់ហានីភ័យខ្ពស់បំផុត ទៅលើធ្មេញគៀប ដោយសារតែវាអាចទៅបំបែកតង្កៀប នៅលើធ្មេញរបស់អ្នក ដូចនឹងអាហាររឹងដែរ។

7. ភេសជ្ជៈផ្អែមៗ មានជាតិហ្គាស
ទោះបីជាភេសជ្ជៈនេះ មិនមែនជាអាហារ ប៉ុន្តែវាក៏ត្រូវបានគេចាត់ទុកជាប្រភេទ ភេសជ្ជៈដ៏គ្រោះថ្នាក់ផងដែរ ដោយសារការផ្សំជាតិអាស៊ីត ជាមួយនឹងស្ករ-សជាច្រើន នៅក្នុងភេសជ្ជៈ ដែលធាតុផ្សំទាំងនេះអាចទៅវាយប្រហារធ្មេញ និងអញ្ចាញធ្មេញរបស់អ្នក ព្រមទាំងបង្កើតជាប្រហោងនៅក្នុងធ្មេញ ហើយក៏បណ្តាលឱ្យមានធ្មេញពុក។

8. នំផ្អែម ហើយរឹង
ជាថ្មីម្តងទៀត ការញុំាអ្វីដែលរឹង គឺផ្តល់ផលប៉ះពាល់ខ្លាំងដល់ធ្មេញគៀប ដែលមានន័យថា វាអាចទៅបំផ្លាញដល់តង្កៀបធ្មេញ។

9. ពោតស្ងោរ

10. បន្លែ ឆៅ

11. នំកញ្ចប់ ដែលមានធាតុផ្សំ ពីគ្រាប់ធញ្ញជាតិ

ប្រភព: foodeatsafe ផ្នែក: បែបបទជីវិត, សុខភាព

អត្ថបទអ្នកចង់អាន

តើថ្លើម មានតួនាទីអ្វីខ្លះ?

ដោយ: រីកា 12 PM, Wednesday, 11 May, 2016

ថ្លើម ​មាន​តួនាទី​អ្វីខ្លះ? សំណួរ​ដែល​មនុស្ស​ជាច្រើន​ចង់ដឹង តែ​មិនដែល​ទទួលបាន​ចម្លើយ​ម្តងណា​ឡើយ​ថា តើ​ការពិតទៅ​តួនាទី​របស់​ថ្លើម​គឺ​អ្វី និង​មាន​ភា...

ការបំបៅកូនដោយទឹកដោះដំបូង តើមានអត្ថប្រយោជន៍អ្វីខ្លះ?

ដោយ: ភារុន 9 AM, Saturday, 05 Jan, 2019

អ្នកឯកទេសផ្នែកវេជ្ជសាស្រ្តជាច្រើនរួមមាន American Academy of Pediatrics (AAP) និង American College of Obstetricians និង Gynecologists បានផ្តល់អនុសាស...

អ្នកម្តាយមានគភ៌ និងការទទួលទានខ្លាញ់ត្រី

ដោយ: វិរីយា៉ 10 PM, Tuesday, 29 Mar, 2016

Fish Oil ឬខ្លាញ់ត្រី បានមកពីខ្លាញ់របស់ត្រី ដែលសម្បូរទៅដោយអាស៊ីតខ្លាញ់ ក្រុមអូមេហ្កា3 (Omega-3) និងជាតិ​ខ្លាញ់ប្រភេទកូលេស្តេរ៉ូល និងត្រៃគ្លីស៊ើរ៉ាយត...

អាហាររូបរាងចម្លែក ៦ យ៉ាង តែជាកំពូលអាហារ

ដោយ: ដួងច័ន្ទ 12 AM, Saturday, 04 Feb, 2017

អាហារ ជារបស់សម្រាប់ចិញ្ចឹម និងទ្រទ្រង់រាងកាយ។ អាហារដែលមានជីវជាតិ និងវីតាមីនជួយសុខភាពរបស់អ្នក និងធ្វើឲ្យអ្នករស់នៅបានល្អ។ អាហារប្រភេទនោះ ទំនើបឲ្យឈ្មោ...

Tomnerb.Com - YouTube Channel