ចូលចិត្តទំនើប

គន្លឹះទាំង 5 សម្រាប់ជួយសុខភាពល្អ

ដោយ: ភារុន 9 AM, Wednesday, 12 Sep, 2018

ទម្លាប់រស់នៅដែលមានសុខភាពល្អអាចជួយការពារ 80% ចំពោះការស្លាប់មុនអាយុដោយសារជម្ងឺបេះដូង និង ជម្ងឺដាច់សរសៃឈាមខួរក្បាល ហើយនិង 60% ទៀតសម្រាប់ការពារចំពោះជម្ងឺមហារីក។ ខាងក្រោមនេះជាគន្លឹះ 5 យ៉ាងដែលបានមកពីអ្នកជំនាញ ដែលជាជំហានដ៏សាមញ្ញមួយដើម្បីឆ្ពោះទៅរកការរស់នៅក្នុងជីវិតដែលមានសុខភាពល្អ។ ដែលគន្លឹះទាំងនោះមានដូចជា៖
1. ត្រូវបរិភោគអាហារពេលព្រឹកជារៀងរាល់ថ្ងៃ
អាហារពេលព្រឹកត្រូវផ្សារភ្ជាប់ទៅនឹងអាហារបំប៉នដ៏ប្រសើរ ដើម្បីធ្វើឱ្យមនុស្សអាចប្រមូលផ្តុំថាមពល និង ការប្រុងស្មារតីក្នុងការងារប្រចាំថ្ងៃឱ្យកាន់តែប្រសើរឡើង។ តាមការសិក្សាបានបង្ហាញថាការមិនបរិភោគអាហារពេលព្រឹកអាចធ្វើឱ្យមនុស្សមានភាពតានតឹង និង ការថប់បារម្ភ ព្រមទាំងធ្វើឱ្យរាងកាយអស់កម្លាំងផងដែរ។

2. បង្រួមខួរក្បាល
ស្តាប់ទៅចម្លែកបន្តិច ប៉ុន្តែវាល្អសម្រាប់សុខភាព នៅមុនពេលចូលគេងអ្នកត្រូវផ្តល់ឱកាសអោយខួរក្បាលសម្រាកពី 30ទៅ 60នាទីជាមុនសិនរួចចាំគេង មិនត្រូវចូលគេងភ្លាមៗបន្ទាប់ពីអ្នកបញ្ចប់ការងារ ឬ បន្ទាប់ពីធ្វើលំហាត់ប្រាណរួចនោះទេ ទាំងនេះអាចធ្វើឱ្យអ្នកពិបាកគេងលក់។

3. ផឹកទឹកឱ្យបានគ្រប់គ្រាន់
អ្នកគួរផឹកទឹកឱ្យបានមួយលីត្រកន្លះក្នុងមួយថ្ងៃជាប្រចាំ ប្រសិនបើធុញទ្រាន់នឹងការផឹកទឹកសាប អ្នកអាចឆុងតែ ឬ អ្នកអាចលាយទឹកជាមួយឱសថធម្មជាតិ ឬ កិនផ្លែឈើធ្វើជាភេសជ្ជៈ ឬ លាយជាមួយទឹកក្រូចឆ្មាជាដើម ដើម្បីធ្វើឱ្យការទទួលជាតិទឹកបានគ្រប់គ្រាន់។ ប៉ុន្តែជៀសវាងការបន្ថែមស្ករទៅក្នុងទឹកធម្មតា ទឹកផ្ហែឈើ ឬ ភេសជ្ជៈធម្មជាតិផ្សេងៗទៀត។

4. សមាធិដើម្បីសម្រាកចិត្ត និង កាយ
អ្នកគួរឆ្លៀតពេលវេលាបន្តិចបន្តួចក្នុងការធ្វើសមាធិ ដោយការកំណត់ម៉ោងរោទិ៍ប្រហែលជា 10 នាទី និង រកកន្លែងមួយដែលស្ងប់ស្ងាត់ដែលមានកៅអីដែលមានផាសុកភាព ដើម្បីធ្វើសមាធិសម្រាកចិត្ត និង កាយ។ ទាំងនេះក៏ជាផ្នែកមួយដែលធ្វើឱ្យសុខភាពល្អផងដែរ0។

5. ស្វែងរកតុល្យភាពនៅក្នុងជីវិតរបស់ខ្លួន
អ្នកមិនអាចពឹងផ្អែកលើអ្នកដទៃឱ្យមកជួយអ្នករហូតឡើយ អ្នកគួររៀនរស់នៅដោយខ្លួនឯង។ នៅពេលអ្នករស់ខ្លួនឯងបានហើយ អ្នកនឹងស្វែងរកតុល្យភាពក្នុងជីវិតរបស់ខ្លួនដូចជាទម្លាប់នៃការរស់នៅដែលមានសុខភាពល្អជាច្រើន ដែលអាចជួយឱ្យអ្នកទទួលបានជោគជ័យក្នុងជីវិត។

ប្រភព: health24 ផ្នែក: បែបបទជីវិត, សុខភាព

អត្ថបទអ្នកចង់អាន

រូបមន្តថែរក្សាសម្រស់ ជាមួយ រមៀត

ដោយ: ដួងច័ន្ទ 9 PM, Monday, 10 Jul, 2017

រមៀត មានសមាសភាពប្រឆាំងផ្សិត សារធាតុសម្លាប់មេរោគ និងសមត្ថភាពប្រឆាំងនឹងបាក់តេរី ក៏ដូចជា សមាសភាពប្រឆាំងនឹងការរលាករោលពីធម្មជាតិ ដូច្នេះរមៀត គឺជារូបមន្ត...

តើគួរតមអាហារបែបណាខ្លះ ពេលមានអាស៊ីតនៅក្នុងក្រពះខ្ពស់?

ដោយ: ស៊ីវងីម 8 AM, Friday, 24 Apr, 2015

​ជំងឺក្រពះឬអាការៈមានអាស៊ីតច្រើនក្នុង​ក្រពះ​បានក្លាយទៅជាជំងឺពេញនិយមសម្រាប់មនុស្សសម័យនេះ។អ្នកធ្វើការងារភាគច្រើនដែលកំពុងខំប្រឹងប្រែងទៅកាន់តំណែងការងារខ...

អាហារ 5 យ៉ាងដែលអ្នកគួរបរិភោគ ដើម្បីទទួលបានរាងកាយដែលមានសុខភាពល្អ

ដោយ: ភារុន 9 AM, Wednesday, 12 Sep, 2018

គ្មានអាហារសុខភាពណាមួយដែលធ្វើឱ្យអ្នកមើលទៅក្មេងជាងវ័យក្នុងរយះពេលត្រឹមតែមួយយប់នោះទេ។ ប៉ុន្តែបើសិនជាអ្នកបរិភោគជារៀងរាល់ថ្ងៃ យូរទៅៗអ្នកនឹងទទួលបាននូវសារធ...

៥ចំណុច​ ជួយការពារមិនឲ្យ​ ស្បែកឆាប់ចាស់ជ្រីវជ្រួញ

ដោយ: ស៊ីវងីម 10 PM, Sunday, 12 Apr, 2015

ប្រសិនបើនិយាយពីស្នាមជ្រីវជ្រួញ គ្មាននារីណាម្នាក់នឹកចង់បាននោះទេ ប៉ុន្តែវាជាបញ្ហាមួយដែលពិបាកនឹងគេចផុតណាស់។ ទោះជាយ៉ាងនេះក្តី អ្នកអាចការពាររារាំងការបង្...

Tomnerb.Com - YouTube Channel