ចូលចិត្តទំនើប

ជំងឺ ដ៏មានគ្រោះថ្នាក់ 3យ៉ាង ដែលបណ្តាលមកពីមូស

ដោយ: ដាលីស 9 PM, Monday, 13 Jul, 2015

នៅក្នុងរដូវវស្សា ដែលមានភ្លៀងធ្លាក់ស្ទើរតែរាល់ថ្ងៃ រហូតដល់មានទឹកដក់សឹងគ្រប់ទីកន្លែងនោះ គឺជាប្រភព​កំណើត​យ៉ាងល្អ ដល់ពួកសត្រូវកំណាចដូចជា សត្វមូស។

ជាប្រក្រតីសត្វមូស មានវដ្តជីវិតក្នុងអំឡុងពេលនៅជាស៊ុត រហូតដល់ធំពេញវ័យក្នុង​រយៈពេល​ពី 9-14ថ្ងៃ ហើយ​មាន​តែ​មូសញីប៉ុណ្ណោះ ដែលបឺតឈាមជាអាហារ ចំណែកមូសឈ្មោលវិញ បឺតទឹកដមពីកេសរផ្កាជាអាហារ ហើយ​ក្រៅ​ពី​នេះ​​សត្វមូសញី​ ដែល​ធំពេញវ័យហើយមានអាយុវែង បានដល់ទៅ 1-3ខែ ឯមូសឈ្មោលមានអាយុត្រឹមតែ 6-7ថ្ងៃប៉ុណ្ណោះ តែ​អ្វីដែលគួរឱ្យខ្លាចនោះ​​​គឺ ស៊ុតរបស់មូស ដោយមូសញីនឹងទម្លាក់ស៊ុត នៅក្នុងទឹកនឹង(អត់ហូរ) ស៊ុតនឹងអណ្តែត​ខ្លួន​នៅ​លើ​ផ្ទៃទឹក។ មូសប្រភេទខ្លះ ប្រើពេល​វេលា​ចាប់តាំងពីទម្លាក់ស៊ុត រហូតដល់ញាស់ត្រឹមតែ 24ម៉ោងប៉ុណ្ណោះ។ ការទម្លាក់​ស៊ុត​របស់សត្វមូសម្តងៗ មានចំនួនស៊ុតចាប់ពី50 រហូតដល់ 300ស៊ុតឯណោះ ហើយមូសញីមួយក្បាល ក្នុងមួយជីវិត​របស់​​វាអាចទម្លាក់ស៊ុត បានចាប់ពី 1-7ដង ហើយអ្វី​ដែលសំខាន់នោះគឺ ស៊ុតរបស់មូស​ ធន់​នឹងសភាវស្ងួត​ក្រៀម​ក្រោះ ​បាន​ជា​ច្រើនខែ បើសិនជាបានទទួលសំណើម ឬមានទឹកលិច​ស៊ុត​ម្តងទៀតនោះ ស៊ុតនឹងអាចញាស់ចេញ​ជាសត្វមូស​ បាន​ក្នុង​រយៈពេលតែ 20-60នាទីប៉ុណ្ណោះ។ ដូច្នេះយើងសូមនាំយកព័ត៌មានរបស់ជំងឺឆ្លង ​ដែលបណ្តាលមក​ពីសត្វមូស​ ចម្លង​រោគមកជម្រាបជូនមិត្តអ្នកអាន ដើម្បីធ្វើជាចំណេះដឹង ក្នុងការសង្កេត​មើលអាការ និងការពារជំងឺ​ទាំងនោះ​ដូច​ខាង​ក្រោម​។

MosquitoBiting-03

  1. ជំងឺគ្រុន ឈាម
  • មូលហេតុ ៈ បណ្តាលមកពីមេរោគវីរុស ដោយមានមូសខ្លា ជាភ្នាក់ងារចម្លងរោគ។
  • អាការ ៈ បន្ទាប់ពីត្រូវមូសខ្លា ដែលមានមេរោគខាំបានប្រមាណជា 5-8ថ្ងៃ នឹងកើតមានអាការគ្រុនក្តៅខ្លួនខ្លាំង (38.5 -40អង្សាសេ) ជាប់ៗគ្នា 2-7ថ្ងៃ មុខក្រហម ឈឺក្បាល ឈឺសាច់ដុំ ឈឺក្នុងឆ្អឹង ឈឺរង្វង់ភ្នែក អ្នកខ្លះមានអាការឈឺពោះ ក្អួតចង្អោ មិនឃ្លានអាហារ មានកើតស្នាមអុចក្រហមៗ នៅលើដៃជើង ខ្លួន ក្លៀក អាចមានចេញឈាមតាមច្រមុះ និងតាមជើងធ្មេញ អាការ​ទូទៅ​ ស្រដៀងនឹងជំងឺគ្រុនផ្តាសាយ តែគ្មានក្អក និងគ្មានហៀរសំបោរទេ។
  • សញ្ញាគ្រោះថ្នាក់ នៅពេលកម្តៅថយចុះ ៈ បើមានអាការស្ងៀមស្ងាត់ ល្វើយខ្លាំង រសាប់រសល់ ត្រជាក់ដៃជើង ជីពចរ​លោតលឿនតែស្រាលៗ ចុកពោះទាន់ហន់ ស្រេកទឹក នោមតិច មានហូរឈាមតាមច្រមុះ ក្អួតចេញឈាម លាមក​ឡើងពណ៌​ខ្មៅ បើឃើញ​មានអាការទាំងនេះ ចូរប្រញាប់នាំទៅមន្ទីរពេទ្យ ដែលនៅជិតផ្ទះរបស់អ្នកបំផុត បើអ្នកជំងឺឆាប់​បានស្ថិត​នៅ​ក្រោម​ការ​មើលថែទាំរបស់គ្រូពេទ្យ បានទាន់​ពេល​វេលា​​នោះ ឱកាសក្នុងការបាត់បង់ជីវិតមានតិចណាស់។
  • ការការពារ ៈ ដោយសារតែជំងឺនេះ នៅមិនទាន់មានវ៉ាក់សាំងការពារនោះ ទើបវិធីការពារគឺ កុំឱ្យមូសខាំ កម្ចាត់​ដង្កូវ​ទឹក និងកម្ទេច ឬបំបាត់ប្រភពកំណើតរបស់មូសខ្លាទាំងអស់។

MosquitoBiting-01

  1. ជំងឺគ្រុន រលាកខួរក្បាល
  • មូលហេតុ ៈ បណ្តាលមកពីការឆ្លងមេរោគវីរុស ដែលមាន​សត្វមូសរំខានជា​ភ្នាក់ងារ​ចម្លងរោគ ដែលច្រើន​តែបន្ត​ពូជ​នៅក្នុងប្រភពទឹកតាមវាលស្រែ។ មូសប្រភេទនេះ បានទទួលមេរោគគ្រុនរលាកខួរក្បាល ជេ អុី ខណៈពេលជញ្ជក់ឈាមពីសត្វ ជាពិសេសសត្វជ្រូក ដែលជាប្រភពមេរោគសំខាន់ បន្ទាប់ពីនោះ នៅពេលមូសមកខាំមនុស្ស វានឹងបញ្ជូនមេរោគនេះ ​ចូលក្នុង​រាង​កាយ​មនុស្ស។
  • អាការ ៈ ភាគច្រើនអ្នកឆ្លងមេរោគ ច្រើនតែគ្មានកើតអាការអ្វីឡើយ តែអ្នកជំងឺនឹងកើតមានអាការ កម្តៅខ្លួនឡើងខ្ពស់ ឈឺក្បាលខ្លាំង អស់កម្លាំងល្វើយ បើអាការធ្ងន់ធ្ងរ អ្នកជំងឺអាចលែងដឹងខ្លួន និងបាត់បង់ជីវិត ឬអ្នកខ្លះពេលជាសះស្បើយ​ហើយ​អាច​មានអាការពិការខាងខួរក្បាល សតិបញ្ញាចុះខ្សោយ ឬពិការខាងរាងកាយក៏មាន។
  • ការការពារ ៈ ជំងឺនេះអាចការពារបាន ដោយការការពារកុំឱ្យមូសខាំ និងការចាក់វ៉ាក់សាំងការពារ ដូច្នេះអ្នក​ដែល​ស្ថិត​​​ក្នុងវ័យ ត្រូវទទួលការចាក់វ៉ាក់សាំងការពារ ដូចជា កុមារតូចៗនោះ អាណាព្យាបាលត្រូវនាំទៅចាក់វ៉ាក់សាំង ការពារនៅតាម​មណ្ឌលសុខភាព ឬមន្ទីរពេទ្យដែលនៅជិតផ្ទះឱ្យបានគ្រប់គ្នា។

MosquitoBiting-04

  1. ជំងឺគ្រុនចាញ់
  • មូលហេតុ ៈ បណ្តាលមកពីមេរោគ ប្រូតូឈួ ដោយមូសដែកគោលញីដែលរស់នៅក្នុងព្រៃជាភ្នាក់ងារចម្លងរោគ។ នៅ​ពេល​ត្រូវមូសដែកគោលខាំប្រមាណជា15-30ថ្ងៃក្រោយ នឹងកើតមានអាការជំងឺ។
  • អាការ ៈ ជាប្រក្រតី អ្នកជំងឺច្រើនតែចាប់ផ្តើមមានអាការក្រោយពីបានទទួលមេរោគហើយប្រមាណជា1សប្តាហ៍​រហូត​ដល់2ខែ ដោយអ្នកជំងឺនឹងកើតមានអាការក្តៅខ្លួនខ្លាំង រងាញាក់ មិនឃ្លានអាហារ ឈឺចុករួយតាមរាងកាយ អ្នកខ្លះមាន​អាការ​ចុក​ពោះរាក ចំពោះអ្នកជំងឺដែលធ្ងន់ធ្ងរនឹងមានអាការស្លេកស្លាំង ស្បែកឡើងលឿងខ្លាំង ស្ងាត់ស្ងៀម មានសភាវ​ក្រលៀន​លែង​ធ្វើការ និងអាចដល់ថ្នាក់ស្លាប់បាន។
  • ការការពារ ៈ បច្ចុប្បន្ននេះនៅមិនទាន់មានវ៉ាក់សាំងដែលប្រើក្នុងការការពារជំងឺនេះនៅឡើយទេ ហើយក៏មិន​ទាន់​មាន​ថ្នាំលេប​ការពារ​ជាមុនណាដែលមានប្រសិទ្ធភាពខ្ពស់នៅឡើយដែរ ការការពារខ្លួនកុំឱ្យត្រូវមូសខាំ ជា​វិធីដែលល្អ​បំផុត​ក្នុង​ ពេលនច្ចុប្បន្ននេះ។

ឥឡូវនេះអ្នកបានដឹងពីគ្រោះថ្នាក់ដែលបណ្តាលមកពីសត្វកំណាចខ្លួនតូចល្អិតនេះហើយមែនទេ? ដូច្នេះយើងត្រូវ​ការ​​ពារ​​ខ្លួនកុំឱ្យមូសខាំ និងជួយគ្នាកម្ចាត់ប្រភពកំណើតរបស់សត្វចម្លងរោគដ៏ចង្រៃនេះឱ្យបានទាំងអស់គ្នា៕

MosquitoBiting-05

MosquitoBiting-06

អត្ថបទអ្នកចង់អាន

៣ វិធី ងូតទឹក ដើម្បីស្បែកស្រស់ស្អាត

ដោយ: ស៊ីវងីម 6 PM, Monday, 08 Jun, 2015

និយាយពីរឿងងូតទឹក នរណាក៏ដឹងដែរថា ដើម្បីលាងភាពកខ្វក់ចេញពីរាងកាយ ប៉ុន្តែតើលាងជម្រះបែបណា ទើបស្បែករបស់អ្នកស្អាតស្រស់ថ្លា? សូមអានចំណុចទាំង ៣រ បស់យើងនៅទីន...

មិននឹកស្មាន! ថាផ្លែ ល្លុង មានអត្ថប្រយោជន៍ច្រើនអញ្ចឹងសោះ!

ដោយ: ភារុន 1 PM, Monday, 03 Dec, 2018

ភាគច្រើនអ្នកទាំងអស់គ្នា សុទ្ធតែបានដឹងអំពីអត្ថប្រយោជន៍ជាច្រើននៃ ផ្លែល្លុង ចំពោះសុខភាព ដោយសារផ្លែល្ហុងគឺជាផ្លែឈើដែលមានជីវជាតិ វីតាមីន C , វីតាមីន A ,...

ពេលមានរបួស តើត្រូវធ្វើដូចម្តេច កុំឱ្យមានស្លាកស្នាម?

ដោយ: រីកា 9 PM, Monday, 21 Mar, 2016

មិន​ថា ​អ្នកជា​មនុស្ស​ដែលមាន​ការយកចិត្តទុកដាក់​ ពី​ស្នាម​ដែល​អាច​នឹង​កើតមាន​នៅលើ​ស្បែក​ បន្ទាប់ពី​មាន​របួស មុត មុន ឬ​ការវះកាត់​តិចតួច ឬ​អត់​ក្តី ក៏...

តំហែទាំ សក់រួញ

ដោយ: ដួងច័ន្ទ 8 PM, Friday, 25 Aug, 2017

ការថែរក្សាសរសៃសក់ ពិតជាសំខាន់ណាស់ សម្រាប់សុភាពនារីទាំងអស់។ នារីដែលមានសក់រួញអង្គារដី ឬអ៊ុតសក់រួញ ទាមទារឱ្យមានការថែរក្សាយ៉ាងខ្ជាប់ខ្ជួន និងការកក់សក់ដ...

Tomnerb.Com - YouTube Channel