ចូលចិត្តទំនើប

តើទឹកដោះគោ ធ្វើឱ្យកើតមុនមែនទេ?

ដោយ: ដួងច័ន្ទ 10 PM, Thursday, 26 Oct, 2017

បើសិនជាអ្នកមានបញ្ហាជាមួយមុន អ្នកពិតជាយល់ច្បាស់ពីផលវិបាករបស់វា ដែលអ្នកបានជួបប្រទះ ហើយអ្នកពិតជាចង់ស្វែងយល់ ពីមូលហេតុនៃការកើតមុន និងដំណោះស្រាយ។
ខណៈពេលដែល មុន កើតឡើយដោយសារកត្តាជាច្រើន ក្នុងនោះសារធាតុទឹកដោះគោ ក៏ជាកត្តាជម្រុញមួយផងដែរ។ ទឹកដោះគោ គឺជាផលិតផលមួយប្រភេទ ដែលមានល្អបំផុតសម្រាប់ឆ្អឹង ប៉ុន្តែ ពេលសម្តៅដល់ការថែរក្សាស្បែក មិនឱ្យកើតមុន តើការបញ្ឈប់ការទទួលទានទឹកដោះគោអាចជា ដំណោះស្រាយឬទេ?
ទំនើប ទទួលបានចម្លើយពីអ្នកជំនាញ មកផ្តល់ជូនអ្នក!
សារជាតិអ័រម៉ូននៅក្នុងទឹកដោះគោ ដែលចម្រាញ់ចេញពីសត្វគោ អាចជម្រុញការផលិតជាតិខ្លាញ់ នៅក្នុងរន្ធញើស និងក្រពេញខ្លាញ់ នៅលើស្បែក ដែលជាកត្តាបង្កឱ្យកើតមុន។ ដូច្នេះមិនថាអ្នក ទទួលទានទឹកដោះគោសរីរាង្គ ឬមិនមែន ផលិតផលទឹកដោះគោទាំងនោះ សុទ្ធសឹងមានផ្ទុកសារ ជាតិអ័រម៉ូននោះ ដែលអាចបង្កឱ្យកើតមុន។

Dairy-and-acne_health_news_cambodia_tomnerb-01
បន្ថែមលើនេះទៀត ទឹកដោះគោមានផ្ទុកសារធាតិខ្លាញ់ និងស្ករយ៉ាងច្រើន ដែលអាចបង្កជាបញ្ហា មុនដូចគ្នា។ សារធាតិឡាក់តូស (Lactose) នៅក្នុងទឹកដោះគោ ក៏មានទំនាក់ទំនងជាមួយការបង្កជាបញ្ហាប្រតិកម្មនៅលើស្បែក សម្រាប់មនុស្សមួយចំនួនផងដែរ។ ទឹកដោះគោក៏មានផ្ទុកសារធាតុប្រូតេអ៊ីន Whey និង Casein ដែលអាចបង្កជាបញ្ហារលាករោលនៅលើស្បែកផងដែរ។
អ្នកដែលមានបញ្ហាកើតមុន មិនថាលើមុខ ឬលើដងខ្លួន ពិតជាធ្លាប់សាកល្បងវិធីសាស្រ្តជាច្រើន ដើម្បីព្យាបាល ប៉ុន្តែពួកគេពិតជាមិនបានដឹងថា ទឹកដោះគោ អាចជាមូលហេតុនៅពីក្រោយបញ្ហា មុនដ៏គួរឱ្យស្អប់នេះ។
បើសិនជាអ្នកសង្ស័យថាបញ្ហាមុន ដែលអ្នកកំពុងជួបប្រទះ បង្កឡើងដោយសារទឹកដោះគោ វិធីសាស្រ្តល្អបំផុត គឺកាត់បន្ថយបរិមាណនៃការទទួលទឹកដោះគោ និងរងចាំមើលលទ្ធផល ថាតើមុន នៅលើមុខ ឬខ្លួនរបស់អ្នកបានប្រសើរឡើងឬទេ។ ប៉ុន្តែអ្នកត្រូវចងចាំថា រន្ធញើសត្រូវការពេលប្រមាណ 1 ទៅ 2 ខែ ទើបកើតមានបញ្ហាស្ទះរន្ធញើស និងរលាករោលដែលបង្កជាមុន ដូច្នេះវាក៏ ត្រូវការពេលមួយរយៈ សម្រាប់ឱ្យស្បែកមុខរបស់អ្នកជាសះពីមុនផងដែរ។
បើសិនជាការកាត់បន្ថយបរិមាណនៃការទទួលទានទឹកដោះគោមានប្រសិទ្ធភាព ហើយអ្នកនៅតែចង់រក្សាការញ៉ាំទឹកដោះគោ នៅក្នុងរបបអាហាររបស់អ្នក អ្នកគួរទទួលទានវាក្នុងកម្រិតល្មមសមស្រប ឬសាកល្បងទទួលទានជម្រើសផ្សេង ដូចជាទឹកដោះគោជូរ ជំនួសវិញ។
ដូចដែលអ្នកបានដឹងស្រាប់ហើយ បើសិនជាអ្នកបញ្ឈប់ការទទួលទានទឹកដោះគោ អ្នកនឹងបាត់បង់បរិមាណសារជាតិកាល់ស្យូមនៅក្នុងខ្លួន ដូច្នេះអ្នកអាចសាកល្បងទទួលអាហារផ្សេង ដែលសំបូរជាតិកាល់ស្យូម ជំនួសទឹកដោះគោ ដូចជា Broccoli បន្លែបៃតង និងគ្រាប់ល្ង ជាដើម។

Dairy-and-acne_health_news_cambodia_tomnerb-03

ប្រភព: thehealthsite ផ្នែក: បែបបទជីវិត, សុខភាព, សម្រស់

អត្ថបទអ្នកចង់អាន

ចំណុចល្អទាំង 6 ពេលអ្នកឈប់ទទួលទាន ជាតិអាល់កុល

ដោយ: ដួងច័ន្ទ 10 PM, Tuesday, 03 Oct, 2017

ការទទួលទានស្រា មួយកែវរៀងរាល់ថ្ងៃរបស់អ្នក ប្រហែលជាប្រែទៅជា 2 ឬ 3 កែវ ឬអ្នកអាចនឹងញ៉ាំ ស្រាបៀរកាន់តែច្រើនរហូតជ្រុល និងមានបំណងចង់កែលម្អវាឡើងវិញ។ការផ្តា...

ទម្លាប់ 10 យ៉ាងដ៏សាមញ្ញ តែអាចបំផ្លាញក្រលៀនរបស់អ្នកបាន ដោយមិនដឹងខ្លួន!

ដោយ: ចរិយា 10 AM, Saturday, 21 Sep, 2019

ក្រលៀន ដើរតួនាទីយ៉ាងសំខាន់ ក្នុងការធ្វើឱ្យរាងកាយរបស់អ្នកមានសុខភាពល្អបំផុត ហើយវាជួយផលិតកោសិកាឈាមក្រហម គ្រប់គ្រងសម្ពាធឈាម បន្សាបជាតិពុល នៅក្នុងសរីរាង...

អាការរបស់កូនតូច ដែលត្រូវនាំទៅ មន្ទីរពេទ្យភ្លាម!

ដោយ: វិរីយា៉ 9 PM, Monday, 04 Apr, 2016

មិនថាអាការនេះ នឹងកើតឡើងចំពោះកូនតូច ឬកូនធំនោះទេ លោកឪពុកអ្នកម្តាយ ត្រូវចេះសង្កេតមើលថា តើខុស​ប្រក្រតីដែរឬទេ? ហើយអាការបែបណា ដែលត្រូវនាំកូនទៅមន្ទីរពេទ្យ...

វិធីកម្ចាត់អង្គែ តាមបែបធម្មជាតិ

ដោយ: ស៊ីវងីម 10 PM, Friday, 05 Jun, 2015

ការមានអង្គែលើក្បាល មិនត្រឹមតែធ្វើឲ្យអ្នកបាត់បង់សម្រស់នោះទេ តែក៏អាចធ្វើឲ្យអ្នកបាត់បង់ជំនឿចិត្តលើខ្លួនឯងផងដែរ។ វាជារឿងគួរឲ្យអៀនខ្មាស់ណាស់ ប្រសិនបើកំទ...

Tomnerb.Com - YouTube Channel