ចូលចិត្តទំនើប

ចង់ឱ្យធ្មេញស ត្រូវដឹងពីគន្លឹះល្អៗ ដែលអាចជួយអ្នកបាន

ដោយ: រីកា 11 AM, Wednesday, 11 May, 2016

អ្នកណាៗក៏​ចង់​មាន​ធ្មេញ​ស​ស្អាត​ដែរ ព្រោះ​ញញឹម​ឃើញ​ធ្មេញ​សវា​ជួយ​បង្កើន​បុគ្គលភាព និង​ភាពជឿជាក់​ក្នុង​ចិត្ត តែ​នៅពេល​បច្ចុប្បន្ននេះ ​មាន​ច្រើន​បច្ច័យ​ណាស់​ដែល​ធ្វើឱ្យ​ធ្មេញសៗ ក្លាយជា​ពណ៌​លឿង​បាន​យ៉ាង​ងាយ ទើប​មនុស្ស​ជាច្រើន​ព្យាយាម​រិះរក​វិធី​ក្នុង​ការជួយ​ធ្វើឱ្យ​ធ្មេញ​ស​ឡើងវិញ។ តើ​មាន​វិធី​ណាខ្លះ​ដែលមាន​សុវត្ថិភាព ហើយ​តើ​យើង​អាច​ការពារ និង​មើលថែទាំ​ធ្មេញ​ឱ្យ​ស​យ៉ាងណា​បាន?

ជា​ប្រក្រតី​ទៅ​ធ្មេញទឹកដោះ ​ដែល​ដុះ​ឡើង​ចំពោះ​ក្មេង​តូច នឹងមាន​ពណ៌​រាង​ស  ធ្មេញ​ពិតប្រាកដ​នឹងមាន​ពណ៌​រាង​លឿង​ស្រាល ឬ​លឿងខ្ចី សម្រាប់​មូលហេតុ​ដែល​ធ្វើឱ្យ ​ពណ៌​ធ្មេញ​មានការ​ប្រែប្រួល អាច​ចែកចេញជា2ចំណុច​គឺ ៖

1 – ពណ៌​របស់​ធ្មេញ​ ធម្មជាតិ

គ្រោង​សាង​របស់​ធ្មេញ ប្រកបដោយ​ស្រទាប់​ស្រោប​ធ្មេញ​ ដែល​នៅ​ផ្នែក​ខាងក្រៅ​ជា​ស្រទាប់​ដែល​ថ្លា គ្មាន​ពណ៌ ចំណែក​ពណ៌​ដែល​យើង​មើលឃើញ គឺ​ពណ៌​របស់​ស្រទាប់​សាច់​ធ្មេញ ដែល​នៅលើ​មនុស្សម្នាក់ៗ ឬ​ធ្មេញនីមួយៗមាន​កម្រាស់​របស់​ស្រទាប់​ស្រោប​ធ្មេញ​មិន​ស្មើគ្នា​ទេ ធ្វើឱ្យ​ពណ៌​ធ្មេញ​របស់​មនុស្សម្នាក់ៗមិន​ដូចគ្នា​ឡើយ។ ពេល​អាយុ​ច្រើនឡើង ធ្មេញ​ដែល​ត្រូវ​ប្រើការ​មក​យូរហើយ​នោះ នឹង​កើតការ​សឹក​រេច​រិល ធ្វើឱ្យ​ស្រទាប់​ស្រោប​ធ្មេញ​ស្តើង មើលឃើញ​ស្រទាប់​សាច់​ធ្មេញ​ដែលមាន​ពណ៌​លឿង​កាន់តែច្បាស់​ឡើង តែ​ក៏មាន​ករណី​ធ្មេញ​ពិតប្រាកដ​ដែល​ដុះ​ឡើង​មកហើយ ​មាន​ពណ៌​ខុស​ប្រក្រតី​ផងដែរ ដូចជា អ្នក​ដែល​បានទទួល​ថ្នាំ​ប្រភេទ  Tetracycline ច្រើន ដូចជា​ស្ត្រី​មានគភ៌ ឬ​កំពុង​បំបៅ​ដោះ​កូន ឬ​ក្មេង​ដែល​បានទទួល​សារធាតុ​ហ្លូ​៊​អ័​រ​រ៉ា​យ​ច្រើន​ជ្រុល​ពេក​ជាដើម។

2 – កំណក​ពណ៌ ​ដែល​មក​ជាប់​នឹង​ធ្មេញ

បណ្តាលមកពី​ការមើល​ថែទាំ​សុខភាព និង​អនាម័យ​ក្នុង​មាត់​មិនល្អ​គ្រប់គ្រាន់ ធ្វើឱ្យ​កើតមាន​កំណក​ពណ៌ កំណកកំបោ​ឡើង​បាន។ ការបានទទួល​ថ្នាំ​ប្រភេទ​ខ្លះ ​ក៏​ធ្វើឱ្យ​កើត​កំណក​ពណ៌​ជាប់​នៅលើ​ធ្មេញ​បានដែរ ដូចជា ថ្នាំ​ខ្ពុរមាត់​ប្រភេទ  Cholrhexidine ជាដើម។

White-Teeth-03

បើ​ចង់​ធ្វើឱ្យ​ធ្មេញ​ស​ឡើង​នោះ យើង​អាច​ធ្វើបាន តែ​ត្រូវ​វាយតម្លៃ​ជាមុនសិន​ថា តើ​ពណ៌​ធ្មេញ​ដែល​ស្រអាប់​នោះ​កើតឡើង​ដោយសារ​មូលហេតុ​អី? បើ​បណ្តាលមកពី​កំណក​ពណ៌ និង​កំណកកំបោរ​នោះ គ្រាន់តែ​កោស​កំណកកំបោ និង​ខាត់​ធ្មេញ​ចេញ ក៏​អាចធ្វើឱ្យ​ធ្មេញ​ស​ឡើង​បាន​ទៅហើយ តែ​ការព្យាបាល​នេះ​ទទួលបាន​លទ្ធផល​ខ្លាំង​បំផុត​ ត្រឹមតែ​ស្មើនឹង​ពណ៌​ធ្មេញ​ពី​ធម្មជាតិ​របស់​សា​ម៉ី​ខ្លួន​ប៉ុណ្ណោះ បើ​ត្រូវការ​ភាព​ស​ដែល​ខ្លាំង​ជាង​ពណ៌​ធ្មេញ​ពី​ធម្មជាតិ​របស់ខ្លួន​នោះ ក៏​នឹង​នាំ​ឆ្ពោះទៅរក​ការលាង​សម្អាត​ធ្មេញ តែ​សម្រាប់​អ្នក​ដែល​ចង់​មាន​ធ្មេញ​ស​ស្អាត ដោយ​មិនចាំបាច់​លាង​សម្អាត​ធ្មេញ​នោះ អាចធ្វើ​បាន​ដោយ​វិធីងាយៗដូចជា ៖

1 – ដុសធ្មេញ​ឱ្យ​ស្អាត​យ៉ាងតិច​មួយថ្ងៃ2ដង គឺ ភ្ញាក់​ពី​គេង និង​មុន​ចូល​គេង បើ​ដុសធ្មេញ​ក្រោយ​ពេលបាយ​គ្រប់ពេល​បាន​ផង​នោះ គឺជា​ការប្រសើរ​ណាស់ តែ​គួរ​ដុះ​ក្រោយ​ពេលបាយ​យ៉ាងតិច 30នាទី បើសិន​ទទួលទាន​អាហារ​ពពួក​ម្សៅ ស្ករ និង​អាហារ​ដែលមាន​ភាពជា​អាស៊ីត​ខ្ពស់។

2 – ប្រើ​ខ្សែ​អំបោះ​ខាត់​ធ្មេញ​រៀងរាល់ថ្ងៃ យ៉ាងហោចណាស់​មួយថ្ងៃ​ម្តង មុនពេល​គេង ឬ​ក្រោយ​ពេលបាយ​គ្រប់ពេល​គឺ​កាន់តែ​ល្អ។

3 – ចៀសវាង​អាហារ បន្លែ​ផ្លែឈើ ភេសជ្ជៈ​ណា​ដែលមាន​ពណ៌​ចាស់​ខ្លាំង ព្រោះ​នឹង​ងាយ​កើត​កំណក​ពណ៌​តោង​ជាប់​ នៅលើ​ស្រទាប់​ស្រោប​ធ្មេញ តែបើ​ត្រូវការ​ទទួលទាន​វិញ​នោះ ចូរ​ខ្ពុរមាត់​ក្រោយពេល​ទទួលទាន​ហើយ ញ៉ាំ​ទឹក​ឱ្យ​ច្រើន និង​ដុសធ្មេញ ប្រើ​ខ្សែ​អំបោះ​ខាត់​ធ្មេញ​បន្ទាប់ពី​ទទួលទាន​ហើយ30នាទី។

4 – ទៅ​ជួប​ពេទ្យធ្មេញ​រៀងរាល់6ខែម្តង ដើម្បី​ពិនិត្យមើល​ធ្មេញ កោស​កំណកកំបោរ និង​ខាត់​ធ្មេញ៕  

White-Teeth-02

White-Teeth-05

អត្ថបទអ្នកចង់អាន

តើត្រូវឱ្យកូន បៅទឹកដោះ នៅពេលណាខ្លះ?

ដោយ: វិរីយា៉ 7 PM, Wednesday, 30 Mar, 2016

សម្រាប់​អ្នក​ម្តាយ​ថ្មោងថ្មី​ ដែល​ទើប​តែមាន​កូនតូច​ជា​លើកដំបូង ការ​បំបៅ​ទឹកដោះ​កូន ​គឺជា​រឿង​ថ្មី​មួយ​ដែល​ត្រូវ​ដឹង។ ខាងក្រោម​នេះ​ គឺជា​ចំណេះដឹង​ក្...

ស្ត្រីរលូតបុត្រ គួរថែទាំកាយ និងចិត្តយ៉ាងណា?

ដោយ: ស. លីង 11 PM, Sunday, 01 Oct, 2017

ពេលមានបុត្រ គឺជារឿងសប្បាយសម្រាប់អ្នកដែលជាឪពុកម្តាយ និងក្រុមគ្រួសារ។ ពេលបាត់បង់បុត្រ គ្រប់គ្នាឈឺចាប់ ប៉ុន្តែអ្នកដែលឈឺចាប់ជាងគេ គឺអ្នកជាម្តាយ។ មិនថាយ...

តិចនិក ជួយឲ្យកែវភ្នែក ស្រស់ថ្លា

ដោយ: ស៊ីវងីម 10 PM, Tuesday, 14 Jul, 2015

ការថែរក្សាកែវភ្នែក ឲ្យមានសម្រស់ស្រស់ថ្លា មិនមែនជាការពិបាកនោះទេ បញ្ហាសំខាន់គឺអ្នកត្រូវដឹងពីវិធី ហើយរួមផ្សំជាមួយនឹងភាពឧស្សាហ៍ព្យាយាម យកចិត្តទុកដាក់។ ...

ជំងឺគ្រួសក្នុងតម្រងនោម និងការទទួលទានទឹក

ដោយ: ស៊ីវងីម 2 PM, Thursday, 23 Apr, 2015

បច្ចុប្បន្នតាមការសង្កេតមើលជំងឺគ្រួសក្នុងតម្រងនោមហាក់បានកើតឡើងកាន់តែច្រើនឡើងៗចំពោះមនុស្សចាស់អាយុចាប់ពី៤៥ឆ្នាំឡើងទៅ។ការស្រាវជ្រាវបានឲ្យដឹងថាការទទួលទា...

Tomnerb.Com - YouTube Channel