ចូលចិត្តទំនើប

ឈឺជង្គង់ ត្រូវព្យាបាល ឱ្យបានទាន់ពេលវេលា

ដោយ: ដាលីស 7 PM, Monday, 13 Jul, 2015

អាការឈឺសន្លាក់ជង្គង់ អាចទុកថាជាជំងឺ ដែលបង្កមកនូវការពិបាកច្រើន ជាពិសេសទាក់ទងទៅនឹងសកម្មភាព​ប្រចាំ​ថ្ងៃ។ នៅពេលដែលជួបបញ្ហានេះភ្លាម អ្នកចាំបាច់ត្រូវតែស្វែងរកវិធីព្យាបាលឱ្យបានឆាប់ ហើយវិធីនៃការព្យាបាល ​ចំពោះការ​ឈឺ​ចាប់​នេះ​គឺអាស្រ័យទៅតាមប្រភេទនៃរបួស។ ដើម្បីបង្កើនល្បឿននៃការព្យាបាល អ្នកគួរអនុវត្តតាមវិធីសាស្រ្តមួយ​ចំនួន ដើម្បីជា​ជំនួយដូចខាងក្រោមនេះ។

ផ្តល់ការសម្រាក ៈ​ ផ្អាកសកម្មភាពមួយចំនួន 2 – 3ថ្ងៃសិន​ ហើយត្រូវចៀសវាងសកម្មភាពណា ដែលប្រើកម្លាំងខ្លាំង។

ស្អំជង្គង់ដោយទឹកកក ៈ វិធីនេះត្រូវបានអនុវត្ត ដើម្បីកាត់បន្ថយការឈឺចាប់ និងអាការហើម។ ធ្វើបែបនេះ 20 – 30នាទី រាល់ 3 -4​ម៉ោង​ម្តង ក្នុងរយៈពេល 2 – 3ថ្ងៃ ឬរហូតដល់អ្នកមានអារម្មណ៍ថា ការឈឺចាប់ត្រូវបានរសាយ។

ដាក់ជង្គង់នៅលើខ្នើយ ៈ នៅពេលដែលអ្នកអង្គុយ ឬទម្រេតខ្លួន គឺវាអាចជួយកាត់បន្ថយអាការហើម នៃជើងរបស់អ្នកបាន។

ប្រើឱសថបំបាត់ការឈឺចាប់ ៈ ការប្រើឱសថតែងត្រូវបានអនុវត្ត បន្ទាប់ពីទទួលបានវេជ្ជបញ្ជាពីគ្រូពេទ្យជំនាញ។

សង្កត់ ឬរុំជង្គង់របស់អ្នកឱ្យណែនល្អ ៈ ប្រើបង់រុំរបួស (Compress) ឬក្រណាត់ស្អាតក៏បាន មករុំពីលើជង្គង់របស់អ្នក ដើម្បី​កាត់​បន្ថយការហើម ឬបន្ថែមការជួយទ្រទ្រង់ជើងរបស់អ្នកបានល្អ។

KneePain-02

KneePain-01

ធ្វើយ៉ាងណាទើបដឹងថា ជង្គង់របស់អ្នក មានភាពប្រសើរជាងមុន?

បន្ទាប់ពីបានព្យាបាលរួចហើយ សូមកុំប្រញាប់បន្តសកម្មភាពចាស់របស់អ្នកអី ត្រូវរង់ចាំរហូតដល់៖

  • អ្នកមានអារម្មណ៍ថា មិនមានការឈឺចាប់ត្រង់សន្លាក់ជង្គង់ នៅពេលដែលបត់ ពត់ ឬដាក់វាឱ្យត្រង់
  • មិនឈឺនៅពេលដើរ រត់ត្រឹកៗ ឬលោត
  • មានអារម្មណ៍ថា ជង្គង់រ​បស់អ្នកខ្លាំងដូចធម្មតាវិញហើយ

KneePain-04

តើអ្នកអាចការពារ ការឈឺជង្គង់ បានដោយវិធីណា?

អាការឈឺជង្គង់ អាចនឹងមានការពិបាកក្នុងការការពារ ដោយហេតុថាវាតែងតែកើតឡើង ដោយឧបត្តិហេតុ ប៉ុន្តែទោះ​មិន​អាចការ​ពារ​បាន​ទាំងស្រុង ក៏អ្នកនៅតែអាចកាត់បន្ថយវាបានខ្លះដែរ ហើយវិធីនៃការកាត់បន្ថយនោះគឺ៖

  • បឈ្ឈប់ការធ្វើលំហាត់ប្រាណ ប្រសិនបើអ្នកមានអារម្មណ៍ថា ឈឺជង្គង់
  • ចាប់ផ្តើមពីការប្រើកម្លាំងតិចៗទៅ
  • សណ្តូកជើងមុន និងក្រោយពេលបញ្ចេញកម្លាំងផ្សេងៗ ពីរាងកាយ
  • ប្រើប្រដាប់ការពារជង្គង់ ដើម្បីការពារការរលាកអង្គុញឆ្អឹងក្បាលជង្គង់
  • ពាក់ស្បែកជើង ដែលអាចជួយទ្រទ្រង់ជើងបានល្អ
  • ថែរក្សាសាច់ដុំភ្លៅឱ្យរឹងមាំល្អ ដោយការពង្រឹង និងសណ្តូកជើងឱ្យបានទៀងទាត់។

ចំណាំ ៈ ប្រសិនបើអ្នកចាប់ផ្តើម ប្រើជង្គង់របស់អ្នកមុនពេលវាត្រូវបានព្យាបាល ជង្គង់របស់អ្នកអាចនឹងមានការខូចខាត​ ជា​អចិ​ន្ត្រៃ​ក៏ថាបាន​ដែរ៕

KneePain-05

អត្ថបទអ្នកចង់អាន

ម៉ាកផលិតផលតុបតែងមុខ មានតម្លៃថ្លៃបំផុតទាំង 10

ដោយ: ដួងច័ន្ទ 10 PM, Tuesday, 02 May, 2017

ផលិតផលតុបតែងមុខ គឺជាផលិតផលមួយក្នុងចំណោមផលិតផល ដែលលក់ដាច់បំផុតនៅលើពិភពលោក ក្នុងចំណោមផលិតផលទាក់ទងនឹងសម្រស់។ វាពិតជាមានសារៈសំខាន់ សម្រាប់ស្រ្តីគ្រប់រូ...

មូលហេតុទាំង5 ដែលធ្វើឲ្យ សុដន់យារធ្លាក់

ដោយ: ស៊ីវងីម 7 PM, Wednesday, 27 May, 2015

មិត្តនារីមួយចំនួន បានប្រឹងប្រែងសាកល្បងគ្រប់វិធី ដើម្បីរក្សាសម្រស់ផែនទ្រូងទាំងទ្វេរបស់ខ្លួន ឲ្យមានសភាពមូលក្បំពើងណែន ប៉ុន្តែមើលរំលងទម្លាប់រស់នៅមិនល្អ...

សញ្ញាទាំង 8 តាស់តឿនពីកម្រិតជាតិស្ករ ក្នុងឈាមខ្ពស់

ដោយ: ដួងច័ន្ទ 10 PM, Saturday, 13 Jan, 2018

អ្វីដែលមនុស្សភាគច្រើន មិនដឹងគឺកម្រិតជាតិស្ករ ក្នុងឈាមខ្ពស់ ដែលអាចបណ្តាលឱ្យមានផលប៉ះ ពាល់ធ្ងន់ធ្ងរ។ មិនថាអ្នកមានជម្ងឺទឹកនោមផ្អែម ឬអត់ កម្រិតស្ករក្នុង...

កំហុសឆ្គងទាំង 7 ដែលស្ទើរតែម្តាយវ័យក្មេងគ្រប់រូប បានធ្វើទៅលើកូនរបស់ខ្លួន ដែលបង្កជាគ្រោះថ្នាក់ផ្សេងៗ!

ដោយ: ភារុន 9 AM, Thursday, 18 Jul, 2019

នាពេលបច្ចុប្បន្ននេះ ម្តាយវ័យក្មេងអាចទទួលបានព័ត៌មានជាច្រើន ទាក់ទងទៅនឹងការថែទាំទារក ដែលទើបនឹងកើត។ លើសពីនេះ ក៏មានវិបសាយណែនាំសម្រាប់ស្រ្តីមានផ្ទៃពោះនៅល...

Tomnerb.Com - YouTube Channel