ចូលចិត្តទំនើប

10 ចំណុចបង្កើន សុខភាពផ្លូវចិត្ត

ដោយ: វិរីយា៉ 9 PM, Tuesday, 03 Nov, 2015

មិនអាចមានអ្នកណារស់នៅ ក្នុងសេចក្តីសុខជារៀងរាល់ថ្ងៃនោះទេ តិច ឬច្រើនតែងតែមានរឿងមិនសប្បាយចិត្ត​កើត​​ឡើង ហើយរឿងទាំងនោះ វាបានមកធ្វើឱ្យអ្នកខូចអារម្មណ៍ និងបាត់បង់អស់នូវភាពសប្បាយរីករាយអស់។ កុំ​បណ្តោយ​ឱ្យ​​រឿង​មិន​សប្បាយ​ទាំងនោះ ចូលមករំខានដល់ជីវិតរបស់អ្នកឱ្យសោះ បើមើលឃើញថា វាកំពុងតែចូលមក​រកអ្នក​ហើយនោះ សូមសាក​ល្បង​បណ្តេញវាចេញ តាមរយៈវិធី 10យ៉ាងខាងក្រោម ដើម្បីបង្កើនភាពស្រស់ថ្លាឡើងវិញ៖

  1. ព្រមទទួលយកនូវរឿងរ៉ាវ ដែលមិនអាចទៅរួច។ ប្រសិនបើអ្នកចង់ផ្លាស់ប្តូររឿងទាំងនោះ ឱ្យបានប្រសើរឡើងនោះ ឆាប់​ធ្វើវា​ភ្លាម​ទៅ។
  2. កុំខ្វល់ជាមួយមនុស្ស ដែលតែងតែធ្វើឱ្យអ្នកមានអារម្មណ៍ថា តូចទាប ព្រោះអ្នកក៏ដឹងរួចហើយថា គេជាមនុស្សដែលចាំតែធ្វើ យ៉ាងណាឱ្យអ្នកមើលទៅមិនល្អ ដូច្នេះមិនចាំបាច់ខ្វាយខ្វល់នឹងសំដីរបស់គេច្រើន នាំតែមិនសប្បាយចិត្តអត់ប្រយោជន៍។
  3. ព្យាបាលចិត្តដោយការស្តាប់ចម្រៀង ឬរាំលេងតាមចង្វាក់ភ្លេង នៅពេលដែលអ្នកមានអារម្មណ៍មិនល្អ វិធីនេះក៏អាចជួយ​បន្ធូរ​បន្ថយអារម្មណ៍អាប់អួរបានដែរ។
  4. ទៅរត់លេង រត់រហូត បានឆ្ងាយប៉ុណ្ណាក៏ចេះតែរត់ទៅ ​គឺរត់ទាល់តែអ្នកមានអារម្មណ៍ថាហត់ ព្រោះពេលខ្លះ​ភាពហត់នឿយ​ពី​ការ​រត់នេះ អាចជួយឱ្យអ្នកបំភ្លេចរឿងស្មុគស្មាញបានខ្លះៗ ហើយនាំមកវិញនូវអារម្មណ៍ល្អ។
  5. ទូរស័ព្ទទៅរកមនុស្ស ដែលអ្នកស្រឡាញ់។ គេថាក្តីស្រឡាញ់នេះមានឥទ្ធិពលណាស់ វាអាចធ្វើឱ្យអ្នកសើចប្រែមកជាយំ ហើយ​ក៏អាចធ្វើឱ្យអ្នកយំប្រែមកជាសើចបានភ្លាមៗដែរ។ ពេលមានអារម្មណ៍មិនល្អ សូមទូរស័ព្ទទៅមនុស្សដែលអ្នកស្រឡាញ់ ចុះណា ព្រោះថាគ្រាន់តែបានឮសុះឡេងរបស់គេ ក៏អាចជួយឱ្យទុកសោករបស់អ្នករត់ចេញទៅបានខ្លះៗដែរ។
  6. ញញឹមដាក់មនុស្សប្លែកមុខ គេក៏ញញឹមដាក់អ្នកវិញ ហើយអ្នកក៏បានសប្បាយចិត្តឡើងវិញ។
  7. សរសេរសំបុត្រសរសើរ ដល់ខ្លួនឯង។
  8. សរសេរពីរឿងគ្រប់យ៉ាង ដែលជាចំណុចអាក្រក់របស់អ្នក ចងវាឱ្យជាប់ ហើយយកទៅដុតចោល ដើម្បីបន្ធូរអារម្មណ៍របស់​អ្នក។
  9. មើលរឿង​ ដែលអ្នកចូលចិត្តបំផុត។
  10. ជឿជាក់លើខ្លួនឯង៕

STRESSED-OUT-02

អត្ថបទអ្នកចង់អាន

អាហារដែលអ្នកគួរ និងមិនគួរទទួលទាន ពេលពត់ធ្មេញ

ដោយ: ដាលីស 9 PM, Tuesday, 05 Apr, 2016

ការពត់​ធ្មេញ​ គឺ​មានន័យថា ជាការ​តម្រង់​ធ្មេញ ​ដែលមាន​សភាព​វៀច ប៉ោង និង​មិន​ត្រង់​ជួរ​ឱ្យ​ត្រង់​ស្អាត ដូច្នេះ​មានន័យថា ការការពារ​កុំឱ្យ​វា​ផ្អៀង ឬ​វ...

ការពិតនៃកាហ្វេ ដែលអ្នកគួរស្វែងយល់

ដោយ: ដួងច័ន្ទ 10 PM, Saturday, 25 Nov, 2017

ជារៀងរាល់ថ្ងៃកំណើន នៃការទទួលទានកាហ្វេកាន់តែកើនឡើង ក្នុងស្រទាប់មនុស្សពីវ័យជំទង់ទៅវ័យចំណាស់។ អ្នកមិនធ្លាប់ញ៉ាំកាហ្វេប្រហែលជាគិតថា មនុស្សទាំងនោះញៀនកាហ...

សំណួរទាំង 6 ដែលគួរសួរកូនមុនចូលគេង ដើម្បីឱ្យស្គាល់កូនកាន់តែច្បាស់ឡើង

ដោយ: រីកា 4 PM, Monday, 09 May, 2016

ពេលវេលា​ដែល​ឪពុកម្តាយ និង​កូន​បាន​នៅ​ជាមួយគ្នា​បែប​ជិតស្និទ្ធ​មែនទែន​នោះ គឺ​មុនពេល​ចូល​គេង​ហ្នឹងឯង ហើយ​អ្វីដែល​លោកឪពុក​អ្នក​ម្តាយ ​គួរតែ​ធ្វើ​មុននឹ...

បើមិនចង់ទៅជួបពេទ្យញឹកញាប់ អ្នកមានអាយុ 30 ឡើងទៅ គួរចៀសវាងញុំាអាហារទាំង 8 មុខនេះ

ដោយ: ភារុន 9 AM, Monday, 04 Feb, 2019

នៅពេលមនុស្សយើងមានអាយុ 30 ឆ្នាំឡើងទៅ ទំនងជាប្រព័ន្ធភាពសុំានៅក្នុងរាងកាយ មានការផ្លាស់ប្តូរយ៉ាងខ្លាំង។ ឧទាហរណ៍៖ អាហារមួយចំនួន យើងធ្លាប់ញុំាទៅមិនដែលចេះ...

Tomnerb.Com - YouTube Channel