ចូលចិត្តទំនើប

អាហារ ច្នៃជាមួយស៊ុត ៣យ៉ាង

ដោយ: ដួងច័ន្ទ 10 PM, Friday, 26 May, 2017

ស៊ុត អាចយកមកធ្វើជាអាហារច្រើនយ៉ាង។ ស៊ុតជាអាហារ ដែលសម្បូរប្រូតេអ៊ីន មានប្រយោជន៍ចំពោះសុខភាព។

អ្នកខ្លះមានប្រតិកម្មជាមួយនឹងស៊ុត ដូច្នេះត្រូវចៀសវាងអាហារប្រភេទនេះ។ ប៉ុន្តែចំពោះអ្នកមានស្នេហ៍ស្មោះនឹងស៊ុតមាន់ ឬទា ហើយចង់បានរសជាតិពិសេសថ្មី អ្នកអាចសាកល្បងមុខម្ហូបដូចខាងក្រោមនេះ៖

១. មី និងស៊ុត

របៀបចម្អិនស៊ុបនេះ គឺមិនពិបាកទេ ព្រោះដូចឆុងមីកញ្ចប់ គ្រាន់តែមានថែមគ្រឿងផ្សំខ្លះៗ។ វិធីសាស្ត្រចម្អិនដ៏ល្អគឺប្រើឆ្នាំងដាំទឹក ដាក់មីកញ្ចប់ចូល រួចថែមគ្រឿងផ្សំមានដូចជា៖

  • ផ្សិតខ្មៅ ហាន់ជាបន្ទះ
  • សាច់មាន់ ហាន់ជាសរសៃ

ស៊ុត ជារបស់ដែលមិនអាចបំភ្លេចបាន។ អ្នកអាចដាក់ស៊ុតមួយឬពីរគ្រាប់ គោះដាក់ចូលទៅក្នុងឆ្នាំង មិនបាច់កូរទេ ទុកឲ្យវាឆ្អិនតាមសម្រួល។

ចំណុចមិនអាចភ្លេចមួយទៀត គឺដាក់គ្រឿងរបស់មីកញ្ចប់ ឬអ្នកអាចដាក់គ្រឿងដោយខ្លួនឯង ដូចជាអំបិល ម្រេច ទឹកស៊ីអ៊ីវ ស្ករ ហើយថែមសាច់គោ ឬប្រហិត តាមចំណង់របស់អ្នក។

ស្លឹកខ្ទឹមត្រូវហាន់តូចៗ សម្រាប់ដាក់ក្រោយគេ។ ពេលម្ហូបឆ្អិន រោយខ្ទឹមជាការស្រេច។

ប្រសិនបើអ្នកមិនចូលចិត្តគ្រឿងផ្សំរបស់មី ហើយមិនចង់ប្រើអំបិលប៊ីចេងវែងឆ្ងាយ អ្នកអាចជ្រើសរើសយកគ្រឿងផ្សំកញ្ចប់ ដូចជាម្សៅស៊ុបរ៉តឌី ឬ Knorr ជាដើម។

Egg-Food-Tomnerb-02

២. ដំឡូងជ្វា និងស៊ុត

អាហារនេះដូចជា ចម្លែកបន្តិច តែអ្នកអាចសាកល្បងបាន ដោយគ្រាន់តែយក៖

  • ដំឡូងជ្វាធំមួយមើម លាងទឹកឲ្យស្អាត រួចពុះជាពីរ
  • គោះស៊ុតដាក់ពីលើ (ប្រើស៊ុតពីរ)
  • រោយគ្រឿងមានដូចជា អំបិល និងម្រេចហ្មត់
  • រួចយកទៅដុតលើភ្លើង ឬដុតក្នុងចង្ក្រានអគ្គិសនីក៏បាន
  • បន្ទាប់ពីឆ្អិនរួច ត្រូវហាន់ជីវ៉ាន់ស៊ុយរួចយកមករោយ ពីលើជាការស្រេច។

អាហារមួយនេះ អ្នកអាចបរិភោគជាមួយនឹងទឹកប៉េងប៉ោះ ឬទឹកម្ទេស តាមចំណូលរបស់អ្នក។

Egg-Food-Tomnerb-03

៣. ប៉េងប៉ោះ និងស៊ុត

អាហារមួយមុខនេះងាយធ្វើណាស់។ អ្នកធ្លាប់ចៀនប៉េងប៉ោះ ញាត់សាច់ជ្រូកទេ? គឺធ្វើស្រដៀងគ្នា៖

  • ដំបូងពុះប៉េងប៉ោះជាពីរ (មិនបាច់ឆ្កៀលយកគ្រាប់ចេញទេ)
  • រួចគោះពងមាន់ដាក់ពីលើ
  • ទើបរោយគ្រឿងមានអំបិល និងម្រេចហ្មត់
  • ចិញ្ច្រាំខ្ទឹមសដាក់ពីលើ
  • បន្ទាប់មកយកទៅដាក់ក្នុងខ្ទះ ដែលមានខ្លាញ់ពុះ ដោយចម្អិនប្រមាណ ១០នាទី។

យ៉ាងម៉េចដែរ មុខម្ហូបបីនេះ.. បើមើលតាមរូប និងធ្វើតាមវិធីសាស្ត្រដើម អ្នកត្រូវទាមទារគ្រឿងផ្សំ និងរបៀបចម្អិនសាំញ៉ាំបន្តិច ដូច្នេះទំនើបសម្រួលមកតាមបែបខ្មែរ និងតាមរបៀបចម្អិនសាមញ្ញ ដែលមេផ្ទះឧស្សាហ៍ធ្វើ។ សាកល្បងធ្វើលមើល ហើយកុំភ្លេចហៅទំនើប ទៅភ្លក់ផងណា៎៕

អត្ថបទអ្នកចង់អាន

តិចនិក ៧ ចំណុច ជួយឱ្យរោមភ្នែក ង ស្អាត

ដោយ: ដួងច័ន្ទ 8 PM, Monday, 13 Mar, 2017

រោមភ្នែក ជួយបន្ថែមភាពស្រស់ស្អាតដល់កែវភ្នែក និងធ្វើឱ្យភ្នែកអ្នកលេចរូបរាងច្បាស់ សម្រាប់អ្នក ដែលមានរោមភ្នែកក្រាស់ស្អាតបែបធម្មជាតិ។ ចំពោះអ្នកមិនសូវមានរ...

តោះ! មកដឹងពី វិធីសាស្រ្ត 6 យ៉ាង មានប្រសិទ្ធភាពយ៉ាងឆាប់រហ័ស ដើម្បីបញ្ឈប់ការឈឺខ្នង បន្ទាប់ពីអ្នកអង្គុយពេញមួយថ្ងៃ

ដោយ: ភារុន 8 AM, Thursday, 11 Jul, 2019

ប្រហែល 80% នៃមនុស្សពេញវ័យ ធ្លាប់មានការឈឺចាប់នៅត្រង់ខ្នង ដែលឆ្លុះបញ្ចាំញពីជីវិតប្រចាំថ្ងៃរបស់ពួកគេ។ ហើយនេះក៏ជាស្ថិតិមួយដ៏គួរឱ្យព្រួយបារម្ភ! ម្យ៉ាងទៀ...

តើគួរ ថែរក្សាសម្រស់ បែបណាមុនចូលគេង?

ដោយ: ស៊ីវងីម 10 PM, Sunday, 12 Apr, 2015

ការចំណាយពេលវេលាត្រឹមពីរបីនាទីលាងសម្អាតមុខនាពេលយប់មុនចូលគេងមានប្រយោជន៍ខ្លាំងណាស់ក្នុងការថែទាំសម្រស់ផ្ទៃមុខ។ ហេតុនេះប្រសិនបើចង់ស្អាត ត្រូវតែទម្លាប់ខ្...

វិធីព្យាបាលស្នាមមុន និងសម្លាកឱ្យក្លាយជា បុរសមុខស្រស់សង្ហា

ដោយ: រីកា 11 PM, Saturday, 05 Sep, 2015

អ្នកណាៗក៏ប្រាប់ថា ស្នាមមុនពិបាកព្យាបាលឱ្យបាត់ណាស់ តែបើបុរសៗដែលស្គាល់ពីវិធីព្យាបាល ស្នាមមុន​ដែល​ត្រឹមត្រូវវិញនោះ ស្នាមមុនដែលបិទបាំងភាពស្រស់ថ្លា នៅលើ...

Tomnerb.Com - YouTube Channel