ចូលចិត្តទំនើប

អាហារទាំង 10 ដែលអ្នកគួរជៀសវាង នៅពេលអ្នកមានសម្ពាធឈាមខ្ពស់

ដោយ: ភារុន 8 AM, Tuesday, 30 Oct, 2018

ការឡើងសម្ពាធឈាមខ្ពស់គឺជាជម្ងឺមួយដ៏គួរឱ្យភ័យខ្លាចព្រោះវាមានអាការៈតិចតួច ដែលពេលខ្លះអាចនឹងធ្វើឱ្យមនុស្សមិនមានការចាប់អារម្មណ៍ថាខ្លួនកំពុងមានសម្ពាធឈាមឡើងខ្ពស់ នោះជាមូលហេតុដែលបណ្តាលឱ្យមនុស្សជាច្រើនមានជម្ងឺលើសឈាមដោយមិនបានដឹងខ្លួន។ លើសពីនេះការឡើងឈាមនេះអាចផ្តល់ហានីភ័យខ្ពស់នៃជម្ងឺដាច់សរសៃឈាមខួរក្បាល និង ជម្ងឺបេះដូង។ សម្ពាធឈាមឡើងខ្ពស់អាចធ្វើការគ្រប់គ្រងបានតាមរយះការផ្លាស់ប្តូររបបអាហារ និងរបៀបរបបរស់នៅប្រចាំថ្ងៃរបស់អ្នក។ ខាងក្រោមនេះជាអាហារទាំង 10 ដែលអ្នកមិនគួរបរិភោគឡើយ នៅពេលអ្នកដឹងថាខ្លួនកំពុងឡើងឈាម៖
1. សណ្តែកកំប៉ុង (អាហារដែលមានជាតិសូដ្យូមខ្ពស់)
សណ្តែកកំប៉ុងគឺប្រភេទអាហារដែលមានជាតិសូដ្យូមខ្ពស់បំផុតពីព្រោះដើម្បីរក្សាទុកវាឱ្យបានយូរ។ ជាការប្រសើរអ្នកគួរប្រើសណ្តែក ស្រស់ វាគឺជាជម្រើសអាហារដែលមានសុខភាពល្អបំផុត ដោយសារតែវាមានជាតិប្រូតេអ៊ីនខ្ពស់ និងមានជាតិសរសៃ ព្រមទាំងមានសារធាតុបំប៉នផ្សេងៗទៀតជាច្រើន។

2. គ្រឿងផ្សំកញ្ចប់សម្រាប់ធ្វើស៊ុប
គ្រឿងផ្សំទាំងនេះដូចជាដុំស៊ុបខ្នុរជាដើម។ ភាគច្រើនអ្នកតែងចូលចិត្តដាក់វាសឹងតែគ្រប់មុខម្ហូបអាហារទាំងអស់នៅពេលចម្អិនអាហារម្តងៗ នេះគឺមិនល្អសម្រាប់សុខភាពរបស់អ្នកដែលកំពុងមានសម្ពាធឈាមឡើងខ្ពស់នោះទេ ព្រោះវាមានជាតិសូដ្យូមខ្ពស់។

3. ទឹកប៉េងប៉ោះកំប៉ុង
ថ្វីត្បិតផលិតផលធ្វើពីប៉េងប៉ោះផ្តល់ក្លិនឆ្ងុយជាងប៉េងប៉ោះស្រស់ ប៉ុន្តែប៉េងប៉ោះកំប៉ុងត្រូវការសូដ្យូមច្រើនណាស់ដើម្បីធ្វើឱ្យទឹកប៉េងប៉ោះកាន់តែអាចរក្សាទុកបានយូរ និង មានរសជាតិឆ្ងាញ់ ។

4. សាច់ក្រក និង សាច់កែច្នៃ
សាច់ទាំងនេះត្រូវបានគេចាត់ទុកថាវាជាអាហារដែលបង្កគ្រោះថ្នាក់ធំបំផុតដល់សុខភាព ជាពិសេសអ្នកដែលមានសម្ពាធឈាមឡើងខ្ពស់។ ដោយសារសាច់កែច្នៃ ដើម្បីរក្សាឱ្យបានយូរ គឺត្រូវពឹងផ្អែកលើជាតិសូដ្យូមកម្រិតខ្ពស់។

5. សាច់ក្លាសេ
តើអ្នកដឹងទេថាអាហារក្លាសេដែលកក អាចត្រូវបានគេក្លាសេអស់រយះពេលយូរមុននឹងយកមកចម្អិនដែរឬទេ? អាហារទាំងនេះអាចត្រូវបានបាត់បង់គុណភាពរួចហើយក៏ថាបាន ដូច្នេះអ្នកត្រូវចេះជ្រើសរើសប្រភេទអាហារណាដែលមិនបានក្លាសេ។

6. ស្ករគ្រាប់ (អាហារប្រភេទមានជាតិស្ករខ្ពស់)
អ្នកប្រាកដជាដឹងរួចរាល់ហើយថាស្ករគ្រាប់មានជាតិស្ករខ្ពស់។ ដូច្នេះប្រសិនបើអ្នកចង់បរិភោគអាហារមានជាតិផ្អែម អ្នកគួរជ្រើសរើសផ្លែឈើធម្មជាតិជាអាហារប្រភេទបង្អែមជំនួសឱ្យស្ករគ្រាប់។

7. ភេសជ្ជៈកំប៉ុង
ភេសជ្ជៈកំប៉ុងមានជាតិស្ករខ្ពស់ និង មានជាតិសូដ្យូមដើម្បីរក្សាទុកវាឱ្យបានយូរ។ សារធាតុទាំងនេះមានការប៉ះពាល់យ៉ាងធ្ងន់ធ្ងរសម្រាប់សុខភាពមនុស្ស ជាពិសេសនៅពេលកំពុងឡើងឈាម។

8. អាហារប្រភេទនំផ្អែមៗ
នំដូណាត់ នំខេក និង នំផ្អែមផ្សេងៗទៀតដែលធ្វើឡើងពីម៉្សៅតែងតែមានកម្រិតជាតិស្ករខ្ពស់ ដែលប៉ះពាល់យ៉ាងធ្ងន់ធ្ងរដល់សុខភាពមនុស្សមានជម្ងឺលើសឈាម។

9. ទឹកជ្រលក់កែច្នៃ
មិនថាទឹកប៉េងប៉ោះ ដែលមានជាតិសូដ្យូមខ្ពស់នោះទេ សូម្បីតែទឹកជ្រលក់សម្រាប់សាច់ និង ទឹកជ្រលក់បរិភោគជាមួយស៊ុប ព្រមទាំងទឹកជ្រលក់ផ្សេងទៀតសុទ្ធតែមានផលប៉ះពាល់ដល់សុខភាពអ្នកជម្ងឺលើសឈាម។

10. ភេសជ្ជៈមានជាតិអាល់កុល
ជាតិអាល់កុលជាទូទៅ វាមិនល្អចំពោះសុខភាពមនុស្សទេ ពិសេសអ្នកមានជម្ងឺលើសឈាម។ ការបរិភោគជាតិអាកុលច្រើនពេកអាចបណ្តាលបាត់បង់ជាតិទឹក និង ឡើងទម្ងន់ ហើយកត្តាទាំងពីរនេះអាចផ្តល់ហានីភ័យធ្ងន់ធ្ងរដល់សម្ពាធឈាម។

ប្រភព: hhdresearch ផ្នែក: បែបបទជីវិត, សុខភាព

អត្ថបទអ្នកចង់អាន

ងាយៗ! គ្រាន់តែទទួលទានភេសជ្ជៈនេះ មុនគេង នឹងធ្វើឱ្យស្រកក្បាលពោះ យ៉ាងមានប្រសិទ្ធភាព

ដោយ: ភារុន 9 AM, Monday, 18 Feb, 2019

មនុស្សជាច្រើនខំប្រឹងប្រែងខ្លាំងណាស់ ដើម្បីអាចទទួលបានក្បាលពោះរាបស្មើរ និងស្រស់ស្អាត។ អ្នកខ្លះ ព្យាយាមហាត់ប្រាណយ៉ាងទៀងទាត់ ហើយតមអាហារជាច្រើន ដើម្បីអា...

តើនឹងមានអ្វីកើតឡើង ចំពោះរាងកាយរបស់អ្នក នៅពេលអ្នកញុំាម្រេចខ្មៅ ជារៀងរាល់ថ្ងៃ?

ដោយ: ភារុន 9 AM, Tuesday, 02 Apr, 2019

ការបរិភោគអាហារប្រចាំថ្ងៃ គឺជារឿងសំខាន់មួយសម្រាប់សុខភាព ពីព្រោះបើកាលណាអ្នកញុំាអាហារបានត្រឹមត្រូវ វានឹងអាចជួយពង្រឹងដល់ការអភិវឌ្ឍន៍រាងកាយបានល្អប្រសើរឡ...

ពេលវេលាល្អបំផុត ក្នុងការញ៉ាំតែបៃតង

ដោយ: ដួងច័ន្ទ 9 PM, Wednesday, 21 Jun, 2017

តែបៃតង គឺជារូបមន្តដ៏អស្ចារ្យ សម្រាប់ការសម្រកទម្ងន់ និងល្អបំផុតសម្រាប់ថែរក្សាសុខភាព។ វាមិន មានរសជាតិឈ្ងុយឆ្ងាញ់អ្វីទេ ប៉ុន្តែវាជាចំណូលចិត្ត សម្រាប់អ...

អាហារ ច្នៃជាមួយស៊ុត ៣យ៉ាង

ដោយ: ដួងច័ន្ទ 10 PM, Friday, 26 May, 2017

ស៊ុត អាចយកមកធ្វើជាអាហារច្រើនយ៉ាង។ ស៊ុតជាអាហារ ដែលសម្បូរប្រូតេអ៊ីន មានប្រយោជន៍ចំពោះសុខភាព។ អ្នកខ្លះមានប្រតិកម្មជាមួយនឹងស៊ុត ដូច្នេះត្រូវចៀសវាងអាហារប...

Tomnerb.Com - YouTube Channel