ចូលចិត្តទំនើប

កូនតូច គួរទទួលបានការថែទាំធ្មេញ យ៉ាងដូចម្តេច?

ដោយ: ដាលីស 7 PM, Monday, 13 Jul, 2015

អ្នកម្តាយ គ្រប់រូបបានដឹង និងបានអនុវត្តយ៉ាងត្រឹមត្រូវ ក្នុងការថែរក្សាធ្មេញកូន ឱ្យបានល្អហើយ ឬនៅ? ហើយអ្នកធ្លាប់​ចាប់​អារម្មណ៍ដែរទេថា អ្នកបានចាប់ផ្តើមថែរក្សាធ្មេញ កូនរបស់អ្នកតាំងពីពេលណាមក?​​ អត្ថបទខាងក្រោមនេះ នឹងប្រាប់អ្នក​អំពីពេលវេលា ដែលអ្នកត្រូវចាប់ផ្តើមយកចិត្តទុកដាក់ លើសុខភាពធ្មេញរបស់កូនតូច និងរបៀបនៃការមើលថែទាំ​ ដូច្នេះបន្ទាប់​ពី​អានចប់ លោកអ្នកនឹងដឹងកាន់តែច្បាស់ជាមិនខាន។

ពេលកូន នៅក្នុងផ្ទៃម្តាយ

ធ្មេញ ចាប់ផ្តើមអភិវឌ្ឍតាំងពីទារក មានអាយុ 3ខែនៅក្នុងផ្ទៃមកម្លេះ ដូច្នេះអ្នកម្តាយគួរទទួលទានអាហារ ដែលមាន​សារធាតុ​ចិញ្ចឹម​ខ្ពស់ ហើយចៀសវាងការផឹកស្រា ជក់បារី ឬប្រើគ្រឿងញៀនផ្សេងៗផងដែរ។ សូមចាំថា ធ្មេញទារកសំខាន់ណាស់ វាចាប់​ផ្តើម​ផុសចេញមក នៅពេលគេមានអាយុប្រមាណ 6ខែ ហើយវាជាជំនួយការ ដ៏ល្អក្នុងការញ៉ាំ និងនិយាយជាដើម។ ធ្មេញទារក​ ក៏​អាចហៅបានថា ជាធ្មេញបឋម ហើយធ្មេញបឋមទាំង8 នៅខាងមុខក៏ចាប់ផ្តើមបាក់ប្តូរធ្មេញថ្មី បន្ទាប់ពីអាយុ 5ឆ្នាំ រួចផ្អាកការប្តូរ ​នៅពេលកុមារ​អាយុ 12ឆ្នាំ។ “អាហារល្អ ធ្មេញល្អ” ជាពាក្យដែលអ្នកត្រូវចងចាំ ព្រោះវាជាកត្តាសំខាន់ ក្នុងការធ្វើឱ្យធ្មេញកូន​របស់​អ្នក​រឹងមាំ។ ប្រូម៉ា យ៉ាអួរ និងទឹកដោះគោ គឺមានផ្ទុកទៅដោយជាតិកាល់ស្យូម ដែលធ្វើធ្មេញរឹងមាំ និងការពារដង្កូវស៊ី។

KidTeeth-02

ពេលកូន ស្ថិតក្នុងវ័យទារក

សម្រាប់កូនតូច ដែលនៅបៅដោះ អ្នកម្តាយត្រូវសម្អាតធ្មេញកូន ឱ្យស្អាតរាល់ពេលបន្ទាប់ពីបៅរួច (កូនតូច ដែលមិន​ទាន់មាន​ធ្មេញ​​ត្រូវសម្អាត ដោយការយកក្រណាត់សើម មកជូតសម្អាតអញ្ចាញធ្មេញ)។ ពេលកូនអ្នកបៅ ទឹកដោះគោជិតឆ្អែតហើយនោះ អ្នកគួរ​ប្តូរឱ្យកូនបៅទឹកវិញម្តង មិនគួរឱ្យកូនគេង ទាំងដែលនៅមានសារជាតិ នៃទឹកផ្លែឈើ ជាតិស្ករ ឬទឹកដោះគោជាប់ក្នុង​មាត់​នោះទេ ព្រោះវាអាចបណ្តាលឱ្យខូចធ្មេញបាន។ ដុសសម្អាតធ្មេញ ឱ្យគេមុនពេលបំបៅ (ក្នុងករណីកូន​តែងតែ​គេង​លក់ ​ក្នុង​អំឡុង​ពេលបៅ)។

KidTeeth-01

ពេលកូន ស្ថិតក្នុងវ័យកុមារ

ជាមាតាបិតា ក៏ត្រូវមើលកូន កុំឱ្យញ៉ាំស្ករច្រើនពេក ព្រោះជាតិស្ករមាននាទីចិញ្ចឹមមេរោគ នៅក្នុងមាត់ដែលធ្វើ​ឱ្យមានគ្រោះ​ថ្នាក់​ដល់​ធ្មេញរបស់កូន បានយ៉ាងងាយ។ ចំណុចមួយចំនួនទៀត ដែលអ្នកត្រូវដឹងគឺ ផ្លែឈើជាបង្អែមដ៏ល្អបំផុត, កុំញ៉ាំអាហារ​ដែល​ត្រជាក់ ឬក្តៅខ្លាំងពេក, ក្នុងរយៈពេលញ៉ាំអាហារ គួរឱ្យកូនញ៉ាំទឹកដោះគោគ្មានជាតិស្ករ ឬទឹកជំនួសទឹក​ផ្លែឈើ និងទឹកក្រូច​ជា​ដើម, អាហារក្រៅពេលដែលល្អបំផុត សម្រាប់កូនមានដូចជា នំប៉័ង ផ្លែឈើ គ្រាប់ផ្លែឈើ ឬគ្រាប់ធុញ្ញជាតិផ្សេងៗ។ ក្រៅពី​មើល​ថែ​ហើយនោះ ការសម្អាតធ្មេញឱ្យកូន ដូចជាការដុសធ្មេញជាដើម គួរតែអនុវត្តតាំងពីពេលកូនដុះធ្មេញដំបូងម្ល៉េះ ​ដើម្បីឱ្យ​គេ​ស៊ាំ​នឹង​មុខងារសម្អាតធ្មេញនេះ។ ការសម្អាតធ្មេញ គួរធ្វើឱ្យបានឆាប់បន្ទាប់ពីញ៉ាំអាហារ ឬរបស់ផ្អែម​ឬ របស់ញ៉ាំលេងជាដើម។​ ថ្នាំ​ដុសធ្មេញ គួរដាក់ក្នុងបរិមាណតិចតួច ប៉ុន្តែបើអ្នកសង្កេតឃើញថា មានអាការហើមអញ្ចាញធ្មេញ ឬមានសភាពខុសប្រក្រតី​ណា​មួយ​កើតឡើង​នោះ មិនចាំបាច់ដាក់ថ្នាំដុសធ្មេញក៏បានដែរ។ រឿងសំខាន់មួយទៀត គឺការទៅជួបជាមួយពេទ្យធ្មេញ ដើម្បីធ្វើការ​ពិនិត្យសុខភាព មាត់ធ្មេញកុមារឱ្យបានទៀងទាត់ និងទទួលយកការណែនាំល្អ ពីលោកគ្រូពេទ្យជំនាញ។ ​កុមារគួរទៅ​ជួប​ពេទ្យ​ជា​ផ្លូវការ តាំងពីពេលគេអាយុមួយឆ្នាំ ឬពេលធ្មេញដំបូងដុះឡើងមកម្ល៉េះ ហើយការនាំកូនទៅជួបពេទ្យឱ្យ​បានទៀង​ទាត់នេះ គឺ​ដើម្បីពិនិត្យឱ្យប្រាកដថា មិនមានបញ្ហាខាងសុខភាពមាត់ធ្មេញណាមួយ កើតឡើងនោះទេ។ ការទៅជួបគ្រូ​ពេទ្យ​ គួរ​ធ្វើ​ឡើង​បន្ត​ទៀត​ ចាប់ពីកុមារមានអាយុ 2ឆ្នាំកន្លះ គឺនៅពេលធ្មេញដំបូងទាំងអស់ដុះចេញមក។ ការពិនិត្យតាមដានធ្មេញកូនឱ្យបានដិតដល់ និងយកចិត្តទុកដាក់ចំពោះចំណីអាហារ គឺជាទង្វើរបស់លោកឪពុកអ្នកម្តាយ ដែលចង់ឱ្យធ្មេញកូនរឹងមាំ និងមានសុខភាពល្អ៕

KidTeeth-04

អត្ថបទអ្នកចង់អាន

ស្លៀកពាក់ត្រឹមត្រូវ មេឃក្តៅយ៉ាងណា ក៏មិនបារម្ភដែរ

ដោយ: វិរីយា៉ 10 PM, Thursday, 05 May, 2016

ជាការ​ពិត​ដែល​អ្នក​មិនគួរ​ប្រហែស ហើយក៏​ជា​អ្វីដែល​អ្នក​គួរតែ​ដឹងផង​ដែរ ប្រសិនបើ​អ្នក​ចង់ឱ្យ​ស្បែក​របស់លោក​អ្នក​នៅតែ​មាន​ភាពស្រស់ស្អាត មិន​ទទួលរង​កា...

តោះ! មកដឹង ទម្លាប់នៃការញុំាកាហ្វេទាំង 6 ដែលអាចធ្វើឱ្យរាងកាយរបស់អ្នករឹងមាំ

ដោយ: ចរិយា 9 AM, Saturday, 31 Aug, 2019

ការសិក្សាជាច្រើនបានចង្អុលបង្ហាញ ពីអត្ថប្រយោជន៍មួយចំនួននៃការញុំាកាហ្វេ ទៅតាមកម្រិតបរិមាណដ៏ត្រឹមត្រូវ នឹងធ្វើឱ្យសុខភាពរាងកាយរបស់មនុស្សរឹងមាំល្អ ប៉ុន្...

សូមប្រយ័ត្ន! ការមានកូនដោយអចេតនា អាចកើតចំពោះស្ត្រីគ្រប់រូប

ដោយ: រីកា 6 PM, Wednesday, 30 Mar, 2016

តាម​ការសិក្សា​ស្រាវជ្រាវ​មួយចំនួន​ បាន​ប្រាប់​ឱ្យដឹងថា ស្ទើរតែ​ពាក់កណ្តាល​នៃ​ស្ត្រី ​នៅ​សហរដ្ឋអាមេរិក​មាន​ផ្ទៃពោះ​ដោយ​មិនបាន​ត្រៀម​ទុក ហើយ​មួយចំណែក...

ចង់បានក្លិនមាត់ល្អអាចប្រើវិធីសាស្ត្រធម្មជាតិ 8 យ៉ាងនេះ!

ដោយ: ភារុន 7 AM, Wednesday, 26 Jun, 2019

បញ្ហាក្លិនមាត់ តែងកើតមានចំពោះមនុស្សគ្រប់គ្នាទាំងអស់ ដោយសារតែមូលហេតុសុខភាពមាត់ធ្មេញ ឬ មកពីបញ្ហាសុខភាពផ្សេងទៀត នៅក្នុងខ្លួនរបស់មនុស្ស ដែលមិនបានត្រួតព...

Tomnerb.Com - YouTube Channel