ចូលចិត្តទំនើប

ផលិតផលគ្រឿងសម្អាង 5 ប្រភេទ ដែលជាការបោកបញ្ឆោត

ដោយ: ដួងច័ន្ទ 10 PM, Tuesday, 02 May, 2017

សូមអានអត្ថបទនេះ មុនពេលអ្នកទិញផលិតផលគ្រឿងសម្អាង បើសិនជាអ្នកចង់សន្សំសំចៃថវិកា។

មនុស្សស្រីភាគច្រើន បានចំណាយថវិកាជាច្រើន លើផលិតផលគ្រឿងសម្អាងជាច្រើនប្រភេទខុសៗគ្នា ក្នុងក្តីសង្ឃឹមថាផលិតផលទាំងនោះ នឹងជួយថែរក្សាសុខភាពស្បែក និងសក់។ ដោយសារវាជា គំនិតល្អក្នុងការវិនិយោគលើខ្លួនអ្នក មានផលិតផលមួយចំនួននៅលើទីផ្សា ដែលមិនមានសមត្ថភាពដូចឈ្មោះរបស់វាទេ ហើយវាគ្រាន់តែជាឈ្មោះ សម្រាប់ទាក់ទាញប៉ុណ្ណោះ ដែលអ្នកគួរយល់ដឹង ជៀសវាងការភ័ន្តច្រលំ។ ខាងក្រោមនេះជាផលិតផល 5 ប្រភេទ ដែលអ្នកមិនគួរចំណាយថវិកាលើវាទេ។

  1. Fairness Creams

អ្នកប្រើប្រាស់បានឃើញកា រផ្សាយពាណិជ្ជកម្ម អំពីក្រែមធ្វើឱ្យស្បែកសស្អាត ដែលបញ្ជាក់ជួយធ្វើឱ្យស្បែកភ្លឺថ្លា ក្នុងរយៈពេលត្រឹមមួយសប្តាហ៍។ គ្មានផលិតផលគ្រឿងសម្អាងណា ដែលអាចធ្វើឱ្យ ស្បែករបស់អ្នកឱ្យមានភាពសស្អាត ជាងស្បែកធម្មជាតិរបស់អ្នកឡើយ។ អ្វីដែលអ្នកអាចធ្វើបានសម្រាប់ស្បែករបស់អ្នក គឺជៀសវាងពីពន្លឺព្រះអាទិត្យ ដោយគ្របដណ្តប់ស្បែករបស់អ្នកជាមួយសម្លៀកបំពាក់ ដែលអាចការពារស្បែករបស់អ្នកពីកាំរស្មី UV។ សូមកុំរំពឹងថាអ្នកអាចផ្លាស់ប្តូរពណ៌ស្បែករបស់អ្នក និងចង់ឃើញការផ្លាស់ប្តូរលើស្បែករបស់អ្នកឡើយ។

  1. ផលិតផលផ្តល់សំណើមជាមួយ SPF

នាពេលបច្ចុប្បន្ន ផលិតផលផ្តល់សំណើមជាច្រើន បានបញ្ជាក់ថាមានសមាសភាព 15-30 SPF និងរៀបរាប់ថា អ្នកមិនចាំបាច់ប្រើប្រាស់ផលិតផល ការពារកម្តៅថ្ងៃដាច់ដោយឡែកទេ។ ប៉ុន្តែវាមិន មានសមត្ថភាពអាចការពារស្បែករបស់អ្នក ពីផលប៉ះពាល់នៃកាំរស្មីUV បានទេ ព្រោះនៅក្នុងករណីភាគច្រើន នៅក្នុងផលិតផលប្រភេទទាំងនេះ អាចមានសមាសភាពទាបបំផុតត្រឹម 2 ប៉ុណ្ណោះ។ អ្នកគួរប្រើប្រាស់ថ្នាំ SPF ឬឡេការពារកម្តៅថ្ងៃជំនួសវិញ។ ផលិតផលផ្តល់សំណើមភាគច្រើន មានសារធាតុសង័្កសី និងទីតាញ៉ូមអុកស៊ីត ដែលមិនមានសមត្ថភាពសារធាតុ SPF ការពារបានគ្រប់គ្រាន់ឡើយ។

5-Make-Up-Tools-02

  1. សាប៊ូការពារសក់ជ្រុះ

ដូចជាសាប៊ូសម្អាតខ្លួន ដែលសម្អាតភាពកង្វក់ និងកិ្លនមិនល្អ សាប៊ូកក់សក់មានសមត្ថភាពដូចគ្នាចំពោះស្បែកក្បាលរបស់អ្នក ហើយវាគ្មានសមត្ថភាពជួយកាត់បន្ថយ បញ្ហាសក់ជ្រុះបានទេ។ ទោះបីជាសាប៊ូកក់សក់មានតម្លៃថ្លៃយ៉ាងណា ក៏គ្មានសារធាតុផ្សំដែលមានវីតាមីន ប្រូតេអ៊ីន និងជាតិរ៉ែ ដើម្បីពង្រឹងឬសសក់ឡើយ។ ឬសសក់របស់អ្នកស្ថិត នៅក្រោមស្បែកក្បាលរបស់អ្នក។ វាគ្មានប្រយោជន៍នោះទេក្នុងការប្រើប្រាស់វីតាមីន ឬប្រូតេអ៊ីននៅលើស្បែកក្បាល ពីព្រោះវាគ្មានអ្វីទាំងអស់ គ្រាន់តែជាស្រទាប់ស្បែក ហើយស្រទាប់ជាន់លើបង្អស់ នៃសក់បានងាប់ទៅហើយ។ វិធីប្រសើរនោះ គឺបន្ថែមសារធាតុទាំងនោះក្នុងរបបអាហារ ដើម្បីទទួលបានអត្ថប្រយោជន៍ទាំងនោះ។

5-Make-Up-Tools-03

  1. ផលិតផលខាត់ស្បែកមុខ

បើសិនជាផលិតផលខាត់ស្បែកមុខរបស់អ្នក បង្ហាញថាវាមានសមត្ថភាពជម្រុះមុនសាច់ និងមុនអង្កាម សូមកុំរំពឹងថា ទទួលបានផលក្នុងរយៈពេលយូរ។ ជាទូទៅ មុនក្បាលខ្មៅ និងមុនសាច់ ត្រូវ បានអ្នកជំនាញសើស្បែកហៅថា ជាមុនកម្រិតទីមួយ ហើយវាតែងតែចេញលើផ្ទៃមុខ នៅលើតំបន់ អក្សរ T ដែលមានរន្ធញើសជាតិខ្លាញ់ច្រើន។ ដោយសារមូលហេតុនេះ ផលិតផលខាត់ស្បែកមុខអាចមានលទ្ធផលត្រឹមមួយរយៈខ្លីប៉ុណ្ណោះ។ អ្នកនឹងកត់សម្គាល់ថា ចំនួនមុនក្បាលខ្មៅ ឬមុនសាច់នឹងត្រូវកាត់បន្ថយត្រឹមរយៈពេល 2 ឬ 3 ថ្ងៃប៉ុណ្ណោះ ហើយបន្ទាប់មកវានឹងកើតឡើងសារជាថ្មី។ លើសពីនេះទៀត អ្នកមិនអាចប្រើប្រាស់ផលិតផលខាត់មុខច្រើន ជាងម្តងក្នុងមួយសប្តាហ៍ឡើយ ដោយសារវាអាចប៉ះពាល់ដល់គុណភាពស្បែករបស់អ្នក។ ស្បែកមុខរបស់អ្នកមានលក្ខណៈស្តើង ដូចស្បែកទារក ហើយអ្នកគួរជៀសវាងការប្រើប្រាស់ផលិតផល ខាត់ស្បែកមុខញឹកញាប់។ វិធីសាស្រ្តល្អបំផុត គឺការញេចមុនដោយអ្នកជំនាញ ឬប្រើប្រាស់ឱសថស្របតាមវេជ្ជបញ្ជារ ដែលមានដូចជាក្រែមវីតាមីន A សម្រាប់ជម្រុះមុនក្នុងរយៈពេលវែង។

5-Make-Up-Tools-04

  1. ផលិតផលម្សៅទ្រនាប់

អ្នកជំនាញសើស្បែកបាននិយាយថា ផលិតផលម្សៅទ្រនាប់ ដូចជាម្សៅស្អិត និងក្រែម នឹងធ្វើឱ្យរន្ធញើសរបស់អ្នករួមតូច ដែលជាកត្តាបង្កឱ្យកើតមុន។ ជំនួសឱ្យការប្រើផលិតផលទាំងនេះ អ្នកគួរប្តូរទៅប្រើប្រាស់ឡេ ដែលជាជំនួយដល់ផលិតផលតុបតែងមុខ ដោយធ្វើការអានឱ្យបានច្បាស់ពីគ្រឿងផ្សំ និងការពិពណ៌នាអំពីផលិតផល មុនពេលសម្រេចចិត្តទិញផលិតផលទាំងនោះ។

5-Make-Up-Tools-05

ប្រភព: TheHealthSite ផ្នែក: បែបបទជីវិត, សម្រស់

អត្ថបទអ្នកចង់អាន

ពេលយប់មុនចូលគេង ត្រូវធ្វើអ្វីខ្លះ? មិនត្រូវធ្វើអ្វីខ្លះ?

ដោយ: ចរិយា 10 PM, Thursday, 29 Dec, 2016

១. ត្រូវដុសជើង ក្រៅពីងូតទឹកហើយ អ្នកគួរដុសសម្អាត ប្រអប់ជើងទាំងពីរ។ ការដុសសម្អាតជើង ដោយប្រើច្រាស់ដុសជើងប្រៀបដូចកា រម៉ាស្សាដែរ ដែលនេះអាចរំញោច ដល់សរសៃប...

អត្ថប្រយោជន៍ នៃការម៉ាស្សាប្រេង

ដោយ: ស៊ីវងីម 6 PM, Wednesday, 26 Aug, 2015

គោលសំខាន់នៃការម៉ាស្សា គឺការកាត់បន្ថយភាពនឿយហត់ ដែលអ្នកមាន ប៉ុន្តែមានអ្នកមួយចំនួនមានអារម្មណ៍រារែក ដោយសារតែយល់ថាការម៉ាស្សា គឺជាការយករាងកាយទៅបន្ថែមការឈ...

បន្ថូរបន្ថយ ភាពហត់នឿយ ដែលមិនអាចបំបាត់បានដោយការគេង

ដោយ: រីកា 11 PM, Sunday, 16 Aug, 2015

បន្ទាប់ពីបំពេញកិច្ចការងារផ្សេងៗ ពេញមួយថ្ងៃ ភាពហត់នឿយក៏ចូលមកដល់ មានអារម្មណ៍ថាពិតជាចង់គេង​សម្រាក​ឱ្យ​បាត់ហត់ខ្លាំងណាស់ ប៉ុន្តែអ្នកជឿទេថា ពេលខ្លះអារម្...

តិចនិចថែរក្សាសម្រស់ ជាមួយផ្លែត្រសក់

ដោយ: ដួងច័ន្ទ 8 PM, Monday, 19 Jun, 2017

ត្រសក់ គឺជាបន្លែដ៏អស្ចារ្យមួយប្រភេទ ដែលជួយក្នុងការទប់ទល់ជាមួយកម្តៅក្នុងរដូវក្តៅ។ ចំពោះសុខភាពសម្រស់ ផ្លែត្រសក់មានអត្ថប្រយោជន៍ដ៏អស្ចារ្យ ជាពិសេសចំពោះ...

Tomnerb.Com - YouTube Channel