ចូលចិត្តទំនើប

ផលប៉ះពាល់ ពេលទទួលទានថ្នាំ ពន្យារកំណើតបន្ទាន់

ដោយ: ស៊ីវងីម 5 PM, Tuesday, 14 Jul, 2015

ថ្នាំពន្យារកំណើតបន្ទាន់ គឺជាថ្នាំពន្យារកំណើតមួយប្រភេទ សម្រាប់ប្រើតែនៅក្នុង​ការពន្យារកំណើត​បែប​បន្ទាន់​ៗ​ប៉ុណ្ណោះ ដូចជា ក្នុងករណីត្រូវគេចាប់រំលោភ ស្រោមអនាម័យដាច់រហែក កងពន្យារកំណើតលិច ឬភ្លេចទទួលទាន​ថ្នាំ​គ្រាប់​​ពន្យារកំណើតបែបលេប ជាប្រចាំជាប់ៗ គ្នាលើស 2ថ្ងៃជាដើម។ ដូច្នេះយើងសូមនាំយកនូវ ចំណេះ​ដឹងថ្មីមួយ ​ដែល​ពាក់​ព័ន្ធនឹងផលប៉ះពាល់ ឬផលបន្ទាប់បន្សំ ក្រោយការលេបថ្នាំពន្យារកំណើតបន្ទាន់​ មកជម្រាបជូន ដើម្បី​ឱ្យ​នារីៗ​ដែលមិន​ទាន់​បានដឹងឱ្យបានជ្រាបដូចខាងក្រោម ៖

ដំបូងបង្អស់ត្រូវប្រាប់ឱ្យនារីៗ យើងបានស្គាល់ជាមុនសិនថា ក្នុងមួយបន្ទះរបស់ថ្នាំ ពន្យារកំណើតមានថ្នាំ 2គ្រាប់ ដែលក្នុងមួយគ្រាប់ៗ ប្រកបដោយសារធាតុថ្នាំ ដែលជាអ័រម៉ូនកម្រិតខ្ពស់ ហើយវិធីទទួលទានថ្នាំ ដែលត្រឹមត្រូវនោះគឺ ត្រូវ​លេ​បថ្នាំ​មួយ​គ្រាប់ដំបូង ឱ្យបានប្រញាប់បំផុត បន្ទាប់ពីមានភេទសម្ពន្ធ ដែលមិនបានការពារ ដោយមិនគួរ​ទុកឱ្យ​លើសពី​ 72ម៉ោងឡើយ បន្ទាប់​ពីនោះត្រូវទទួលទានថ្នាំគ្រាប់ទី 2 ក្រោយពីទទួលទានគ្រាប់ទីមួយ មិនលើសពី 12ម៉ោងរួចមក។ ផលប៉ះពាល់ ឬផល​បន្ទាប់​​បន្សំដែលតែងតែជួបញឹកញាប់ ដោយការប្រើថ្នាំពន្យារកំណើតបន្ទាន់នេះ ច្រើនតែជាអាការ​ដែល​មិនធ្ងន់ធ្ងរប៉ុន្មានទេ ដូចជា ចុកពោះ មានធ្លាក់ឈាមបន្តិចបន្តួច វដ្តរដូវមកលឿន ឬយឺតជាងប្រក្រតី ដែលអាការប៉ះ​ពាល់ទាំងនេះ មិនចាំ​បាច់ត្រូវ​ប្រើ​ថ្នាំ​ព្យាបាលទេ ព្រោះការទទួលទានថ្នាំពន្យារកំណើតបន្ទាន់នេះ ជាអំឡុង​ពេល​ដ៏ខ្លីមួយ​ប៉ុណ្ណោះ មិនបណ្តាលឱ្យ​មានគ្រោះ​ថ្នាក់​អ្វី​ទេ ហើយវានឹងបាត់ទៅវិញដោយឯកឯងជាមិនខាន។ ទោះជាថ្នាំពន្យារកំណើត​បន្ទាន់​ បានផ្តល់នូវផលប៉ះពាល់ខ្លះ ដល់នារី​យើង​ក៏​ដោយ តែថ្នាំពន្យារកំណើតបន្ទាន់នេះ ក៏នៅតែជាជម្រើសដ៏​ល្អរបស់នារី​ ដែល​មិន​ទាន់ចង់បានបុត្រដដែល ហើយនារី​យើង​ក៏តែងតែជ្រើសរើសវិធីពន្យារកំណើតនេះ ជាញឹកញាប់នៅពេលពួកគេ​មានការធ្វេស​ប្រហែស និងក្នុង​ករណីបន្ទាន់ណា​មួយ​ជាដើម។

តែចង់ដាស់តឿននារីៗទាំងឡាយថា ការប្រើថ្នាំពន្យារកំណើតបន្ទាន់នេះញឹកញាប់ អាចធ្វើឱ្យសំបុកស៊ុត និង​សាច់​​ភ្នាស​​ស្បូន​​​កើតភាពខុស​ប្រក្រ​តី រួមទាំងបង្កើនភាពប្រថុយប្រថាន ក្នុងការមានគភ៌ក្រៅស្បូនទៀតផង ដូច្នេះទើបការ​ប្រើថ្នាំនេះ​គួរ​ប្រើតែនៅ​​ពេលចាំបាច់ប៉ុណ្ណោះ និងមិនណែនាំឱ្យទទួលទានលើសពី 4គ្រាប់ ឬ 2បន្ទះក្នុងមួយខែឡើយ៕

BirthControl-02

អត្ថបទអ្នកចង់អាន

រឿងដែលអ្នកមិនគួរធ្វើ មុនពេលចូលគេង

ដោយ: រីកា 7 PM, Wednesday, 06 Apr, 2016

គេង​មិន​លក់ ​វា​អាច​បណ្តាលមកពី​កត្តា​ជាច្រើន ប៉ុន្តែ​ក្នុងនោះ ​ក៏មាន​ការរួមចំណែក​ពី​សកម្មភាព​មួយចំនួន របស់​អ្នក​ផងដែរ ដូច្នេះ​មានរឿង​មួយចំនួន ​ដែល​...

ប្រសូតមុនពេលកំណត់ ប្រថុយទាំងម្តាយ និងកូនក្នុងផ្ទៃ

ដោយ: រីកា 7 PM, Sunday, 15 May, 2016

តើ​ការតាំង​គភ៌​មួយដង​ប្រើ​ពេលវេលា​យូរ​ប៉ុនណា?  មនុស្ស​ជាច្រើន​ប្រហែលជា​ឆ្លើយថា 9ខែ​មិន​ខាន តែ​នៅក្នុង​ផ្នែក​វេជ្ជសាស្ត្រ​វិញ នឹង​រាប់​ជា​សប្តាហ៍ គឺ...

6 ចំណុចដែលអ្នកមិនគួរធ្វើនៅពេលនឿយហត់

ដោយ: ដួងច័ន្ទ 9 AM, Thursday, 12 Jul, 2018

អ្នកស្រាវជ្រាវជាច្រើនបានស្វែងរកឃើញថា ការមិនបានគេង ឬសម្រាករយៈពេល 17 ម៉ោងពេញ នឹងធ្វើឱ្យសមត្ថភាពនៃការគិត ការសិក្សា និងការអនុវត្តការងារ ដែលទាមទារឱ្យម...

ដំណាក់កាលសំខាន់ៗ 3យ៉ាង ដើម្បីគេចឱ្យផុតពីបញ្ហាធ្មេញ

ដោយ: រីកា 10 PM, Sunday, 08 May, 2016

ថែរក្សា​ធ្មេញ ​ឱ្យបាន​ល្អ​នឹង​ជួយ​ឱ្យ​ការរស់នៅ​កាន់តែ​ប្រសើរ សុខភាព​ល្អ អស់​កង្វល់​រឿង​ឈឺធ្មេញ។ ដើម្បី​រក្សា​ធ្មេញ​ឱ្យមាន​សុខភាព​ល្អជា​ប់​ជានិច្ច អ...

Tomnerb.Com - YouTube Channel