ចូលចិត្តទំនើប

ម្រុំ ឱសថទិព្វពីធម្មជាតិ ដ៏ចំពោះសុខភាព

ដោយ: រីកា 7 PM, Wednesday, 06 Apr, 2016

មិនដឹងថា​មាន​ប្រជាជន​ខ្មែរ​យើង ប៉ុន្មាន​នាក់​ទេ​ដែល​ធ្លាប់បាន​ស្គាល់ ឬ​បាន​ទទួលទាន​ស្លឹក​ម្រុំ​ ដែលជា​រុក្ខជាតិ​របស់​ខ្មែរ​យើង​ដែល​ត្រូវបាន​ដាំ​ដុះ​ តាំងពី​យូរយារ​ណាស់​មកហើយ។ ម្រុំ​គឺជា​បន្លែ​ខ្មែរ​យើង​ ដែល​អាច​យកទៅដាក់​នៅក្នុង​សម្លកកូរ​ដែលអ្នកណាៗ ក៏​ដឹងថា​វា​ជាស​ម្ល​បែប​ប្រពៃណី​របស់​ខ្មែរ​ ដែលមាន​រសជាតិ​ឆ្ងាញ់​ជាប់ចិត្ត​បំផុត។ ក្រៅពី​មាន​តួនាទី​ជា​ផ្នែក​មួយ​នៃ​បន្លែ​ចម្រុះ ​នៅក្នុង​សម្លកកូរ​ហើយ​នោះ​ម្រុំ​ នៅមាន​គុណប្រយោជន៍​ជាច្រើន​ រហូតដល់​មាន​អ្នកខ្លះ​និយាយថា ម្រុំ​ជា​ឱសថ​ទិព្វ​ពី​ធម្មជាតិ​ទៀតផង។ បើ​មិត្ត​អ្នកអាន​ទាំងអស់​ចង់ដឹងថា ម្រុំ​មានគុណ​ប្រយោជន៍​អ្វីខ្លះ​នោះ​ គឺ​មានតែ​តាមដាន​អត្ថបទ​ខាងក្រោម​នេះ​ទេ​ទើប​អាច​ជ្រាប​កាន់តែច្បាស់។

ការស្រាវជ្រាវ​បាន​រកឃើញថា ស្លឹក​ម្រុំ គឺជា​ឱសថ​ទិព្វ​ព្យាបាល​ជំងឺ​ជាច្រើន​ប្រភេទ។ ចំណែក​ឯកសារ​បរទេស​មួយចំនួន​បានបង្ហាញ​ថា ស្លឹក​ម្រុំ 100ក្រាម គឺមាន​ផ្ទុក​ទៅដោយ​សារធាតុសំខាន់ៗ ស្មើនឹង វីតាមីន C ច្រើនជាង​ផ្លែក្រូច 7ផ្លែ, កាល់ស្យូម ច្រើនជាង​ទឹកដោះគោ 4កែវ, ប្រូ​តេ​អី​ុ​ន​ច្រើនជាង​ទឹកដោះគោ​ជូ 2កែវ, វីតាមីន A ច្រើនជាង​ការ៉ុត 4ផ្លែ, ប៉ូ​តា​ស្យូ​ម (ច្រើនជាង​ផ្លែ​ចេក 3ផ្លែ) មាន​ជាតិ​ដែក ច្រើនជាង​ជាតិ​ដែក​នៅក្នុង​ស្ពៃ​ខ្មៅ 25ដង។ សារធាតុសំខាន់ៗ ដែលមាន​នៅក្នុង​ម្រុំ​អាចជួយ​ដល់​បញ្ហា​សុខភាព​មួយចំនួន​ដូចជា កាត់បន្ថយ​ជាតិ​ស្ករ ដែល​អាច​បណ្តាលឱ្យ​អ្នក​កើត​ជំងឺ​ទឹកនោមផ្អែម, កាត់បន្ថយ​ជាតិ​ខ្លាញ់ និង​ជាតិ​អាស៊ីត, កាត់បន្ថយ​ឱកាស​នៃ​ការកើត​ជំងឺ​សន្លាក់​ដៃជើង​ ជួយ​សម្រួល​ដល់​ការរំលាយ​អាហារ, ជួយ​សម្រួល​ជំងឺ​ក្រពះ ពោះវៀន ថ្លើម និង​ជំងឺលើសឈាម, ជួយ​បង្កើន​ការចងចាំ, កាត់បន្ថយ​ភាព​តានតឹង ធុញថប់ ជួយ​ឱ្យមាន​អារម្មណ៍ល្អ​ឡើងវិញ ជាពិសេស​ក៏​អាចជួយ​ឱ្យ​គេង​លក់​ស្រួល​ទៀតផង។

កង្វះ​ជាតិ​ដែក ធ្វើឱ្យ​កោសិកា​ឈាមក្រហម​ពិបាក ​ក្នុង​ការបញ្ជូន​អុកស៊ីសែន​ទៅឱ្យ​កោសិកា និង​សាច់ដុំ​ពេញ​ទាំង​រាងកាយ។ នៅពេលដែល​រាងកាយ​ខ្វះ​ជាតិ​ដែក នឹង​កើតមាន​អាការ​ល្ហិតល្ហៃ ស្លេកស្លាំង ឬ​ជ្រុះ​សក់​ជាដើម។ ចំណែកឯ​ប៉ូ​តា​ស្យូ​ម​ដែលមាន​នៅក្នុង​ស្លឹក​ម្រុំ​វិញ​មាន​នាទី​ជា​អ្នក​ជួយ​សម្រួល​សម្ពោធ​ឈាម សាច់ដុំ ខួរក្បាល តម្រងនោម ខ្វះ​ឈាមក្រហម រលាក​សន្លាក់ ទល់លាមក រាក ឈឺក្បាល រលាក​ក្រពះ ពោះវៀន ក្រួស​ក្នុង​តំរងនោម និង​ជំងឺ​មួយចំនួនផ្សេងៗទៀត។ លើសពីនេះ​វា​ក៏ត្រូវ​បាន​គេ​ប្រើ ដើម្បី​បង្កើន​ការបញ្ចេញ​ទឹកដោះ បង្កើន​សមត្ថភាព​ផ្លូវភេទ និង​ជួយ​ពង្រឹង​ប្រព័ន្ធ​ការពារ​រាងកាយ​ផងដែរ៕

Moringa-Health-04

Moringa-Health-03

Moringa-Health-01

អត្ថបទអ្នកចង់អាន

9 ចំណុច ដែលឪពុកម្តាយអាចធ្វើបាន ដើម្បីជួយកូនៗ ឱ្យឈប់គេងនោមដាក់គ្រែ

ដោយ: ភារុន 9 AM, Thursday, 23 May, 2019

នេះជារឿងធម្មតាទេ សម្រាប់ក្មេងតូចៗអាយុចន្លោះពី 4 ឆ្នាំទៅ 7ឆ្នាំ គឺនៅតែគេងនោមដាក់គ្រែនៅឡើយ។ យោងទៅតាមការសិក្សាស្រាវជ្រាវ ក្មេងតូចៗប្រហែលជា 15% នៅចន្លោ...

អាហារ ដែលពុំចាំបាច់ ដាក់ក្នុងទូរទឹកកក

ដោយ: ដួងច័ន្ទ 7 PM, Friday, 22 Dec, 2017

ក្នុងអំឡុងពេលឈប់សម្រាក ឬពេលបុណ្យទាន ទូរទឹកកករបស់អ្នកតែងតែពេញទៅដោយអាហារមែនទេ? ទំនើប ទើបនឹងរកឃើញអត្ថបទថ្មីមួយដែលបង្ហាញថា អាហារមួយចំនួនពុំចាំបាច់ដាក់ន...

តើនឹងមានអ្វីកើតឡើង ចំពោះរាងកាយរបស់អ្នក នៅពេលអ្នកញុំាម្រេចខ្មៅ ជារៀងរាល់ថ្ងៃ?

ដោយ: ភារុន 9 AM, Tuesday, 02 Apr, 2019

ការបរិភោគអាហារប្រចាំថ្ងៃ គឺជារឿងសំខាន់មួយសម្រាប់សុខភាព ពីព្រោះបើកាលណាអ្នកញុំាអាហារបានត្រឹមត្រូវ វានឹងអាចជួយពង្រឹងដល់ការអភិវឌ្ឍន៍រាងកាយបានល្អប្រសើរឡ...

វិធីតុបតែងក្រចក ដោយខ្លួនឯង

ដោយ: រីកា 9 PM, Tuesday, 22 Mar, 2016

មិនមែន​គ្រប់គ្នា​ សុទ្ធ​តែមាន​ពេលវេលាទៅធ្វើក្រចក ជាមួយជាងជំនាញនោះទេ ហើយក៏​មិនមែន​គ្រប់​ពេល ដែល​ចង់​ធ្វើឱ្យ​ក្រចក​មើលទៅ​ស្រស់ស្អាត ​គឺ​ត្រូវតែទៅ​សាឡ...

Tomnerb.Com - YouTube Channel