ចូលចិត្តទំនើប

អាហារ 5 យ៉ាងដែលអ្នកគួរបរិភោគជាប្រចាំ ដើម្បីទទួលបានសុខភាពល្អ

ដោយ: ភារុន 11 AM, Monday, 03 Dec, 2018

បើយោងតាមអ្នកឯកទេសផ្នែកអាហាររូបត្ថម្ភរបស់សកលវិទ្យាល័យ Harvard ដែលមានឈ្មោះថា Teresa Fung ដែលគាត់បាននិយាយថាគ្រាន់តែអ្នកបន្ថែមអាហារ 5 យ៉ាងជាមួយនឹងអាហារដែលអ្នកបរិភោគជាប្រចាំថ្ងៃរបស់អ្នក គឺជាវិធីដ៏ល្អសម្រាប់ជួយលើកកម្ពស់សុខភាពរបស់អ្នកឱ្យកាន់តែល្អប្រសើរឡើង។ ខាងក្រោមនេះជាអាហារទាំង 5 ដែលគាត់បានលើកឡើងដែលមានដូចជា៖
1. ផ្លែ Blueberry
វាមិនមែនជាអាថ៌កំបាំងទេ ដែលផ្លែ Blueberry គឺល្អបំផុតសម្រាប់សុខភាព និង សម្រស់ ដែលតារាល្បីៗទាំងប៉ែកអាស៊ី និង អ៊ឺរ៉ុបសុទ្ធតែចូលចិត្តបរិភោគផ្លែឈើនេះ។ Blueberry មានសារធាតុប្រឆាំងអុកស៊ីតកម្មខ្ពស់ ជាពិសេសវីតាមីន C, A និងមានជាតិសរសៃ។ ប្រសិនបើអ្នកពិបាកស្វែងរកក្នុងការទិញផ្លែឈើស្រស់ អ្នកអាចទិញភេសជ្ជៈដែលមានជាតិ Blueberry សុទ្ធដោយមិនមានលាយបញ្ចូលជាមួយគ្រឿងផ្សំផ្សេងៗទៀត។

2. បន្លែស្ពៃក្តោបកូនកាត់ (Brussels sprout)
បន្លែប្រភេទនេះមានជាតិវិតាមីនច្រើនដូចជា A, C, K, នឹងមានសារធាតុ ប៉ូតាស្យូម និង ហ្វ័រឡាត។ លើសពីនេះបន្លែនេះដូចជាបន្លែដទៃគឺវាមានសមាសធាតុជីវសកម្មដូចជា សារធាតុប្រឆាំងអុកស៊ីតកម្ម និង សារធាតុផ្សេងទៀតដែលជួយការពារការខូចខាតកោសិកានៅក្នុងខ្លួនរបស់អ្នក។

3. គ្រាប់ផ្លែឈើ ឬ គ្រាប់ធញ្ញជាតិ
ត្បិតតែគ្រាប់ផ្លែឈើ ឬ គ្រាប់ធញ្ញជាតិមានជាតិកាឡូរីខ្ពស់ ប៉ុន្តែមិនមែនមានន័យថាអ្នកគួរជៀសវាងបរិភោគពួកវានោះទេ ពីព្រោះនៅក្នុងគ្រាប់ផ្លែឈើ ឬ គ្រាប់ធញ្ញជាតិមានជាតិខ្លាញ់ល្អ ប្រូតេអ៊ីន និង វីតាមីន E ។

4. ទឹកដោះគោយ៉ាអួរធម្មជាតិ
ទឹកដោះគោយ៉ាអួរមានភាពពេញនិយមណាស់ចំពោះស្រ្តីដែលចង់សម្រកទម្ងន់ ដោយសារគុណសម្បិត្តជាច្រើនរបស់ទឹកដោះគោយ៉ាអួរដែលអាចជួយថែរក្សាពោះវៀនឱ្យមានសុខភាពល្អ។ លើសពីនេះវាក៏ភ្ជាប់ជាមួយជាតិកាល់ស្យូម ម៉ាញេស្យូម ប្រូតេអ៊ីន វីតាមីន B12 និង អាស៊ីតខ្លាញ់សំខាន់ៗ។ រឿងមួយដែលអ្នកគួរជៀសវាងនោះគឺការបន្ថែមស្ករចូលទៅក្នុងទឹកដោះគោយ៉ាអួរ ប៉ុន្តែប្រសិនបើអ្នកចង់បន្ថែមរសជាតិដល់វា អ្នកគួរបន្ថែមផ្លែឈើស្រស់ៗទើបជាការប្រសើរ។

5. សាច់ត្រីសាម៉ុង
ការបរិភោគសាច់ត្រីគឺល្អបំផុតសម្រាប់សុខភាព ជាពិសេសសាច់ត្រីសាម៉ុងដែលផ្តល់អត្ថប្រយោជន៍ជាច្រើន។ សាច់ត្រីសាម៉ុងមានជាតិ ប្រូតេអ៊ីន និង អាស៊ីតខ្លាញ់ omega-3 ដែលជួយឱ្យបេះដូង និង ខួរក្បាលមានសុខភាពល្អ។

ប្រភព: treehugger ផ្នែក: បែបបទជីវិត, សុខភាព

អត្ថបទអ្នកចង់អាន

ទម្លាប់លុបលាងមុខ ៣ដងជួយឲ្យស្បែកមុខស្រស់ស្អាត

ដោយ: ស៊ីវងីម 10 AM, Monday, 13 Apr, 2015

វាមិនមែនជាការងាយស្រួលប៉ុន្មានទេ សម្រាប់អ្នកដែលធ្វើការងារពេញមួយថ្ងៃនៅខាងក្រៅ។ តើនរណាគិតតែពីការលាងមុខ បើរវល់សឹងតែរកពេលញ៉ាំបាយថ្ងៃត្រង់មិនបានផងហ្នឹង! ...

ទឹក​ និងសុខភាព

ដោយ: ដួងច័ន្ទ 7 PM, Wednesday, 07 Jun, 2017

ពិតណាស់ បរិមាណទឹក ដែលមនុស្សគ្រប់រូបត្រូវការទទួលទាន ជារៀងរាល់ថ្ងៃ ដើម្បីរក្សាលំនឹងជាតិ ទឹកក្នុងខ្លួន គឺជាប្រធានបទនៃការជជែកពិភាក្សា។ ជារឿយៗ អ្នកតែងបា...

ការបរិភោគអាហារដែលមានជាតិកាឡូរីទាប ជួយមិនឱ្យឆាប់ចាស់

ដោយ: ភារុន 8 AM, Tuesday, 22 Jan, 2019

ការស្រាវជ្រាវថ្មីមួយបានបង្ហាញពីឥទិ្ធពលប្រឆាំងនឹងភាពចាស់នៃវ័យរបស់មនុស្ស នោះគឺសក្តានុពលភាពនៃការតមអាហារមានជាតិកាឡូរីខ្ពស់ ហើយបែរមកបរិភោគអាហារដែលមានជាត...

អាថ៌កំបាំងដែលធ្វើឱ្យអ្នកអាចរស់នៅបានយូរ ដូចជាជនជាតិជប៉ុន

ដោយ: ភារុន 8 AM, Saturday, 19 Jan, 2019

មនុស្សភាគច្រើនតែងតែចង់ឱ្យខ្លួនមានសុខភាពល្អ និងរស់នៅបានយូរអង្វែង។ ហើយអ្វីដែលជាគំនិតដំបូងរបស់អ្នកទាំងនោះ គឺការរស់នៅបានយូរដូចជាជនជាតិជប៉ុន។ ជាការពិតដែ...

Tomnerb.Com - YouTube Channel