ចូលចិត្តទំនើប

អត្ថប្រយោជន៍របស់ស៊ុតចំពោះសុខភាពបេះដូង

ដោយ: ដួងច័ន្ទ 8 AM, Monday, 17 Sep, 2018

ការទទួលទានស៊ុតជារៀងរាល់ថ្ងៃ អាចកាត់បន្ថយហានិភ័យប្រឈមនឹងជម្ងឺសរសៃឈាមបេះ ដូង។ នេះជាលទ្អផលនៃការសិក្សាស្រាវជ្រាវលើមនុស្សវ័យជំទង់ចំនួន 400,000 នាក់នៅក្នុងប្រទេសចិន។
អ្នកដែលទទួលទានស៊តជារៀងរាល់ថ្ងៃ មានអត្រាកាត់បន្ថយហានិភ័យជម្ងឺសរសៃឈាមបេះដូង បាន 18% ដែលជម្ងឺសរសៃឈាមបេះដូងជារោគសញ្ញានៃជម្ងឺគាំងបេះដូង និងដាច់សរសៃឈាមបេះដូង។ អត្រានេះធ្វើការប្រៀបធៀបជាមួយមនុស្សវ័យជំទង់ដែលមិនបរិភោគស៊ុត។ លទ្ធផលនៃការសិក្សាស្រាវជ្រាវនេះ ត្រូវបានបោះពុម្ពផ្សាយនៅលើសារព័ត៌មាន Heart។

ជម្ងឺសរសៃឈាមបេះដូង ជាទូទៅត្រូវបានគេស្គាល់ថាជាជម្ងឺបេះដូង ដែលរួមមានជម្ងឺខ្សោយបេះដូង ចង្វាក់បេះដូងដើរញាប់ និងអាការៈគាំងបេះដូង និងដាច់សរសៃឈាមបេះដូង។ សម្ពាធឈាមឡើងខ្ពស់ លើសទម្ងន់ និងកម្រិតជាតិស្ករក្នុងឈាមឡើងខ្ពស់ សុទ្ធសឹងជាកត្តាបណ្តាលឱ្យប្រឈមនឹងជម្ងឺបេះដូង ដែលកត្តាទាំងនោះអាចបណ្តាលមកពីរបបអាហារមិនមានផាសុកភាព មិនសូវមានសកម្មភាពរាងកាយ ការជក់បារី និងផលប៉ះពាល់បណ្តាលមកពីការទទួលទានជាតិអាល់កុល។

ប្រភពអាហារូបត្ថម្ភដ៏ចម្រូងចម្រាស់
កាលពីអតីតកាល វេជ្ជបណ្ឌិតមួយចំនួនបានដាស់តឿនអ្នកជម្ងឺឱ្យជៀសវាសការទទួលទានស៊ុតច្រើន។ ថ្វីត្បិតស៊ុតមានផ្ទុកសារធាតុប្រូតេអ៊ីនខ្ពស់ និងសមាសភាពអាហារូបត្ថម្ភខ្ពស់ តែវាក៏មានផ្ទុកកាល់ឡូរីខ្ពស់ផងដែរ ដែលទាំងនេះជាកត្តាធ្វើឱ្យគេយល់ថាវាមានផលអាក្រក់ចំពោះសុខ ភាព។ ប៉ុន្តែការសិក្សាចាស់ៗ អំពីទំនាក់ទំនងរវាងស៊ុត និងជម្ងឺបេះដូង មានភាពចម្រូងចម្រាស់ ដោយសារបរិមានគំរូមានតិចតួន ហើយព័ត៌មានមានដែនកំណត់។ ទាំងនេះមានភាពខុសគ្នាយ៉ាងខ្លាំងនៅក្នុងទម្លាប់របបអាហារប្រចាំថ្ងៃ ទម្លាប់នៃការរស់នៅ និងការប្រឈមនឹងជម្ងឺ។
ទាំងនេះជាហេតុផលមួយក្នុងចំណោមហេតុផលដែលបណ្តាលឱ្យមានការសិក្សាស្រាវជ្រាវថ្មី ដោយធ្វើការវិនិច្ឆ័យលើទំនាក់ទំនងរវាងការទទួលទានស៊ុត និងជម្ងឺបេះដូង។ ចំណាប់ផ្តើមនៃការសិក្សាថ្មី គឺប្រើប្រាស់ព័តមាន ចេញពីការសិក្សាមួយដែលកំពុងបន្តធ្វើការសិក្សាលើមនុស្សវ័យជំទង់ចំនួនកន្លះលាននាក់ រស់នៅក្នុង 10 តំបន់ខុសៗគ្នាក្នុងប្រទេសចិន។ ការសិក្សាផ្តោតលើមនុស្សចំនួន 416,213 នាក់ ដែលមិនធ្លាប់ធ្វើរោគវិនិច្ឆ័យជម្ងឺមហារីក ជម្ងឺបេះដូង ឬជម្ងឺទឹកនោមផ្អែម។

ជាលទ្ធផលចំនួន 13% នៃតួលេខខាងលើ មានចន្លោះអាយុពី 30 ទៅ 79 ឆ្នាំបានបង្ហាញថាពួកគេទទួលទានស៊ុតចំនួនមួយ ក្នុងមួយថ្ងៃ ខណៈដែលចំនួនលើសពី 9% មិនធ្លាប់ ឬកម្រទទួលទានស៊ុត។ ចំនួនមនុស្សនៅក្នុងការសិក្សាស្ទើរតែទាំងអស់បរិភោគស៊ុតមាន់ មិនមែនស៊ុតទាទេ។

រយៈពេលសជិត 9 ឆ្នាំ ក្រុមអ្នកសិក្សាស្រាវជ្រាវបានធ្វើការតាមដានលើក្រុមមនុស្សដែលបានជ្រើសនេះ។ ពួកគេផ្តោតនៅលើបញ្ហាជម្ងឺបេះដូងធំៗ ដូចជាគាំងបេះដូង និងដាច់សរសៃឈាមបេះដូង រួមទាំងជម្ងឺដាច់សរសៃឈាមខួរក្បាល ប្រភេទ Hemorrhagic Stroke ដែលកើតឡើងនៅពេលសរសៃឈាមដាច់នៅក្នុងខួរក្បាល ដោយសារសម្ពាធឈាមឡើងខ្ពស់មិនអាចគ្រប់គ្រងបាន និងប្រភេទ Ischemic Stroke ដែលកើតឡើងនៃពេលសរសៃឈាមចិញ្ចឹមខួរក្បាល ត្រូវបានរាំងស្ទះ ដោយសារបញ្ហាកំណកឈាម។
ជម្ងឺបេះដូង បណ្តាលឱ្យស្លាប់បាត់បង់អាយុជីវិតមនុស្សជាច្រើននៅក្នុងប្រទេសចិន ដែលមានតួលេខស្មើនឹងពាក់កណ្តាលនៃអត្រាមរណៈភាពទាំងអស់។ ជម្ងឺដាច់សរសៃឈាមខួរក្បាល រួមទាំង Hemorrhagic និង Ischemic Stroke គឺជាកត្តាបណ្តាលឱ្យស្លាប់មុនអាយុ។

នៅក្នុងដំណាក់កាលតាមដាន មនុស្សចំនួន 9,985 នាក់បាត់បង់ជីវិតដោយសារជម្ងឺបេះដូង ហើយមនុស្សចំនួន 5,103 នាក់កំពុងប្រឈមនឹងជម្ងឺបេះដូង។ មនុស្សជិត 84,000 នាក់ត្រូវបានធ្វើរោគវិនិច្ឆ័យជម្ងឺបេះដូង នៅក្នុងអំឡុងពេលនេះផងដែរ។ វិភាគលើទិន្នន័យនេះ អ្នកស្រាវជ្រាវរកឃើញថា ការទទួលទានស៊ុតមួយគ្រាប់ ជារៀងរាល់ថ្ងៃ អាចកាត់បន្ថយអត្រាជម្ងឺ Hemorrhagic Stroke បាន 26% ដែលជាអត្រាជម្ងឺខ្ពស់ជាងគេនៅក្នុងប្រទេសចិន ខ្ពស់ជាងសហរដ្ឋអាមេរិក និងប្រទេសមានចំណូលខ្ពស់ដទៃទៀត។ បន្ថែមលើនេះ អត្រាស្លាប់ដោយសារជម្ងឺនេះក៏ត្រូវបានកាត់បន្ថយបាន 28% ផងដែរ។
ជាចុងក្រោយ អ្នកទទួលទានស៊ុត អាចកាត់បន្ថយអត្រាជម្ងឺ Ischemic Stroke បាន 12% ដែលនេះជាលទ្ធផលចេញពីការធ្វើរោគវិនិច្ឆ័យលើអ្នកដែលបានសញ្ញាសរសៃឈាមរាំងស្ទះ ក្នុងលំហូរទៅកាន់ខួរក្បាល។

យ៉ាងណាមិញការសិក្សាស្រាវជ្រាវនេះ ក៏បានបញ្ជាក់ថាយើងគួរធ្វើការប្រុងប្រយ័ត្នក្នុងការបកស្រាយលទ្ធផលនេះនៅក្នុងបរិបទរបបអាហារ និងការរស់នៅខុសពីបរិបទរបបអាហារ និងការរស់នៅក្នុងប្រទេសចិន។

ប្រភព: cnn ផ្នែក: បែបបទជីវិត, សុខភាព

អត្ថបទអ្នកចង់អាន

តោះ! មកស្គាល់ អាហារប្រឆាំងនឹងភាពចាស់ទាំង 5 ដែលជួយធ្វើឱ្យស្បែកភ្លឺរលោង និងក្មេងជាងវ័យ

ដោយ: ភារុន 8 AM, Monday, 08 Apr, 2019

ភាពចាស់ គឺជាដំណើរធម្មជាតិមួយ របស់ជីវិតមនុស្ស ប៉ុន្តែទោះបីជាយ៉ាងណានេះក្តី ក៏មនុស្សម្នាក់ៗនៅតែ ចង់មានសុខភាពល្អ ស្រស់ស្អាតក្មេងខ្ចី និងគ្មាននរណាម្នាក់...

សមាជិកគ្រួសារ មានជំងឺលើសឈាម គួរទទួលទានអាហារអ្វី?

ដោយ: ដាលីស 11 PM, Thursday, 24 Mar, 2016

វា​ជា​រឿង​ល្អ ​ដែល​អ្នក​បានដឹង​ពី​ប្រភេទ​អាហារ​ ដែល​ស័ក្តិសម​សម្រាប់​សមាជិក​ក្នុង​គ្រួសារ ជាពិសេស​ប្រសិនបើ​មាន​អ្នកណាម្នាក់​ មាន​ជំងឺ​ប្រចាំកាយ។ ខា...

អាថ៌កំបាំងទាំង 7 សម្រាប់សុខភាពដ៏ល្អឥតខ្ជោះ

ដោយ: ភារុន 11 AM, Monday, 03 Dec, 2018

បរិយាកាសការងារនាពេលបច្ចុប្បន្ននេះគឺជាហេតុផលចម្បងមួយដែលមនុស្សកាន់តែច្រើនឡើងៗ កំពុងតែដឹកនាំជីវិតមិនមានសុខភាពល្អនា។ ដូច្នេះដើម្បីជួយទប់ស្កាត់នូវបញ្ហាស...

តើអាហារត្រូវការរយៈពេលខុសគ្នាប៉ុន្មាន ដើម្បីរំលាយនៅក្នុងក្រពះ? នេះគឺជាអ្វីដែលអ្នកចាំបាច់ត្រូវដឹង!

ដោយ: ចរិយា 9 AM, Friday, 13 Sep, 2019

ផលប៉ះពាល់នៃការរំលាយអាហារ សម្រាប់អ្នកសម្រកទម្ងន់ គឺជារឿងសំខាន់ណាស់។ ជាការពិតណាស់ ពេលវេលារំលាយអាហារ គឺអាស្រ័យទៅលើ សុខភាពរាងកាយរបស់មនុស្សម្នាក់ៗ, ប្រព...

Tomnerb.Com - YouTube Channel