ចូលចិត្តទំនើប

ដកធ្មេញ មានទាំងល្អ និងមិនល្អ បើធ្វើមិនបានត្រឹមត្រូវ

ដោយ: វិរីយា៉ 9 PM, Tuesday, 03 Nov, 2015

សម្រាប់កុមារវ័យតូចៗ ប្រហែលជាត្រូវដកធ្មេញទៅតាមពេលវេលា ដែលសមស្របសម្រាប់ពួកគេ ប៉ុន្តែសម្រាប់​អ្នក​ដែល​មានវ័យច្រើនហើយនោះ ការដកធ្មេញអាចនឹងត្រូវធ្វើក្នុងករណី ដែលធ្មេញមានបញ្ហាតែប៉ុណ្ណោះ។​ ការដកធ្មេញមាន​ទាំង​គុណសម្បត្តិ និងគុណវិបត្តិសម្រាប់អ្នក ហើយបើចង់ដឹងច្បាស់ពីគុណសម្បត្តិ និងគុណវិបត្តិអ្វីខ្លះអំពីការដកធ្មេញនោះ​ សូម​អាន​អត្ថបទខាងក្រោម៖

ការដក​ធ្មេញ​ចែកចេញ​ជា​ពីរ​ដំណាក់កាល គឺ​ការដក​ធ្មេញ​ទឹកដោះ និង​ការដក​ធ្មេញ​ស្រុក​។​

  • ការដក​ធ្មេញទឹកដោះ​ ៈ មានន័យ​ថា​ដក​ធ្មេញ​កុមារ ​ដែល​មាន​អាយុ​ចាប់ពី​ 6ឆ្នាំ ព្រោះ​វ័យ​នេះ​ធ្មេញទឹកដោះ​របស់​កុមារ​នឹង​ត្រូវ​ផ្លាស់ប្ដូរ​មក​ជា​ធ្មេញ​ស្រុក​វិញ​។ ឯ​ការដក​ធ្មេញទឹក​ដោះ​​នេះ ត្រូវធ្វើ​ទៅតាម​អាយុ​របស់​​មនុស្ស ដូចជា​ ធ្មេញ​​មុខ​​ក្រោម​​ត្រូវ​ដក​នៅ​អាយុ​6​ឆ្នាំ និង​ធ្មេញ​មុខ​លើ​ត្រូវ​ដក​នៅ​អាយុ​ 8​ឆ្នាំ​។ ចំពោះ​ធ្មេញ​ដទៃទៀត គួរតែ​ដក និង​ពិនិត្យ​មើល​​ទៅ​តាម​លេខ​រៀង​ ប្រការ​ចាំ​បាច់​​គួរឱ្យ​គ្រូពេទ្យ​ពិនិត្យ​ នៅ​ពេល​​កុមារ​មាន​អាយុ 6ឆ្នាំ​។​
  • ការដក​ធ្មេញ​ស្រុក​ ៈ ចំពោះ​បញ្ហា​ធ្មេញ​ស្រុក​នេះ​ មិនមាន​អ្វី​ចាំបាច់​ត្រូវ​ដក​នោះទេ ប្រសិនបើ​ធ្មេញ​ទាំងនោះ​គ្មាន​បញ្ហា​ដូចជា​ ដង្កូវ​​ស៊ី​ធ្មេញ ពុកធ្មេញ ធ្មេញប្រហោង ធ្មេញខូច ឬធ្មេញ​មាន​ឬ​ស​មិនល្អនោះ។​

​គុណ​សម្បត្ដិ​ នៃ​ការដក​ធ្មេញ​

​មានគុណ​សម្បត្ដិ​ច្រើន ​ចំពោះ​ការដក​ធ្មេញ​ទឹកដោះ ព្រោះ​ការដក​ធ្មេញទឹកដោះ​បាន​ត្រឹមត្រូវ​ នឹង​ធ្វើឱ្យ​ធ្មេញ​ស្រុក​ដុះ​បានល្អ និង​មាន​សោភ័ណភាព​ស្រស់ស្អាត ព្រមទាំង​ទទួលបាន​នូវ​ធ្មេញ​​ ដែល​មាន​សុខភាព​ល្អ​ថែមទៀត​ផង ជាពិសេស​មិន​ចាំបាច់​ចំណាយ​ថវិកា​ក្នុង​ការដាក់​ធ្មេញ​នោះឡើយ​។ ដោយឡែក​ចំពោះ​ការដក​ធ្មេញ​ស្រុក​វិញ ក៏​ផ្ដល់​ជា​គុណ​សម្បត្ដិ​ច្រើន​ដែរ ប្រសិនបើ​ធ្មេញ​ដែល​ត្រូវ​ដក​នោះ ជា​ធ្មេញ​ខូច មាន​របួស​ដែល​អាច​នាំឱ្យ​មាន​ផល​ប៉ះពាល់​ ដល់សុខភាព​ធ្មេញដទៃ និងសុខភាពរាងកាយ​ទាំង​មូល។​

​គុណ​វិបត្ដិ​ នៃ​ការដក​ធ្មេញ​

​ការដក​ធ្មេញ​អាច​ផ្ដល់​ជា​គុណ​វិបត្ដិ ប្រសិនបើ​ការដក​ធ្មេញ​នោះ​ប្រព្រឹត្ដិទៅ​ដោយ​មិន​ត្រឹមត្រូវ​តាម​អាយុកាល ជាពិសេស​ចំពោះ​ធ្មេញ​ទឹកដោះ​។ ការដក​ធ្មេញ​មុន​អាយុ​បាន​ផ្ដល់​នូវ​ផលប៉ះពាល់​មួយចំនួន ដូចជា​ ធ្វើឱ្យ​ធ្មេញ​ដុះ​មក​ធំ មិន​ត្រង់​ជួរ ជួនកាល​ធ្មេញ​​ដុះ​ថ្មី ឬ​ធ្មេញ​ស្រុក​មាន​លក្ខណៈ​វៀច​ជាដើម​។

ចំពោះ​ការដក​ធ្មេញ​ស្រុក​វិញ ​ក៏​ដូច​នោះដែរ ព្រោះ​ថា​ការដក​ធ្មេញ​ដោយ​មិន​បាន​ប្រុងប្រយ័ត្ន ឬដក់​ឬ​ស​ធ្មេញ​មិនបានល្អនឹង​ធ្វើ​ឱ្យ​​លោកអ្នក​កាន់តែ​មាន​ការ​ឈឺចាប់​។ អ្វី​ដែល​កាន់តែ​គួរប្រុងប្រយ័ត្នទៅទៀតនោះ គឺ​ការដក​ធ្មេញ​(​ធ្មេញ​ស្រុក​)​អាច​ធ្វើឱ្យ​មុខ​របស់​អ្នក​ផ​ត​បាត់​បង់​ភាព​​ស្រស់​ស្អាត ហើយ​មើលទៅ​ឃើញ​ចាស់​មុន​អាយុ​ថែមទៀត​ផង​។​

​រឿងមួយទៀតអំពីការដកធ្មេញនោះ គឺការប្រើ​ប្រាស់​​ថ្នាំស្ពឹក​បន្ថយ​ការឈឺចាប់ នៅក្នុង​អំឡុងពេលដក​ធ្មេញ​ក៏មាន​ផល​ប៉ះពាល់​ដែរ ប្រសិនបើ​ការដាក់ថ្នាំមិន​បាន​ត្រឹមត្រូវ​ ព្រោះវា​អាច​ធ្វើឱ្យ​រលាក​អញ្ចាញ​ធ្មេញរបស់អ្នក​។ ជា​ពិសេស​បំផុត​នោះ ​ការដក​ធ្មេញ​មិន​បាន​ត្រឹមត្រូវ និង​មិន​មាន​អនាម័យ​ជា​ឱកាស​នៃ​ការឆ្លងមេរោគ​​ផ្សេងៗ​ ដូច្នេះប្រសិនបើអ្នកកំពុងគិតដល់ការដកធ្មេញនោះ សូមស្វែងរកទីកន្លែងដែលល្អ មានគុណភាពនិងអនាម័យខ្ពស់ និងពិសេសជាទន្តពេទ្យដែលមានជំនាញយ៉ាងពិតប្រាកដ៕​

do_you_cause_childs_cavities-02

អត្ថបទអ្នកចង់អាន

អត្ថប្រយោជន៍ នៃការទទួលទានខ្លាញ់ត្រី ជារៀងរាល់ថ្ងៃ

ដោយ: ដួងច័ន្ទ 9 PM, Friday, 05 Jan, 2018

ផលិតផលអាហារជាច្រើនរាប់ពាន់មុខ ដែលមានវត្តមាននៅក្នុងទីផ្សារបច្ចុប្បន្ន សន្យាផ្តល់ឱ្យអ្នកនូវ សុខភាពរឹងមាំ ប៉ុន្តែមានតែផលិតផលមួយចំនួនតូចប៉ុណ្ណោះ ដែលផ្ត...

តើទឹកអំបិល ពិតជាមានប្រសិទ្ធភាព ក្នុងការលាងសម្អាតមាត់ធ្មេញ?

ដោយ: ភារុន 8 AM, Wednesday, 19 Jun, 2019

ជាធម្មតា ម្តាយរបស់អ្នកតែងប្រាប់អ្នកឱ្យខ្ពុះមាត់ជាមួយទឹកអំបិល នៅពេលអ្នកឈឺធ្មេញ ដើម្បីកាត់បន្ថយការឈឺចាប់។ ហើយគ្រូពេទ្យធ្មេញ ក៏បានណែនាំឱ្យអ្នកខ្ពុះមាត...

តើថ្នាំដុស ធ្មេញ ពិតជាធ្វើឱ្យបបូរមាត់ប្រេះ ក្រៀម មែនទេ?

ដោយ: ដួងច័ន្ទ 1 PM, Tuesday, 31 Jan, 2017

ចម្លើយនៃសំនួរអំពីឬសគល់ នៃបញ្ហាបបូរមាត់ស្ងួតប្រេះ ពេលខ្លះពិតជាពិបាកនឹងស្វែងរក។ តើបញ្ហានេះបណ្តាលមកពីអាកាសធាតុ ក្នុងរដូវរងា? ឬ ក្រែមលាបបបូរមាត់ ដែលអ្ន...

តោះ! មកដឹង ការផ្លាស់ប្តូរខ្លាំងទាំង 7 ដែលកើតឡើងនៅក្នុងខ្លួនប្រាណរបស់អ្នក នៅពេលញុំាច្រើនពេក

ដោយ: ភារុន 8 AM, Wednesday, 03 Jul, 2019

ទោះបីជា មានមនុស្សភាគច្រើន មិនបានដឹងអំពីការផ្លាស់ប្តូរទាំងនេះក្តី ប៉ុន្តែការញុំាអាហារច្រើន គឺជាបញ្ហានៃការញុំាអាហារទូទៅបំផុតចំពោះមនុស្សពេញវ័យឡើយ។ ហើយ...

Tomnerb.Com - YouTube Channel