ចូលចិត្តទំនើប

អាហារទាំង 7 យ៉ាងនេះគួរជៀសវាងកុំឱ្យកូនក្មេងញុំា

ដោយ: ភារុន 11 AM, Monday, 03 Dec, 2018

នាពេលបច្ចុប្បន្ននេះអាហារសម្រាប់កុមារគឺមានលក្ខណៈសម្បូរបែប និង មានសកម្មភាពយ៉ាងខ្លាំងក្លានៅតាមប្រព័ន្ធផ្សព្វផ្សាយតាមទូរទស្សន៍ ឬ ការផ្សព្វផ្សាយតាមរយះតុក្កាតាដែលក្មេងៗចូលចិត្តមើលតាម You Tube ជាដើម។ នេះជាហេតុធ្វើឱ្យឪពុកម្តាយមានការពិបាកក្នុងការបដិសេធនឹងកូននៅពេលទៅដល់ហាងលក់នំ។ ឪពុកម្តាយភាគច្រើនតែងតែរៀបចំអាហារដែលផ្តល់សុខភាពល្អដល់កូន ដើម្បីជៀសវាងកុំឱ្យកូនស្គម ឬ ធាត់ខុសធម្មតា។ ដូច្នេះថ្ងៃនេះ ទំនើប សូមណែនាំអាហារចំនួន 7 យ៉ាងដូចខាងក្រោមនេះ ដែលអ្នកមិនគួរឱ្យកូនក្មេងញុំាឡើយ៖
1. ភេសជ្ជៈផ្អែមៗដូចជាទឹកផ្លែឈើ
ធម្មជាតិរបស់កូនក្មេងគឺចូលចិត្តរបស់ផ្អែមៗដូចជាស្ករ ប៉ុន្តែជាតិស្ករនេះគឺធ្វើឱ្យកូនក្មេងមានសុខភាពមិនល្អទេ ដូចជាទឹកផ្លែឈើ ទឹកដោះគោដែលមានជាតិផ្អែមខ្លាំង និង ភេសជ្ជៈដែលមានរសជាតិឆ្ងាញ់ៗ គឺមិនគួរឱ្យកូនក្មេងញុំាឡើយ សូម្បីតែទឹកផ្លែឈើ 100% ក៏ដោយ ពីព្រោះជាតិស្ករអាចបណ្តាឱ្យធ្មេញរបស់កូនក្មេងខូច និង ធ្វើឱ្យវាឡើងទម្ងន់ខុសធម្មតា លើសពីនេះជាតិស្ករក៏បណ្តាឱ្យកូនក្មេងមានបញ្ហាអាកប្បកិរិយាផងដែរ។

2. អាហារពេលព្រឹកជាប្រភេទនំបុ័ង ឬ នំធ្វើពីម៉្សៅ
ការយកនំបុ័ងធ្វើជាអាហារពេលព្រឹកសម្រាប់កូនក្មេង គឺមិនល្អទេ ពីព្រោះនំបុ័ង ឬ  នំធ្វើពីម៉្សៅផ្តល់ជូននូវអាហារូបត្ថម្ភដ៏អាក្រក់ចំពោះសុខភាពរបស់កូនក្មេង។ ជាតិម៉្សៅនៃនំបុ័ង និង នំផ្សេងៗទៀតអាចបណ្តាឱ្យមានផលប៉ះពាល់ត្រង់ទៅដល់ខួរក្បាលរបស់ក្មេងតែម្តង។

3. អាហារប្រភេទសាច់កែច្នៃ
អាហារប្រភេទសាច់កែច្នៃដូចជា Hot dog សាច់ប៉ាតេ និង សាច់ក្រកជាដើម។ សាច់ទាំងនេះគឺមិនល្អទេចំពោះសុខភាពបេះដូងរបស់ក្មេង និង ធ្វើឱ្យក្មេងមានបញ្ហាទម្ងន់ផងដែរ។

4. អាហារប្រភេទបំពង និង ចៀន
អាហារទាំងនេះត្រូវបានគេស្គាល់ផងដែរថាជាសាច់មាន់បំពង និង ដំឡូងបំពងជាដើម ហើយត្រូវបានញុំាជាមួយទឹកជ្រលក់ម្ទេស ឬ ទឹកប៉េងប៉ោះដូចជាមានលក់នៅ KSC ជាដើម។ អាហារទាំងនេះអាចធ្វើឱ្យក្មេងប្រឈមនឹងជម្ងឺមហារីកនៅពេលពួកគេធំឡើង។

5. ឈីស
នៅក្នុងឈីស មានសារធាតុមួយចំនួនក្នុងចំណោមសារធាតុដែលមានគ្រោះថ្នាក់បំផុតដល់សុខភាពកូនក្មេងនោះគឺ ម៉ាញ៉េស្យូម និង ផូសែល។ វាត្រូវបានផ្សារភ្ជាប់ទៅនឹងបញ្ហាអាប់ប្រាជ្ញា និង អាកប្បកិរិយារបស់ក្មេង។

6. នំកញ្ចប់
នៅក្នុងនំកញ្ចប់មានសារធាតុមិនល្អជាច្រើនដែលប៉ះពាល់ដល់សុខភាពរបស់កូនក្មេង មានដូចជាសារធាតុខ្លាញ់ ស្ករ និង ឈីសជាដើម។ សារធាតុទាំងនេះធ្វើឱ្យក្មេងមានបញ្ហាទម្ងន់ ជម្ងឺរលាកបំពង់ក ជម្ងឺទាក់ទងនឹងក្រពះ ពោះវៀន និង ជម្ងឺផ្សេង ៗជាច្រើន។

7. អាហារប្រភេទ Fast Food
ហាំប៊ឺហ្គឺ សាំងវ៉ិច មាន់បំពង និង ដំឡូងបំពងជាដើម សុទ្ធតែជាអាហារប្រភេទ Fast Food ដែលក្មេងៗចូលចិត្តញុំាបំផុត នៅពេលអ្នកនាំពួកគេទៅដើរកម្សាន្តនៅផ្សារទំនើប ពួកគេច្បាស់ជាទទូចទារអ្នកឱ្យនាំទៅញុំាអាហារទាំងអស់នេះជាក់ជាមិនខាន។ ដូចដែរអ្នកទាំងអស់គ្នាបានដឹងហើយថាអាហារប្រភេទនេះគឺផ្តល់សុខភាពមិនល្អទេ ទាំងកូនក្មេង និង មនុស្សធំ ពីព្រោះពួកវាមានទាំងសារធាតុខ្លាញ់ខ្ពស់ កាឡូរីខ្ពស់ និង ជាតិអំបិលច្រើនផងដែរ ទាំងនេះធ្វើឱ្យក្មេងឡើងទម្ងន់ខុសធម្មតា និង មានជម្ងឺមហារីកនៅពេលក្មេងធំឡើងផងដែរ។

ប្រភព: hhdresearch ផ្នែក: បែបបទជីវិត, សុខភាព

អត្ថបទអ្នកចង់អាន

វិធីសាស្រ្តងាយៗ 8យ៉ាង ជួយទប់ទល់ភាពងងុយគេង

ដោយ: Belle 11 PM, Friday, 26 Jan, 2018

វិធីដ៏ល្អបំផុត ដើម្បីរក្សាភាពស្វាហាប់ គឺគេងឲ្យបានគ្រប់គ្រាន់។ ប៉ុន្តែពេលខ្លះ យើងគ្មានពេលគ្រប់គ្រាន់ ដើម្បីគេងនោះទេ ទើបត្រូវបង្ខំចិត្តដើរចូលកន្លែងធ្...

អាថ៌កំបាំង នៃការថែរក្សាសុខភាព ពីស្ត្រីមកពី 7ប្រទេស

ដោយ: រីកា 11 PM, Thursday, 07 Apr, 2016

ដើម្បីទទួលបាននូវសុខភាពល្អបរិបូរមនុស្សម្នាក់ៗ តែងតែមានទិចនិកពិសេសរៀងៗខ្លួន ក្នុងការថែរក្សាសុខភាព​រាងកាយ សុខភាពផ្លូវចិត្ត និងការទទួលទានអាហារជារៀងរាល់...

10 ចំណុចបង្កើន សុខភាពផ្លូវចិត្ត

ដោយ: វិរីយា៉ 9 PM, Tuesday, 03 Nov, 2015

មិនអាចមានអ្នកណារស់នៅ ក្នុងសេចក្តីសុខជារៀងរាល់ថ្ងៃនោះទេ តិច ឬច្រើនតែងតែមានរឿងមិនសប្បាយចិត្ត​កើត​​ឡើង ហើយរឿងទាំងនោះ វាបានមកធ្វើឱ្យអ្នកខូចអារម្មណ៍ និង...

រូបមន្តថែរក្សាសម្រស់ ជាមួយ រមៀត

ដោយ: ដួងច័ន្ទ 9 PM, Monday, 10 Jul, 2017

រមៀត មានសមាសភាពប្រឆាំងផ្សិត សារធាតុសម្លាប់មេរោគ និងសមត្ថភាពប្រឆាំងនឹងបាក់តេរី ក៏ដូចជា សមាសភាពប្រឆាំងនឹងការរលាករោលពីធម្មជាតិ ដូច្នេះរមៀត គឺជារូបមន្ត...

Tomnerb.Com - YouTube Channel