ចូលចិត្តទំនើប

ដល់ខែធ្លាក់ខ្យល់ហើយ! នាំគ្នាប្រយ័ត្ន កើតជម្ងឺ ពងបែកក្នុងមាត់

ដោយ: ភារុន 9 AM, Thursday, 03 Jan, 2019

ជម្ងឺពងបែកក្នុងមាត់ ជាជម្ងឺមួយដែលមិនអាចធ្វើការសន្និដ្ឋានបាន ពីមូលហេតុពិតប្រាកដ ថាតើជម្ងឺនេះ កើតឡើងដោយសារមូលហេតុអ្វីខ្លះនោះទេ។ ជម្ងឺនេះ កើតឡើងជាញឹកញាប់ហើយជាសះស្បើយទៅវិញដោយឯកឯង ដោយមិនចាំបាច់ព្យាបាលឡើយ។ ជាពិសេសវាកើតមាននៅរដូវធ្លាក់ខ្យល់នេះ អ្នកដែលកើតពងបែកក្នុងមាត់ គឺបណ្តាលឲ្យមានការឈឺចាប់នៅក្នុងមាត់ និងពិបាកក្នុងការទទួលទានអាហារ។ ការកើតជម្ងឺពងបែកក្នុងមាត់ ដំបូងគឺមានពងទឹកតូច ឬ ធំ ទៅតាមសណ្ឋាននីមួយៗ បន្ទាប់ពីពងទឹកបានបែកធ្លាយចេញទឹក រួចក្លាយទៅជាដំបៅរលាកសើស្បែក ដែលស៊ីស្បែក រាក់ ឬ ជ្រៅ ទៅតាមកម្រិតខ្លាំង ឬ ខ្សោយរបស់វា នៅក្នុងមាត់ ហើយក៏បង្កទៅជា ជម្ងឺពងបែកមាត់នេះតែម្តង។ ដូច្នេះប្រិយមិត្ត គួរស្វែងយល់ខ្លះៗអំពី ជម្ងឺពងបែកក្នុងមាត់ ជាមួយនឹង ទំនើប ទាំងអស់គ្នា ដែលមាននៅក្នុងអត្ថបទដូចខាងក្រោមនេះ៖
ផលប៉ះពាល់នៃ ជម្ងឺពងបែកក្នុងមាត់
ជំងឺពងបែកក្នុងមាត់ ធ្វើឱ្យយើងមានការឈឺចាប់នៅក្នុងមាត់ ពិបាកនៅក្នុងការទំពារចំណីអាហារ នៅពេលទំពារអាហារមិនបានម៉ត់ល្អ អាចធ្វើឱ្យក្រពះរលាក ដោយសារក្រពះពិបាកក្នុងការកិនរំលាយអាហារមិនម៉ត់នេះ។ ចំណែកឯពោះវៀន ដែលត្រូវស្រូបសារធាតុទៅចិញ្ចឹមសរីរាង្គ ក៏មិនអាចធ្វើការបានល្អផងដែរ។

ការព្យាបាល ជម្ងឺពងបែកក្នុងមាត់
គេមិនអាចព្យាបាល ជម្ងឺពងបែកក្នុងមាត់ ឲ្យជាដាច់នោះទេ មូលហេតុដោយសារតែជម្ងឺនេះ វាកើតឡើងជាញឹកញាប់ និងជាសះស្បើយទៅវិញដោយឯកឯង។ ក៏ប៉ុន្តែគេអាចព្យាបាលវាបណ្តោះអាសន្ន ដូចជាក្នុងករណីមានពងបែកក្នុងមាត់ មានទំហំធំរួមផ្សំ នឹងមានការឈឺចាប់ខ្លាំង យើងត្រូវប្រើឱសថដើម្បីបំបាត់ការឈឺចាប់ ដោយយកថ្នាំពងបែកមាត់ មកលាបត្រង់ចំណុចពងបែកតែម្តង។ ដោយឡែកចំពោះ អ្នកដែលមាន ជម្ងឺពងបែកក្នុងមាត់ ទំហំតូច ឬ មានការឈឺចាប់តិចៗ អ្នកគ្រាន់តែប្រើថ្នាំខ្ពុលមាត់ណា ដែលមានជាតិថ្នាំបំបាត់ការឈឺចាប់ មកខ្ពុលមាត់រាល់ពេលមានជម្ងឺ ខ្ពុលតែពីរ-បីដង នឹងអាចជាសះស្បើយបានឆាប់រហ័ស។

ទោះបីជាជម្ងឺពងបែកក្នុងមាត់ ជាជម្ងឺមួយមានកម្រិតស្រាល ដែលកើតហើយបាត់ៗ និងជាសះស្បើយទៅវិញដោយខ្លួនឯងក៏ដោយ អ្នកក៏មិនត្រូវធ្វេសប្រហែសក្នុងការព្យាបាលជម្ងឺនេះដែរ។ ពីព្រោះ ពងទឹកខ្លះ អាចស៊ីស្បែក ជ្រៅទៅៗ បន្តិចម្តងៗ រហូតធ្វើឲ្យមានដំបៅដល់ស្បែកស្រទាប់ខាងក្នុងរបស់មាត់ ហើយពេលខ្លះ វាមិនព្រមជាសះស្បើយដោយឯកឯងនោះ វាក៏អាចបណ្តាលឲ្យមានគ្រោះថ្នាក់ដល់ជីវិតយើងផងដែរ។ ដូចនេះ អ្នកមានជម្ងឺនេះ គួរទៅជួបជាមួយគ្រូពេទ្យដែលមានឯកទេស ដើម្បីព្យាបាលឲ្យបានទាន់ពេលវេលា៕

អត្ថបទអ្នកចង់អាន

តើផ្លែប៉ោម មានប្រយោជន៍ ចំពពោះក្មេងតូចដូចម្តេចខ្លះ?

ដោយ: រីកា 1 PM, Thursday, 12 May, 2016

ផ្លែ​ប៉ោម ​មានគុណ​សម្បត្តិ​ក្នុងការ​ព្យាបាល​ដ៏​ល្អ អាចជួយ​សម្រាល​អាការ​ឈឺ​ថ្កាត់ ដូចជា អាការ​ក្អក, រោគ​ក្រពះ, រោគ​ពាក់ព័ន្ធ​នឹង​ធ្មេញ និង​អាការ​រាក...

វិធី 6យ៉ាង ពិនិត្យមើលវិវឌ្ឍនាការរបស់កូន ពីវ័យ 0-24ខែ ថាតើត្រូវតាមវ័យឬទេ?

ដោយ: រីកា 10 PM, Friday, 01 Apr, 2016

ទារក ​ទើបនឹង​កើត​អាច​នឹងធ្វើ​អ្វី​បាន​ មិន​ច្រើន​ប៉ុន្មាន​ទេ​ក្នុងអំឡុងពេល​កើត​ដំបូង តែ​នៅពេល​កន្លងទៅ 1-2ខែ នឹង​ចាប់ផ្តើម​មាន​វិវឌ្ឍនាការ​មួយចំនួន​...

3 វិធីងាយៗ ក្នុងការសង្កេតសញ្ញារោគចង្រៃដោយខ្លួនឯង

ដោយ: រីកា 1 PM, Tuesday, 10 May, 2016

ដោយ​ស្ថានភាព​បច្ចុប្បន្ន​ត្រូវ​ប្រឈម​ជាមួយ​ខ្យល់អាកាស​ពុល ដែល​ចាំតែ​ធ្វើបាប​សុខភាព​ទាំង​រាងកាយ និង​ផ្លូវចិត្ត រហូត​នាំទៅរក​សភាព​រាងកាយ​ដែល​ធ្លាក់ចុ...

តើនឹងមានអ្វីកើតឡើង ប្រសិនបើអ្នកបរិភោគជាតិអំបិលច្រើនពេក?

ដោយ: ភារុន 10 AM, Saturday, 01 Dec, 2018

អំបិលគឺមានសារៈសំខាន់ណាស់ចំពោះប្រវត្តិសាស្រ្តពិភពលោក និង មានប្រយោជន៍ដល់ការថែរក្សាសាច់ឱ្យទុកបានចូល។ អំបិលក៏មានសារៈសំខាន់ផងដែរចំពោះដំណើរការប្រព័ន្ធរាង...

Tomnerb.Com - YouTube Channel